南風餐廳 (已結業)

尼食主要係想懷舊一番,星期日晚,大部分食客為中年以上,有穿街坊裝的人,踢拖,抽煙,有老員工,舊式茶餐廳的檯椅......叫個雜扒鐵板餐,味道一般但勝在大堆頭,有豬扒,牛扒,雞扒,火腿,煙肉,腸仔.配薯菜,但薯和菜的分量甚小,都唔知可以加o既添.咁o岩出面狂風大雨,加上餐廳內柔和光線及電視播出"K-100懷舊夜",好一個懷舊場面.像我們這種生於七十年代,成長於八九十年代的人,著實是錯失了很多.

我個次同男朋友去食, 想叫佢地拎茄汁, 點知d 侍應掛住同熟客傾計.......叫左好耐都無.....

唔小心扭親腳去附近睇跌打，經過依度見幾旺就ｏ黎試下。起初坐樓下，但因為周圍都係煙味，所以去ｏ左樓下坐。點知都係好多２手煙，但比樓下好少少囉。叫左個鐵板餐，ｄ扒好靚好厚肉，見到好多人都係食鐵板。４２蚊連意粉，餐湯連包，仲有杯野飲。其實都幾抵，好味過大家樂好多好多。鐵板ｄ黑椒汁超正，好香！另外仲叫左個肉醫意粉，兩個女仔一個鐵板餐都夠喇。所以根本食唔哂打包，ｄ野都幾肥膩，我諗幾個男人黎食會好ｄ。同埋怕食２手煙都唔好ｏ黎．．．

呢間餐廳真係歷史悠久!同埋d野食選擇多,味道唔錯!!就算下午茶時間都好旺!!!

叫左個雞扒+駝鳥扒鐵板餐($48).羅宋湯幾好味,個餐包熱辣辣,令我有點喜出望外.兩塊扒份量十足,而且都好味道,但係兩者相比,我覺得塊駝鳥扒好d.因為對我來說份量實在太大,所以最終食唔晒件雞扒,之後仲飽到胃痛.服務方面,d亞姐幾好人,反應都幾快.她們的服務態度真係好過好多所謂的高級食肆.

繼續放假，某天中午跑到附近作足底按摩後，跑到這兒跟老媽吃港式下午茶餐。經驗老到的中年侍應介紹，點了一份湯粉餐、一份串燒餐。另每份餐加$10，配特飲兩杯。埋單$64，相當抵食夾大件！香矛豬扒米線（$18）：有三片豬扒、兩棵小棠菜和一份湯米線。味道一般，勝在夠飽肚。串燒（$20）：有四串，可選鴕鳥肉、雞肉、牛肉、豬肉。我們選了兩串雞、兩串鴕鳥。好好味！配食的有爽脆青瓜、罐頭鳳梨、香濃沙爹醬。滿滿一大碟，頗有睇頭，賣相食味不俗。配熱飲，連加一才賣$22，真係價廉物美！另每份餐加$10的特飲：風流寡婦：名字有點艷情，原來只是一杯雪糕新地。有罐頭什果、港式果凍（jelly）、香草雪糕球、罐裝鮮忌廉。以及新地類食物的畫龍點睛之物…糖漬櫻桃…半粒咁多！雪糕紅豆冰：味道一般，絕對好味過「大家x」那杯所謂招牌紅豆冰。後記：小時候，藥罐子的我，常被老媽帶來這區睇兒科醫生。之後，媽多數會帶我來這兒吃過下午茶才回家。這兒的紅豆冰、好立克、炸雞腿、公司三明治，不知吃過多少遍！下次回港，都要跟老媽再來懷舊。環境衛生有待改善。

終於去到真正我想去的南風餐廳了~~我同bf 分別叫了2 個鐵板餐, 他叫牛柳扖配沙律, 我叫雞扖+鴕鳥扖配意粉, 不錯不錯, 牛柳扖, 雞扖, 鴕鳥扖很林, d 汁也不錯, 飲品同餐湯也很好…我們覺得這裡的鐵板餐比扖王之王還要好食…而且, 還比較便宜, 抵食之選呀!!!環境也不錯, 樓下有電視睇, 有不少人幫襯~~

