南海美食

營業中

休息中

今日朋友黎屯門探我，行過青海圍發現呢間「南海美食」，細細間但好有台灣夜市feel！🇹🇼 價錢親民，仲有好多地道台式選擇，即刻入去試下～ .首先試左 鹽酥雞便當 $49，可以轉手工麵，鹽酥雞係另上既，勁貼心！🐔 鹽酥雞炸得外脆內嫩，咬落去仲有肉汁，飽肚又滿足。手工麵麵質彈牙，好有咬口。.跟住叫左紅燒牛肉手工麵 $53, 牛筋同牛腩炆得超淋，入口即化～🐮 手工麵係粗麵，掛湯能力一流，仲有清甜蘿蔔同爽脆生菜，湯底濃郁但吾會太鹹，整體好平衡！ .小食叫左 椒鹽花枝丸 $29，炸得金黃香脆，入面既花枝粒粒分明，彈牙有嚼勁，椒鹽調味岩岩好，送酒或者配主食都一流！🦑 .甜品方面，一定要試士多啤梨金芒芋圓燒 $49🥭 ，芒果沙冰上面鋪滿勁多芒果肉，仲有士多啤梨片點綴，芒果多到瀉出黎，旁邊碗仔裝住煙韌芋圓，口感豐富到爆！ .另外仲有 鮮榨芒果芋圓燒 $48，椰汁冰底配上鮮芒果汁，芒果味濃到爆，上面一樣鋪滿芒果肉，芋圓另上，可以自己調配口感，芒果控必試！💛 .

爸爸雖然放長假，但檸茶要返學做個乖寶寶。趁檸茶返學，媽媽陪爸爸行下屯門周圍打龍，經過見到新開左間餐廳“南海美食”，又有麵食又有糖水就試下啦。🌈紅燒牛肉手工麵紅燒牛肉肥廋適中，口感軟腍，湯底牛味濃郁。🌈海南特色糟粕醋系列我揀左綜合海鮮，有鮮蝦，蜆，是令海鮮一款，當日係魚片，湯底好清甜，配菜有翠玉瓜，雞髀菇，生菜，非常健康。🌈招牌鹽酥雞新鮮即炸，脆卜卜。🌈甜乳紅豆雪花冰甜品係以牛乳冰底 ，上面有蜜糖紅豆煉乳，再配埋雲呢拿雪糕，真係好邪惡。 🌈芒果四重奏最鐘意食芒果，入面除左有芒果西米露，仲有 芒果雪糕，鮮芒，小丸子，非常足料。📍南海美食(香港)📌香港香港屯門青海圍2號萬寶商場地下3及37號舖#台灣菜 #置樂  #屯門 #香港食好嘢 #屯門餐廳 #屯門食好嘢 #屯門必食 #屯門好去處 #屯門美食地圖 #餐廳推介#假日好去處 #ilovefood #hkfood #美食推介 #美食日記  #hkkol #blogger  #親子好去處  #kol #親子日常  #萌娃 #親子 #全職媽媽 #育兒日記 #寶寶日記 #成長記錄 #凍檸茶

😝今次去咗屯門萬寶商場地下搵宵夜，試咗幾款人氣菜式，真係有驚喜！首先手作鮮肉韭菜餃子，皮薄餡靚，韭菜香同豬肉鮮味完美融合，咬落多汁唔油膩，10隻一碟啱晒宵夜開胃。招牌盬酥雞外皮香脆，雞肉嫩滑，鹹香味道啱晒香港人口味，啖啖肉食完都唔覺膩。🍜紅燒牛肉手工麵湯底濃郁，牛肉炆得入味又夠腍，手工麵煙韌彈牙，食完暖笠笠好滿足。南海大大雞扒便當份量十足，雞扒大塊多汁，配菜豐富，飯粒分明，性價比高。飲品方面，楊枝甘露特飲芒果味濃，西米滑溜，清新解渴。最後招牌雜果配仙草，水果新鮮甜美，仙草滑溜清涼，食完一餐有鹹有甜，滿足感爆燈！😍屯門萬寶商場地下真係屯門宵夜好去處，選擇多又開到夜，無論想搵深夜美食定同朋友吹水都啱晒。多謝大家睇我食評，下次再同大家發掘更多屯門宵夜推介！😋🙈飽肚感120%，所以超抵食

