協成粥品

營業中

休息中

一打開蘿蔔糕，真係忍唔住就要打開個OpenRice寫個評語俾佢我叫左碗及第粥 材料算新鮮，無豬既豬蘇味，但粥底比較浠不過$22 只能夠講性價比正常叫左一碗皮蛋瘦肉粥，瘦肉好少，皮蛋正常，$16 粥比較浠油炸鬼 $6 一d都唔脆 好淋， 唔好食最經典係兩舊煎蘿蔔糕，一打開，以為自己叫錯打開 個袋白雪雪一pat 野，唔知以為叫左白糖糕，無材料無味又濕🥴真係未食過咁濕嘅煎蘿蔔糕 ，定係我對煎蘿蔔糕有誤解？ 真係非常之差🥲

呢排經常周圍去覓食.係北角渣華道熟食中心發現一間超低食懷舊粥麵檔.品質唔錯.低食夾大件.所有粥品由＄16元至＄22元.大大碗足料.蝦米蔥花腸粉都係＄10元碟.炸兩腸粉都係＄12元.蛋黃咸肉粽＄16元一隻.好多綠豆及花生.還有鹹蛋黃.通常係出面都無咁多餡料.出面最平都要$20元至24元一隻.還有我哋叫咗個乾炒牛河.店家送咗一碗黑糖海帶綠豆沙俾我哋食.甜度剛剛好.唔會太甜.好味！係餐牌唔多覺有糖水送.有理無理.食咗至算！呢度大部份食物.都係落單即做.呢間舖早幾天我才食過.係嚟試食.覺得好食又平抵食.今日才正式介紹給大家參考！（唔好嘅話.無謂介紹給大家）

【#熟食中心 】#協成粥品早幾日係網上話北角 #渣華道街市 樓上有一間非常抵食既粥鋪，睇到個價錢都「嘩」咗聲😨 #及第粥 竟然只係$22🙄 依個係讀書時候既價錢🤣 #淨腸粉 亦都只係$10☺賣得咁平都唔荒好食啦🤔 錯了，腸粉係即蒸，唔係擺到凍晒，味道比較清，當加上放係檯面既甜醬之後，味道就非常好👍粥底唔算好杰，但食落每一啖粥都食到米，粥底非常好，豬什既味都落到個粥度♥ 料亦都有好多，豬潤最少兩大塊，雖然比較薄身，但煮既時間剛好，最正係豬腰都有幾件，好爽口😁其他配料有粉腸，豬肚，仲有一件唔知係咪大腸🤣全部味道都好好唔會有難聞既味👍本來已經少少飽，聞說依度既炒麵係即炒🤔 冇錯，粥鋪炒麵係即炒，$13☺份量好大碟，係熱辣辣👍 佢叫芽菜炒麵，因為真係有好多芽菜😄 味道同樣唔會太咸，加少少芝麻同其他醬料就好好味😊埋單$45，捧住個肚走🤣環境好舒服，座位闊落，有空間感，冷氣又夠，姐姐們又有禮貌，好抵讚😎推介指數：8/10@foodiehck2022 #港飲港食 #北角美食 #北角 #粥店 #抵食 #平靚正 #港島區 #美食分享

價錢平民化，腸粉即叫即制，雞蛋腸粉香滑，皮蛋瘦肉粥，粥底超軟綿，好有住家feel，食完吾口渴，豬什份量大，處理得都夠乾淨，每個街市既熟食中心都有隱藏的美食，有空就去尋尋寶。

雞絲炒飯 $34街市熟食中心內的協成粥品。炒飯份量好多， 生鐵鑊即叫即炒，夠鑊氣。有少少鑊撈。雞肉夠味，咸香為主。配料有香蔥，雞蛋，建議小咸，$34 冇投訴了。🤣最難忘是綠豆沙，多數地方也是配熱飲的。

冬天早上吃粥好，朋友說這家用心，就來了。在渣華道街市2樓，地方水平和普通大排檔差不多，但枱面沒油漬，枱上調料有芝麻，芝麻正是我杯茶。点了三樣食品，竟然都有與衆不同的地方！！！1. 即制布拉腸粉(9元) ，很軟，有米香，份量大，很熱，有剛蒸出來的軟熟感，醬油調得不偏咸，偏淡甜，加上枱上的辣醬，甜醬及大量芝麻，很好吃！！！2. 碎牛粥(17元) ，這粥永遠是我的最愛粥品，這裡的碎牛味偏淡，米通下的小，粥底不是一般看不見米花的粥漿，而是更像家裡煲的粥，色很白，有米花的，味道過關，有特色！！！3. 炒麵，這個太好太好了，12元的一個炒面竟然.... 竟然是即炒的，HK沒有任何一間粥店有 12元即炒麵吧，哈，那時很早，只有2位客人，另一位已在吃，我点了炒面不久，我聽到了炒鑊声，wow, 不久，一碟噴熱煙的炒面就放在我面前，大家可看照片，面上是有煙的。由於面是即炒，芽菜也是非常爽脆，極熱的即炒面加上辣醬及芝麻，一口吃進去，好滿足。這店好值得去，性價比，沒有之一。

