南대門

營業中

休息中

這星期寒風襲港，很想吃熱辣辣韓燒，温暖一下。南大門由韓國人主理，地道的汽油桶燒肉坐位，是正宗的韓國風情。Oppa店員為我們送上韓式幾小碟：有雜菜、辣泡菜、豆芽及生菜沙律等，簡單而滋味。豬肉拼盤&大醬湯 $430拼盤有: 五花肉、護心肉、豬頸肉及醬醃薄切五花腩，十分誘人。先燒肥美的五花肉，肥油令爐火旺盛，烤至兩邊金黃焦脆，入口肉質軟腍，油分四溢，肉汁香濃，十分惹味。豬頸肉厚身，嫩滑細膩，肥膏位置油香而不膩，的確不錯。醬醃薄切五花腩使肉汁提鮮之餘，燒好後剪至一口size，肉質爽口，包在生菜中吃，加上蒜粒，香盈的肉汁散發，滋味過人。大醬湯大醬湯香甜濃郁，以多款食材搭配: 大蜆、翠玉瓜及蔬菜，大蜆挺身彈牙，鮮味吸引，加上滑溜的豆腐，滋味平衡，伴飯一流。原味炸雞 $180炸雞份量巨型，新鮮炸起，香噴噴令人食指大動。雞腿炸至金黃色，粉漿厚薄適中，酥脆可口，內裡豐潤多汁，連雞皮也吃光光，十分邪惡。配搭韓式炸餃子，外皮口感煙韌，外脆內彈，沾上韓式甜辣醬，滋味停不了。

尖沙咀韓國街嘅老店 🌟南대門🌟由韓國人主理，提供正宗嘅🇰🇷韓式料理同埋燒肉！🔥🥩特級牛肋骨 $270一拉勁長勁大條，要剪開先可以放到上爐板！🔥明火爐火力足，不銹鋼板仲要好好燒，又唔易痴底，好容易就燒出完美嘅牛肋骨！外香內嫩，牛味濃郁！🤩🐷五花肉 $140韓燒必點item！🥳肥瘦相間嘅五花肉，一燒就香氣四溢，甘香可口，配埋生菜🥬、蒜片🧄、大醬同吃，令人愉悅嘅風味，就好似置身於韓國一樣！😘🥘大醬湯 $90🦐海鮮豆腐湯 $90餐廳有多款靚湯，跟埋白飯🍚，可以學韓國人咁成碗飯撈埋入湯度食！🤩🥤罐裝汽水 $20

平時想食韓國嘢都會去韓國餐廳，次次都會經過呢間南大門🫣今次一於試下佢！入到去係韓國老板招呼我地，聽到佢講韓文個下有啲怯😂（啲韓文俾返晒老師😞）😍醬腌特級牛肋骨 $280👀上網做咗功課，呢款牛肋骨多人推薦！2大塊，分量好ok！因為腌過，就咁食已經非常夠味😋肉質軟腍，用生菜包住食再加啲泡菜，一個字，正！😍牛肉眼 $220👀冇腌過嘅肉眼更加突出牛本身嘅味道，可以點啲大醬/麻油已經好香！一路燒都聞到好香😍😍食到啲油脂位仲更加香呀～😍五花肉 $140👀講到食燒肉點可以冇呢個主角！不過五花肉冇牛肉咁好味🫣一定要點醬食先正～😍水冷麵 $90👀係香港好似冇食過水冷面，食之前記得用鉸剪剪碎啲～麵條好Q彈！酸甜酸甜，有啲腌蘿蔔同埋雪梨！仲有半隻雞蛋，連埋啲牛肉食，滿滿韓國風味🇰🇷😍牛肉大醬湯 $120👀飲得太多泡菜湯，今次試吓大醬湯！估唔到佢有咁多牛肉，入面仲有啲瓜，洋蔥等等～除咗蒜味有啲濃，冇任何缺點😋😋

當日慶祝朋友生日，沒有預先訂位，一行人走著走著，見到兩間名稱相同的韓國餐廳一左一右，同行友人說想吃燒肉，就選了BBQ這間。一進去已經發現有幾枱韓國客人，再觀察發現此乃韓國人主理的正宗韓國餐廳，頓時充滿期待。天氣不似預期醬酒蟹不太新鮮，味道不夠，肉質鬆散，比起其他港產韓國餐廳更遜色；之後送上的水冷麵反而十分有驚喜：麵質煙韌、冷湯汁非常清新，在炎炎夏日甚至秋涼來上一碗實在是一大享受由於本人對韓式生牛肉沒有多大興趣，所以沒有品嚐，不過根據同行友人，牛肉沒有筋，牛肉濃郁，十分不錯，要數主角一定是烤韓牛及濟洲豬肉拼盤，然而卻令人失望。連加一接近二千元的一個拼盤食材不算豐富，標榜是韓牛的牛肉也欠缺牛肉香味，而濟洲豬肉更是跟平日街市買到的不相伯仲，性價比偏低。雖然這裡是韓國人主理，但是卻未能將韓國菜的精髓發揚光大，令人失望。