今日去開屯門做嘢，撞正落雨，唔想行得太遠食，同同事就咁喺附近入咗間餐廳，誤打誤撞，餐廳雖然細細間，但啲嘢食又唔錯，原來仲開到夜晚11:30，都係一個宵夜好去處.手作白菜鮮肉餃子10隻，配米線： 餃子皮薄很多新鮮，粒粒都大大粒配埋米線份量十分足夠紅燒牛肉麵：牛肉炆得好腍，手工麵煙煙韌韌，有口感仲可以用套餐優惠價換購一人前小食，叫咗鹽酥雞和醉雞卷，鹽酥雞即叫即炸，入口熱辣辣，外脆外軟，醉雞卷好入味，雞肉嫩滑仙草奶茶和椰果檸檬愛玉： 味道唔錯冰糖鮮奶雪耳桃膠： 足料，好潤， 唔算好甜， 推介

屯門台式小食糖水店這間小店雖然鋪仔細細，但卻讓人驚喜連連！除了各式各樣的糖水，還有晚市套餐，讓人一次滿足多重口味。🍜 綜合海鮮手工麵 $68這道海南特色糟粕醋系列的麵條，湯底帶有微微的辣味，配上鮮甜的海鮮，如蝦、蜆和魚片，讓整碗麵的風味更加豐富。手工麵的口感滑順，吸收了湯底的精華，正！🍱 南海大大雞扒便當 $52這款便當的雞扒外脆內嫩，肉質鮮嫩多汁，搭配香噴噴的米飯，非常有飽腹感，絕對適合喜歡台式美食的食客。🍢 夜市甜不辣 $29份量十足，外脆內嫩，是夜市經典小吃的好選擇。🌭 台灣腸伴蒜片 $30這道小食性價比高，分量大，搭配香脆的蒜片，讓人一口接一口，風味獨特，十分開胃。🥤 楊枝甘露特飲 $15清新可口，搭配香甜的椰漿和新鮮的水果，讓人感受到夏日的清爽，非常適合用餐後享用。🍉 西瓜金芒芋圓燒 $49這道甜品結合了西瓜、金芒和芋圓，口感豐富，甜而不膩，十分適合與朋友分享，消暑一流。📍 南海美食 (屯門)屯門青海圍2號萬寶商場地下3及37號舖

屯门置乐这家不起眼的小店，藏着最暖心的台式味道✨一推开门就被温馨的家庭氛围包围，座位宽敞又干净，完全不像一般街坊小店！老板是海南人，每道菜都带着家乡的思念🥺必点招牌「海南特色糟粕海鲜面」汤头鲜到掉眉毛！「半筋半肉牛肉面」筋肉软烂入味，配上Q弹面条绝了～小吃推荐「蒜片台湾肠」和「盐酥鸡」，咬下去会爆汁💥饮品超有诚意！「椰汁西米露」香浓顺滑，「仙草奶茶」甜度刚好～最后用「三重滋味雪糕新地」收尾，幸福到转圈圈⭕️人均$60吃到撑，绝对是屯门隐藏版美食宝藏！已经列入我的每周必吃清单了😋 #屯门美食 #台湾菜 #平民美食

