十八座狗仔粉

營業中

休息中

咁啱有嘢做要去牛頭角，做完嘢想食少少嘢，見到「十八座狗仔粉」，聽人講過話佢啲嘢食唔錯，就入去睇下有咩食。原本我係想叫佢嘅「狗仔粉」，但夜啲又要食飯，就點咗「火鴨翅」同「黑白炸丸」兩樣嘢唔使咁飽。第一次食「火鴨翅」佢個味道同質感都覺得好新鮮同有驚喜，佢有鴨肉絲同帶有好香嘅鴨味，同食開嘅碗仔翅係完全兩樣野嚟，不論味覺同質感都唔同，對我嚟講，可以話係一個新嘅湯羮，唔應該用碗仔翅做比較。另外嘅「黑白炸丸」，豬肉丸同墨魚丸各兩粒，雖然只係得4粒，但4粒丸都係大大粒，仲要做到係皮脆肉彈，豬肉丸帶有香濃嘅豬肉鮮香；墨魚丸帶豐富嘅鮮味，拿捏得啱啱好，我好少可會讚啲丸好食，佢算係難得可以比我讚嘅丸。真係覺得要試佢個狗仔粉，下次再嚟比食評。

十八座狗仔粉十八座狗仔粉出品相信大家都試過見到居然有芫荽咁過癮，海報上面仲要好足料咁，望見都彷彿聞到一陣獨特嘅清香，作為荽人簡直沒有不試的奶油！🦆 十八座莞荽火鴨翅（＄44）莞荽同海報一樣咁足！如果唔夠喉甚至可以加錢ENCORE多一份！絕對係荽人夢想！莞荽清潔乾淨，食落有爽脆口感，味道層次豐富且獨特，陣陣清香撈埋火鴨翅，將香氣提升到一個極致，增添清爽風味🐶 馳名狗仔粉（＄37）狗仔粉軟滑，湯汁咸香，撈埋豬油渣仲有靈魂菜脯，雖然係有丁點油膩，但絕對係收工後對身體舒暢嘅COMFORD FOOD！間唔時挑起舖癮就會好想食！🐟 鮮味魚皮餃 （$18）4粒魚皮餃，呢個價錢不過不失啦，重點係佢個秘製千味醬真係出面食唔到！我揀辣味醬，比原味更香更味道豐富！下次可以挑戰大辣！🥘 秘製千味細雜燴（＄34）雖然係細但兩個人當小食咁食都好足夠！乜都食少少好開心！材料有大腸、豬肚、豬皮、蘿蔔，每一樣都洗得好乾淨，煮得夠腍又入味！其實主要都係食秘製千味醬㗎啦！樣樣嘢蘸佢都好食！

第一次食十八座狗仔粉。之前有係其他地方食過狗仔粉。門口同入面都好多明星相成個環境係旅客打卡feel仲同有一種舊式既感覺。今次叫左個狗仔粉加油渣同大雜燴。本身比佢個火鴨翅吸引但諗住叫得十八座狗仔粉就點都試下個狗仔粉。本人係堂食既。整黎餐速度快，紙碗紙羹，但問佢拎對筷子都冇得竹籤。狗仔粉係一啲淋一啲實啲。淋係真係好淋個隻。狗仔粉都大條。整體黎講唔會叫得上好食。菜脯有辣有唔辣，唔辣係正常菜脯味，辣既係死辣既感覺。油渣係得一包仔，可能有4-5粒。但有陣唔新鮮油淋淋既既感覺。大雜燴有蘿蔔豬肚豬大腸豬皮。面頭淋左咖哩汁。叫左大份份量都正常大大份咁。但蘿蔔唔入味，咖哩汁冇咩咖哩味仲有陣味，唔識形容但唔係陣好食既味。整體：唔知食左乜X落肚。P.S.希望紙羹唔好溶左落個湯到

🍳食物質素：極其好食，不過狗仔粉係有啲油既，如果減緊肥要睇住黎食。炸燒賣都非常好食，唔係街邊檔可以比得上🍴推薦搭配：狗仔粉，要多芫荽!然後要加佢地的辣菜脯，桌上面就有架喇。炸燒賣一定要叫。碗仔翅我無食過，好似都係招牌黎，多人的話可以叫黎試下？🪑環境座位：好大，但冷氣好凍。而且冷氣係好唔靈活既，有幾個位會吹到勁凍。唔知點解人流唔多，行去果頭好值得坐入去試下🧑‍🍳服務：正常水平。估唔到服務員都係姨姨級，但依然係用二維碼落單...係呢方面係不必要地先進。講真佢個餐單咁簡單，都唔知點解都要搞二維碼落單，唔覺得咁做有精簡到人手🚗交通：觀塘站、牛頭角站行去都得，觀塘站會近少少💰人頭費：70有找，超級高性價比，一定食得飽。甚至會食滯。狗仔粉唔好食咁多，易肥丫

之前食過火鴨翅，真係麻麻地，今晚再食佢嘅狗仔粉，加上菜脯好好味，之前食過小辣都好辣，今次無辣都已經好夠味，二人套餐兩個狗仔粉加一個魚蓉燒賣加一個魚皮餃，全部都味濃，仲有兩杯嘢飲，good la

宵夜……係好難低擋住誘惑的一餐，到時到後總是覺得肚子好空虛。是晚外賣是平時好喜歡食嘅宵夜及試了另一款第一次食嘅宵夜。🔶大雜會 (豬肚，豬大腸，蘿蔔)好美味，豬肚豬大腸大大件，好肥美，而且腍、入味，加埋看似好辣嘅醬汁其實係千味醬，夾雜葱花一齊食好好食，又有口感，好正！！！蘿蔔超甜，爽口！🔶火鴨翅好好味，翅嘅稠適中，配料足夠，爽口木耳令食翅嘅過程增加好多口感，加辣菜脯食，將層次再昇華，好好味🔶火鴨脾好大隻脾，肉質唔錯，食得好盡量。宵夜食物令人涶涎三尺，令人想食更多，既邪惡又美味，令人又愛又恨，但還是適可而止，間中食下就可以了。

牛頭角店搬鋪後第一次幫襯傍晚6:30到店只有一客人兩位阿姐清閒但親切有禮唔該一碗大雜$43攞走大廚叔叔聽見落單即刻埋位返屋企打開清一色蘿蔔倒出後如圖嗯 阿叔何必打爛招牌呢？！

7月11號中午經過18座狗仔粉，牛頭角道365號的分店，店舖擺放好多明星的照片，心唸呢間鋪應該好食，於是我點了一碗狗仔粉.狗仔粉有点糊状的感覺，好似煮左好耐咁，無的咬口，一坺嘢，好難食，喺超市買一個幾蚊的烏冬好食過佢千萬倍.我从来没有體驗过在餐館用餐，却只提供質素很差的外賣膠匙羹，真係食得好狼狽，连筷子都没有！但可以提供竹簽當筷子用，真係無語.狗仔粉的質素不好，餐具也不好，我只吃了三条狗仔粉就埋單離開。我同職員表達食物質素很差意見時，職員好似借左聋耳陳隻耳，完全沒有任何反應，一定唔會再幫襯.