朋友D係個從來冇食過韓燒既人，實在太令人驚訝🙀今日特登帶佢黎韓國街，感受下韓燒係點既😆一入座，韓國大媽二話不說就上左8個小菜，泡菜唔知係咪佢地自家製呢，都幾濃味😋除左泡菜同蘿蔔，芽菜都好味*豬肉拼盤 $430 （包泡菜湯）*黎到韓燒鋪頭當然要叫燒肉啦，豬肉整體黎講唔算好肥，梅花肉、五花肉我都覺得幾好食，另外豬肋骨用黎韓燒比較少見，都幾好玩，係要花少少心機去燒🤪。見到朋友D第一次用鐵盤燒烤，都唔易控制，燒燶左兩次，成個鐵盤黑曬😹韓國大媽見到就幫我地換個盤再接再厲🤣*泡菜湯*上菜時係滾燙既紅色湯，睇到都覺得惹味，一嘗發現真係喺韓國飲到既感覺😍，湯唔會好辣，入面有菜同豆腐。呢間韓燒比起其他係貴左少少，但勝在係韓國人主理，同埋環境真係十足十去左韓國燒烤店既格局咁～

Edan 飄流教室MV就在尖沙咀南대門拍攝取景@namdaemoon_bbq 裝修很local韓國烤肉店採用韓式圓枱櫈 主打傳統韓國料理及韓燒烤肉更附上多款前菜🥬辣生菜 泡菜 茄子 黑豆 芽菜·豬肉拼盤🐷店員在門口介紹時 已經強烈推薦肉類拼盤系列CP值高 比單點抵食好多 而且每款份量都很足🐖五花肉韓國烤肉入面最常見 肥美油脂加上結實嘅瘦肉用生菜葉包裹五花肉 配搭泡菜/蒜片/青椒享用🐖護心肉很罕有的部位 肉質外焦內嫩 肉汁豐滿 鮮美彈牙除燒肉汁外 還提供韓式香油 灑上少量鹽巴提鮮🐖豬頸肉口感超嫩滑 有點像松坂豬 注意：燒耐咗會變老🐖醬碗薄切五花腩薄切五花腩容易熟 呈金黃色 肥瘦適中 肉質爽口·🥘大醬湯烤肉拼盤均附有韓國國民美食大醬湯/泡菜湯熱騰騰的大醬湯都不死鹹 反而帶有一股鮮甜味材料有蜆肉 翠肉瓜 豆腐 洋葱等🧅健康不油膩·半半炸雞🍗提到韓國美食 除了上述的燒肉 一定會想到炸雞南대門炸雞可以選擇雙併：原味 & 甜辣醬口味即叫即炸 份量很多 而且還送炸餃子🥟很佛心炸漿唔會好厚 肉質嫩滑多汁 兩款口味各有特色

🇭🇰南대門·呢間韓國餐廳喺尖沙咀超多分店 我同同事已經食過兩次㗎喇🤣見佢個辣炒年糕好好食 所以今次就決定試吓佢呢個芝士豬肋骨😎·芝士豬肋骨$350 l 大醬湯$90佢個芝士豬肋骨份量超多 不過佢係用豬肋骨唔係baby ribs既 所以食落相對上就冇咁嫩 但係就多肉啲🐷之後佢豬肋骨下面仲調左個蒜蓉辣醬 超級惹味 加埋芝士好夾🧀️佢另外個大醬湯都相當唔錯 食一啖肉飲一啖湯超爽 而且佢入邊啲蜆都幾甜🇰🇷·#rbyeat#rby韓國菜#rby尖沙咀·📍尖沙咀金巴利道65-67號太平洋大廈地下2號舖📍尖沙咀金巴利街1B恆港中心地下3號📍尖沙咀金巴利道65-67號太平洋大廈地下3號📍尖沙咀金巴利道75號東南大廈1樓📍尖沙咀金巴利道75號東南大樓地舖

