影片
以上資料只供參考, 請與餐廳確認詳情
最近同家人去左天水圍T TOWN半島漁港食晚飯，慶祝喜事，咁當然要賀一賀啦！睇到餐牌燒味$1，有3款選擇，分別係：至尊燒鵝、極品bb豬及海南文昌雞，亦有多款小菜、海鮮、鮑參翅肚等等，咁吸引一定要點啦～至尊燒鵝 $1賣相都幾好，仲有火熱住保持溫度，就算慢慢食都唔會咁快凍，而且份量都唔少，必食首選！ 燒鵝即叫即切，食落啖啖肉，皮脆肉嫩，陣陣濃郁嘅鵝油香味散發出嚟，高質燒鵝好好味。半島金牌炒飯 $168半島金牌炒飯以海鮮為主，蝦同乾貝份量好多，蝦肉鮮甜爽口，乾貝彈牙，瑤柱炸到脆脆，好香口，炒飯粒粒分明，每一啖食落去都滲出瑤柱鮮香，依個炒飯真係好足料，看似簡單但又較矜貴。菠蘿脆皮咕嚕肉 $128這款式與菜名一樣，食落真係好脆，帶少少拔絲嘅咕嚕肉，甜絲絲嘅味道，好有肉味，質地嫩滑，配合新鮮菠蘿、洋蔥、彩椒一齊食，感到很幸福！魚香茄子煲 $98一上枱熱辣辣，茄子煲至啱啱好，有咬口，唔會過淋，肉碎質地嫩滑，魚香味濃郁，唔會太鹹，用來拌飯真滋味。最後，送上糖水紅豆沙，香甜潤喉，滿足了！
繼續閱讀
是日與好友到天水圍半島漁港吃晚餐加慶祝一下生日。見到魚缸咁多生猛海鮮再望下燒味部即燒就知要點什麼菜式。開估：係點了豐料老火靚湯，$1之選為極品BB豬，淮山雲耳炒鮮百合，孖寶既清蒸老虎斑仔/豉油皇海生蝦，聖子皇：大大隻聖子皇，肉質飽滿，肉質鮮味。豐料老火靚湯：赤水豆煲鯪魚粉葛更為香濃。極品BB豬：BB豬皮脆，卜卜脆咬落去，肉質肥瘦適中。淮山雲耳炒鮮百合：淮山有著健脾益胃，雲耳百合同樣是有田園色彩。清蒸老虎斑仔：清蒸可以令魚鮮味更為突出。火喉控制得好好令到魚肉保持到鮮嫩。豉油皇海生蝦：海蝦肉質就是有所不同，實肉爽口彈牙。豉油將蝦鮮味帶了高一個層次。再加返枝朝日就清涼返晒。食飽飯梗係要點返個蟠桃大壽包：香口蛋黃配起不是太甜蓮蓉。包皮鬆軟可口。最後仲有紅豆沙送為晚餐畫上完美結果。大大粒紅豆加上陳皮去煲口感起沙又唔會太甜
繼續閱讀
朋友仔生日去左天水圍半島漁港食晚飯，去到叫左孖寶清蒸老虎斑仔+豉油皇海生蝦，淮山雲耳炒鮮百合，極品BB豬，聖子皇，豐料老火靚湯，蟠桃大壽桃包。大量生猛海鮮,見到都覺得新鮮。清蒸老虎斑仔-魚肉鮮嫩，蒸既時間岩岩好唔會過火喉。再加返枝朝日就真係岩岩好。豉油皇海生蝦-味道夠入味又唔係好咸，蝦肉鮮甜可口。淮山雲耳炒鮮百合-蔬菜新鮮清甜，夠晒清新。極品BB豬-$1BB豬真係抵食夾大件，皮脆肉嫩又大碟。聖子皇-蒜蓉粉絲底夠晒入味，聖子皇又鮮甜可口。豐料老火靚湯-粉葛赤小豆湯唔會太油膩之外仲夠晒味，有著老火湯的味道。蟠桃大壽桃包-壽桃包唔會好甜，味道好香，蛋黃流油。仲有紅豆沙同桂花糕同樣出色，唔算太甜。
繼續閱讀
收工返嚟已經好攰懶得煮，去T Town搵食，經過半島漁港門口先醒起之前都食過佢其他分店。原來$1嘅海南文昌雞、至尊燒鵝王及極品BB豬仍然做緊優惠，咁就俾佢個優惠吸引左入去。酒樓燈光光猛、空間寬敞，晚市見除左食小菜外，亦有做埋火煱，都幾多人食。坐低叫左壼茶，點左幾個菜，唔駛十五分鐘已經已經上齊曬，上莱速度超快，啱曬我呢啲心急嘅人，唔駛食完一道菜坐喺度等食🤪酒樓其中一個賣點係即燒燒鵝，依家咁抵食，非點不可。 燒鵝以玻璃器皿上枱，要讚嘅係全程以蠟燭保溫，燒鵝真係唔錯，外皮燒至又薄又香脆，肉質依然嫩滑juicy，好正。家常菜菠蘿咕嚕肉，酸甜度剛好又啖啖肉，幾鐘意佢個菠蘿放旁邊，唔會沾上個汁。平時食茄子肉醉煲最怕就係太鹹，我幾鍾意呢度個茄子煮出黎唔會成pat 野咁，送飯好正。鮑魚金錢鵝掌煲係必點的，冬菇超大隻，厚肉又爽口，鮑魚肉質軟又煙靭，食完個煲感覺食左滿滿的骨膠原。最後食埋個煮到好綿嘅紅豆沙，真係好滿足。今晚整體食物好味、份量足，坐得舒服。但今晚做左大嘥鬼，下次都唔可以再眼闊肚窄。
繼續閱讀
天水圍朋友聚會，大家都想打邊爐，一定係頌富輕鐵站旁一出商場就見到嘅「半島漁港/阿翁火鍋館」。招牌鴛鴦鍋：芫荽皮蛋拼沙嗲湯 （微辣）4款刺身：厚切三文魚文、北寄貝、甜蝦、帶子。款款超鮮甜。二人分量，海洋拼盤。個𧐢好大隻，新鮮到𧐢瑤柱連住個殼。滾一陣就食得，超鮮甜雪花牛，入口即溶，又香牛味！兩個人食啱啱好仲有至尊水餃王：滿滿蝦肉，一啖咬落去爆汁再叫其他火鍋配料：好腍羊肉片、脆肉鯇、鮮鵝腸、鱔片。可以任叫任食。但我哋食完主菜，叫咗一次就已經好飽。另外汽水、啤酒、響鈴、蔬菜亦係任食。今餐大滿足
繼續閱讀
您可能會有興趣的...