南記粉麵

營業中

休息中

南記又有新分店，今次開係油麻地，早幾日經過，即刻去食返個cp 值高既下午茶先！呢間新店裝修設計特別，店內十分光猛，座位寬敞，坐得十分舒適。我揀左下午茶A餐，招牌河+細豆漿($29), 超抵！招牌河有2 條春卷，2 粒牛丸，2 塊魚片，味道一如以往，都係咁正！！特別係春卷，正到冇朋友，次次去南記，都係為左春卷而來！雖然係下午茶，碗粉都好大碗，食完真係超飽，加埋杯豆漿，為我呢個下午劃上一個完美的句號！下次一定再來！

旺角彌敦道大街開咗南記，一於過去試吓，中午時間餐廳座位已經坐滿，等外賣嘅人龍要好長，我同同事兵分兩路一個霸位一個排隊叫嘢食，先到收銀處落單俾錢再等叫號碼拎食物，中午佢有一個套餐$59 ，招牌滋選小窩米線，入邊有招牌辣豬肉、冬菇、魚片、招牌魚肉春卷，湯底可以選擇酸辣、麻辣、蕃茄湯底，包一杯汽水或者豆漿，冬菇有兩大舊，魚肉春卷有兩條，魚片有兩片，蕃茄湯底有兩大舊新鮮蕃茄，酸辣湯底入邊就有酸菜，性價比都算幾高，不過如果趕時間就唔可以喺度買外賣，因為真係要等起碼10分鐘