影片
機場博覽館比灣仔會展伙食好好多，又多選擇，味道又唔係話太差，最穩陣梗係燒味啦，只係價錢勁貴，基本 $100 啦！年頭新開既華御結始終引發唔到我既衝動去食佢既便當，最多試個飯團啦，似乎比半年前加左價喎。芥末鱆魚御結，多謝 HK$22，比起兩年前貴左 $4 個大洋呢！不過定食更可怕，貴 $20 蚊。芥末鱆魚御結，日本米，白飯黏口，無落味，無鹽或又無醋。只有表面一篤仔鱆魚粒塗係表面，中間無餡架！咸咸地，食到最後有微弱 washabi 味！整個最好食係脆卜卜香口紫菜，唔難食，但無咩料，食白飯。懷念當年大埔外賣壽司店既飯團，就算只係蟹柳沙律或吞拿魚沙律都好食過佢百倍，餡料包得滿滿，飯粒帶甜醋清香！您去左邊呀？
繼續閱讀