千海水產海鮮火鍋放題

營業中

休息中

千海水產海鮮火鍋放題氛圍熱鬧而舒適，裝潢現代，桌椅分佈合理，令人能夠享受美食同時唔會感到擁擠🤩🤩🤩店內光線柔和💫用餐體驗非常良好餐廳最特別嘅係，設有自助撈海鮮區👍 內含多款新鮮海鮮🥰 不停補貨，無限量任撈任煮🥰 真係勁高質🤗      今次叫左龍蝦湯底，首先顏色鮮艷，湯面上飄著些許香料，令人非常開胃🐂🐂🐂和牛肉質柔嫩，入口即化，湯底鮮美更提升火鍋既風味，每一口都能感受到肉既香氣，豬肉則富有嚼勁，口感100分🤤🤤🤤     炸物方面外酥內嫩，金黃顏色炸到恰到好處🌟✨尤其炸饅頭及炸雞非常美味，海鮮新鮮非常之多款，擺盤整齊，感受到海產方面非常之用心🐧🐧🐧      餐後哈根達斯雪糕依然係完美既收尾，滑順口感同濃郁既風味不在話下，款式有雲呢拿，馬卡龍，焦糖口味，令人非常之滿足🍦🍨

喺大陸都食過撈海鮮，所以見到香港都有都要試吓先。牛站同一個集團，所以開嘅頭嗰一年內一定要食，如果唔係就會變得很參差。首先講下鍋底，冇辣嘅選擇的，buffet要攞嘅丸，菜，熟食都係同牛站差唔多，見到佢多咗有魚子醬，我朋友就用魚子醬撈麵。飲品方面，竟然有兩隻生啤選擇👍🏻👍🏻真係冇得頂。當然QR code要點嘅嘢唔係好多款。始終撈海鮮為主。撈嘅海鮮都好新鮮，有各兩三款蝦蟹蜆，都係活生生的，仲會好細心，當撈完之後幫你斬開隻蟹。甜品方面都係基本雪糕，軟雪糕，放題甜品咁冇乜特別。諗唔到，佢哋再要進步嘅空間了⋯⋯

近期呢間人氣放題勁hit，主打任撈海鮮，不停refill生猛海鮮比人任夾，有鮑魚、蟹、蝦、貝類，喺香港都食到平靚正海鮮🫶🏻🌟 ⭐️⭐️人均 💲3️⃣0️⃣0️⃣ 晚市任食放題⭐️⭐️🌟🌟自助任撈海鮮區：鮑魚、蟹、蝦、貝類，樣樣都新鮮生猛，主打自己撈海鮮，撈完之後比職員清洗，等一陣就拎得🤩🌟QR code點單&自助區：乳鴿、鵝肝多士、鹽燒牛舌、燒羊架、蒲燒鰻魚、生蠔、點心、烤榴槤、蔬菜類、丸類、麵食，生啤任飲，真係不得了👏🏻🌟甜品區：有Häagen-Dazs、MÖVENPICK雪糕任食，仲有甜品櫃入面唔同種類嘅甜品，大推海燕窩椰汁燉木瓜，滋潤之選🫶🏻

