十大碗粥麵專家 (豉油街) (已結業)

🇭🇰十大碗粥麵專家·我哋嗰日本身係諗住去鳳鳴居食米線嘅 點知去到超多人 所以我哋就決定轉場🤣🤣醒起之前係IG story見過朋友推介呢間 好似好正咁 所以就嚟咗😈·招牌雲吞南乳豬手麵$48 l 鮮豬潤北菇滑雞粥$46佢個豬手顏色真係超靚 勁入味 而且佢係炆到淋曬 不過我本人其實係鍾意豬手炆到仲有少少骨膠原嗰個質感 不過佢呢個炆到透晒都好好食🐷之後佢個雲吞都係超大粒 而且個蝦都好新鮮 好彈牙🦐之後佢個粥底都好綿 幾有驚喜 而且佢個豬潤係真係超大塊 而且好厚切 質感好好 啲雞件都好滑 不過題外話我哋本身以為北菇滑雞會有粒北菇 點知冇🤣🤣·炸蜆芥鯪魚球$22之後個蜆芥鯪魚球我其實第一次食 佢呢個超大粒 係好似半個拳頭咁大 超誇張😈😈之後佢成粒都係鯪魚肉黎既 咬落啖啖肉 配埋出面既炸米粉 口感好好🤤之後佢個蜆芥汁係偏鹹既 但係點少少超級惹味😎😎·#rbyeat#rby港式#rby旺角 #rby太子·📍旺角豉油街66號地舖📍太子汝州街45號樂勝大廈地下

來到旺角仕德福酒店住六晚，先是在附近逛了一圈，不覺得有甚麼特別想吃，看到這間賣雲吞麵，想起很久沒有吃過，於是外賣到酒店房享用。位置：跟仕德福酒店同一街道，旁邊是北海道牛乳蛋糕店。環境：玻璃門貼滿了餐牌，室內環境跟大眾粥麵店差不多，近門口是收銀櫃，旁邊是吧台、中間是圓桌，另一邊牆身是卡座，整體來講乾淨舒服。服務：枱上有免費的酸蘿蔔，可惜外賣不能享用。晚市：🥢招牌雲吞麵🍜 $35湯和麵🍜分開兩個碗，雲吞在麵底，有四粒，一口大小形狀，吃起來都充滿鮮蝦味，不錯👍🏻。而麵沒有鹹水味，算彈牙，湯水清而不油膩，但有少少鹹，整體來講都不錯！不過份量不會飽肚。

今天到旺角辦事情，做完後，有點兒餓，想進食雲吞麵，見到一家叫（十大碗粥麵專家），看店名幾特別，就抱着一試無仿心態入去，店面不算寬敞，但感覺衛生，井井有條，進店後，服務員即時遞上小碟，每張枱上放置了酸蘿白，免費任食，味很好。我就點了一份豬手雲吞撈麵，雲吞跟湯分開上，豬手很淋，很入味道，雲吞大细適中，伴在湯上，美味可口，幼麵不錯，價格56元（不是套餐），下午時段，有套餐優惠，價格便宜，整體上，是一間不錯麵店。

懶左2個月無寫野,補返之前食過乜最近搵雲吞麵黎食,十大碗一早想食旺角而家有分店,下午茶有優惠,招牌雲吞麵加飲品另外就一客滑牛肉粥加炸雲吞 *可樂另加10蚊雲吞麵貴在係個湯底,唔同平價麵鋪,係真正大地魚湯,鮮甜順口佢地麵真係好細碗,要食飽真係預2碗,麵身爽,夠彈性湯,麵,雲吞水準佳,雲吞有4隻,皮滑夠薄,蝦身甜爽滑牛粥底香棉,呢間十大碗真係有水準,唔好講笑,真係會上引#雲吞麵 #關注組 #旺角美食 #太子美食 #十大碗粥麵專家 #十大碗 