屯門置樂不嬲都多食肆，我哋都經常去光顧，今日去左南海美食主打台式美食，小舖親民感覺，就試試看🤩我哋叫左：招牌紅燒牛肉麵這道牛肉麵的湯頭清甜湯底香甜濃郁，牛腩炆到軟嫩，麵條超彈牙有嚼口大大雞扒便當大大塊的雞排外皮香酥，肉質多汁，受食客喜愛即炸豬扒便當炸豬扒的外皮酥脆，肉質鮮嫩仍保留肉汁，使口感更加細膩。滷肉時菜滷汁濃郁，肉質鮮嫩，配上西生菜🥬送飯一絕。手工白菜豬肉水餃手工水餃的餡料選用新鮮豬肉，搭配白菜，口感鮮甜多汁，並且餃子皮彈牙有嚼勁，湯底配是日蘿蔔粟米湯清甜可口。芒果士多啤梨雪糕雜果新地士多啤梨雪糕酸甜濃郁，口感細膩，而芒果雪糕則更加香甜，配上西瓜粒哈密瓜，小朋友至愛。

味道唔錯喎，唔係靠重味精、重調味料，味道偏淡，但材料比較新鮮👍真係食食物本身嘅鮮味呢個牛筋牛腩河，麵條都幾大㗎，牛筋亦都炆得好腍，牛腩就一般，但個湯底我竟然飲咗半碗，佢真係好似我阿媽煲嗰啲湯一樣有別於出邊嗰啲餃子，好重味精，好重醬料味，佢呢個係偏淡，但係能夠食到肉本身嘅鮮味

好友約我行麥徑第10段，落山後，她帶我去位於屯門青海圍2號萬寶商場地下3及37號舖的《南海美食》食午餐，小店型式經營，裝修簡潔。我地點左：主食：📍手作鮮肉餃子10隻〈韮菜+白菜+椰菜）$52：湯底清甜好飲，餃子餡料飽滿，3款餃子都好味。📍酸菜魚台灣麵 $49：湯底麻辣，去骨鱸魚片鮮甜又帶著麻辣，好惹味，台灣麵的麵質彈牙好食。甜品：📍原盅木瓜燉雪耳（凍）$28：木瓜清甜，雪耳爽滑，好好食。📍芒果仙草凍 $34 ：芒果鮮甜，仙草清涼好食。飲品：📍椰汁西米特飲 $5x 2 :西米 Q 彈，椰汁清甜好飲。

午餐十分抵食，性價比高半筋半肉牛肉麵湯頭濃郁味美，牛肉軟嫩入味，麵條Q彈有嚼勁，份量十足，吃完相當飽足。自家制手工水餃皮薄餡多，白菜清甜、韭菜鮮香，各有特色。醉雞卷酒香撲鼻，雞肉滑嫩。鹽酥雞外酥內嫩，香氣四溢，一口咬下，卡滋卡滋的聲響令人食指大動。仙草奶茶仙草滑嫩，奶茶香醇，甜度適中，是消暑解渴的好選擇。西米露口感豐富，西米Q彈。見到店舖貼滿糖水相片，先知原來小店夜晚12點先關門，下次可以黎食宵夜嘆甜品。

諗住近近地去置樂買糖水食 呢間第一次食 我要左個腐竹蛋+湯圓X2 ,老公要芒西 佢食左啖 嘩好難食 見佢好多盡力食左一半放棄左 而我果兜 食左到條麵🤮 食個湯圓同蛋就算 個糖水唔知仲溝左啲咩 不回頭

住左屯門咁耐，一直都搵唔到一間性價比高嘅台灣美食，行經置樂花園附近經過一間小店，裏面有甜品同埋各式嘅台灣菜式，價錢亦相宜，便入去嘗試！手作餃子$52分別叫咗韭菜同埋白菜餡，餃子好大粒，韭菜很香，好惹味，白菜配搭豬肉亦都好出色，值得稱讚嘅係豬肉嘅份量好多唔會得個細細一舊，同菜嘅比例配搭很好。半斤半肉牛肉麵$53牛肉份量多，瘦肉同肥肉嘅比例啱啱好，肉質滑嫩，牛味亦很重，嘅質地煙煙韌韌，整體嚟講呢個價錢食到咁大份嘅牛肉，係性價比很高😘招牌鹽酥雞$29鹽酥雞外脆內軟，一咬落去雞肉汁必晒出嚟，外層香脆，入邊雞肉嫩滑。台灣腸伴蒜片$30超級正嘅一道小食，令人食唔停口，蒜片配搭香脆嘅台灣腸，忍唔住一嚿一嚿咁食落去😍芋圓雜錦檸檬🍋愛玉$38平時嘅甜品都係好甜，呢個甜品令我刮目相看，味道清香，唔會太甜，亦都唔會完全無味，芋圓好大粒，好重芋頭嘅味道，平時出邊食嘅芋圓都係得個姨韌韌並冇味道，相反呢間嘅芋圓煙靭得來亦充滿芋頭嘅香味，愛玉亦伴有小小的蜜糖香味，整體來說，呢個甜品可以encore！南海美食 (屯門)屯門青海圍2號萬寶商場地下3及37號舖