“豬肉拼盤Set A”($430)“板腱肉”($190)“雪濃湯”($110)好耐冇去尖沙咀韓國街食嘢啦😝今次去返以前喺poly讀書成日去嘅南大門南大門有好幾間分店有啲係韓燒,有啲係食韓式料理我地今次就揀咗韓燒嘅2號店🔥😍唔知點解韓燒我多數會偏向揀食豬肉嘅🐷所以就揀咗豬肉拼盤Set A有五花肉,護心肉,豬頸肉,醬醃薄切五花腩另外可以揀泡菜湯/大醬湯拼盤嘅份量比想像中大😆各款肉燒完出嚟都好唔錯🤤特別係五花肉😛燒完用生菜包住食超爽😍附上嘅泡菜湯酸度辣度都岩岩好🌶入面仲有唔少嫩豆腐😚如果配埋飯就更正🤣我地另外單點咗一份牛板腱肉🐮一份係180g,有6大片輕輕每面燒一燒食落口好腍滑☺️店員都好貼心,好主動會過嚟換燒盤🥰本身驚唔夠食嘅我地仲叫咗份雪濃湯雪濃湯超大一碗🤣上枱時仲滾緊🔥飲落牛骨味好清甜,係飲完會令人舒服嘅味道湯入面有粉絲同超級多好腍好入味嘅牛肉🥰因為個湯會跟埋飯,食到最後真係好飽好飽🤣

想食正宗韓國菜，去金巴利道一定搵到間啱心水嘅😎 今日我哋就去咗一間老字號，仲係Edan 飄流教室MV取景地😍 裝修好韓國🇰🇷，連侍應都係講韓文，真係好似去咗韓國🇰🇷一樣😆🌟牛肉拼盤套餐 $630一上枱都俾個份量嚇親🤣 兩個食肉獸都開始冇信心食得曬🫢不過最後當然係貫徹我哋惜食嘅精神食曬佢啦🤣呢個拼盤好超值，有醬醃特級牛肋骨、特級牛肋骨、牛肋骨肉同醬醃板腱肉😋 另外再包一份海鮮豆腐湯，同埋韓式前菜👍牛肋骨勁大條，燒完勁香，食落有口感又牛味濃，啱晒牛魔王😎 醬醃嘅就增添一份韓式醃醬獨有香味，更惹味👍 整體來說，牛肉好高質，食完勁滿足👍🌟海鮮豆腐湯套餐包埋呢個海鮮豆腐湯，豆腐好嫩滑，泡菜湯唔會好辣👍🌟韓式前菜泡菜一定少不了，另外仲有幾樣平時較少見嘅前菜，例如辣生菜同茄子🍆，幾特別👍

𝗮𝘂𝘁𝗵𝗲𝗻𝘁𝗶𝗰 𝗸𝗼𝗿𝗲𝗮𝗻 𝗰𝗵𝗲𝗲𝘀𝘆 𝗿𝗶𝗯𝘀 𝗮𝗻𝗱 𝗳𝗿𝗶𝗲𝗱 𝗰𝗵𝗶𝗰𝗸𝗲𝗻 𝗶𝗻 𝗸𝗼𝗿𝗲𝗮𝗻 𝘀𝘁𝗿𝗲𝗲𝘁! 𝘁𝗵𝗲 𝗯𝗮𝗯𝘆 𝗿𝗶𝗯𝘀 𝘄𝗲𝗿𝗲 𝗺𝗲𝘀𝘀𝘆, 𝗴𝗼𝗼𝗲𝘆, 𝗯𝘂𝘁 𝗺𝗼𝘀𝘁 𝗼𝗳 𝗮𝗹𝗹 𝗶𝘁'𝘀 𝘀𝗼 𝗰𝗼𝗺𝗳𝗼𝗿𝘁𝗶𝗻𝗴, 𝗱𝗲𝗹𝗶𝗰𝗶𝗼𝘂𝘀, 𝗮𝗻𝗱 𝘁𝗮𝘀𝘁𝗲𝗱 𝗵𝗲𝗮𝘃𝗲𝗻𝗹𝘆😋.唔講唔知原來尖沙咀短短一條韓國街，入面有五間都係 @namdaemoon_bbq 同一老闆開，呢間專食燒肉但亦有提供大路嘢食～ 好耐都無食過芝士豬肋骨，呢度嘅可以話係超正宗同最好食，溶岩芝士加埋香腸片同辣椒食落更香，豬肋骨本身醃咗再燒至皮香肉嫩，仲要輕力一拉就起到肉，啖啖肉超滿足🤤 另外炸雞最有驚喜係甜辣醬無過甜亦唔係成pat膠水咁嘅醬，食落香辣帶啲辛辣麵嘅味道，超高質！