九龍灣嘅🌟千海水產海鮮火鍋放題🌟，係近期極具話題嘅食店🔥，9pm後嘅宵夜時段仍然人山人海！餐廳地方特大，設🪸即撈海鮮區，無限量供應，refill速度又夠快，鍾意食🦀海鮮嘅朋友真係唔好錯過👍🏻！🌟2小時晚市火鍋放題 星期一至四 9pm後 $308/位🪸即撈海鮮區是晚嘅即撈海鮮有鮑魚、三點蟹、海蝦、東風螺，蜆都有三款！揀好咗就可以交俾店員處理，好快就有得拎返！鮑魚同埋蟹活力充沛，部份蟹乸仲要抱子，勁多膏！而沙白就超級鮮甜，亦令湯底變成極鮮味嘅蕃茄海鮮湯，烚乜都咁好味！🍅蕃茄豬骨鍋鮮香嘅蕃茄味，除咗同牛肉勁夾之餘，烚海鮮同樣美味，正！🥩澳洲M5和牛｜美國牛肩胛澳洲和牛跟返建議，輕焯幾秒就食得，軟柔多汁肉味濃！美國牛就多啲油香！兩款牛嘅質素都唔錯！🪿鐵板鵝肝多士｜西京燒比目魚｜皇牌燒乳鴿王同同系嘅放題餐廳一樣，鵝肝、比目魚、乳鴿一直受人追捧，十分美味，係必點嘅items！🍺自助區有多款蔬菜、丸類、生蠔、熟食、飲品、甜品！最正嘅當然係生啤機同埋名廠雪糕！

星期六7:30前埋單298 +1呢間近期人氣好紅嘅自助海鮮火鍋5:07到店已經人山人海其實佢除咗海鮮之外，都有好多熟食甜品飲品等等海鮮嚟講，我覺得蟹係唔需要食㗎大頭蝦反而有啲驚喜蝦頭係有膏蜆同埋螺，其實都冇乜味我覺得佢熟食方面蝦餃，羊架，鵝肝多士，芝麻雞翼，乳鴿，比目魚等等其實都OK甜品方面其實佢都有好多款式不過真心全部都係啲一般貨仔如果肚容量空間有限嘅話都係食返Movepink或者Häagen-Dazs會好啲而家晚市打個邊爐都三字頭啦如果你同自己講佢有多個option係新鮮海鮮當係一個bonus嘅話其實都可以去食嘅

最近預訂到人氣爆棚的千海水產海鮮火鍋放題，真是一次難忘的美食體驗！我預訂了2小時晚市火鍋放題。湯底選擇很多很吸引，包括昆布柴魚鍋、金湯花膠雞鍋、野菌魚湯鍋和蟹王海鮮鍋。我選擇了野菌魚湯鍋，清新又有層次感，跟海鮮好夾配。千海水產以「即撈即煮」的概念，提供多款新鮮海鮮，九節蝦、基圍蝦、大頭蝦、藍蟹、三點蟹、鮑魚、花螺、沙白、刀貝蚌和白蜆等，通通都在自助區即撈，不停補貨。每一口海鮮都鮮嫩多汁！我最喜愛就是鮑魚，肉質鮮美，無比彈牙。刀貝蚌口感爽脆，湯汁吸附後更添鮮味，搭配一些蒜蓉醬油，實在美味！除了海鮮，店內的肉類選擇也相當豐富。澳洲M5和牛、 美國牛肩胛片、澳洲羊肉片和美國豬梅肉片。質素亦都好好。澳洲M5和牛肉質柔嫩，油花分佈均勻。燒物方面，浦燒鰻魚和西京燒比目魚的味道特別受到喜愛，香氣四溢，讓人回味無窮。這裡的炸物同樣出色，醬爆糍粑、芝麻雞翼等。醬爆糍粑香脆的外皮包裹著煙韌香甜的內餡，令人驚喜。芝麻雞翼炸得金黃酥脆。最後到自助區選擇喜歡的雪糕，為這次的放題增添了甜蜜的結尾，大滿足！📍千海水產海鮮火鍋放題牛頭角道77號淘大商場3期2樓S154, S162及S155-S158號舖

