博多拉麵 (已結業)

博多拉麵is the worst ever!!!!!!!!!!!!!!!!收多我地$100,唔找錢,死唔認錯+ bad service 之後叫我地留電話話會check番the balance that night to see if there is really $100 extra, and said有無都會打番俾我地, then we left,then realize佢都無俾番張單我地,點claim ?so 我地番轉頭問佢地拎單+ 再complain, 等左好耐之後都係叫d waiter to deal with the problem, 依然唔認錯, 仲暗串係我地錯, 算,之後等電話, 佢根本就無打到! 一定唔會再去食, 都叫哂d friends 唔好去!!shouldn't listen to them.. why would they phone to admit their fault la!!?if really have extra in the balance, 佢地都一定自己拎左啦, 仲會俾番我地?!總之呢間is the worst one that i've

呢間博多, 真係麻麻, 收得貴又沒水準, 上次去食, 個女待應仲不小心把托盤的水滴左落我個袋, 見佢say sorry, 我只好算數, 基本上呢間野由食物以致服務都是水準以下, 都唔會有下次

未試過所以去食叫左個set lunch，有飲品、拉麵及壽司壽司有3件包括豆皮壽司及2件青瓜卷壽司都ok....飯都算新鮮....但拉麵就好失望叫左網燒牛扒拉麵，牛扒好難食，係鬆肉粉貨色拉麵完全唔好食湯底好味精，好似食緊即食麵......味千絕對好食過佢好多而且價錢又平d

多月前睇住佢裝修見到班老細原來係A1同冲繩果班唸住唔會差得去邊早排行開唸住去冲繩點知結咗業門口仲有通告叫人過去博多我咪試下啦咁就出事啦歺牌啲嘢同冲繩大同小異但係品質就天同地啦班樓面係全新口面原全唔識做嘢厨房都係新人啲嘢差到入唔倒口價錢仲貴咗啲真唔明同一集團開間新舖可以做得咁差ps 好懷念A1 歺廳、同冲繩料理吖

我和朋友試呢間, 我叫了個滑蛋朱扖定食, 我個朋友叫了拉麵, 食物好咸, 好重味精.食物一般.

簡直係俾$買難受服務態度又差爆等左勁耐(~1 hr)門口叫no. 的人又叫得細聲重要叫漏左我地既no.等左好耐知道原來叫漏左我地no.後都幾嬲同佢表達我地既不滿之後個待應對唔住都冇句重要話番轉頭"咁我地都唔係特登叫漏你地架姐!唔小心跳左姐!咁而家都叫返你地個no啦!!"(心諗你做野做得唔好累我地係出面企多左唔知幾耐重要聲大夾惡)我地叫左幾個拉麵真係好難食餸又少得可憐湯底淡而無味麵冇乜咬感炸豬扒又硬又冇味道其他唔記得什麼餸總之都冇樣好食重要叫左only四個麵都要落漏+落錯單個位好多位都要坐得邊(冇任何圍欄)好似坐係動物園度俾好多路人參觀睇住食o野--->去過既人會明白總之成世人都未去過d咁唔掂當既地方食咁難食既野有負分的話我一定會俾希望唔好再有人俾呢間鋪呃簡直影衰晒博多拉麵

見它新開張, 食了杜庭烏冬, 好有日本水準, 但朋友我拉面就不太好食, 而且服務一般, 不知是否不夠人手

1.食物價錢貴都唔緊要.個問題係唔值.70幾一個麵,係食到唔想食,咁有幾好食大家都心裡有數,未食過咁難食既拉麵都可以一試,不過先要買定公仔麵係屋企,免得返到屋企肚餓. 2.豪冇服務可言,成晚都冇人加茶,叫加茶又慢,叫柯打又黎得慢,叫埋單就快,真係返大陸D招呼仲好過呢間拉麵,真係唔明沙田會有呢D質素既拉麵,係大陸開都仲昆到人,有個日本名就得啦,係沙田就好快玩完.希望會有其他拉麵開,我都好鍾情拉麵!!!!!!3.咁多食評都彈,真係唔到你唔信,千其唔好中招,祝大家時運高,睇唔到呢間拉麵!!!!!!!!!

見是新開張便一心去試下。嘩，無樣野得。服務：侍應人手嚴重不足，態度惡劣食物：選擇少，麵湯無味，麵條也是無味，炸餃子是凍的...價錢：每人~70 元，不值！環境：同隔離枱距離10cm 都無！以後都唔會去！

1. 麵, 材料少, 份量少, 又唔係好食2. 跟餐的壽司真係差得過份, 熟蝦壽司係乾身, 好似跌過落地被壓扁過似的新開張, 真係試一次就夠真懷念以前間雪國....

叫左個餐一份餃子, 一碗招牌博多拉麵, 無野飲!但要80 幾蚊個餃子係凍既!又油浸, 真係唔明點解可以整到咁好難食碗麵, 少料少麵, 不論男女, 根本唔夠食湯底無特別真係味x 拉麵都好食過佢新城市開張無耐就搞到咁唔好以為o係旺點求其開間舖就諗住o厄到人o黎香港人, 飲飲食食好聰明總括:食完行番出黎, 好有水魚既感覺!~~

1.味道差,食一丁好過食佢.份量小,價錢不算平.2.存心欺騙,晚市套餐竟比散叫還要貴.3.查問為何套餐竟比散叫還要貴時,找來一個操不正廣東話的所謂經理來,只說"係咁嫁啦,我哋冇呃人",還不斷重複講"我哋冇呃人",差唔多要我這個客人跟佢道歉才肯收口.4.無服務可言,成餐飯無人加過茶.5.態度差,還將找錢的20元打散示意你比tips你話香港有d咁餐廳有d咁服務態度,終於明白點解有咁多人去大陸及澳門吃喝玩樂也不留在香港

嘩..諗住新開..同男友仔入去試下...點知...食物一上台...後悔晒...再食下..oh no...我以後唔會再去架啦,,,完全唔值呢個值錢!!..湯底係拉麵既靈魂..佢\完全冇晒靈魂..環境又唔見得舒服....平時唔寫食評的我...都按捺不住要寫寫..

套餐配壽司:老婆:雞扒拉麵配壽司...我:天婦羅冷烏冬配壽司...味道一般服務態度一般,(根本同日本冇得揮).....唉.....

很不幸！我未上來睇下食評就去了博多，結果一肚氣上來寫食評，見到咁多劣評，非常有共鳴！大家已經講左好多，我都唔想多講！問題係邊？-壽司超細件-煎餃好"淋"-天婦羅蝦赤麵，得1隻天婦羅蝦浸在湯麵中...-套餐貴過散叫，$45的叉燒拉麵，套餐要~$60，只係多2隻煎餃，冇野飲，咁即係十幾蚊2隻"淋"餃子，set呢個餐的人都好有問題