十二味 (山市樓) (已結業)

今天難得放假，跟家裡人到外面吃飯。雖然這家店開了有一段時間了，但這還是我第一次來。從店門就看到他們對裝修挺講究的。裡面的擺設也都很有特色和氣氛。先預告一下，我們這次點了一桌子的菜。夫妻肺片（$68）這是一款涼菜，辣度不高，辣油比較多，所以屬於香多於辣。下面墊了一些青瓜絲，牛展和牛肚切成薄片，牛展口感比較結實，不會油膩，牛肚則爽脆，不錯。黯然銷魂炒飯（$88）外面天氣冷冷的，炒飯上桌時還冒著熱煙，吃進嘴裡胃裏都是暖暖的，確實挺銷魂。香辣鍋（$226）除了香辣鍋，還有醬香鍋可以選，都是$38，材料按款收費，至少選5款材料。我們則點了田雞、肥牛、魚腐、寬粉和金針菇。裡面我能辨別出來的辣椒至少有三款，乾指天椒和一款圓形的乾辣椒，還有一款綠色的新鮮辣椒，辣度是槓槓的。酸菜魚（$198）魚肉是龍躉魚片，不小片，厚度也有。魚肉超級滑，而且酸菜的味道剛剛好，很開胃。大盆花菜（$88）花菜好好吃，有一種獨特的油香，和花菜炒搭，配飯和單吃都很適合。慾望酸梅（$28）必須強調，很大杯！真的沒想過那麼大杯！而且味道酸甜適中，超冰涼，解辣必選！

今天難得家裡人都放假，所以就不做飯了，四個人一起到外面吃。家附近的中式餐館不多，十二味是其中一家味道和環境都很不錯的選擇。店裡的裝修十分有中國特色，能看見不少外國人和內地人都來吃。店裏也有一些間隔確保桌與桌之間的隱私。夫妻肺片（$68）雖然我蠻常吃川菜的，但還是第一次吃夫妻肺片。剛聽名字以為是豬肺，但原來是牛展和牛肚的切片。黯然銷魂炒飯（$88）炒飯不油不濕，吃起來乾爽，粒粒分明。味道不太鹹，用來配菜也是白飯以外的好選擇。香辣鍋（$226）我們選了小辣，但還是有一定的辣度。配料我們選了美國肥牛、田雞、台灣魚腐、金針菇和寬粉，金針菇撕得比較碎，和其他材料混在一起，整體味道很好。酸菜魚（$198）這是我第一次吃他們的酸菜魚，點了不辣的，酸味平衡得很好，魚片很滑，沒有骨，而且份量很多。裡面還有萵筍和菇片。大盆花菜（$88）這基本是我吃川菜必點的，花菜炒得超香，而且還保持爽脆的口感和花菜本身的甜味，超推！豆漿（$15/杯）為了解辣，我們也點了幾杯豆漿，這是他們自己製的，甜度適中。

我好鍾意食辣所以我成日去重慶旅行！我每次去除咗食麻辣火鍋就係食米線～啲人話辣可以瘦但我食極都係咁肥🤣🤣🤣🤣🤣🤣但我十分十分enjoy食的！我一見到有咩超辣餐廳夠膽就死個啲我真係會去死🤣🤣🤣🤣🤣🤣🤣🤣重慶有個甜唔品係辣，但每次去我都食，終於比我係香港搵到！真係好正！！佢係幾甜，我諗唔好甜嘅都係唔好試，但點解係重慶特產，因為佢超級解辣🤣🤣🤣🤣非常煙軔，超開心今日係到食到！

其實一直都未食過川菜，依排天氣凍，突然好想食啲熱辣辣既野！於是就搵左依一間好出名既川菜館，餐廳既裝修真係好靚好有中國風味，而且坐得都幾舒服！餐廳內周圍都掛滿紅紅既花燈同鳥籠！但原諒我實在太肚餓啦　無點影到相蜜瓜牛奶　＄２８一開始就試左佢啲飲品先！比想像中大杯好多！而且牛奶非常解辣！熱情果蘇打　＄２８比蜜瓜牛奶更大杯，朋友話雖然味道比較清淡，但卻加入左少少薄荷，一邊食辣野一邊飲好過癮！蔥油拌麵　＄３８第一道上既菜式，雖然望落份量好似好少咁，但其實完全唔係！只不過係隻碟大，兩個人食SHARE岩岩好！一入口就好香好香既麻油味，超開胃充滿蔥油既香氣，但又唔會覺得特別油膩！調味亦恰到好處，唔會過咸過淡！麵條軟硬度適中，有口感酸菜魚　＄１９８本身其實好想試佢既麻辣鍋！但見隔離周圍啲食客都會叫依一道酸菜魚，睇黎應該好出色！於是就決定試一試！依碟菜式既份量真係超大，而且好香！入面全部都係無骨既鮮魚片，再加香菇，酸菜，辣椒等等，入口首先係食到酸菜既酸味，然後再食到辣味，用黎送飯真係一流啊！！我係叫小辣既，都已經覺得夠辣了　望返啲相都流哂口水極品麻婆豆腐　＄５８我本身真係好鐘意食麻婆豆腐，但就未食過川菜館

