友料雞煲海鮮火鍋 (已結業)

從來都無意慾去士瓜灣搵食，因為覺得唔就腳，今次係第一次！Order $188人頭餐，另加$60(好似係)卜卜蜆，食哂d蜆就可以加湯再打邊爐！卜卜蜆夠哂大隻，牛油蒜蓉味夠哂香夠哂濃，好味刺身海鮮夠哂新鮮，好味 響鈴新鮮即炸，好味牛肉好重牛肉味，色澤雪花完全係上等貨色，不是一般的肥牛貨炸芋頭波波(好似係)，好脆又好味員工細心，服務一流埋單每人都係$23x，真係超值！一定要再encore溫馨提示:book定位就安全d，鋪面不是很大…查看更多

打邊爐，真係一年四季都不會悶！今次有朋友車我哋入土瓜灣，話帶我哋食好嘢！咁當然就一窩瘋跟過去啦～～ 呢度仲要係良心企業！每日都會派發飯給有需要的人。很多義工都有參與。 呢度啲位都幾寬闊，坐係度打邊爐都會比較舒服～～ 我哋一行六人，點咗個「友料愛心餐」每位都係HK$188！呢個餐係For四人的，之後我哋再點多其他嘢。 首先，當然係要食返個刺身先啦～～ 呢個係餐入面所包的。呢個刺身份量，又堅係好恨大份呢～～～～～ 五款刺身包括：泰式生蝦、北寄貝、肥美三文魚、八爪魚以及冰鎮墨魚。最愛當然是肥美的三文魚了！真的鱒甜且油脂剛剛好！ 再黎涼菜冰盤，很大份！說是四人份量，真的很難相信！又係餐入面的哦！有6款嘢食，當中包括：涼拌青瓜、泡椒雞腳、涼拌皮蛋、爽脆豬耳、白鹵水生腸、白鹵水雞腎。 這個涼菜拼盤，少有地款式好多。而且辣得黎好過癮。最愛豬耳，十分爽脆！又好鬼彈牙！個皮蛋都好正！食咗啲辣汁，辣得好有層次！ 打邊爐湯底，揀咗「營養雜菜鍋」！啱晒女人們啦！好多蔬菜，清甜湯底，無油最正！ 全場最正，當然係呢個海鮮盤！！超大盤，而且款式都好多哦～～ 成6種海鮮，包括鮑魚、膏蟹、蟶子、海蝦、花甲同埋卜卜蜆。 蟶子雖然細細隻，但係隻隻都好鮮甜味美。而卜卜蜆是我最愛，鮮味十足！愛蟹的朋友，不容錯過膏蟹哦，都好多膏啊～～還有大大隻的鮑魚～～ 我哋仲額外點了呢個必食推介！食到想再叫多一煲，真係超級正！「澳門蒜香卜卜蜆煲」HK$148 堅係成煲上，大大煲的。而且卜卜蜆的份量超～～～多的。粒粒都肥美飽滿，食起上黎有著勁量香的牛油以及惹味的蒜香。加上了白酒，醠添味美！辣中帶酒香，加埋入晒味的金菇，超正！ 火煱料方面，有這個本寶丸重難月日粒粒都非同凡響！包括：榨菜牛丸、咸蛋豬肉丸、墨魚粒墨魚丸、芝士蝦丸等。睇下個芝士蝦丸，堅係唧晒啲芝士出黎架！ 美國肥牛，質素也不錯，份量都幾大。如果想再食好啲，加差額補個安格斯肥牛都得！ 必食自家製的即炸響鈴！新鮮炸起，唔點湯，點醬食，好鬼正！極脆，鬆化！好正！ 姬㭃茸瑤柱響螺燉冬瓜雞湯鍋HK$188 成班女，最緊要係滋補，當然要食呢個鍋！極濃極滋補的湯料。好好飲，而且不會油，火喉勁足！一定要黎試下！ 友料雞煲海鮮火鍋土瓜灣土瓜灣道237號益豐大廈A地舖 …查看更多