🥢尖沙咀 挑戰金巴利街開業多年韓國料理燒肉店🥢剛剛由韓國返到來，朋友話見到我成日post 韓國嘢食要打算食韓國嘢，咁啱成日經過金巴利街都會見到一間開業多年的韓國燒肉店未食過 ,雖然網上評價好似唔係幾好咁，正正就係咁我哋不嬲鐘意挑戰，今次就過去感受一下係咪咁嘅🥢原來金巴利街入面都有幾間同名的韓國菜，今次去門口最大嗰間，店舖入面人流唔多，位置有韓式圓檯及卡座，今次揀咗卡座得幾舒適，不過唔洗一陣後面就有客人坐低，由於卡位係無椅背冇得挨住，所以有時同朋友傾得興高彩列時會唔小心掂到後面個人🥢餐廳入面有幾位韓藉店員，其中一個後生Oppa ,經過今次韓國旅行發覺好多韓國人唔係太識英文，不過今日個Oppa 店員英文都幾流利，可以溝通到，佢仲有推介幾款套餐菜式俾我哋，不過都係鐘意散叫自由度大啲🥢醬特級牛肋骨$280食燒肉都個人好鐘意點用咗醬汁醃過的牛肋肉，鐘意用了特製醬汁去醃牛肉會散發出甜甜的感覺，而今日點的牛肋骨估唔到係有兩大仔，以呢個價錢來講份量真係幾抵食，同平時去韓國凍肉店買返gi燒價錢差唔多，牛肋骨第一條燒到全熟會比較有咬口，但第二條燒到7成熟就會好有肉汁而且軟熟，都算係唔錯🥢五花肉 $140食

做完嘢同咗幾個同事去食晚餐，星期五晚燒一燒好似唔錯，去咗韓國街道搵咗間環境好嘅韓燒chill 下一坐低待應就上左好多小碟的韓式配菜，咩都試少少，當然唔少得大食妹最鐘意的韓式粉絲五花肉$140雖然價錢唔算好平，但質素系唔錯的肉質粉嫩，脂肪比例好均勻，燒上黎好香餃子火鍋$350大份餃子火鍋夠三至四人share韓式餃子餡料足，配料仲有齊年榚、粉絲、芽菜、金菇，超多蔬菜，唔怕食濟湯底清清地，唔會好濃味，少有健康的韓國料理拉麵$20食韓國菜最愛韓式搵麵，可以加錢選購加落火鍋食，好正

呢度既格局同韓國傳統既燒肉舖有啲似, 老闆同員工都係識講廣東話既韓國人, 所以唔洗擔心溝通唔到🤓 前菜方面有菠菜, 茄子, 泡菜, 薯仔, 全部都醃得幾入味又唔會太過份地鹹😌水冷麵($90)大大碗水冷麵既湯底鹹鹹甜甜好正, 仲有原塊雪梨片🍐麵身方面又唔會太煙韌好易咬開👍🏽豬肉拼盤($430)拼盤包含左豬肋骨, 傳統辣醬醃五花肉, 梅花肉, 薄切五花腩, 泡菜湯係好大份, 我諗如果細食啲4個人都會夠分😋 肉質方面唔錯, 最正係傳統辣醬醃五花肉食落辣辣地仲有啲油脂真係食完先減😂牛舌($160)呢盤牛舌每塊都好大而且唔會太厚, 食落腍得黎又帶少少爽既口感好正🤩呢度真係令我諗起之前秋天去韓國食韓燒既畫面, 睇黎係時候睇下去韓國既機票喇😎

尖沙咀韓國餐廳林立而呢間韓國餐廳就主打燒肉亦有一品料理、湯麵、鍋物供應喔！-點餐後店員奉上前菜一共5款，幾豐富呢！🔸牛肉眼（$220，220g)肉眼扒唔會太薄身咬落啖啖肉，好有口感！肉汁好豐富，但肉味唔算濃郁！🔸肩甲肉（$220，200g)油花分布平均煎兩煎好快就可以食得入口肉質軟嫩牛味幾濃👍🏻🔸半半炸雞（$190）只有原味同甜辣兩款 雖然唔係炸雞專門店但係都幾高質👍🏻炸雞咬落香脆肉質嫩滑，好juicy💕甜辣口味辣勁適中，幾惹味！另外仲伴有三隻炸韓式餃子🥟幾有驚喜呀！

尖沙咀韓國街真係好多間韓國餐廳，呢間入面裝修好有特色，圓枱設計加圓櫈，真係好似去咗韓國🇰🇷咁今日我點左個牛鍵肉 同五花腩，因為兩個人食得唔多，點知佢唔駛錢既配菜 都上左8個，放到成枱都係 ，真誇張。牛鍵肉 都幾大塊wo，牛肉無醃過，原汁原味，燒出嚟彈牙有咬口，有牛肉香，配上生菜、蒜頭、泡菜夾起來一齊食係最正五花腩 食五花腩最緊要夾脂肪一齊燒，滴油嗰種就最正，佢呢塊都唔錯，都係好大塊最正係個醬油蟹 兩件大大隻嘅醬油蟹，我朋友仲教左我食醬油蟹要加埋個飯o係個蟹蓋度食，真係 正到無倫，d 蟹膏又多， 成晚最正嘅真係呢隻蟹，唔食飯既我都食曬成碗。最緊要緊係真露滿啤酒，又飽食醉，滿意離開