最近去左間新開放題，真係好瘋癲，超多野食，而且首家以即撈活海鮮放題主打的餐廳相當有綽頭，唔怪得每個時段都人頭湧湧，想食記得要提聞book位啦😍👍🏻⋄咁高質素的放題以為好貴？一至五午市時段最平$288（需另外加一）就食到，其他時段都係每位三百幾，相當超值🤩😋⋄⋄====—====—====—====—✦ 任撈海鮮 ✦成個海鮮缸比你自由任撈，想食咩就撈咩，環境乾淨衛生，職員又會勁快refill, 海鮮生猛，有大頭蝦、基圍蝦、美三點蟹、肉蟹、花甲、沙白、大蜆、大鮑魚、青口、東風螺等😍😍鍾意食海鮮絕對唔可以錯過🙌🏻⋄✦ 肉類 ✦🥩多款澳洲M5和牛、美國牛肩胛、澳洲羊肉片、美國豬梅肉任叫任食 ⋄✦ 小食 ✦🦢主打鵝肝多士、乳鴿、川味燒鮮蠔、西京燒、⋄✦ 自助區 ✦主打烤榴連💛每人一定拎幾舊，仲有小龍蝦🦞，各款炸物，火鍋配料有有大大隻生蠔🦪，仲有超多款蔬菜、丸類，海鮮、肉類、粉麵類等😋⋄✦ 甜品 ✦多款蛋糕🍰、甜品杯、大福、奶凍等⋄✦ 雪糕 ✦🍦必食 Haagen-Dazs 雪糕，仲有多款日韓泰雪糕任食，超正🤩⋄✦ 飲品 ✦🍹🍁多款自家製茶類、果酒、梅酒、啤酒、汽水、果汁等，真係多到數唔曬😆==

午市時間所有人都係12點入場，跟手全世界衝去海鮮檔撈海鮮🦀🦐🦀🦐之後又要排隊等工作人員幫手清潔海鮮⋯👩‍🔬🧑‍🔬 個人認為先食蝦比較好，沖兩下水就乾淨晒，第二輪先撈鮑魚，貝類海產🤔主攻大頭蝦同蟹，夠生猛又夠爽口彈牙，仲要有膏😋😋😋鮑魚就一般般啦，沙白同蜆好鮮甜飽滿多汁，好好味多吃冇防👍🏻👍🏻👍🏻放題仲有其他嘢食，煎鵝肝多士、烤羊架、榴槤都有得食🍖🍗🥓飲品選擇又多，清酒、梅酒、啤酒都係放題🍶🍷🍻🍹🥤🍾

爸爸媽媽結婚周年紀念，咁就預早book咗呢一間嚟個午市放題等佢哋開心吓。之前同事有食過，提醒我新會員開Apps，可以有鴛鴦湯底。橫掂落單都係用Apps咁就開。但喺Apps嗰度撳完鴛鴦鍋，佢就冇反應，跟住以為佢冇得特別選擇，就照落單，後來就嚟咗個冬陰功單鍋。本來係想要椰子雞拼冬陰功，跟住同職員講，職員就話唔應該係個Apps裏邊落單，應該要嘟QR code。但係嘟完個QR code都係跳返去個Apps裏便，呢個完全理解唔到佢嗰個係咩理論。理論完用咗半個鐘頭時間，先至上返個鴛鴦鍋俾我哋。如果唔係屋企人結婚週年唔食得辣，都唔會咁堅持要轉返鴛鴦鍋。除咗呢一開始嘅不愉快經歷，其他大致上係滿意。 不過食物質素嗰方面海鮮係新鮮，蟹食到有海水味，蝦又大隻，又爽口。個冬陰功湯底味道好過椰子雞。自家製嘅意大利雪糕都好出色，唔會太甜。另外個鵝肝都好大件，比起好多酒店嚟講相當大方。唯獨是係啲點心唔熱；海參出咗一輪，淨係入座時影咗張相都未食，十几分鐘已經無曬又冇refill到；同埋煲肉燥太過肥膩；乳鴿上鹹咗少少，其他都相當出色。事次用餐為自費，評論只限於該次用餐體驗。

