十勝牛和食料理

營業中

休息中

與友飯聚，本來是食大本型的D Corner，點知D Corner俾人包咗場，朋友便說到十勝牛。我問十勝牛食乜的？她形容是「好似和民那種」。跟和民相比，十勝牛是無咁好食，但價錢便宜。點菜前我開openrice睇，好多人都話服務差，可能有心理準備，最後覺得「都唔係咁差啫」。因為我們坐在vip房，不容易見到侍應，點菜都是等侍應送菜給其他食客我截住她落order。侍應木口木面，但又未至於無禮。後尾都有侍應主動加茶。我們點了：1. 日式豚肉鍋（$68）：普通。2. 香芒三文魚反卷（$32）：芒果幾甜。3. 忌廉薯餅（$29）：吃不到薯，係薯餅狀的，咬下去就是忌廉汁，好杰身。4. 芝士鳳尾蝦餃子（$36）：唔好食。5. 芝士凱撒汁伴帆立貝大蝦冷麵（$42）：幾好味。6. 煙三文魚凱撒沙律（$38）：正常。上菜都算快，不過一上就上晒全部，我們張枱好細根本擺唔落，我同朋友連自己隻碗仔都無位擺要捧住個碗仔食。侍應正要上冷麵，見狀便說冷麵遲啲上。我同朋友二人為了快點可以收碟，極速把食物吃掉，所以都試不出食物的真味。不過，醉翁之意不在酒，我志在同朋友傾偈。呢間店勝在唔趕客走，所以我們坐咗兩個幾鐘先走。

光顧過後睇番啲食評，大多數都話服務唔好。親身經歷除了等位派飛個位小姐外，無一個員工有笑容及禮貌，叫都唔啋，可見得所有員工絕對專心一致工作，不受任何人影響！讚！服務？乜嘢黎架？但我最想講嘅係食物！我叫咗土佐豆腐，沙律，串燒，軟殼蟹手卷和多春魚等美食。最先送到的是土佐豆腐，我地一行4人，豆腐有3件，我衹分到半件。我分開豆腐時發現色若生銹鐵的外皮厚度有若羽絨褸，保護內裡的豆腐不受高温油炸影響，果然克盡已任，一口咬下豆腐....凍的。信我，有一刻我懷疑是豆腐雪糕，立即大口再試，原來係受多重保護所以煮完都唔熱，失望之餘再試那外表亮麗的羽絨褸(哦！是外皮)，一小口咬下立即感到滿足，啲油滿足咗我半年食油嘅攝取量。軟殼蟹手卷中的軟是指外面的紫菜，蟹好硬。有趣的是攞起食時手卷軟軟的紫菜會由圓錐形變成福袋四方形，娛樂性十足。再黎試下那一睇就知係油獲中溺斃嘅多春魚，半條又滿足埋另外六個月食油攝取量！串燒唔敢試了。你可能話我講得咁差但又剩係試熱食，人地係日本餐廳都應該試埋寿司同魚生再講！但見到那些餐具碗筷同豉油樽的清潔度你都夠胆食生野的話，我認輸，我認我試得唔全面！會唔會再去？十二個月後再講啦！如果十勝牛是牛

5月6號晚九點鍾左右，係依間日式餐廳食野，我叫加茶，條女簽緊單，我知佢忙，甘我話唔該，可唔可以叫你嘅同事加下茶啊？佢又唔應我，凈係掛住同對講機果邊嘅同事傾偈，認真冇禮貌，甘我驚佢聽唔到，講多一次，條女竟然好大聲甘答我，等等喇小姐，甘我埋火囉，你聽到唔答我又唔望我，鬼知你有冇聽到啊？？唔彩我……甘算，我又叫左另外一個同事加茶又係當冇聽到甘，激到好火🔥…………服務態度超級差，以後絕對唔會再去， 甘嘅態度嚇死人！！點野一般般，又唔係好食！！

