千葉壽司刺身專門店 (已結業)

很差的一間餐廳!昨晚一行人本來諗住去食燒烤,但係實在太多人,天氣太熱喇,所以放棄.回程途中經過呢間千葉,大家本住一試無大害的心態去試下.日本野,就算差極都會有個譜呀嘛?<事後先知自己係錯ga覺今是而昨非!!入去坐低都無咩問題,好喇,睇下有咩食先,大家都提議先落order邊食邊叫.我地通常幾個人都先order一d刺身拼盤的,但係只有一款雜錦的刺身拼盤$68,再問一下侍應如果單點一款刺身一碟有幾多片呢?侍應話五片.結果先落住一個拼盤及另加一個吞拿魚刺身.再點了三文魚,熟蝦,北寄貝,燒鰻魚,v型蟹柳ga壽司好在先落左d俾佢地先........d野食黎到喇.刺身拼盤:從來未見過d三文魚刺身ga面積可以細過伴碟o個塊砌開左一半ga檸檬片!!!即係一塊完整ga檸檬片係有兩塊三文魚刺身咁大!!!!!過份!好難想像到當黎左ga三文魚壽司上面的三文魚係可以大過刺身o個塊.其他拼盤上的刺身size唔講大家都知係幾大喇.....坦白講質素方面亦唔見得特別好!吞拿魚刺身三十蚊五片.又係蚊型size.........全餐最唔抵食ga就係呢d刺身!d熟蝦壽司到,黎小左兩件.侍應人手就多喇!五六個咁企係度,

看完評語之後去試試啦,點知烏冬一啲都唔彈牙,食面粉咁!!!都好o既,太彈會彈傷個口嘛!!!!旺角水道橋果d烏冬擺咗落口就真係會跳彈床喇!!拉面無味,淡如水!!!如閣下喜歡飲水的話可能會覺得好食!!!壽司都算ok!!!!整體來講,唔掂!!!!!!!!!!!!!!!!!!!!!!!以咁o既水準來講,個餐差不多六十蚊都算非常非常非常之貴!!我覺得只值一蚊!!!!!

昨天2月14日情人節,開開心心到千葉食晚餐,雙腳踏入餐廳內,第一眼看到的是,餐桌與餐桌之間,距離不到3cm,想開口問侍應時,佢地已先出聲,話沒有靠窗邊的兩人餐桌,見到如此情況,只有找過另一間餐廳,我還未離開千葉時,已聽到其中一個侍應不耐煩的聲音,"今天是什麼日子呀,就算你現在可以坐四人餐飲桌,等一會還是會有其他人搭落來,有位坐住先,等一陣連位都無。"我好明白日本餐廳,大部分坐位都比較擠迫,但不是擠迫到這個樣子,侍應的服務會這麼的差強人意,千葉令我太失望。

野食好差﹐一個set寫住好似好多野食﹐list好似寫住好多野食﹐但份份都好少﹐不特止﹐我同朋友食左幾舊剌身後﹐發現係剌身盤既綠色(好似係海草)度發現有條蟲﹐個服務員話幫我地換﹐點知剩係幫我地整走海色野﹐其他野一模一樣﹐叫拉麵好咸﹐服務態度又差~~唔怪得之我地食時間餐廳都冇乜人﹐未去過試既真係唔值一去啦..

已經第二次唻食. 食店要得懶惰食事狗翻尋味, 當然唔會係三教九流. 上次既活魚剌身印象依然. 今次就普通少少, 叫左個定食. 但一樣感覺良好. 細細一隻剌身船己有齊新鮮扺食既元素. 狗狗不日再來.

近日有時間就去試屯門區不同的日本餐廳，在屯門的日本餐廳大致上分為兩類，一是大集團式的如元氣，元綠，目黑等; 二是本地的日本菜如惠比壽，明將等。大集團式的日本菜通用一般比較機械式，如以機械做壽司飯，魚生件件都切得好整齊。在大集團式的食市中，大家會知道及可預計食物的水平是不過不失，但沒有驚喜及因大量生產而沒有花心思去做食物。一般本地的壽司店多以平價大件作為賣點，其質素可說不吃也罷。前幾天有機會一試千葉，叫了幾個菜，包括剌身併盤($68)，有4件油甘魚，5件三文魚及4隻甜蝦; 滑蛋豬排飯($52); 餃子拉麵($42);及特色壽司卷($55);1) 剌身非常新鮮，有魚的鮮味，唔似屯門其他日本餐廳只sell大件但冇魚味;甜蝦的頭新鮮到難以用筆墨形容;油甘魚很甜冇渣，溫度適中。2) 滑蛋豬排飯的豬排做得很好，但如果d蛋多d同半生熟d會更加好味。3) 餃子拉麵的餃子非常有口感(好似用雞軟骨做)，即時炸後再放下去麵裡，蛋中間部份半生熟，可見他們很用心思去做這個麵。4) 特色壽司用料上盛，包得很精美，但因個人口味，不感覺非常吸引。o個到的服務都算幾好，一舉手就有人來斟茶; 仲有會介紹店中抵食又好食的菜