同朋友講起話好掛住好味道嘅打邊爐，唔係任食場、要散叫，可以慢慢嘆嘅。 朋友話去土瓜灣食「友料雞煲海鮮火鍋」啦，話真心推，OK，既然佢堅持，我就順佢意啦XDDD 天氣熱，坐低第一件事叫支青島，$22一枝大啤，算抵WOW~ 原來餐廳是良心餐廳來的，每日會煮新鮮飯菜，派飯給有需要人士，每日100份。有興趣可做義工或買飯票～～ 店員推薦叫友料愛心餐，HK$188／位，包以下的東西！ 每位$188，絕對是超超值！ 之後加單，餸、酒同飲品都係75折，不過海鮮除外 我地叫咗四位友料愛心餐，另外仲叫咗個澳門蒜辣卜卜蜆 同養顏花膠濃雞鍋。 諗住個個都係大胃王就唔怕啦，但真係超～飽XDDD 先上冷盤開胃，有 6款，味道不錯。泡椒雞腳好正，最特別嘅係有白鹵水生腸，好耐無食過～ 刺身，4人份量都算多。款式多，又新鮮，仲有少食嘅冰鎮墨魚，又幾好食！ 湯底揀咗營養雜菜鍋，夠清甜～ 打邊爐由時令海鮮開始。 4人份的份量都算好多，而且有6樣，堅抵！！有膏蟹、鮑魚、蟶子，海蝦、花甲同卜卜蜆 有膏蟹同鮑魚果下已真心LIKE，仲要新鮮又大隻～ 第一次用卜卜蜆打邊爐，原來好鮮甜。 另外仲有自家製即炸響鈴~~~ 上台時熱辣辣，試食一啖係皮薄嘅，快手烚一下，再加甜酸醬已好好味～ 個人建議唔烚都得，即食仲正！ 跟餐嘅美國肥牛就無咩驚喜，如果鍾意食牛，可以補差價轉安格斯肥牛，加多大約$50就得。 另外仲有蔬菜粗糧拼盤同香芋芝心丸， 不過我放棄咗，因要食以下呢個！！ 澳門蒜辣卜卜蜆  超級超級好味！ 為咗呢個，已經足夠令我再唻食！ 上枱時已聞到好香嘅蒜辣味。 成個火鍋咁大嘅份量，超誇張！ 卜卜蜆好大隻，好鮮甜。蜆肉夠厚身，真正啖啖肉！ 配上蒜辣湯底一齊食，不會互相搶味，反正將卜卜蜆嘅鮮甜帶哂出唻！ 必叫，強推！ $148真係抵到一個點。 有人話要飲湯，話好耐無飲靚湯，就叫咗養顏花膠濃雞鍋 養顏花膠濃雞鍋  用上半隻雞熬煮出唻、無加奶、更有足8兩花膠，非常足料。 雞味濃郁，花膠煮得剛好，有咬口、唔會散但亦有黏黏嘅骨膠原。 入口非常順喉，不油不膩不燥，好好飲！ 估唔到，我地真係咁大食，最後只係食淨少少。但好有衣食，煮熟打包拎走，唔好浪費～ 總結，雖然對我唻講唔就腳，但一定會再唻！…查看更多

今次跟朋友黎到土瓜灣呢度搵好野食!!聽講土瓜灣有好多好野食架~~呢次就黎左這間【友料雞煲海鮮火鍋】打邊爐~~~佢地既點菜紙上都有好多火鍋配料;仲有刺身及冷盤~~~就連湯底都有成9款可以揀!!店員就推薦好多人都會點既 養顏花膠濃雞湯香噴噴既雞湯係一上台時已經撲鼻;呢度係半隻雞既份量, 就用上足 8兩既花膠, 真係好足料!!足料花膠真係好大塊, 而且雞湯味勁濃郁, 仲要冇味精~係打邊爐之前真係要飲多幾碗滋潤一下!!飲完之後就可以叫店員打返湯落去打邊爐啦~除左打邊爐之外, 佢地仲有其他特別野食~~我地就叫左 香濃龍蝦雜菌泡飯 (時價)用上新鮮既龍蝦製成既泡飯, 整個湯都充滿龍蝦既香味;龍蝦肉質彈牙爽口, 泡飯同個湯都好鮮甜!!之後呢個 澳門蒜香卜卜蜆煲食完真係返唔到轉頭!勁香既蒜蓉, 牛油味, 真係聞到已經好想食!一煲都有好多隻卜卜蜆~每粒卜卜蜆都好飽滿, 蒜香味十足;仲非常鮮甜惹味, 少少辣咁, 個個都爭食!!呢個真係必食~~…查看更多