當全統雲吞麵湯底，遇上了沙嗲牛肚⋯2個好 難食 ，真係超級難食，連什食的我竟然也食唔落⋯ 其實佢哋有冇自己試吓，究竟D食材合拼係咪夾⋯當大地魚湯底，遇上了沙嗲汁，真係使我知道乜嘢D叫九唔搭八⋯D草肚又淋又梅，食咗1/3唔夠即走⋯

每張枱既醬料都好齊全，筷子匙羹放哂枱到，相當企理，不過重點推介係依個醃製既酸蘿蔔超爽口，而家店員好細心，你一坐底，佢就會攞隻碟仔俾你夾蘿蔔，雖然見到佢有小量紅椒，但放心係唔辣、只係酸尾尾，實在好開胃，見到好多枱食客都食完再添，剩計我地兩口子都食左佢2/3 甖，鎮店之寶粥底好棉，不過魚塊就冇咩魚味，如果晏晝過去仲有套餐，都幾抵食，撞岩見到有個老人家睇唔明個套餐，店員都好有耐性講解（個位唔知係咪老板？）腸粉皮好薄好滑-讚！

第一次食佢哋嘅旺角分店，整體感覺唔錯，特別係淡湯同蘿白⋯ 😋😋😋自幫任食蘿白，真係加分，而家更加有提升整體口感，開胃自然會食多碗，其實真係雙賺嘅做法⋯大地魚湯，清香撲鼻，飲咗冇口喝感覺⋯最後係主角水餃，餡料比例非常好，爽口又有嚼口，的而且確近排食過最好嘅一個⋯ ✌🏻

雲吞麵係廣東麵之首雲吞一向都係我鐘意食既野 蝦同肉都係好鮮 一啖一粒 麵我鐘情於幼麵 細細條麵 但加起黎就有特別既質感豬膶麵豬膶係爽滑既質感唔會太生見到血水 唔會太熟變到好硬火喉岩岩好 幼麵偏彈牙 加少少辣椒油 味道倍增

講到食雲吞麵，揾食肥華，都算咀尖，小學時期已經為食一碗好味嘅雲吞麵，由牛頭角住處搭車入元朗，就係要到好到底麵家食雲吞麵，可惜時而世易，今不如昔，此店現今嘅，雲吞麵，不提也罷，現今能令肥華滿意的雲吞麵店，巳經買少見少，而此店卻是其中一間，仍有傳統味道，及風格的粥麵店，1月10日，與靚媽到此店，食咗雲吞麵，水餃麵，及弟粥，油菜合共4樣食品，每樣都好味，兩碗麵嘅湯底，更有我倆嘅兒時味道，每加上老牌麵店才有的，個盅任食酸籮白，更令此餐午膳，更添完美

朋友介紹十大碗，今日去旺角試一試。點幾去到，餐廳內都唔算太多人，仲可以揀位坐。Menu 都好多選擇，有粥有麵有小食仲有最喜歡既腸粉。其實一坐底最令我開心既係有酸蘿蔔😍😍完全心心眼得好緊要。⚫️魚蛋麵 HKD33魚蛋係比較綿綿既口感，都有魚味，幼麵彈牙。⚫️水餃幼麵 HKD35有三粒水餃，大大隻，皮薄餡靚。內有蝦肉雲耳！⚫️豬潤腸 HKD28本身以為普普通通，點知一食落去個皮好薄，好好味。⚫️炸蜆蚧鯪魚球四粒 HKD36超香口，鯪魚球非常彈牙。呢個推介！

終於在旺角開了店！豬潤系列高水準又抵食。豬潤腸，豬潤麵，豬潤粥都很好吃！其他小吃都一樣很好吃，炸鯪魚球，油菜，雲吞，都很好。只是等位很久，員工無法同步處理外賣和顧客 🤣