見佢大張掛牆banner寫住扒餐$28.8，所以都想試好耐，昨晚終於來了。但入到去坐下看完餐牌後，便不想要扒餐，因為我見到咖喱牛，這個反而更吸引我點菜時順道問侍應否不要飯和意粉，改要薯菜。那位侍應極有禮貌回答可以，但只能給薯條，我當然沒有異議，男友則要了煎石斑跟飯。餐餐唔係好掂，應該落佐好多茄膏，因為都幾杰；咖喱牛不錯，牛好腍身亦極之入味，但唔夠辣同偏甜(？)，仲有薯仔、蘿蔔和洋蔥大量配菜，所以碟薯條差點吃不下；至於那碟煎石斑，男友說幾口，而且唔係好夠熱，這時，那位侍應立即走過來，說可以幫我們弄熱一點，之後又問那些薯條夠不夠吃，唔夠可以再加，去咁多次餐廳，我都係第一次聽到可以加薯條，呢種服務實屬少見。 若然此餐廳的食物質素再提高少少︳我會經常來啊！

好平好抵..都唔錯野飲就要飲7 星年月...叫佢用士多啤梨雪糕好正ga~d扒都唔錯

同媽爸去食晚飯, 其實係同媽去食海南雞飯。叫一個海南雞飯、我叫了咖喱雞飯、爸叫了雞扒鐵板餐。媽話個海南雞飯都okay~ 不過無咩特別，而我個咖喱就好好食，佢的咖喱好食呀!! 我差唔都機乎食晒佢d汗呀.. 不過dad 個扒就唔係好得喇，又唔係用鐵板上... d 薯條仲腍bibi >.<p.s. 個洗手間好窄，肥d都入唔到去

我其實光顧了南風都很久了，食物算是中上質素！價錢適中，但服務及環境清潔則有下降的趨勢！我最愛那裡的咖哩，真的非常好吃！非常香滑！而那裡的扒，以前真的可以用抵食大件來形容，現在則質素下降了，沒以前的好吃！至於最出名的海南雞飯則沒吃過，但聽人說是該店首選！但令人失望的是環境清潔方面則真的要下點功夫，枱布有漬了都不換，今時今日，真的不行了吧！侍應可能都是老員工吧，服務......就係o甘上下！大家不妨試試那裡的咖哩吧！

南風餐廳一向給我的印象只是一間舊式的港式西餐廳﹐而主打就是掛滿門口的特價扒餐﹐所以一直都無特別興趣去試。直到有次跟朋友討論香講抵食的食肆﹐朋友就推介了南風的海南雞飯﹐所以早陣子經過時就試了一次。我和朋友二人要了一個海南雞飯餐﹐套餐中有一窩湯(不知是甚麼湯﹐有肉粒有節瓜)﹐足夠分起碼6-8 小碗﹐味道還可。另有炒菜及生炒骨各一碟﹐水準是不過不失。再看套餐中的主角雞及飯則賣相不錯﹐飯確是雞油飯﹐有香味而不太硬﹐在香港的餐廳中算是做得不錯﹔切雞(約半隻)則略嫌肥了一點﹐皮跟肉中間都是一層頗嚇人的黃色膏狀雞油﹐愛健康的人恐怕見了都會投降吧﹖而雞本身就勝在夠厚肉及有雞味﹐配上略為鹹了一點的薑蓉﹐又的確幾開胃。不過這裡的海南雞飯是沒有醬油膏附上的。因為不是我埋單﹐所以價錢我忘記了﹐但肯定屬於抵食一類﹐而且份量絕對足夠2人飽肚﹐論抵食﹐實在無法挑剔﹐論味道﹐也算是不錯。不過再看看其它的特價扒餐﹐實在無興趣去嘗試﹐(因為以往試過不少地方的“特價扒餐”,壞印象佔多數)各位朋友有誰試過不妨分享一下。南風的雞飯是可以一試的﹐但最好對環境及服務都不要有太高期望﹐是我最後的一點意見。

南風餐廳食物好大眾化, 食物種類係旺角區只有花園餐廳比較相似..我覺得員工太無禮貌, 係lunch同dinner 食過幾次. 位置太迫太多人..無哂食野既心情..我都唔會再去.

今晚, 我同男友去了南風(旺角警署對面), 對呢間餐廳有少少意見啦~~環境不錯, 如主題懷舊"季節"feel, 真係幾好, 其實以我地推測, 呢間?廳應該都係幾耐歷史(因為裝修以及黎既顧客都比較唔係好"上一代"), 但咁並冇影響, 反而令我地有一種好好既feel. 另外, 上二樓食仲好, 因為有歌聽, 放心絕對唔係d好舊既金曲座位夠闊, 燈光柔和waitress方面都okay啦, 好有禮貌.至於講到食, 佢地有特價扒($28.8 + $5有冷或熱飲品), 有set dinner(好似係由$48-70), 仲有共他意粉同飯(海南雞飯)大家不妨去試啦=)

very cheap