打邊爐真係一年四季都岩架~~最適合一班朋友拾下拾下, 邊食邊吹水架啦!!! 最近我就同班朋友仔去左間價錢唔貴, 食物質素又不錯既火鍋店"*就係位於土瓜灣道既【友料雞煲海鮮火鍋】入面地方都算寬敞, 設有卡位及大圓台；無論人多或人少都有舒適既位置~~ 我地幾個女仔食量唔算好大, 店員就推介左佢地既【友料愛心餐】有冷盤又有刺身及海鮮, 食物款式都幾多又岩食；價錢都係每位 HK$188 (四位起) , 完全唔貴, 大家意見一致點呢個餐~~ 另外就點左佢地既大大杯飲品~~左邊係凍話梅柚子七喜, 右邊既熱話梅柚子茶；真係全部大大杯, 冰凍既非常消暑, 熱既就十分滋潤"* 先來 4人份量的冷盤, 分別有 6款：涼拌青瓜‧涼拌皮蛋‧秘製泡椒雞腳‧爽脆豬耳‧白鹵水生腸‧白鹵水雞腎辣辣地好醒胃, 豬耳非常爽口, 泡椒雞腳又十分入味；另外好少可會有埋鹵水生腸及雞腎, 正丫"* 食完冷盤就端上新鮮既刺身拼盤~~都有 5款不同既刺身：三文魚‧八爪魚‧北寄貝‧泰式生蝦‧冰鎮墨魚三文魚都幾厚切下, 而生蝦配上泰式醬汁真係一流, 而且很爽口；全部刺身都十分新鮮, 每人都可以食到一件喔!!! 食完頭盤既刺身同埋冷盤前菜, 就黎到正題打邊爐啦!!!我地就揀左【營養雜菜鍋】女生們就最鐘意食蔬菜, 呢個雜菜鍋夠哂健康又唔怕肥, 岩哂啦"* 話咁快, 火鍋用既海鮮都已經端上啦~~~一上台個個都嘩一聲丫, 好大盤海活海鮮呢!! 有成 6款, 包括：鮑魚‧膏蟹‧蟶子‧竹串海蝦‧花甲‧卜卜蜆膏蟹及鮑魚都幾大隻下架~~~而花甲及卜卜蜆大概每人都有兩粒, 份量都幾足!!!睇得出全部都好新鮮, 打邊爐絕對正丫"* 跟餐仲有友料營養拼盤及自家製即炸響鈴~~~佢地既炸響鈴真係即炸架, 上台時熱辣辣脆卜卜；可以蘸甜酸醬汁就咁當小食食, 或者打邊爐放湯食亦得!!!我就鐘意就咁食啦, 香脆可口又唔油膩"* 另外跟餐既美國肥牛, 質素較普通~~~如果想食靚牛既話, 可補返差價轉頂級安格斯肥牛架；都只係加 HK$50 就有得食靚牛, 只係要落 ORDER 個時用店員講就得!!! 我地仲額外點了佢地既友料五寶丸 (HK$88)呢款五寶丸其實內有乾坤架~~~佢地唔係普通既丸, 分別係：榨菜牛丸‧咸蛋豬肉丸‧芝士蝦丸‧墨魚粒墨魚丸‧魚蛋手打既五寶丸好彈牙, 個人十分喜歡芝士蝦丸及墨魚粒墨魚丸!!估唔到咁既配搭都好好食, 真係要一試"* 跟餐有埋甜品：香芋芝士丸炸到外層金黃色, 入面係熱辣辣既香芋芝士蓉；唔會太甜, 味道不錯呢!!! 最後我地仲發現佢地有近期最興既【澳門蒜香卜卜蜆煲】(HK$148)超香牛油及蒜蓉既白味, 仲有少少酒香；一煲入面都有好多粒卜卜蜆, 等佢滾起及完全開哂口就食得!!!!呢種係澳門盛產既卜卜蜆, 肉質超鮮甜；雖然細細粒, 但係會令你食唔停口, 再加埋少少辣, 好惹味"*而且用左金菇黎墊底, 係煮既同時已經吸收哂蒜香及蜆既鮮味~~~一個字【正】, 必定要試!!!!…查看更多

