影片
港鐵旺角站 B2 出口, 步行約2分鐘
繼續閱讀
電話號碼
65850480
營業時間
今日營業
11:00 - 21:30
星期一至六
11:00 - 21:30
星期日
全日休息
以上資料只供參考, 請與餐廳確認詳情
「廚匯濃湯雞」鄰近旺角站，步行數分鐘即達，適合忙碌都市人尋找暖胃美食。餐廳環境簡約整潔，帶點港式小店的親切感，以濃湯和用心食材取勝，難怪人流頗多，一台接一台不斷翻枱👍🏻🐔花膠濃湯雞鍋配米線是招牌之選，湯底經長時間熬煮，散發濃厚鮮香，花膠軟稔入味。雞肉嫩滑，米線爽彈，吸滿湯汁，令人滿足🥄。花膠同雞件都相當足料，而且仲有大量娃娃菜同菇菌類，所以特別鮮甜😍🐷胡椒豬肚雞鍋配米粉則帶濃烈胡椒香，微辣開胃，適合喜愛刺激味蕾的食客，而且仲會keep住坐熱，所以食到最後尾都仲係暖笠笠。豬肚經處理乾淨無腥，口感爽脆，雞肉同樣鮮嫩，米粉細滑，與湯底完美融合。另外加點了一份小食 「腐皮釀蝦滑」🦐，腐皮炸得金黃酥脆，內裹鮮蝦滑，蝦滑肉質彈牙多汁，配上少許酸甜醬更添風味👍🏻
繼續閱讀
最近黎開旺角，見到一間一家專賣雞湯米線的餐廳。餐廳的環境簡約但舒適。當日有一位係附近街市的舖主係咁推介魚皮餃，話成日幫親呢度，而佢叫左干炒牛河，都幾吸引。第一次食，所以我都係點翻餐廳的招牌雞湯米線。我選擇了胡椒豬肚雞鍋薯粉。湯底香胡椒香氣，有6－7舊豬肚，薯粉搭配辣醬油，唔錯。另外，朋友點了花膠濃湯雞鍋米線。花膠份量唔少，湯底清澈透亮，都有4－5舊，米線的口感滑順，吸收了湯的精華。米線有附上我芽菜同腐皮，讓整碗米線口感更加豐富。而且分湯上，可以試埋原味湯底。另外叫多個小食，懷舊蝦多士。香脆，搭配沙律醬，好食！
繼續閱讀
唔知有冇人到咗夏天會冇咩胃口食嘢，prefer食啲感覺健康啲嘅嘢食👀今次路過旺角呢間小店，平日下晝都幾多人幫襯喎，價錢超級抵$60就有交易😧胡椒豬肚雞鍋 跟米線 $62一嚟到真係嚇親，成個鍋咁上，勁大份！湯底味道濃郁，豬肚爽口彈牙，雞係最驚喜嘅，估唔到可以嫩滑成咁😋除此之外，仲有好多配菜，包括蘿蔔、木耳等等。而米線係另上嘅，煮得啱啱好，滑得嚟唔會太硬或者太腍胡椒豬三鮮鍋 跟薯粉 $60湯底同好濃郁，豬三鮮分別係豬潤、豬粉腸同豬心，三樣都洗得好乾淨，食落唔會有異味。同埋又係勁足料，好似食極都食唔晒咁🤣薯粉方面都正正常常，煮得啱啱好，爽滑Q彈👍🏻香芹墨魚餅 $36墨魚餅炸得金黃酥脆，咬落去好彈牙😋點泰式辣醬食冇得彈
繼續閱讀
行過旺角搵食，想食啲暖胃嘢，見到呢間鋪頭幾旺場就試吓。今次叫咗兩鍋一小食，胡椒豬肚雞鍋配薯粉($64) 同 濃湯魚三寶鍋配米線($62)，再加份 懷舊蝦多士($22)，埋單$148有找，抵食到笑！先講個蝦多士，一咬「咔嚓」聲脆到耳仔醒神，麵包炸得金黃唔油膩，中間蝦膠彈牙仲有新鮮原隻蝦肉，廿二蚊有咁高質真心驚喜。跟住重頭戲胡椒豬肚雞鍋，湯底滾住上枱，白胡椒香攻鼻但唔嗆喉，飲落成個胃即刻暖笠笠！豬肚份量夠晒多，洗得乾淨冇異味，啲雞件仲要嫩滑過蒸水蛋，薯粉索哂濃湯精華，嗦嗦聲吸到停唔到手～朋友個魚三寶鍋都唔輸蝕，魚腐、魚片頭、魚蛋鋪到滿一滿，浸喺奶白色魚湯裏面滾到脹卜卜。魚腐吸湯能力滿分，咬落爆汁魚味濃，米線份量多到朋友食到捧住肚，仲話啲娃娃菜索咗魚湯甜到似食緊海鮮！最抵讚係價錢貼地，兩個鍋都係六十零蚊但料多湯靚，冷天食完由頭暖到落腳趾尾。記住留單五日內再嚟有$5優惠或者送飲品（下午茶時段除外），呢個質素絕對會返兜！
繼續閱讀
同fd睇完戲餓到癲，經過花園街附近撞正間人龍店—廚匯濃湯雞**！鋪頭就喺快富街33號地舖（勁近旺角站B2出口），見門口排隊以為有排等，點知**10分鐘極速入座**！店內光猛乾淨，伙記仲好好笑容，第一印象💯！ 我哋嗌咗個鍋**胡椒豬肚雞鍋配米線** 個湯一上枱**乳白色+胡椒香攻鼻**，飲落成個胃暖笠笠！豬肚**爽脆到啪啪聲**，咬落仲彈牙；雞肉**嫩滑到離譜**，仲有超濃雞味！撈埋紅棗、蘿蔔、木耳同索湯米線，啖啖都係精華～ 下次一定會再返黎食😉😉
繼續閱讀