喂大佬，我都係做飲食業，仲忙過你呢間咁既野就算幾唔妥個客都好，都唔會好似呢間D侍應咁黑哂上面知你收11點，我9點半去食你同我快手落單我快手食完你咪收工囉我隔離果枱都好無奈坐低等左好耐先有人落單，呢個我明，因為個個收緊檔但舉手叫你，你可以講句等等/轉頭幫你，都好過明睇到但係又扮睇唔到好啦嗌野食啦，嗌完個女侍應一句串埋黎話:「嗌NUMBER得架啦」火都黎埋，你下次可以落單之前同我講既，又或者你冇理由唔知Number係咩掛我地淨係嗌左壽司，都廢時再嗌，拿拿聲食完走人壽司都OK，都係果D味啦只不過係燒帶子變左滾水煲熟再加汁既帶子等野食期間我男朋友見到有侍應啤住黑我地面超快食完，仲有個海膽壽司未泥，諗住問問侍應都係透明人架啦，所以都冇追，最後埋單，同佢講海膽壽司冇泥又唔知佢地係耳機度又講咩啦下…第一次寫食評就奉獻左俾呢間野，因為D服務真係好極品不過睇番之前D食評原來都唔係一時三刻既事我人生第一次食野食到成肚氣，真係唔會再有下次

今日探完親戚之後就同屋企人黎左位於商場頂層既呢間日本野食晚餐，見到d相五錯，價錢又平，所以即刻決定要食！五洗等位，坐低睇左一輪餐牌就叫左十樣野，d野食黎得都幾快。首先黎既係鰻魚券壽司同炸蝦券壽司，每樣都係6件一碟，分別係38蚊同36蚊。不過五記得影相，賣相係幾好既，已為會好味，點知一食。。。 首先完全冇鰻魚既味，因為真係細舊得可憐，都算，重點係連舊飯都係凍冰冰，似係整定仲要擺左好耐咁！跟住個炸蝦券都係五好味，又係凍之餘，舊蝦五係即炸，係林哂擺左勁耐咁，同元x果d冇得比！跟住就黎左呢個炸菇，係啊媽話想食，不過十分之難食，五知點解要切到禁細粒，跟住家姐講左句：好明顯係想扮好多咁。。。。 我都有同感，食落好似食左一舊充滿油炸味同油既野入口，只有好少既菇味，我覺得佢五切到禁細會好好多！ 呢個千層面一黎個樣睇落五好味，而且勁細碟，但索價四十幾蚊。好再食落係幾好味既！終於有樣野係正常！佢五算好多菠菜，裡面有d洋蔥，煙肉咁，配埋芝士五錯，而且個面軟硬焗得剛剛好。 跟住呢個都係焗既，但五係意粉，係烏冬，見幾特別，又寫住人氣推介咁就嗌左喇！又係份量五多之餘差五多要50蚊，睇落好似好好食，點知d肉醬既味淡

既然店名有shabu shabu字樣而且每鍋才＄58,,再加上8時多近9時也有人等位決定一試店內坐滿了客人要點菜也好高難度不知侍應是看不見還是裝作看不見招手好久才有人回應與老公一人一鍋我點的是帶子老公本打算點海鮮,,但侍應落錯單落了海蝦算了吧帶子與海蝦算是新鮮,,帶子真的不錯！！其他的配料就是少量的菜､菇及豆腐以＄58的價錢來說,,包一杯飲品及兩件壽司來說是可接受的了包的西瓜汁好甜～～不過實在不夠吃追加了6件壽司及2件海膽軍艦值得一推的是海膽！！！超鮮味！！意料之外！！不過服務方面有很大的進步空間！！

看來跟其他本地日式餐館沒有大分別，但見長期多人排隊，所以提起信心不妨一試。第一次光顧，試過日式打邊爐牛肉鍋($58)，絕對物有所值，抵食。還送果汁一柸，比大家樂更經濟更正。 每次光顧約選3-4款也很足夠，平均每人約$60-80 。 由於餐牌菜式很多，每次路過油塘都會入內一試再試。我們差不多把餐牌上的食物都試過。推介天婦羅($49)，蟹子沙律(大$36，細$28)。其他菜式不算太出眾，但都是物有超值。墨魚咀唐揚 $30錫箔牛油焗香菌 $33鐵板牛肉粒粒燒 $42和風烤肉冷麵 $36香桃脆薯大蝦沙律 $38海膽炒飯 $68日式牛肉鍋 $58 送三文魚壽司及時令果汁

過黎食個下午茶，叫左個豬軟骨拉麵黎食食，湯底好濃，豬軟骨入味且軟糯，好味道，但可惜肉放到湯裏已變一粒粒肉碎，好失色呀。成個餐只要$27，而且又唔駛加一，又坐得舒服。幾好既地方

