博多家 (已結業)

🤓🤓🤓無錯，我又去咗食博多家，🤣🤣當正飯堂嘅我，除咗嗌返上次嘅海鮮大阪燒，仲嗌咗兩樣新野試下～～呢個cp值一流，炸雞分量多，唔會浸晒落咖哩度，所以仲係脆卜卜❤️❤️❤️，生菜絲都有撈埋一齊食🤣🤣肚餓食呢個一流啊🤤🤤Sly頭已側🤣 呢個絕對唔推介🤦🏻‍♀️🤦🏻‍♀️，係午市餐其中一個，條魚雖然鹽燒，但咸得好嚴重，食唔到三文魚本身嘅味，飯係珍珠米，食落香甜，我啲分好似淨係俾個飯🤣🤣Sly頭已側again 兩樣都係跟餐有前菜～～

兩姐妹食個晏，嗌咗三個餐🤣🤣第一份係天婦羅飯，有魚有南瓜同蝦、等等🤤🤤炸粉唔會厚，食落都唔會太乾！飯同餸比例都岩岩好，每啖都有啲餸。壽司定食選擇唔多，不過驚餓都係叫咗有飯🤣🤣壽司都幾新鮮！重要紫菜上台仲係脆嘅！ 都叫係滿意。我最滿意嘅重頭戲！大阪燒！！呢個滿分推薦！唔洗再去和x食個個大阪麵！ 呢度有海鮮有菜，🤤🤤下次嚟都會嗌佢順帶一提，上面三款都係跟餐，有湯有前菜～～上次食係麻醬豆腐～～

午餐還可以接受，晚餐有五星級價錢，二星級服務，仍有待改善，服務員態度未有專業訓練，好明顯未能達標由入座起計坐了1.5小時用了千幾蚊，但沒有enjoy感覺，浪費了💰

之前黎呢到食過一次，d食物幾新鮮味道都吾錯，但員工服務態度差，本來決定左吾再黎食 ，但朋友話想試下呢間野既海鮮，唯有逼於無奈黎多次，但黎到發現d員工換左8成左右，d服務態度好過之前好多，呢點值得一讚！

餐廳開左唔係好耐，烏溪沙依頭不嬲冇咩好食，所以開了日本餐廳一定試下，結果中伏了。首先，服務麻麻。餐廳請來像大學生的part time，服務完全欠奉，落完order自己飄走，好歹都應一句ok或覆單吧。到食物，普通到不能再普通。$128的六貫，唔算平都成$20一舊壽司，但所有刺身都紙咁簿～又唔新鮮～完全沒有誠意。炸雞丼～就真係幾件充滿炸粉加一碗白飯嘅炸雞丼，一滴汁都冇，kfc炸雞和吉野家白飯都好食過佢⋯蛋卷～冇蛋味，可以話係直情冇味。鰻魚飯～算係咁多樣食物中最正常，但都只係合格水平。總括來講，依間野性價比極低，一定不會再試，亦不建議其他人來試！

以日本料理餐廳作招徠，這一間的服務真是不合格，女侍應說話粗聲粗氣、不時打爛餐具，下單後無人跟進，以太多客人好忙作為借口，完全不似日本餐廳，叫一個釜飯還要等上一個小時。真的好想知誰掌管這餐廳，有這麼好的食材，卻敗在服務之上，非常可惜！

講真，過黎之前睇到評價麻麻地，都有啲想縮沙，但係食完覺得真係唔差喎，環境幾舒服，我食燒海鮮類別，服務員細心講解點樣燒，再主動幫我地燒，我推介燒生蠔及帶子，唔需要加任何調味料，直接加清酒燒，會食到重海水味👍🏻，全程service好好，環境舒服，嘢食好味，滿意！

本來想食燒烤套餐但無得食，兩點已經是午餐的last order，剛剛坐低就被催促快點落單我點了午餐壽司套餐，食物就無咩特別。杯咖啡好快送到，如果伴奶可以是暖的就好了Hubby點了爐端燒博多雞套餐，前菜和湯好快到，喜歡白芝麻的Hubby對前菜好滿意等了20分鐘主菜終於到了，雞皮好脆但雞肉唔乾，可接受啦環境唔錯

