千海水產海鮮火鍋放題

營業中

休息中

諗住訂枱打咗兩日電話冇人聽/唔通，Walk-in 去到職員話只接受預約，仲話成個11月都full晒booking,再問有咩方法/時間可以book因打電話打唔通，職員只答因為同時太多人打過去…..完。1星服務係比個職員嘅

第一次食嚐下鮮Book左1700-1900 場，去到現場的確好多人爆哂場。但真心有d 失望1） 海鮮有貝殼類（我唔知咩名），但無花甲有螺，有兩三款蝦，飽魚，青口，蟹（好細隻一睇就無咩肉所以我無拎）以上海鮮除左蟹同螺我無拎，其他食過都係無味！！！！OMG 實在令我驚訝2） 湯底叫左胡椒豬骨湯。胡椒味非常濃。其實個湯算係幾正。但唔知係咪因為咁所以海鮮更加無味，我淨係食到胡椒湯既味。完美蓋過哂所有鮮味，3）無生蠔，但有急凍蠔同急凍帆立貝拎，好厚肉大隻！不過都係果句：無味4）熟食ok! 款式唔多但係經典大喜屋水準。上菜都好快，唔會漏單5）好多店員，收碟同洗海鮮我覺得都好快。6）小心拎出面d 碗碟，我拎醬料碟果陣無發現入面仲有好多水🤢，加咗啲麻醬落去先睇到勁多水係入面🤢無辦法我實在唔想食洗碗水，唯有成兜比返個職員。7）牛肉好食既正常質素！不過我係為左海鮮而黎🙂‍↔️總結，嚐完鮮。下次都係食返大喜屋算喇P.S 用左會員優惠，埋單減左$20

昨晚星期六 無walk in排隊，第一次食。食物質數良好 食物種類一般打邊爐有的 佢地都有+上生猛海鮮 連加1 三百幾元，手機點單上菜速度算快。五點食到七點，六點半D侍應就已經叫人食快D 大部份客的爐都被人執走晒，我隔離張台個客 叫左野仲食緊 個侍應走埋去催佢食快D。我開始食甜品 被佢地清空左台上的爐 架餐唔緊要，但六點半已經收左我張咭埋單 到左我坐去到7點 等極都未等極佢地都仲未俾返張咭我。急住趕人走 埋單果個又慢，想點。依個集團所有放題餐廳都食過晒，依間六點半就收人爐趕人走的模式。講真去過一次 無下次

淘大千海水產平日$248加一 1200-1600星期六日$268加一，1200-1600建議大家裝飯團Apps做會員，新會員會有$20券或一個免費鴛鴦鍋同屋企人2/11去食，前幾日個電話打極都打唔通，好彩住得近，於是行落去舖頭訂位，要俾$500 CASH訂金,買單嗰時會退返$500 Cash俾你2/11 11:45 到達，有book 位都要排20分鐘入座，星期六日建議大家可以早啲去海鮮新鮮，鮮甜青口，大頭蝦，沙白，花甲，鮑魚，蟹，九節蝦，撈完海鮮可以交俾職員洗手機QR code Order 食品種類好少，有兩款牛肉：M5和牛&肩胛肉，牛肉好睇你彩數，同一款叫咗幾次，有啲好食有啲好瘦好嚡，仲有一款羊肉一款豬肉鵝肝唔錯，羊扒好嚡，燒蠔蒜蓉唔夠，榴槤係急凍嘅，乳鴿唔夠Juicy 同埋太多salt ,牛舌唔嫰，比目魚好滑，燒鰻魚都好食，椰汁燕窩燉木瓜ok 另外佢哋涼拌魚皮，雞腳，雖然有啲辣，但非常爽脆好食，另外酸蘿蔔，蕎頭都非常夠酸蔬菜好多款式，好新鮮，好嫩甜品細細件，都有好多款有Häagen-Dazs雪糕，係啲好少見嘅味道有公仔麵，烏冬，王子麵提供有生果，煙三文魚，黑松露醬自己畢飲品櫃有好多

