影片
唔洗去新加坡 馬來西亞 都可以飲到正宗肉骨茶🤩仲有娘惹喇沙 無骨海南雞飯🤞🏻天氣凍到咁 真係會好想飲啖熱辣辣既湯😭依到肉骨茶真係幾正 用排骨 黑蒜 豆卜 淡淡藥材味係家既味道 個個人都會接受得到 又唔多油 最驚d油成層油係面😿重點 必食 娘惹喇沙札肉 #好正 唔食你走寶佢個湯底係幾濃既胡椒味 所以會辣辣地 加上椰漿 又平衡得幾好😋第一次食到依種味道 個湯最後俾我清哂 係 #一滴不漏😆😆雞飯有齊黑醬油 辣醋汁 薑蓉 雞肉太啖啖肉喇🤦🏻♀️肉質唔夠滑 但可接受 皮都有d彈牙 ok啦 個飯又煮得唔錯 無生米 岩岩好 雞肉加醬拌埋油飯 三合一 一啖放入口 ko依個飯無難度🤘🏻想過個暖粒粒既夜晚 就去試下啦😋=========================三個90後吃貨會不斷開心share美食💓 歡迎在不同的平台 繼續留意我們的推介🙆🏼🙇🏼♀️大家亦可以向三個吃貨介紹美食👻我們一定會去試👅========================
繼續閱讀
下午茶時間， 同朋友行過嚟。 都諗唔到食咩， 見到有間小店好似冇咩人， 價錢又唔貴，一於入去試試啦。下午茶， 點了炸蝦餅配薯條， 份量比較細， 不過作為下午茶， 就差唔多， 但係顯得小店嘅性價比唔夠高， 其實有啲失望。無骨海南雞飯， 作為一個男士嘅話，就未必夠飽， 不過佢有三款醬都幾好食， 雞都算幾滑， 易入口， 至於雞油飯， 都做得唔錯， 味道算係幾好。其實單單講海南雞飯， 佢真係充滿南洋嘅味道同感覺， 最可惜嘅係佢個薯條同埋嚿炸蝦餅， 真係有啲失色， 但係整體嚟講 ，係咁嫁啦。
繼續閱讀
行過個幾間商場都諗唔到食咩因為食飯時間好多人好食既鋪頭就多人等到餓死都未有得食惟有試下新野啦 見有肉骨茶咁呢啲南洋野就不如一試咁我同朋友都係叫左dinner set咁啦有7/8個款左右可以揀我叫左海南雞飯 加杯芒果咩咩凍飲對面個位就叫左豬扒飯咁size 黎講呢 就算正常 普通食量應該夠飽豬扒我就覺得乾左啲 同埋唔厚㗎⋯海南雞呢佢會比埋唔同醬料你點既食得出唔係雪雞 肉質算係滑 雞味都有啲既 係呢餐飯最好既一點！不過最伏既係 杯芒果野飲 我記得佢個材料係有啲特別 但唔記得個全名反正 重點係呢杯野係用芒果醬開出黎 開出黎都算 我仲見佢到佢未融哂 一pat野咁！！好甜呀總結黎講 冇咩特別 冇番轉頭
繼續閱讀
一向都對馬拉嘢無咩好感，但食完呢間南洋小食之後，我完全改觀！！呢度嘅肉骨茶係飲得出老闆自家煲！肉又多（已經食咗兩塊），又夠熱！冬天食係超級暖身！我可以話，呢度嘅肉骨茶比起嗰啲連鎖星馬泰餐廳好味得多！另外，佢個奶茶又係好味道！因為本人喜歡奶多過茶，佢個比例剛剛好！其實佢個海南雞飯都唔錯！係無骨的！海南雞飯就係要無骨嘛！最近有新嘢老公試過呢個斑蘭椰子奶，都幾好！雖然舖面好up dup,但完全食到是誠意之作！支持小店！
繼續閱讀
荃灣落雨夜，今晚同李公子諗住去食個快速晚餐，就係川味，點知一路係商場之間穿梭嘅時候，側邊都分別有好多唔同類型嘅餐廳，結果就因為你公子嘅一句想食飯，我哋就要同川味講再見，轉入呢間小店，全間店舖大約只有四張桌，及一張長既單人桌。一坐底，廚房就在前面，只有一位姨姨廚師，而店面就有一位侍應阿姨。睇完張menu之後，都見幾多選擇，仲一心好期待添用左五分鐘左右就上菜，咖啡好稀身，太有水份，完全一啲咖哩味都食唔出，豬軟骨太過軟身，沒有味道，沒有口感，配菜洋蔥椒類反而係最正常無骨雞，份量都足夠，雞係有好充分既冰鮮味雞油飯不錯，但就比較硬身。總括而言，一餐亳無要求，只求食食物落肚的餐廳，絕對一次就足夠，下次都唔敢再亂試其他餐廳
繼續閱讀