吃貨媽媽自然有吃貨閨蜜 , 女仔們相聚最好緊係打邊爐啦~!! 朋友推介係土瓜灣有間唔錯餐廳, 仲要係良心餐廳, 每日會派飯比一D 有需要人士 , 想做義工朋友都可以去幫下手 , 店員介紹左個友料愛心餐 (四位) HK$188/位 ,人數剛剛好 ,緊係叫呢個抵食大餐, 吃貨又點會叫一樣野, 叫左養顏花膠濃雞鍋 ,係超足料 , 大大隻花膠 , 一打開未食已經聞到好香老火湯味道 , 最後仲叫左香濃龍蝦雜菌泡飯, 味道唔會太濃, 吸收哂龍蝦既鮮味, 令人好滿足~~~ 另外我地仲點左其他野食味道唔錯, 得閒食餐好既真係好開心丫"* 父親節一定要再黎過!!孝敬下我心愛男人,同我型仔爸爸 …查看更多

見到佢地門口成日下晝派飯比人，咁多長者排隊，所以試下到底佢地好無食，店裡面放左好多派飯齋宴既相，裝修普通，無咩特色。坐底睇餐牌，好多張紙有D亂，服務既阿姐話有個餐好抵，又話好多野食又話75折我地就叫左試試，湯底多料、剌身拼盤正常，海鮮拼盤性價比高，無呃人，小食拼盤有水準，餐既牛肉味道就普通，不過份量可以，經過呢間舖咁多次睇唔出做到呢個水準，以現時所謂有名D既又貴又唔係特別好食，呢間舖性價比一流，勁過深水步明哥，值得一贊，有愛心搞派飯仲有心做生意。…查看更多

第一次去土瓜灣覓食，聽朋友介紹呢度個花膠雞湯好 所以今次一行16人既飯局就決定黎友料打邊爐由於我地太多人啦，幸好一早訂左枱，老闆預留左後舖俾我地，仲將兩張大枱泊埋，等我地可以一齊坐，唔使分枱。太多野想食，所以我地叫左個$1688既6人餐再散叫其他野食。所有刺身都好新鮮，章紅魚刺身同象拔蚌刺身都係即叫即整，個個都讚好新鮮。職員好細心，等我地食哂所有刺身先上熱食，又介紹我地先飲花膠雞湯再打邊爐，仲幫我地分埋湯添花膠雞湯好足料，有半隻雞同好多花膠，個湯好濃郁，好好味套餐以外，我地仲叫左好多野食，我最欣賞既係安格斯牛，即炸嚮鈴，松露墨魚滑，墨汁墨魚丸，鮮蝦好大隻又彈牙下次打邊爐又多個選擇啦…查看更多

今晚原本認住打邊爐，但好多間都冇位，可能因為天氣比較凍，最後打到去土瓜灣呢間友料，佢哋話有位，所以我哋就訂咗位，然後由沙田飛的出嚟，但嚟到之後竟然話張枱比人攞咗，實在太匪夷所思佢哋竟然唔對電話號碼，任由其他人冒認攞咗張枱，仲話唔知點算，因為個班人已經坐低食緊！最後我哋只可以離開！實在太離譜，咁樣做生意，我絕對唔會推介比其他人去幫襯佢地！其實做生意最緊要用心，尊重客人！唔可以咁樣處理問題！希望大家要小心一點！…查看更多

首先我一向對火鍋，不太感興趣。但今次真的令我很滿足，我對這個湯底，讚不絕口。我點了魚翅花膠雞湯，另外㡣蝦刺身又新鮮又不腥。另外讚的是安格斯肥牛，那種又滑雪花不多，真的不漏。至於膏蟹真的多膏又平宜呢！…查看更多