假日的早上,原先想來這粥店吃粥,炒麵,但因快到端午節了,來到見到已推出瑤柱糉皇,往年差不多的時候都有這大大隻糉皇的,碰上就今天來一隻這個吧,今天來到還是剛開舖吧,也是沒已弄熱的,所以要等,往年吃過,來到就捧場,但要等十幾分鐘啊,等,一定等,其間,油炸鬼炸起香脆熱辣,食住油炸鬼等。也就是十多分鐘,糉皇來了,扒開一看,餡料豐富,配上砂糖(用油炸鬼的碟盛上)和豉油,口味就是多層次了,基本的糉材料,加上咸蛋黃,瑤柱,腩肉,栗子,好味,應節一下了。由女將們鎮店,招呼也客氣,開心的一餐。

星期日同女兒在渣華道市政大廈玩過兒童遊戲室後, 需要食午飯, 來到2樓的渣華道熟食中心, 試下其中一檔"協成粥品", 因為價錢合理和有甜品送, 我們叫了"鮮茄豬扒飯"和"义燒滑蛋飯", 估吾到只需5分鐘時間就煮好, 而且好大碟, 我女兒只吃了一半, 我亦食吾哂, 味道方面, 豬扒不是炸的, 軟身和夠入味, 有很多鮮茄在旁; 而义燒滑蛋的义燒亦不太焦, 剛剛好, 炒得很熱和很有鑊氣, 完全是大排檔的級數.女兒最開心是堂食有豆漿或綠豆沙送, 兩個飯加飲品的價錢只是$58, 算好抵食, 唯一不習慣的是其他枱坐的老人家不停看著我和我女兒, 不過他們的目光都是親切的.下次再試試這裡的點心, 例如腸粉和包點等.

當日因公事要到北角一轉難得黎到北角, 便上了熟食市場搵早餐食。但原來該熟食市場早餐全部都係得粥品,或者一間點心。最後隨便簡左粥店試下。價錢唔算貴，叫左碗艇仔粥、炒米粉和豆漿，是係$28。不過味道就覺得麻麻地了...唯一好的就是店員大多都上了年紀，但很友善和收捨檯面很快手。艇仔粥：粥底比較稀之餘，材料也不入味，變相成個粥都冇咩味。有少少似食梗白粥。都明白到一分錢一分貨，不能要求有味既粥底。不過樓下街市入面既粥好似仲好食...起碼材料入到味影響到粥底都有觧味道。至於材料也是一般般，醉肉沒啥味，魷魚條又硬左d，同我想吃的廉價艇仔粥有點出入。芽菜炒米粉：$9而且好大份，係抵食的。不過真係得芽菜～期望過高以為有返少少肉如火腿絲咁XD"味道也是很淡，要用甜醬送。不過勝在是即叫即炒，所以上菜時熱喇喇的～這個不是每間粥店都肯做的凍豆漿：不知道是自家製還是現成，不過味道是不錯的。同埋一碗上，有種懷舊味道最後食完埋單，婆婆還說「多謝晒」雖然味道不合我口味，不過很欣賞廚房伯伯即炒粉面和店員婆婆的人情味。

午餐時間人流吾算多但d價錢都好抵！大部分都係20幾蚊一個餐加埋豆漿或者糖水叫左個3絲炒米但佢既料同平時好吾同！完全無青紅黃瓜反而係菜心 煙肉 火腿同腸仔上菜速度好快！菜心都幾鮮甜 炒到軟哂煙肉都煎過！ 成碟米粉我會覺得有點油膩！腸仔係廚師腸！ 貨真價實 ！同埋份量都好大 雖然火腿麻麻地 但絕對已經好抵！糖水綠豆沙超足料！！ 但無咩陳皮味 多豆同甜 如果落番多d陳皮香口好多！ 但我無諗過 係香港 仲可以食到咁抵既lunch

I always come to this place whenever I am in Hong Kong. It is a family run dai pai dong.Food is always tasty. Service is fast. You get big portions and it is great value for money

要到北角辦點公事，借機早點過來先嘆個早餐先。先乘小巴到土瓜灣再從碼頭乘船直接抵達北角，那麼轉接的晨早走過來，為的是可以靜靜的一個人，在不受別人打擾的情況下享受美食....甫下船，最近能找到吃的地方，必然就是渣華道街市內的熟食市場....一走上去便看到有間粥店。不及細想就坐下來....要了碗近年已越來越少機會接觸的及第粥。接著看到每檯皆有一碟炸兩，想必應是店內的拿手菜吧....也就跟著來多一碟....輕輕的用匙一掏，發覺粥底是稀得很跡近似粥水。小弟一睇到便登時眉頭大皺....再吃多一口"粥水"，味是有點師傅的自是難免....正所謂"近水樓台先得月"，下兩層已是街市的所在地，最新鮮的材料自然是集中在此地了....故此眼前的這碗及第內的各款豬雜配料，全部都是極鮮 ---- 豬潤極爽口(不過卻是灼得太久弄得味變苦了)；豬心同樣爽爽脆脆的色澤呈鮮紅；豬腸竟是一點怪異膻味也沒有，就只差一點粉粉的口感而已；豬肚雖只是得聊聊一小片但同是甚具咬頭的....好像是店自慢的炸兩萬料不到是中伏之作 ---- 問題不在於粉皮 (起碼夾起時是未太有黏筷的感覺)而是在於那像隔夜般的淰到暈的油條，完全是大煞風景...

