影片
侍應(應該是老闆兒子)經常查看玩手機，追問食物未到，竟然惡言相向，还給他教訓一頓，怎有这个道理? 離晒譜其実是他送錯食物給遲耒的客人付錢消費，还要受他的氣做服务性行业，怎可以这樣????離晒譜離晒譜離晒譜離晒譜離晒譜絕對不接受對客人愛理不理，這裡都是做街坊生意，很多時候還會光顧，若不改善，恐怕結業收場。差點忘了個小插曲，這家店消費過好幾次，收銀每次都亂算錢！最誇張的一次是我給他500$她收進口袋沒有要找錢給我！🤬🤬🤬我就一直站在旁邊等，兩分鐘後我就問他：你要找錢給我了嗎？還才說：啊，太忙我忘了！太扯了！😡很會騙錢的店！！衛生環境又差！氣壞了要不是因為深夜沒什麼能吃才不會去！！！
繼續閱讀
之前幫襯過兩次覺得味道都ok，今日係我第三次幫襯但要farewell了。食碗炸菜米🍜見到三隻瓜咗既手足在碗底，真係隔夜飯都嘔返晒出嚟。完全想像唔到一間新裝修好一兩年既舖頭可以衞生情況咁惡劣🤮向店員投訴🧑🏽💼店員建議重新煮過碗俾我🤢真係唔好玩啦，見到間舖以後都要擰歪面當時運低，仲話煮多碗俾我🤕呢啲時勢個個注重衞生，勤洗手戴口罩😷做到足係無用架，食著碗咁既嘢，真係要考慮飲1:99先掂。
繼續閱讀
星期日下午，休息日午睡之後，最好就係落街食個下午茶。今次去咗黃大仙上面嘅一間街坊茶餐廳，見佢裝修幾光猛新淨，而且又有下午茶餐，就入去試吓。我一般嘅下午茶餐，包括多士、西多士、沙律、雞翼等等，呢度都有，而且有一樣好耐冇食過嘅，就係沙嗲牛肉包，所以今次下午茶，就食咗呢個久違嘅食物。沙嗲牛肉多汁，麵包鬆軟，整體味道唔錯，配合一杯地道港式奶茶，喺呢個天氣凍，但係又風和日麗嘅星期日，呢啲下午茶餐，真係好正。
繼續閱讀
一個月幫襯第二次， 睇返openrice 先留意到老夫子壁畫。落單個後生靚仔無咩笑容， 但清潔姐姐同收銀姐姐就好好笑， 不過大家做野好落力既， 話無叉用， 即時補貨。今次點左中式鐵板鮮菇雞扒烏冬，份量夠晒， 分左部分俾阿女都仲食唔晒， 雞扒鮮菇已切片， 夠晒入味， 唔係一味得個咸字。老公就叫左個西式鐵板：香草雞扒蒜蓉汁睇到熱烘烘，出曬煙， 真係咋咋淋，聞到香氣十足。兩塊大雞扒，好滑， 蒜蓉汁個味調製得唔錯。不過都係上次個咖喱牛腩飯， 好食又抵食。今次就俾個好評喇！
繼續閱讀
每逢星期六日嘅朝頭早都鍾意四周圍搵早餐食， 呢間餐室開咗冇幾耐，路過嘅時候見到入面裝修好似幾特別，所以今日決定嚟呢度食早餐！一入到去，牆上嘅老夫子已經令我忍不住望多幾次，真係好吸引！而且餐廳嘅裝修都採用咗懷舊嘅元素！呢度嘅早餐連飲品定價同附近嘅茶餐廳差唔多，都係大約三十蚊到。醒神百搭早餐($30)鮮牛肉意粉配餐肉、芝士腸牛肉唔會太硬太林，意粉口感都適中。餐肉同腸都煎得ok。自選百搭早餐雙拼($28)紅腸、榨菜肉絲米粉見到碗米粉嘅顏色，初頭佢有啲擔心會好辣，但係好彩都唔算辣。最欣賞嘅係米粉幼身，質感幼滑！扒麵早餐($30)豬扒配米粉初頭望到個餐牌，以為扒麵早餐叫豬扒或者雞扒會包埋煎蛋，但原來唔係，呢一樣就可能要留意一下。豬扒煎得香口，而且肉質同味道適中，配上米粉食味道剛剛好！總結，值得再去！
繼續閱讀