占占酸辣米線 (已結業)

食米線真係會上癮㗎，但當同一間米線食得多，有時都會想轉吓場，刺激一吓味蕾。近日，我哋得到旺角在地人米線推介，嚟到位於勝利道嘅占占酸辣米線，呢度酸辣嘅比例啱啱好，加上店舖新開張，所以店主好有誠意，仲詢問我哋食後感，希望繼續用心經營！沙嗲屋村三寶呢間米線餐廳無常見嘅土匪雞翼，反而就有呢個經典港式小食：沙嗲屋村三寶！三寶分別係豬皮、牛柏葉、魷魚，特別一讚沙嗲味超濃，仲有粒粒花生，味道好有層次！至於豬皮同牛柏葉勁索汁，好入味！炸墨魚春卷即叫即炸，外皮炸到脆卜卜，春卷入面有勁多墨魚粒粒，好有口感。如果有埋泰式辣醬就更惹味喇！雞絲、腩肉、腐竹酸辣米線（中辣）呢度嘅餸有成30款選擇，真係花多眼亂呀！我就叫咗酸辣湯底，上枱就梗係要飲啖湯先啦，入口先嚟一陣酸味，而辣味緊隨，酸同辣嘅比例啱啱好，好有驚喜，更重要係湯好夠熱！至於餸同米線嘅份量好多，雞絲嫩滑、腩肉肥瘦適中、至於腐竹勁索湯，絕對係必叫項目。魚腐、雞翼、蘿蔔麻辣米線（中辣）M佬唔食酸，所以就叫咗麻辣，同樣上枱就要先飲啖湯啦！聞上去好香麻味，相信用咗好多香料製成，麻味好有層次，一開始食嘅時候覺得唔算太辣，但後勁凌厲，越食越辣，夠晒刺激！魚腐夠爽口、

我就最中意咩都試下,特別旺角咁多野食,經常都會有新店開張,今日陪朋友去寵物店買野,經過就見到哩間新開既米線舖,我咁中意食米線,緊係唔會放過!!決定一試😛食物方面:⚪️手打牛丸酸辣米線(加豬紅,冬菇,魷魚,墨魚丸)湯底幾清甜,我覺得唔夠辣(可以問店員囉辣醬)加左辣醬更好食,因為會愈食愈辣,正😏加左酸菜同芽菜既米線口感好好,好開胃!特別推介:手打牛丸真係好正,有肉汁同埋好彈牙,出面食果D多數好實無肉汁好普通,豬紅都無腥味好滑,冬菇好厚肉,魷魚唔係水魷好爽👍🏻墨魚丸正常發揮!!⚪️凍奶茶整體方面:店舖唔算好大,但都唔會好迫,等左一陣就有得食,D送都做得幾好,愈食愈開胃,牛丸推介一定要試!🤞🏻去開哩邊一定要試下!!下午茶仲平!

突然間好想食米線經過勝利道有間新開嘅米線舖見到都幾多人幫襯可以試下新野唔洗成日都係譚仔😂—————————————————————叫左個4餸同推介嘅豬膶米線豬膶中島覺得好食過譚仔比較爽脆唔係粉嘅口感而且佢醃得好入味唔係就咁白灼湯底中島揀咗酸辣少少辣唔好睇個湯咁清以為冇味一個唔小心爭啲噴返出嚟😂放心唔係辣到要噴係好大力咁吸左一啖嗆辣爭啲濁親湯底真心讚👍🏻另一碗4餸叫咗麻辣少少辣餸方面有豬大腸豬紅魷魚同勿演👨🏽話辣過譚仔十小老闆娘都話佢哋係比出面辣度強少少所以驚辣嘅話可以揀返酸辣但我見到佢都食得好滋味🤭大腸滷得好入味就算浸住個湯都食到滷水個香味豬紅咸香入味但係一的都唔腥魷魚煙韌得尼又唔會咬唔開水魷本身冇味索滿湯汁就變到好惹味邪惡嘅炸物拼盤有燒賣墨魚春卷同勿演中島好鍾意佢哋個勿演❤️完全唔似出邊嗰啲咁一Pat粉真係食到有鮮味(好想問老闆娘邊度入貨)🙈—————————————————————≵ 豬膶米線+兩餸 $62≵ 4餸米線 $55≵ 炸物拼盤 $48