原味創意廚房

今次係第二次幫襯，上次妹妹無黎，叫套餐，okay 抵食今次專登等阿妹試下散叫間餐廳分兩層，響牆上面貼晒食物相，按圖索驥就得 三文魚 / 三文魚腩 / 劍魚刺身 + 花之戀：刺身非常鮮美肥美 牛舌串燒：每份兩串，四個人叫了兩份，好味 燒羊扒：好有香草味，一D都唔"so" 海鮮鍋：份量有點細，不過個味好好，尤其是個湯，應該用左海鹽 燒多春魚：好味！橫濱炒野菜：唔知點解橫濱 ，不過幾好食同抵食比目魚扒：好滑，好香，不過催左好多次先有 仲有，送的甜品：雪米糍上次食套餐好飽，好似抵食D，不過散叫就有得揀...…查看更多

同朋友食飯, 唔想食太貴, 所以簡左呢間(貪佢d set dinner唔貴嘛)友人既三文魚飯:都幾多料, 新鮮, 如果再肥美d就正啦另外再搭個烏冬, 無影到自己既牛肉壽喜燒:差唔多價錢, 感覺三文魚飯抵食d肥牛質素ok絲苗飯偏硬, 不過我都幾鐘意既服務唔錯, 會主動加茶有2層, 不過加起來間鋪都唔大幾個fd黎食下嘈下都ok…查看更多

可能9點先到，唔洗等位，仲邊食邊睇電視添。其實唔係第一次嚟，不過近排見多人食咗，本人又住係附近，所以再度幫襯！之前試過叫二人餐，都太飽。二人餐有$150-$350 選擇，記得乜都有，刺身、沙律、牛扒、鮑魚餐等。。食材唔算馬虎，試過壽喜燒煱，牛肉直係半生熟，唔會鞋sap sap..先嚟一枝日本清酒，要清甜今晚散叫壽司：帆立貝（夠鮮，無急凍味），三文魚，劍魚腩（肥！），油甘魚，甜蝦，火灸三文魚（汁加少洋蔥絲，唔錯！）生蠔係法國Gillardeau $38 each 我知唔係season,但係想吊下生蠔癮嘛！出奇地好清甜，海水味好鮮，仲幫我cut埋帶子位~安格斯牛排條散叫 $88 要半生熟真係半生熟, 肉汁多,上次我同佢講牛扒汁太鹹，佢真係記得，第一句就話：「調較過無咁鹹，你試下！」我真係有d驚訝..今晚仲叫咗燒秋刀魚$38呢間餐廳無豪裝,但係老闆們都喺店裡唔同崗位工作，所以幾窩心。食完有雪糕糯米糍送。同區要搵一間非集團式經營，要平食又得（佢好似有珍寶三文魚飯、特大三文魚刺身嗰d),想貪心d又要質素，我會推介呢度！仲可以睇電視。。今晚無線港姐一人一票。。哈！…查看更多

因 為 真 係 好 食 而 且 又 唔 係 貴 . . 所 以 特 登 開 ac 寫 食 評 6:00pm 男 朋 友 放 工 . . 由 筲 箕 灣 行 左 去 西 灣 河 搵 野 食 . .基 於 我 想 食 日 本 野 . . 男 朋 友 問 我 想 食 邊 間 . . 我 1 時 諗 唔 到 . .就 由 skw 行 下 行 下 行 到 去 swh . . 係 swh 食 過 壽 司 屋 同 大 壽 司 . . 所 以 今 次 想 食 其 他 . .咁 岩 行 過 原 味 哩 間 . . 見 到 佢 寫 6:00-7:30pm 有 85 折 . .諗 多 2 諗 就 入 左 去 喇 同 男 朋 友 叫 左 2 個 套 餐 同 2 客 既 3 文 魚 壽 司男 朋 友 叫 左 粒 粒 魚 生 飯 :我 叫 既 蟹 腳 蟹 肉 飯 :套 餐 仲 有 味 噌 湯 同 甜 品 送 :甜 品 唔 記 得 影 ,, 係 迷 你 雪 米 滋 ,, 仲 要 係 荔 枝 味 ,, 好 好 味 3 文 魚 壽 司 都 唔 記 得 影 ,, 但 應 該 係 3 文 魚 腩 黎 既 ~ ( 男 朋 友 話 )3 文 魚 壽 司 都 唔 錯 呀 ~ 但 wasabi 唔 夠 嗆 鼻 整 體 黎 講 都 唔 錯 ,, 服 務 好 好 ,, 個 侍 應 姐 姐 會 同 客 傾 計 仲 時 不 時 幫 我 地 加 茶 ( d 茶 似 花 茶 多 過 似 綠 茶 但 都 好 好飲 )埋 單 計 埋 加 一 $137 ,, 不 過 佢 地 好 似 唔 記 得 左 計 85折 俾 我 !…查看更多