半島漁港/阿翁火鍋館

營業中

休息中

半島漁港的火鍋不錯， 特別酒樓先送上的雞煲， 魚生併盤及牛肉 ，當然自助部分有待改善，但以這個價錢也是非常不錯了，另外晚飯款式很多味道亦很好，其中魚及燒鵝，不愧為招牌菜

上一次飲茶攞飛攞咗12人一張大枱，明明只係等一張飛。等咗一個半鐘，最後見到佢張張大枱都拆開咗俾人搭枱。我哋去搵左個部長講，個部長完全唔想幫手，態度極度差，又晦氣！今次黎食晚飯，攞張飛係八人枱，最後佢哋俾張六人枱人。枱與枱之間逼夾，坐得超唔舒服！碗碟污糟，個碟仲有一條蔥！真係好嚇人！食物超級鹹，多味精。冇禮貌，服務態度超差！地下好slippery,廁所又污糟!冇支付寶，支付唔方便！以後都唔會再幫襯！

本人光顧秀茂坪分店，在正常情況下㩒飛排隊等位時，親眼見到有幾位懷疑熟客的茶客，在沒有經正常途徑㩒飛排隊下，在門口支客位置，偷偷地給予金錢「賄賂」支客，然後不出10秒已經有位，而本人經正常途徑下排隊等位已經等了超過1小時仍未能得以安排位置。另外，當等到有位時，發覺正坐在風口位位置，覺得好大風，並請該間酒樓職員可否把冷氣風口調較細些少，當時職員態度已經開始不耐煩，然後本人心有不滿，打電話找分店經理提出意見，當時接聽電話的職員表示「你等陣」，之後有位自稱經理的女職員接電話，我向佢反映關於覺得風大，想麻煩你們可否調較一下風口，誰不知，此位自稱經理的女職員態度極之惡劣地回覆我「係咁㗎喇，你覺得大風，一係你再出去再排過，有問題你打去寫字樓喇」，我都未講完，佢就好冇禮貌地cut我線。然後我再打去搜尋半島漁港寫字樓電話，這個集團根本沒有寫字樓，只有分店。根本是這個所謂自稱經理的女職員求其胡說八道，敷衍客人的做法。這間不知所謂的垃圾酒樓，以後都不會再去光顧。要光顧的客人，請審慎考慮🤔️！

點心中規中矩，叫咗六至七籠，當中有幾樣點心幾出色。甜薄撐，唔會太甜，好味！牛柏葉，好入味，份量好大！間唔中同家人飲下茶都唔差嘅！美味指數：😋😋😋環境指數：⭐️⭐️⭐️⭐️回頭指數：👍👍👍地址：半島漁港/阿翁火鍋館 (觀塘)觀塘秀茂坪秀明道101號秀茂坪商場2樓203號舖

👨🏻‍🍳半島漁港/阿翁火鍋館 (觀塘)📍觀塘秀茂坪秀明道101號秀茂坪商場2樓203號舖 「好耐無食過咁高質既點心🤤」 搵呢間酒樓個陣，負評都幾多🤣不過就近去食下 (下午茶時段)，好耐無飲茶🥹🥹服務就不在話下拉🙈🙈吾使等、有斟茶、無漏單，就okay了🙈 👍🏻🍽️花生甜薄撐厚皮但系好軟糯，甜而不膩，好大份🤤可以一個人食哂成條😆入面滿滿花生粒椰絲🤤上枱時仲熱辣辣👍🏻 🍽️燒汁煎釀茄子大大舊，幾入味🤤再脆D膿D就好🙈 👍🏻🍽️蜜汁叉燒腸腸粉好透，但系食落厚身好綿🥹叉燒粒都好多，蜜汁叉燒原味無系蒸氣過程變淡，仲熱辣辣🥹👍🏻 👍🏻🍽️薑蔥牛栢葉份量好多🙈🙈清清地都好夠味🤤吾會太淡牛栢葉吾會好韌🤤👍🏻 👍🏻🍽️醬皇蒸鳳爪鳳爪好肥，多肉，醬汁惹味！！花生好淋好食🤤 👍🏻🍽️蟹籽燒賣皇好大粒🤤有一大隻鮮蝦😻 ❌🍽️椒鹽鮮魷太多炸粉🥲不過入面鮮魷都肥美新鮮 我覺得算中上🙈🙈比返個好評先🙈👍🏻環境大，算寬敞，都算乾淨，同埋點心真系吾差🙈上枱都熱辣辣，又大份🤤下午茶都好多人食，但系無漏單，又有人斟水🙈 #半島漁港 #香港酒樓關注組 #香港酒樓 #香港美食 #香港茶樓 #香港酒樓點心 #hkdimsum #dimsum #