🏞️行完麥理浩徑，來到以前晚上來光顧過的糖水舖抖涼。沒想到來到門口，才發現小店已轉營，不止有甜品，還有南海小食，時間經營至深夜，置樂又多款好野食啦。🥩🍜紅燒牛肉麵很讚！沒想到牛肉量比預期多耶，屬邊腩位，肉多而軟腍。麵條粗身彈牙。湯底才是重點😆濃香惹味，卻不似台式牛肉麵般太甜。一碗下去，相當滿足！🍗鹽酥雞以粗粒地瓜粉裹上雞肉，炸得香脆，椒鹽味不太重。🥟手工椰菜豬肉餃純粹健康又紮根的味道。🍨🍉水果仙草雪糕滿滿一大杯冰涼仙草😆加上西瓜、芒果和紅豆蓉。炎炎夏日，透心涼的舒暢。

今日留喺屯門行街，順便搵好嘢食～行行下竟然發現咗萬實商場入面嘅隱世小店《南海美食》！✨ 🥟 「招牌手作鮮肉餃子」 叫咗碗「手作鮮肉餃子」，一碗有10隻，白菜同菠菜餡各半！皮薄餡爆，咬落去肉汁湧出嚟～最正係個老火湯底，清甜到飲晒成碗！😍 🍗 「台式鹽酥雞」外皮炸到金黃酥脆，入面雞肉超Juicy！咬落「咔嚓」一聲，外脆內嫩，仲有肉汁滲出嚟～正到停唔到口！🔥 🦐 「海南特式糟粨醋海鮮手工麵」試咗個綜合海鮮手工麵，湯底酸香開胃，有蝦、蜆、魚片，手工麵超彈牙！海南風味好獨特，值得一試～🌊 🍧 「士多啤梨金芒芋圓燒」 食完鹹嘢梗係要甜品平衡下！芒果冰沙底+士多啤梨+芋圓，芒果香甜，冰沙透心涼～夏日必食！❄️ 🥭 「楊枝甘露特飲」最後飲杯楊枝甘露，清新解膩，仲可以中和油膩感～完美Ending！💛 #屯門美食 #隱世小店 #手工餃子 #鹽酥雞 #海南風味 #甜品控 #吃貨日記

間唔時行完屯門市中心之後，就會來置樂附近呢頭發掘吓一啲特色街坊小店！今次見到呢間新開嘅南海美食，餐廳有手工餃子、多款台灣美食同埋特色甜品等，就決定喺呢度食個豐富晚餐啦～✨紅燒牛肉手工麵牛腩經長時間燉煮，肉質軟腍入味！湯底微辣濃郁！手工面彈性十足！整體很有水準～✨鹽酥雞配手工麵鹽酥雞香脆可口！清湯湯底雖然比較清澈，但味道卻清淡而鮮美～✨椒鹽花枝丸花枝丸嘅外層炸到金黃酥脆，內裡肉質彈牙多汁，啖啖都係椒鹽嘅香味～✨西瓜西米露清甜多汁嘅西瓜配搭充滿椰香嘅西米露真係好夾，西米仲好有口感添啊～✨鮮榨芒果芋圓燒原來係新鮮芒果肉加芒果椰汁綿綿冰！綿綿冰質感細緻綿密，俾人一種涼透心嘅感覺！再加埋煙韌嘅芋圓一齊食，口感更豐富～