開左兩個月左右，都食過兩三次，每次對佢既評價都唔錯，係上返openrice睇先知咁多人都話唔掂。星期六既lunch menu淨係無左幾個$58既set，其餘都大致一樣，價錢算係中上價，八十幾蚊至幾百蚊都有，但一般都係一百幾左右。今次叫左兩個飯，另加餃子，天婦羅，兩杯果汁，埋單$400幾蚊，以lunch價黎講唔算平，但以食物黎講，其實又好合理。呢個係吞拿魚飯，一上檯都嘩嘩聲，因為色澤好靚，分量都幾多，不過我個人鐘意食腩蓉多啲，魚油味重，加少少蔥花就好香，如果有淨腩蓉飯就仲正呢個係刺身定食，每款都係兩舊，魚生新鮮就唔洗講啦，但佢啲飯都係好食既醋飯，唔會過酸，飯係一粒粒，唔會痴埋一齊，軟硬適中。另外，餃子係最驚喜既一樣，好少食到皮咁薄又咁香既餃子，好似$50有十隻，價錢唔貴，我次次黎都會叫一份。海蝦天婦羅都做得好好，天婦羅皮係脆薄既，入面既蝦肉明顯係新鮮蝦，肉質爽脆亦有鮮味。建議lunch時段黎食，樣式一樣，但價錢平一截

日本餐廳規模不細，單看門面已知不平，但比較灣仔築起，這間比較抵食，魚生新鮮，爐端燒惹味，美中不足是給水，沒有給茶……第一樣食物是爐端燒4樣海鮮拼盤，個人認為最好食是蠔，同螺第二樣食物是刺身拼盤10款，最好味是海膽，好新鮮好正，其他種類刺身也不錯第三樣是蟹三文魚籽飯，雖然蟹肉不多，本身飯是有味道，整體還可以的，但價錢略貴了一點，如果是趕時間就不可以點這款食物，因為要焗35分鐘，所以比較適合晚餐/優閒時之選第四樣是燒蝦，蝦本身已經惹味，伴碟有一小撮醬(酸酸咸咸的味道)，如果重口味的食客，一定會喜歡本人覺得這次晚餐是豐富美味的，因為是生日飯，所以比較捨得駛錢，如果覺得貴，建議慶祝節目或特別日子才食，才不會覺得貴。

嚟到排隊，唔知道要訂枱，諗住等下，重點係，門口帶位個阿嬸，都完全搞唔掂，條人龍長長，淨係識得話有訂枱入先，等等。等嚟等去都係入有位訂枱先。一係佢乾脆話冇訂枱就無位仲好! 轉頭有人訂咗枱又話搵唔到Booking⋯一間餐廳嘅帶位係比客人嘅第一個印象，已經完全扣晒分

今日去食呢間，可能星期日係屋苑口以經要排十幾部車，先入到去停車場，訂左枱就真係要早少少去，去到叫左大蜆，和牛，大榮螺，甲羅燒，大元貝，北海道丼，海膽軍艦，食物真的很新鮮，可惜的是服務很差，又漏單，先點了的食物是大榮螺，大元貝，之後再點了海膽軍艦，大蜆，和牛，北海道丼，牛肉烏冬。後叫的全都到齊了，以食完，等了20分鐘左右，追一追前單原來無落到，結果榮螺賣晒無得食😨，追既時候服務員話師傅整緊，我心諗榮螺同元貝點整？原來無落單重要黎錯野🤷🏻‍♂️。不過食物值得讚海膽，元貝等海鮮真係好新鮮，味道一流，環境抽風做得好，但價錢同服務一般。4個人食左唔多野2千頭找數。

環境好有日本市場feel!    職員有禮。叫了lunch set  10隻海鮮$398   包飯，包湯，包飲品。職員幫忙燒比較難燒的海鮮，之後我地燒其他。貝殼類海鮮有一隻手掌甘大。正呀

哈哈，我正在博多家晚飯，食品很新鲜，價錢也很合理，海鲜丼是$198，有一個是北海道丼都是$268，同埋呢度有個活海鮮拼盤，出乎意料之外好食，而價錢真係好抵，都係$398有十件海鮮，點解話呢度貴呢，又坐得舒服，招呼唔錯。。

迎海商場開了日本餐廳，睇餐牌好似好多野食而且地方十分寬敞，有一日屋企無飯食就入左去試試。一入到去仔細睇有點中伏feel，價錢都幾貴下，既然一場來到，咁就點自己想食既野，我點了個$358的海鮮丼，因為都收得唔平，都有少少寄望啦。魚生都ok, d飯只是一般米不是日本米又沒有醋味，感覺只值$198，佢真係收貴左成個開。我一直留意佢收咁貴既理由，發現：食具又唔係靚，Menu 又唔靚，感覺似家庭式經營多d。仲諗住如果好食，都可叫埋家人encore，伏中一次就夠，貴不是大問題，最大問題是貨不對辦。