一路以黎都好鍾意食腸粉同雲吞麵👍🏻而之前一路都見上網有人推介十大碗呢間粥粉麵餐廳，即管去試下！🍽我同朋友2個人就叫左4樣野，<三色腸粉>值得一試👍🏻有牛肉腸、叉燒腸、蝦腸，三款都好食，腸粉皮都算薄同滑🤤餡料都算新鮮，鮮蝦都係爽口彈牙既🦐 。而我最滿意既係〈炸兩〉，個皮真係好薄好滑，油炸鬼好脆好新鮮，仲大大碟👍🏻👍🏻。粉麵我地就叫左〈雲吞河〉同〈牛肚麵〉，雲吞新鮮皮薄餡料足，配合埋個湯真係幾好食架！牛肚就吾太夠淋同入味了綜合黎講，都算不過不失既，但炸兩真係值得試！

朋友介紹下認識左十大碗除太子汝州街分店，最近仲開左旺角分店今日特別慕名黎到～試下佢既雲吞🟡 淨雲吞 $36 🟡下午茶時間唔算好肚餓🤣所以叫左淨雲吞上枱就已經覺得無叫錯🤤大地魚湯好清澈好鮮甜其他麵店既湯底我飲兩啖就會放低呢間真係令我好驚喜🤩🤩飲飲下成碗飲哂!!雲呑皮薄，混合蝦和豬肉，咬落爽脆彈牙唔怪之得咁出名⚪️ 炸両 $30 ⚪️炸両腸粉皮難得地好薄透😄油炸鬼夠脆但唔會有油益味食唔停口~ 🟠 豬手撈幼麵 $46 🟠幼麵皀水味唔重，好彈牙，軟硬適中豬手好腍好鬆化😋食落張口有膠質枱面仲有酸蘿蔔好開胃，食落好爽脆忍唔住食左好多👏見到好多人推薦酥炸鯪魚球下次一定要食!!🖖

本身諗住試下呢間個個都話好食嘅麵店，結果係超級大失望。買咗兩碗雲吞牛腩面一碗淨雲吞牛腩，D分量喺少到細路女都食唔飽，50蚊一碗，得個三粒雲吞同幾舊牛肉幾條菜，都唔知我叫嘅係牛腩定牛肉。認真呢個分量真係值50蚊？淨雲吞牛腩D分量喺少過雲吞牛腩面，明明貴D，都唔明點解貴D仲要少D。味道亦都唔係話好好食，普通茶餐廳水準，而且根本就食唔飽，係唔係expect每個人都要叫幾碗？一係就直接寫埋個迷你雲吞牛腩啦，夠邊個食？下午茶都唔係呢個分量啦，五十蚊叫個咁嘅垃圾

這間粥麵店最近很紅。聽講最高峰時期要排隊。其實我之前都想去試吓。但因為見佢有下午茶餐就想等那時再試。因為下午茶餐價錢真係好超值。今日夜晚好想食清淡啲，所以就選擇這個。就算唔係下午茶都無所謂。今次點選咗嘅食物：男朋友叫咗雲吞麵。呢碗雲吞麵只可以講係合格無投訴。唔覺得特別要排隊食，之前聽講總店有人要排超過半小時去食我真係好驚訝😦不過真心講呢個雲吞麵真係合格。價錢唔算太貴。雲吞夠大粒湯底都好入味。食得出湯底上有花心思去做。隔離坐嘅姐姐只係點咗雲吞，原來價錢都唔貴，下次可以選擇這樣食，那就可以叫更多小食去試。我就點咗呢碗魚腩粥。評價同雲吞麵一樣。只可以講係合格。魚腩大大件好足料。但無咩魚鮮味令碗粥更精彩。只會令你覺得生記真係好好味。但都係滿意的因為真係飽肚的最後我哋點咗小食。這個都係這裡的招牌菜。這個嚴格嚟講比上面的主食更貴。接近十幾蚊一粒。但佢哋這個炸法和大大粒嘅做型。真係好吸精的令人好開心。不過下次可能我哋只會點兩粒。因為真係好足料好飽肚值得一試。但其實好鹹我唔知係我問題還是我食唔慣這個很多醃料嘅鯪魚球。根本唔加粯介都好重味。這裡係可以選擇兩粒、四粒和六粒，其實一人一粒真係夠試味。講完食物