每次約三五知己打邊爐，多數都諗起一啲大集團火鍋。而今次我地就openrice下有咩特色火鍋小店，見到呢間評價唔錯就即管試吓啦！點知真係有驚喜！一定會再來吃過😍參考食評知道這裡有象拔蚌刺身，就先點了一盤。即叫即整，好新鮮！而且象拔蚌好爽口好甜，好味道! 真心推介！因為其中一個朋友係食肉獸，無肉不歡嘅佢叫左安格斯肥牛。肥牛賣相十分好，而且色澤夠新鮮，好有牛味! 真係唔似得一般火鍋店用hea牛肉hea你。我平時好少吃牛但都忍唔住吃了好多😋店員推介下我們試了即炸響鈴。原來即炸響鈴同現成可以差好遠，新鮮即炸響鈴就咁食就已經好脆卜卜好香口，放入湯底三秒剛好吸咗湯底精華又保持響鈴脆卜卜，好好味啊！有下次啊👍🏻…查看更多

依家唔餐廳係有我朋友介紹嘅！淨係個湯我已經讚不絕口！竹笙冬瓜雞腳素翅湯依個湯十分足料 絕對不是味精湯！佢係加湯不是加水的，因為要等個朋友所以都要人地加左兩次湯呀！下次我一定要去試埋佢個花膠雞湯先！我地叫左本地肥牛你地睇下。真係靚到冇言呀！雪花一樣咁靚！肥瘦均勻！我地叫左D好普通平時打邊爐都會叫既野食，不我覺得可以贊下個黑色牛拍葉，依樣真係唔係好多地方有呀！食得開心當然又要食得健康啦！第二就係鵝腸啦！真係好新鮮好爽口！其實我本身好怕食依D野，不過我既朋友講左一句「單點既打邊爐餐廳D野真係新鮮好多！」所以我就食左第一條，之後我就再食啦！不過一碟太少了。哈哈。。。自家製響鈴，唔知佢係即刻做啊！或是留咗單！我哋等咗好耐都未黎！不過佢都好特別，有一個酸酸甜甜嘅醬汁，如果大家唔想浸林響鈴，可以試吓點依個醬汁！不過俾個溫馨提示大家，響鈴係即炸嘅所以油分比較多！如果要點依個醬汁就要點多啲先唔會覺得咁油！不過我都係覺得響鈴係要浸湯先好食！響鈴吸晒個雞湯超好味！個雞湯可以比100個like呀！萵筍片，平時好少打邊爐嘅鋪頭會有鍋相片食，我哋唔小心整到佢好林，不過我都係覺得綠色嘅食物要爽口D先好食！食咁多嘢緊係要飲返杯野飲啦！佢所有嘢飲都係大大杯！不過我見到佢有大檸樂！唔係大檸樂啦！係有一杯大檸檬加可樂！食咗咁多野飲番杯大檸樂咩都舒服晒囉！！仲有一杯叫「話梅有子七喜」依杯就啱晒我朋友飲啦！我飲落去就覺得酸酸甜甜！唔係個心情係個味道！恭喜！恭喜！哈哈！最後我地都係食左$1100平均四個人每人都係$250左右，其實真係好低囉！…查看更多

朋友介紹黎食，同屋企人提前慶祝母親節，我媽唔食刺身既，但我老豆又想食刺身，經朋友介紹知道呢度可以一雞兩味，又可以食刺身又可打邊爐，，開頭入到去睇到個刺身目錄，見到食果d野一定好貴，點知有驚喜，價錢合理，又新鮮，劏左隻龍蝦，上到台仲識郁，同埋邊諗到打邊爐既會有加拿大海膽食，正，我至愛，但值得一提既係個花膠湯底，店員介紹，飲落去都唔似打邊爐湯底，好似老火湯咁，超正，食完成家都好滿意，下次帶d fd黎試下先…查看更多

聽朋友介紹嚟朝聖，食物好有質數，象拔蚌好新鮮，安格斯肥牛必食，我爸爸對肥牛一向有嚴究，都對其贊不絕口，食物款式多，多元化，連小食都好好味特別要稱讚服務一級棒姐姐不停換碟，同我地傾解，好有家庭feel，老板好好，送左刺身和甜品俾我地，下次還會再來…查看更多

估唔到係土瓜灣有海鲜火煱做到平.靚.正效果。食物夠新鮮.冇各大酒樓嗰D任食任食既食材同配料.價錢合理,佢地自己有幾個魚缸.D海鮮即點即擋.我食左章红魚.龍蝦.冰鎮花甲.刺身拼盤,真係幾好.服務好细心.唔駛成日叫.自動有人加湯同換碟.一定會再去…查看更多