琴日約左班舊同學食飯..因為看到E到唔係等好來就C下啦...坐都坐得幾舒服有卡位..(方便我照顧BB)^^SUSHI就一般般..舊飯太大..一夾落去就散...刺身好多都都OK..幾鮮..海膽更是一讚..冇苦味..仲係一塊塊夾得起~鮮赤貝都不錯..仲放得幾有心機~不過D3文魚刺身就廋到不得了...炸野方面叫左墨魚咀同雞X骨不過都炸到幾干下...但都可以叫左個冷烏冬...有沙律菜有胡醬有雞C都幾好味...(勝在夠多醬)喬麥面就唔太好..好淡..蟹子沙律就勁...當店員落單果陣問我地要大定要細..我地心諗6個人當然要大..(結果6個人都食唔晒~)點個大大個個頭..佢唔係個豌大D野小果D..係全部都係青瓜C...正...佢D青瓜夠新鮮..唔錯..(最怕果D出晒水果D)都好多蟹子~不過太多醬啦..下次小DD會更好..

本人星期日晚8:30到大本型十勝牛，一行五人，攞籌192號，當時等候人數其實不算多，但餐廳內差不多客滿，要等約30多個籌，等到九時10分左右，下一張應輪到我們的時候，侍應竟跳籌(193號)七位，本人即時查詢，為何跳籌，不是順序，因為餐廳的枱大部份都是四方二人枱拉成的，人數多少可自由組合本人便查詢是否清潔及準備枱給我們，該侍應祇說未到我們，本人即時邀求解釋及找經理解釋，可能經理在mic聽到，該侍應便說有位了，帶我們進入VIP房間，該房間可坐十二人，得我們一枱，所以根本有位，不想開，但其實當時有很多侍應，落了單，等了很久，才有另一侍應問落單未，最好再重新落單，本人已是第三次幫襯該餐廳，但三次都落單後，再要重新再落單，反映該餐廳侍應服務極差，食物就幾好，價錢亦算公道，但服務太差，幾好食都假，影響食慾

跟爸爸弟弟來參觀一下這個新商場 + 吃午飯，弟說吃日本菜所以來這裡試試雖說這裡的食物說不上很難吃，但也只屬普通水平。可是這裡的服務也真的有~夠~差~!!!!!!!!!食物不是放在檯上而是扔下在檯上!!!! 然後 order 錯漏百出，不停送錯食物，叫人也沒人理!!!! 現在是怎樣？self-serve的嗎!?壽司 d 飯好硬....服務員很貼心的付上刀叉給我們，可是刀叉是躺在麵的中央 (為了拍食物我把它們拿走了) !!! 姍姍來遲的鰻魚壽司。姍姍來遲是因為之前來錯了普通的鰻魚壽司.........但這份遲來的壽司也許不見得弄得很好.......... 壽司飯依然很硬，鰻魚是凍的！是裡裡外外都是凍冰冰的，絕對是剛從冰箱拿出來的！這裡不論食物還是服務皆欠缺水準，絕對不同再來！

午餐時間多人等位，等二十分鐘可接受，一行五六人有大有細，但座位較窄。落單時叫極無人，侍應人手不足，但各人慢手慢腳亦係原因。侍應服務態度差，無心機，對客人要求愛理不理，等食物時間耐，一碗普通叉燒拉麵亦整得難食，叉燒極硬極鞋，如此價錢實在不值，不會再去。

愛吃日本菜的這一家，來到這新商場，見到這間新日本菜館，當然要試試吧！日式海鮮鍋 ($68) – 有豬骨,麵豉和泡菜湯底選擇, 我們選了泡茶湯, 少少辣, 幾開胃, 海鮮份量OK喇, 一人份量, 但蔬菜就很足夠！金龍蝦皇反卷 ($36) – 似元氣的炸蝦卷, 多了蟹子, 脆卜卜, 口感唔錯！串燒牛舌($26), 雞腎($18) – 牛舌夠厚身,味濃,結果encore多一串, 但雞腎太細粒了！芝士蟹子焗西蘭花 ($33) – 這個有驚喜, 原來芝士加蟹子後果是這麼好味的！煙三文魚凱撤 ($38) – 這個普普通通, 沒有什麼特別, 反而見到鄰枱的蟹子沙律, 超巨型！芝士灸四味 ($30) – 有三文魚, 帶子, 蝦和蟹柳壽司, 一次過滿足四款口味, 一流！燒三文魚芒果飯卷 ($30) – 清甜不油膩, 岩女士們吃！這裡菜式味道不俗, 但選擇的款式不算多, 雖然今日沒有飲酒, 但這裡是有啤酒和清酒供應的！