Book咗位，九個人要分兩張枱，一張四個一張五個。已經提早打電話同職員講，想坐近啲兩張枱，但係佢死都唔肯應承，話啲枱好難安排。嚟到現場見到好多枱已經冇人坐。諗住同職員講聲，跟住佢安排咗兩張連number嘅枱畀我哋。但係兩張枱完全見唔到面（54, 55），完全傾唔到計。跟住仲要覺得我地好煩。又唔畀轉枱，職員（企門口個經理，金毛、男人）態度惡劣。本來搵到隔離枱可以調位，因為張單要轉，所以啲職員又覺得好麻煩，最後都冇調到。講真真係冇下次。食物質素一般，名過於實。龍蝦頭湯底沒有龍蝦味道，海鮮類別不多，沒有象拔蚌、龍蝦、魚類。在千挑萬選下，找了些海鮮給職員清洗，但最後又給他錯誤地（掉錯牌號）給了其他客人。

值得支持香港食店真係有好多海鮮選擇有蟹。蝦。蜆。蠔。鮑魚。脆脘片，新鮮，唔需要再去深圳食，菜選擇都好多有羽衣甘藍。茼蒿等比較少會有任食火鍋出現，另外羊架乳鴿都不錯。甜品榴連波波完美一定會再去。。。只可惜夜晚食2小時比較趕，但都值得再去😋

食12點的下午放題，今天已加了價，$258/位。排隊已經知道分開已訂位和walk in是左右兩條隊，但是不知道是坐喺度排隊，還是企喺度排隊，冇人指示。 混亂。食蟹沒有供應較剪，雖然細隻，但蟹鉗都會食唔到。 用橡筋箍住蟹鉗，唔會同你切開一半，因為話怕羔會流走，又沒有揼碎蟹鉗。牛肉有2種，牛肩胛好味。活蝦有2款，大頭蝦蝦頭多羔，但冇乜味，另一款是泰國空運黑色的草蝦，煮完好橙紅色，正！鮑魚雖然會郁，但冇乜味。灼生蠔知焗生蠔冇味。乳鴿普通，比目魚唔夠油香。榴槤雪到好夠凍，正。佢地紙巾個 logo是粉藍色，甩色。我件衫有少許蝦羔，用佢地紙巾濕了水抹，就見甩了色在布。即是用他們的紙巾是會食埋油墨落肚。沒有濕紙巾供應，放小龍蝦旁的位置，都有手套供應。

電話完全打唔通，0 services，無人知要book位定walk in, 上網睇人地留言先知要book位，呢到完全無mentioned原來有人白去左，唔book食唔到，個個都住九龍灣咩，本身諗住聽日特登答車去食呢間野，大家知道了，walk in既人唔洗諗住食😂壽司朗都有後補位啦平又點？full哂booking根本食唔到，promotion做得幾好都無用，完全想試想欣賞想食都食唔到👍🏻👍🏻👍🏻👍🏻2個字：失望

從來未食過咁抵食，咁新鮮海鮮放題，呢間真心推介，食海鮮食到飽，真係第一次。 尖咀牛站牛肉放題我都好鐘意去，原來呢間係牛站老細開，唔怪之得好有質素。 👍🏻.希望唔係淨係因為新開張，希望以後都益街坊，都做得咁好。🙏🏼🦐🦀. 海鮮任攞，不停加，不停加，不停加，所以唔使迫，唔使急，慢慢食。 .其他食物，有鵝腸，生蠔，雞子，黑牛柏葉，全部都新鮮好食，好乾淨，呢啲喺香港其他火鍋店都買到好貴嘅食材，呢度係任食任攞，而且所有野都係不停加，真心食得好滿足。 . 雖然啲位就窄少少，（你上網見到youtuber 1-2個人好大張枱，坐得好舒服，呢啲都唔真實），但我仍然覺得呢個價錢係非常非常之抵食，合理，如果品質不變的話，值得一去再去。👍🏻😋❤️