我係兩個人中午非繁忙時間幫襯，入去之後發現個位係放下欄嘢側邊仲有陣陣酸臭味轉嚟，我就搵咗個女部同佢講可唔可以換個位，（當時我哋仲未坐低有茶）咁啱前少少有張兩人枱埋緊單我就同佢講可唔可以轉去嗰邊，點知佢就即刻黑面、藐嘴咁同我講嗰張枱未執（未執兩個字都未講完就走咗人唔睬我）我就係佢後面大聲咁問佢咁可唔可以轉俾我，但係佢都冇答我，當你哋服務員差唔多執好張枱嗰陣已經入咗客，之後嗰個女部長就行過嚟同我講入咗客啦喎，如果佢係我同佢講嗰陣用對講機同帶客嘅同事講咁嗰張枱就唔會入客可以轉俾我囉，其實嗰陣係中午正價時間我見到有好多空枱，但就係唔轉俾我（我問嗰個女部長時係好有禮貌同埋聲氣係好有善嘅）但係我唔明點解佢用啲咁惡劣嘅態度去對我？

服務極差 又話好快上菜 結果呢？等完又等 啲服務員仲反問返我 個餸係你哋嘅？唔好意思呀 我唔服務員喎 我係顧客嚟㗎喎 我想問我點會知呢？ 同埋我要五隻龍蝦 你分完五碟 之係就放埋一邊？ 吓 即係點呀 唔畀我食 定係要再換個畀我？ok都算啦 你哋啲服務員上菜 點解要我哋幫手？ 見到成枱都係餸 唔可以先執下張枱再上菜咩？同你哋服務員講下執先 佢就話 幫下我啦 吓？我幫你？我有畀服務費個喎 小姐 最後我全完唔明白點解啲態度可以咁 我哋係度講你哋啲問題 啲經理全部望一下 就走咗去 認真咩今時今日啲態度 最過分係有一名服務員 經過我哋張枱 望住我哋「呵呵」excuse me?咩事 對住我哋「呵呵」？ 依家你哋好啱咩？咁嘅態度對顧客嘅咩 啲人仲要企埋一邊望住我哋一邊傾偈 就算要講我哋壞話都咪明顯啦 同埋 啲員工點解冇帶工作牌？驚被人投訴？

如果你抱住屋邨酒樓無咩期望既話就錯了。今晚十人用餐，一早訂左位入座唔需要點等，但係入到去發現場地既冷氣太大，問亞姐可唔可以教細D? 佢竟然回答話教細左佢地做野會好熱...  大佬... 比個冷氣房你坐入去做野啦? 你唔係應該以客為先? 更何況現場好多老人家...萬一就咁冷倒咁點算?味道比起一般的更加一般, 燒鵝太肥.. 菜色麻麻, 叫左碟魚, 竟然有兩舊仲有血水...簡單總結, 無服務, 無味道, 無下次

本身諗住星期日飲茶因為二人枱等一張，我哋都唔介意搭枱就照入去入到去，冇人帶位，要自己搵返張枱去到連櫈都冇張一直搵人都冇人理行遠啲搵佢又叫我搵返附近啲姐姐等成5分鐘先有人過嚟帶我哋去第二張枱（因為本身張大枱已經有2枱客，坐唔落）坐底咗都一樣冇人問飲咩茶寫完嘢食一樣等幾分鐘都冇人理舉手當睇唔到最後因為反正冇人落單決定去第二度食算數都唔想俾錢佢賺

