千樂燒味餐室

這茶記初期下午茶餐很多選擇，食物質素中等，飲品合格，服務一般啦。但今午想食燒鵝米粉再光顧，行入去沒人理你，自己坐下即叫下午茶餐燒鵝米粉標配紅豆冰，燒鵝熱辣辣，湯頭味道和米粉合格，而椰汁紅豆冰剛好合格，紅豆少及細粒。服務態度真係麻麻地有待改善，否則只此一次，祝好運！！…查看更多

朋友介紹 千里迢迢 大西北去北角 結果喜出望外呢間小炒王，夠晒鑊氣 yummy yummy 😋 實在太好味，寫下人生第一次食評，小店應被看見精緻必吃小炒 咕嚕肉 加咗紫洋蔥 紅黄綠椒，一上枱吸引全枱人眼球，入口鬆化唔厚粉，酸甜有至，高手師傅在民間 金銀蛋上湯豬乸菜嗌餸嗌到最後諗唔到食乜菜，店員提議食金銀蛋菜，問我哋鍾意食乜菜，話今日豬乸菜靚，不如試下。一試難忘，這配塔突出了豬乸菜的鮮甜。椒鹽鮮魷膽固醇超標 quota不能亂用呢碟鮮魷 堅好味 忍唔住夾完一嚿又一嚿爆炒牛柳粒牛柳粒炒得極嫩滑，但又不失鑊氣…查看更多

頂瓜瓜廚藝 👍👍👍👍👍無有得頂咁好味價錢公道地方衛生，仲要係洗手間都咁乾淨！出菜時序體貼 負責人功力可見一斑脆皮乳豬 肥瘦適中 燒得火喉啱啱好 盡顯師傅功力黃金茄子新年必點意頭菜，唔油膩，唔鹹，食到停唔到口花菜炒肥牛辣辣地惹味菜式，冇諗過花菜配肥牛原來咁夾，師傅創意梅菜蒸肉餅食得出用靚梅頭，梅菜浸泡得鹹甜度剛剛好，送白飯一流…查看更多

講真心，簡直不知所謂既燒味店！仲要開係太興對面，人地咁大招牌，好唔好食先唔講，起碼唔會好似呢間咁大牌！呢間咁既餐廳食物質素已經一般般，價錢仲要又唔係平。仲要服務態度惡劣，自己做錯仲可以講到好似係食客錯咁「食唔食無所謂啦」，咁好生意啊？係呢區午市間間餐廳都係咁好生意架啦，唔好講到自己咁忙啦咁爆啦，真係唔好意思，可能我地呢細食客人地睇唔上眼， 打攪晒，以後都唔會再黎阻你地做生意。自己好自為之，認真，呢間嘢邊個幫襯邊個後悔。…查看更多

北角最近開左呢一間新嘅茶餐廳，諗住入去試吓，點知食到一肚氣。食物幾好食，但待應態度惡劣！一入到去12:00，都算多吉位，但店員叫我哋2個人坐埋一邊。我明白12:30放飯時間會多人，但多人我地自然會讓位，何必成日要有位但迫埋一堆呢？自問食嘢已經算快，請當我食完啲野準備飲杯奶茶之際，個待應叫我要埋單走，我都未飲完杯野埋咩單走呀？所以我無理佢。之後店員望實我，心諗咩事？由入座到離座都好激氣，好唔好食都無下次。…查看更多