每一次下午經過渣華道街市，身體都會不自禁地乘坐扶手電梯到樓上的協成粥店吃飯。這裡除了價錢便宜、食物質素有保證外，總是有家的感覺。這裡的員工是全女班；年紀稍大的婆婆負責拉腸粉，短髮的大女兒負責煮粥，而束馬尾的小女兒則負責樓面工作，她們都是做事馬不停蹄、辛勤努力的女中豪傑。來這裡吃飯的盡是些住在附近的熟客街坊，跟店員們有講有笑。在香港這一個鐵架都市，竟能見到此情景，實在難得。說回食物質素，十塊錢的大大份即拉腸粉實在是物超所值；粉皮略厚卻不失滑溜，餡料無論是牛肉、叉燒、肉片還是魚片都是大大的一塊，唯一要彈的是賣相不太討好。另外，這裡的粥底偏稀，但米飯煲的頗綿，配上微鹹的瘦肉條實在是簡單的美味。這天吃了牛肉腸和薑蔥瘦肉粥，離去時見拉腸婆婆跟一位老伯談得開懷；有時候，光顧像這樣的小店，細味人情冷暖，未嘗不是一件壞事。放下二十一塊，順著窗外照射進來的點點曙光，我向這裡的每位女中豪傑，送上了由衷的祝福。

今朝早啲返工，就係想去呢度食粥，為炸兩外賣無咁好食地點街市內熟食檔，地方當然唔算富麗堂皇，普通摺枱膠櫈，傳統嘅粥店已經買少見少，幸好有冷氣，而家真係無本事坐熱辣辣嘅地方食一餐！叫咗：豬紅粥（$11）（多粥）：粥好快上枱，滿滿一碗，好多蔥花，粥底夠味，豬紅唔腥，攪碎撈粥食一流！份量大，我好努力都只係食到三份一！炸兩（$7）---阿姐即叫即製上枱已經好滿意，炸兩散上（平時見嘅會一排排）腸粉皮好彈，好軟，配埋油炸鬼（雖然油炸鬼唔脆，但唔乾，唔係擺咗千年嘅隔夜貨），煙煙韌韌，我加少少甜醬及辣醬釣味（我唔係食醬料，係食炸兩），甜甜辣辣，加埋甜豉油！簡簡單單已經好正!欣賞係每張枱放滿粥品嘅調味料，一應俱全，因為見有芝麻，今日無食腸粉，無用到！好多連鎖式店鋪都無！樓面阿姐好勤快，亦好細心，因為我見到其他客人嘅特別要求，都記得同無漏，雖然地方草根，但餐具乾淨（唔會黏淋淋）！滿足嘅一餐，只係$18

心身疲累，但勞碌命的我，即使放假也不睡多點，還要吵醒媽媽和我去吃早餐。在北角住了十多年，還是第一次來到渣華道吃早餐，東寶小館就人人都知道，不過不是人人都會認識協成粥品。有多款粥品選擇，價錢非常實惠，不要以為"平野冇好野"，平野都可以好吃的。我們每人點了一碗粥和share一碟炸兩，上圖是艇仔粥，下圖是魚片粥，單看表面，就知道粥品餡料充足，而且碗很大，不是那種又綠又橙的膠碗，絕對不會將貨就價!份量十足外，味道一樣重要! 兩碗都熱得燙口，即叫即做；而餡料方面也很新鮮，不會因為平把質素下降。有時吃到有些粥店，覺得那碗粥有點臭的，想必一定是材料不夠新鮮，都不知道在空氣暴露了多久才放進我口中；協成沒有這個情況，令我可以吃得安心。腸粉的質素就沒有粥那樣好，油炸鬼不熱也不脆口，放久了，有點硬身；而腸粉也算不錯，很軟。比較失色的是甜醬麻醬的味道不夠好，甜醬麻醬是吃炸兩必備的襯托品，沒有它們總覺得味道不夠好，正因為它們不夠好，所以下次都不吃要用到它們的主食。大嬸在旁很努力地製造新鮮的腸粉，全店只有兩個人在服務，又要落單又要做腸粉又要遞食物，慢一點都不行呢。雖然很忙，但態度很好，賣得又平，薄利多銷，下次再來