呢間超人氣既放題唔怪得咁Hit🔥佢個任撈海鮮區🌊不停refill比人夾海鮮，鮑魚、蝦🦐、蟹任你食，真係唔洗番大陸，喺香港都食到平靚正海鮮晚市放題(2小時) $298起自助任撈海鮮區：鮑魚、蟹🦀、多款蝦、貝類自助類：烤榴槤、乳鴿、鐵板鵝肝多士🍞、燒生蠔🦪、榴槤炸彈、小龍蝦、麻辣大頭蝦🌶️、黑松露醬配多士、鹽燒牛舌、燒羊架、蒲燒鰻魚、點心等甜品類：Häagen-Dazs雪糕🍨、海燕窩椰汁燉木瓜、楊枝甘露、巴斯克蛋糕🍰、泡芙、綠茶大福等飲品區：韓國青提真露、清酒、梅酒🍶、白酒、椰青水、橙汁🍊、珍珠奶茶、啤酒等海鮮區好大，多人都唔會等好耐，水質keep住循環好乾淨清澈💧🐟鮑魚隻隻都大隻生猛，煮完唔點縮、唔Un🦀三點蟹唔會甩手甩腳，好多仲係打橫行緊，煮完肉質結實、有蟹味👍🏻🦐佢啲蝦有幾款，推介大家夾大頭蝦，生猛不特止，真係每隻個頭都有膏，肉質彈牙，蜆🐚都係不得了，無沙仲比我地夾到有隻超大隻好厚肉❗️只要揀好海鮮，就可以俾職員幫你再清一清乾淨，2-3mins就拎得返，而且refill速度極快，質素穩定雖然海鮮是重點，不過都無損其他食物嘅品質🌟全部試咗少少都幾好食，重點推介烤榴槤好香，鵝肝多士encor

這間千海水產近期是城中熱談，所以預先訂枱試試。地方算是難找，在商場入面兜來兜去也找不到，尤其是停車場更加混亂。去到門口的時候見到大排長龍應該是沒有訂座的人，今天是星期五所以人流特別多。這家水產剛開業不久，所以非常新淨，所有水產都好新鮮，例如蝦、鮑魚、蜆及螺。大頭蝦非常鮮味，頭內有很多膏，蝦肉甜美好好味。蜆肉亦非常鮮味，吃了又吃！侍應服務不錯，好細心，反而有些顧客有問題，東西非常齊全，根本就不用去搶，但有一個大媽迫來迫去將豉油倒在我的褲子上，跟他談他連對不起也沒有一句就走了！除了海鮮外其他order的東西也很不錯，例如和牛和羊肉很新鮮。亦叫了他們特色的鵝肝多士和木瓜燉燕窩，鵝肝有點鹹，其他的味道不錯。有大量飲品任你去攞，滿足感十足，還有Häagen-Dazs雪糕，雖然星期五比較平日貴一點，一個人埋單$394，但我覺得以這麼多的新鮮海鮮也是物有所值了。

一坐底，店員叫落咗湯底先🍲我哋叫咗龍蝦頭燶湯🦞跟著就去海鮮區夾新鮮蝦、蜆、蟹、鮑魚、花螺….夾完一桶先有專員幫你洗乾淨。之後就可以倒落湯一齊滾。肉類就試咗牛&羊。熟食位，有個位幾得意😯就係有黑松露醬🖤可以配法包一齊食，任食餐廳比較少見。但最吸引我嘅😍除咗海鮮外😏就係”榴連”💛就咁食已經好好味🧡我再加重甜味😋上面加咗煉奶&朱古力醬⚪️🟤簡直係超級無敵好食！😍餐廳仲有好多其他配料可以拎，仲有水果🍉蔬菜🥬點心🥧前菜🫛甜品🍮自製雪糕機都有🍦仲有酒精區「生啤」，清酒🍶梅酒….都有！飲品區我最鍾意飲佢哋自家泡茶👍餐廳坐位寬敞，而且因為食海鮮會有好多殼，所以餐廳啲侍應人手好充足地去應付差不多每分每秒都幫食客清緊枱面啲海鮮殼⋯⋯令到成個過程，都唔會好多殼係張枱度，餐廳長期保持到乾淨，呢一點值得稱讚🤩