近日公務繁忙, 連日瘋狂OT加上睡眠不足, 心情差到了極點因為唔想發脾氣, 於是在體內壓力要爆發之前, 決定準時放工一日雖然正值減肥中, 但想令心情變好一點, 於是想找間像樣的食肆身在屯門, 要找間有水準的食肆, 不比登天容易想起之前不少人對此評價不錯, 又念在住了20年屯門也未曾光顧, 特來此地一趟九點幾去到, 得兩枱人, 正合我這種獨孤精既意看完menu, 想吃個拉麵, 但郤跟本沒甚麼選擇反正想吃拉麵, 又想試試佢地既刺身, 於是叫了拉麵晚餐, 一個拉麵+三件壽司+一碟刺身拉麵選了豬骨湯底, 壽司可選6.5那類, 於是叫了黃金尤魚, 北寄貝及魚立魚刺身則沒有選擇, 是師傳選的壽司同刺身一齊上, 黎到真係嚇左一跳, 壽司很細小, 大既是為了配合在飯上比它更小片的魚生刺身像刺身飯的餸一樣, 都是細細的碎碎的, 有魷魚, 三文魚及唔知乜野拉麵不錯, 及得上我在家中煮的出前一丁豬骨湯麵感激全程待應幫我加過一次水, 等我唔駛渴死埋單連加一$85, 以這價錢及這樣的食物質素, 只能用"混帳"兩字來形容永不會有下一次

佢同惠比壽都係屯門區唔錯日本食肆,價錢方面佢平過惠比壽好多,廿幾蚊已經有一個lunch set,而且選擇非常多,多到都唔知應該叫邊樣好.尋日食左椒鹽豬扒烏冬,豬扒軟硬適中,仲醃得好香添,d烏冬好彈牙呀!唯一缺點係份量太小,我係女仔食完都覺得唔夠飽,何況係男仔. 同事食左炒雜菜定食,菜好大碟,仲疊到好高,上臺時我地兩個都忍唔住"嘩"左一聲,我無試過,所以講唔到好唔好食,但賣相唔錯!d 男同事就好少黎,因為個個都話呢度d野係女仔份量,食唔飽....侍應服務幾好,反應又夠快,又有禮貌. 環境亦好乾淨舒服,有大玻璃窗關係,所以好光猛.

我自己細細個都已經喺屯門住, 好久以前都已經知道有這間日本食店存在! 我想都不下十年了吧?只是她給我的印像是價錢很不化算, 再且, 爸媽都是好傳統的人, 不愛日本菜, 壓根兒就不會想起到這店來!只是, 昨日經過那裡, 又知道她會給折扣予HA Staff, 便和媽媽一起試看這店子的水準!那裡是商場地鋪, 食客不多, 只有大約60%的入座率, 不過, 地方尚算清潔, 店員的服務不錯, 那裡在午間設有set lunch, 價錢不算昂貴, 一個set都只是$35左右, 拉麵都是$25, 壽司$6.5一件, 三文魚刺身特價, $38半打, 都好新鮮, 連我那個平日十分奄尖的老媽都盛讚不已, 比元朗的田中還要好, 只是份量稍遜!一頓下來, 合共$100以下, 值得一試!

其實千葉係屯門都開左幾年...我同屋企人都間唔中會去食下.我係元朗番工.. 元朗日本料理就好多...屯門可以話得番呢間日本料理質素係好d呀....上個月同屋企再去...發覺佢地既價錢比以前平左好多...但係質素依然好好..叫左個什錦刺身-夠新鮮,鰻魚炒飯-夠香口同乾身,鰻魚粒都唔少,我地個日仲叫左個日式湯烏冬.....真係要講講呢個烏冬..個次都係我第一次食"手打烏冬"(加$6)..我地見係"手打"....就不妨叫黎試下.....結果真係冇令到我地失望...平時食烏冬,好易就會咬斷....而且多數都煮得好稔....冇咩口感..但係呢個烏冬真係唔同...好彈呀..有口感.....聽佢地講...入貨都要$6個..真係冇錢賺都比好野客人食...咁先係"顧客至上"呀..

Dear editorsorry ar,我睇錯左,呢間執左ga la我講o個間o係屯門錦華商場地舖,但係你無開gaplease開過個

呢間d野食幾好味ga ow,又開左咁耐,都會無食評?多數同屋企人黎食,因為dad同mom唔食魚生,所以次次都叫定食,e.g.豬頸肉,網燒牛肉,簡餐咁...都好好味天婦羅都好好味,我見到好多人叫炸蝦,真係唔錯不過雞軟骨就麻麻而且我地成日去食,有個侍應都送甜品比我地,又成日推介野食比我地...環境唔錯,野食好味我自己覺得好過惠比壽,值得試試