今日放假同屋企去飲個早茶，人多預咗。搭檯冇問題，4人檯硬要坐5個人，有街坊走咗，諗住鬆動D，之後仲想硬塞個人過來，然後我出聲話：本身4人檯既，你唔喺咁樣啊嘛！之後啊姐先收手，順便叫啊姐執埋街坊既餐具，等咗勁耐冇人理，就追一追，啊姐就發曬老皮話唔見忙緊，你又唔俾搭檯！我果一刻勁嬲，哩個啊姐態度唔係第一次既啦！前一代既茶樓已經係度做，態度依然咁差，間味道一般，仲要鬼咁貴，以後唔會再去！建議住秀茂坪既街坊，遠遠少少行去順天飲仲好！

年三十拎個盆菜返屋企同屋企人食飯，一粒蠔豉都見唔到，搵返張廣告相，明明就寫有「生曬蠔豉」打電話去問，聽電話個女人態度極差話：冇理由冇，一定有放落去，點解即場唔講仲話係放係面，話係我地拎之前唔睇下，之後cut線下？！佢用保鮮紙包實個面，即係要啲客即場打開黎check齊唔齊野？如果食到落底先見冇蘿蔔，咁係咪要個客拎嗰陣逐層撩開黎check，啲食物味道唔算差，但係食得唔開心，佢啲價錢比較貴嘅野個名放前面，但點知打開係冇咗一樣野嘅。底果幾層就勁多有沙豬皮千幾蚊買個盆菜，唔會有下次

終於多咗個飲茶地方😍見食評都普遍話服務態度好差😖所以去之前已經做好晒心理準備咁樣為自己打定個底嘅話會感覺良好啲食物水準正常啦街坊食肆算係咁上下開心多個地方近近地方便可以同親戚朋友飲茶🫖

之前已聽聞假期呢間酒樓超級多人等位，今日放假米諗住今日係平日會好啲所以幫襯下。我哋一行3人去，有位係老人家，拎左位入到去個帶位亞姐帶我哋到張枱，我哋已經叫咗開普洱茶，但正想坐下突然另一位亞姐埋嚟叫我哋入房坐，我話唔入，原本帶我哋位個亞姐又點我哋坐另一邊，原來比我哋張枱佢哋想比另一個客，佢哋有5人。其實我哋張枱都唔係算細枱，然後我發爛渣話點解你哋唔比個張枱比5人坐（附近有張大少少嘅吉枱），我話我要坐呢張枱。最後佢哋帶5人客去個張啦。事後佢哋有講唔好意思。但明明張枱係比我哋先，又點我哋去呢度又個度，又有老人家係度，間酒樓地板又滑，完全唔明白佢哋個動機，不知所謂嘅服務。個商場大把食肆，唔飲茶唔係big deal 囉。

今天是媽媽生日，所以選了屋企附近嘅酒樓食嘢慶祝生日，我們6:45分左右到唔洗等位直接可以入、我地四人叫左個4-5人套餐價格好似是688、假日所以貴D。食物質素OK、老人家比較喜歡在酒樓食又唔鍾意走甘遠、所以呢度是不錯嘅選擇。新開張環境比較靓、所有野都好新、D檯同凳都好乾淨。未去之前見到有人留言話D侍應態度唔好、服務差都有D小擔心、不過我今日食完又覺得D侍應態度OK窩、招手🙋會好快有人過黎、又有講唔該☺️、可能今日唔係太多客人手充足嘅關係吧。特別一提今日嘅燒腩仔好好味、還有老火湯好足料、特別值得一讚。最後埋單803蚊之後都會繼續黎食。

街坊生意個個都入嚟都想開開心心食番餐，估都估唔到全間店都是惡人谷來的。不論任何人都鬧爆，尤其是老人家都唔放過，自己都有老竇老母的。唔知啲管理層點樣訓練員工？貼錢買難受！雖然秀茂坪得你一間獨市，任你欺凌實際難忍！