由帝皇集團引入嘅「千海水產」海鮮火鍋放題，第一間分店喺10月尾喺牛頭角淘大商場開業。「千海水產」可以即撓海鮮去打甂爐，同時又有同集團「牛站」及「大瀛喜系列」嘅特色：可以落單叫澳洲M5和牛，另外可以去自助區夾脆墨魚、海參、花膠等其他火鍋配料。亦可以落單叫燒乳鴿、燒牛舌、貓山王、炸榴槤球等。當然自助區有任飲酒類同任食甜品雪糕。平日晚市120分鐘放題都係$300 鬆啲，7點半前離座會平啲，中午4個鐘放題再平啲，極適合朋友吹水聚舊。如果門口或樓下如果有人派傳單，入面會有9折優惠券。

好抵食，有即撈新鮮海鮮，鮑魚，蝦，蜆，蟹，螺。另有小食，菜，水果，甜品，……飲料：啤酒，清酒，梅酒，各式各樣飲品可惜只有120分鐘，不能慢慢享用整體高質食物，味道很好記得要先訂位

尋日睇youtube 無意中發現有海鮮任食嘅新餐廳開張，仲要做緊優惠HKD308+10%,2小時(原價HKD358+10%)急不及待訂位去試。畢竟係新餐廳，環境光猛，地方乾淨，一入到去感覺良好。任食海鮮區有沙白，瀨尿蝦，大頭蝦，九節蝦，三點蟹，紅蟹，鮑魚，蠔。除此之外，頭盤小食，飲品區，甜品區都非常多選擇，不能盡錄。。頭盤區特別d 嘅有，煙三文魚，魚子醬，點心等。飲品區有自家樽裝茶，珍珠奶茶，不同牌子啤酒，清酒，梅酒，豆漿，甘蔗汁等甜品區有乳酪，豆腐花,楊枝甘露，大福，布甸，蛋糕，Häagen-Dazs 雪糕蔬菜區都超級豐富，冰菜，豆苗，羽衣甘藍等等嘅貴價菜都有。qr code 點餐食物就有牛，羊，豬，乳鴿，鵝肝多士，羊架，鰻魚，西京燒，蒜蓉燒蠔，芝麻雞翼，木瓜椰汁燕窩等。種類多到食唔曬。今次湯底揀咗龍蝦頭湯，一上枱已經勁香。海鮮非常新鮮，d 蝦彈牙，沙白乾淨無沙，鮑魚超大隻，蟹雖然無乜肉但都好鮮甜，蠔亦新鮮食左幾隻都任何腥臭味。肉類就屬一般正常發揮。整體食物都好有質素，以嚟個價錢計，直頭係超值。

在網上看到了新開張的這間店舖，從很遠的地方開車過去光顧，當天一行七人中午去吃了海鮮放題，食物選擇種類較少，比較多的是熟食，新開業有折扣優惠，但後來收費顯示沒有優惠豁免，於是結帳後致電查詢，首先有位女員工接聽電話，要求我必須回到餐廳取消信用卡付款，重新用信用卡結帳才可以享有優惠，但我已離開九龍灣不會再經過，之後有位男員工答應說當天轉數快退回服務費到户口，等了兩天也沒有退回，這兩天打電話查詢，沒有人接聽，電話長期飛留言這間餐廳處理方式，服務質素非常不滿意

甘岩撞到細姨一家，就黎試新野～～～果然係大喜屋出品，有乳鴿、鵝肝、燒生蠔、勁多野飲、出面有好多特別既醬料，生果都有6、7款～～雪糕甜品就同殿大喜屋參唔多，鴛鴦鍋就要加錢，七個人以上先至可以有兩個鍋囉，因為我去嗰陣時新開張，所以有九折

我家老闆帶我食海鮮，我地好耐無出淘大商場，真係改變咗唔少，啱啱琴日先開既即撈海鮮，老闆話好抵食，襯佢做緊優惠即刻要試吓先😁即撈海鮮酒火鍋放題午市12:00-16:00 · 任食4小時$248晚市任食2小時$268up我地夜晚嚟都算多人，地方大目測都好乾淨，唔駛等位，門口就巳經係即撈海鮮，啲蝦全部跳跳紮好新鮮，鮑魚黐到實一實，撈起身仲識郁，仲有生蠔🦪超正過10款即撈海鮮任食、除咗自助區，QR code落單有超過40款肉類、小食、串燒、榴槤等等回本話咁易，呢個價錢仲使乜特登返大陸食呀😆