近期成為熱話的自主撈任食海鮮火鍋放題《千海水產》今日終於book 到位去試一試🥰！而家可以網上訂位，共有兩間分店（九龍灣、荃灣）環境闊落全卡位，L型任撈海鮮區，亦有大型自助區和飲品區域👍🏻！一坐低即刻攞枱面個鐵筒去即撈鮮活海鮮區～蜆、蝦、蟹、鮑魚，店員會不停補貨，專人負責清洗，真正無限量任撈任煮🥰！另有冷藏區，多款海鮮、蔬菜、火鍋配料選擇！而QR Code 落單，亦可order 湯底、肉類、小食等等．．．點心專區～蝦餃、燒賣、牛肉球，一籠一件，每樣試吓😌！自助區基本的飲品、甜品、冷盤、水果樣樣齊！每樣食一款其實已經超飽😋！

香港依家有自助任撈既海鮮放題，見網上好多人都黎呢度食，個個都話有好多唔同種類既海鮮食🦀今日媽媽生日就帶佢黎呢度食下佢最愛既海鮮放題啦，我等咪媽媽收工黎食都9點鐘，呢度既海鮮區仲係勁多海鮮可以選擇🦐仲要不停咁樣refill，任撈任煮，讓我地可以一直保持食到所有既海鮮同咪1d海鮮全部都係好活躍，超新鮮😊🌟一入門口就比個海鮮缸嚇親，入面d全部都係新鮮，有大頭蝦，海蝦🦐蟹🦀蜆沙白，花螺。全部都係自己想食幾多就撈幾多，因為全部都係新鮮現撈即煮雞原因，食落去係勁鮮甜彈牙，超正🌟自助區都有好多唔同既熟食又小龍蝦🦞炸雞，烤榴蓮等。仲有好所既火鍋料可以揀有生蠔，皖魚，鵝腸，田雞等，有各式各樣既丸類，仲有好多唔同既菜類，超多選擇🌟點心有蝦餃，燒賣，牛肉球🌟仲可以叫咪肥牛，燒生蠔🦪鵝肝多士🌟飲品區都有各式各樣既冷泡茶🍹汽水，啤酒，果汁等🌟甜品區有好多唔同種類既甜品，有唔同既蛋糕。泡芙，布丁，雪糕

全城熱話嘅千海水產海鮮火鍋放題 我朝聖完啦🤩我哋BOOK咗17:30入座 食2個鐘到19:30 閒日一至四價錢$278/位 再收加一服務費17:30呢個時段都滿座 成個場係好大好熱鬧 但食物量係絕對充足兼款式真係好多先講海鮮區域 餐廳自助撈海鮮區域會不停補貨無限量任撈任煮我哋呢日嘅海鮮款式有 幾款貝殼蜆類(大蜆、沙白)、海螺、鮑魚、大頭蝦、蟹等 全部都仲新鮮生猛每檯自己都會有個海鮮兜俾你出去攞海鮮 裝完海鮮之後俾職員 職員會幫你清洗同將蟹砍開如果人多需要排隊洗海鮮嘅時候會俾個牌你 轉頭返嚟攞就得 非常快手唔洗等好耐有款大蜆係街市賣都要$50/斤 一斤無幾多隻 我平時都唔會點買 呢度任食真係好正！然後到打邊爐果PART湯底我揀咗鴛鴦鍋 蠢咗應該揀一個湯底就夠 因為蟹比較大 一個鍋底一鑊過就最爽 火鍋食材多到甚至有D菜我都係第一次見 應該至少有5米長嘅凍櫃俾你揀 生蠔都有🦪牛果D就正常QR落單 因為主要都係食海鮮 我哋都係食咗一份牛姐自取嘅仲有好多涼拌 餐前小食 煙三文魚 飲品 甜品 雪糕等 Häagen-Dazs都係任食！QR CODE落單嘅仲有唔少肉類 熟食 串燒等19:30夠鐘真係要