經常都係番大陸食既酸菜味依家香港都有得食 係酸菜魚同香鍋呀！食下同大陸有咩分別先 今晚食左香鍋 配料加辣炒埋一碗 料就tick左午餐肉,土豆,萵筍,蓮藕片,牛柏葉,金針菇,寬粉,娃娃菜。辣度係揀中辣 叫埋前菜,小菜,飲料,甜品。前菜：蒜泥青瓜,小菜 ：乾煸四季豆,四季豆唔夠乾 味道太淡 飲料 :桂花冰釀,個名勁似酒 但其實係桂花味既水 味道似酒釀丸子 配辣食幾好 可惜細杯左甜點 :幺妹兒冰粉,桂花糕溶成一碗 唔夠冰凍 得出個結論 我覺得大陸好食d同平d🤭

招牌自選香鍋.先挑選鍋底 然後再自選配料! 點了午餐肉/金針菇/豆皮/寛粉/娃娃菜 吸汁的配料就最好~ 其中寬粉煙煙韌韌又入味 一定要點☺️ 整體很香濃惹味 點碗白飯食好正🤤 份量都好大 二至三人都沒問題!夫妻肺片.香辣的牛脷和牛𦟌 麻辣醬汁很有辣勁 牛脷爽口入味 牛𦟌再軟淋點就更好了~ 份量同樣都是很足 這個價錢來說頗抵食的蔥油拌麵.麵條爽口有彈性 加上蔥油同吃 香氣十足!紅糖糍粑.十二味的紅糖糍粑做得不錯! 外層炸得脆口不油膩 內裏軟軟糯糯帶煙韌😍 再沾上糖漿 是無論吃得多飽 都要吃的甜點🤤

友人話想食酸菜魚，但又唔想食成條魚係個爐個啲，之後友人最後決定左揀呢一間，咁我地就係地鐵站到等，行過去都好近！係街口未到餐廳，遠處就望到呢間，唔通就係呢間咁有特色，果然真係！無論餐廳內外格局都好有中國味道及中國特色，成個環境、裝飾都好與別不同！係收銀後面仲有一個位係賣衫的！酸辣木耳 $28 蒜泥青瓜 $28 叫了兩個開胃小食，估唔到就連前菜都做得咁出色，酸辣木耳，做到又酸且麻，但可以見到佢一啲都唔油，因為出面食個啲木耳都會加左好多辣油，所以加分，因為唔鍾意得辣椒油味！蒜泥青瓜都好新鮮，食落好爽脆，蒜味好香！係必試嘅兩樣前菜！酸菜魚 $198酸菜魚是四川家常名菜，以酸菜、泡椒、乾辣椒煮制而成。呢到有得揀辣度，我地未食過試下小辣先！呢個酸菜魚做得好，湯㡳濃厚而不膩，可以直接飲，酸酸辣辣帶點魚鮮，非常開胃，魚食落嫩滑、仲要冇骨，冇諗過咁入味，正！酸菜魚入面仲配有雞脾菇同萵筍配菜，好吸味，好食，萵筍好爽口！紅糖糍粑 $48難得黎到當然要試下個小甜點，紅糖糍粑主要用糯米製成，配上紅糖，係解辣的必點小吃。黃頭粉舖滿糍粑嘅表面。呢到嘅紅糖糍粑係我食過咁多間最好食，因為炸到好脆口，咬落去入面好

平時住喺西環已經成日見到呢一間10意味覺得個鋪頭出邊嘅裝潢非常之靚今次終於黎試咗酸菜魚比想像中真係大份喎分量拍得住我喺大陸食嘅,佢可以選擇辣道我哋揀咗少少辣嗰個辣到都接受到，同埋鍾意佢有好多萵筍係入邊更令口感更加好味而且佢嘅魚非常新鮮，食到有魚味，仲有好多酸菜再叫咗一個江邊四季豆一樣揀咗少少辣有少少肉碎同埋少少應該係欖菜好香呢一個紅糖糍粑，係我食過咁多間紅糖糍粑最好味嘅佢係非常外脆內軟，超級豐富嗰啲黃豆粉味而且甜甜地超級推介

不嬲我就鍾意食辣野嘅,今次我就係為咗訓練下我男朋友食辣，所以帶佢嚟食西環呢間川菜。其實我自己都係第一次嚟,但之前見到朋友係社交平台分享左呢度嘅香鍋,覺得超級吸引,所以就帶咗佢黎食。講真我覺得呢度嘅餐牌選擇唔算好多，主要都係以香鍋為招牌！所以，我哋都冇乜叫其他嘢食反而係香鍋配菜嗰度揀多咗啲咁我哋喺涼菜方面就揀咗個涼拌土豆絲啦！我地叫了辣嘅佢唔會太辣不過！同埋唔會太重口味，而啲土豆絲好爽口，份量唔少，兩個人好夠食香港人鍾意食魚香茄子就一定㗎啦 配香噴噴白飯一流啊 原來川菜嘅魚香茄子後會比起我哋一般食嘅算啲，我自己都覺得幾特別嘅一樣都係咁香口架！不過呢就可能會重口味多少少啦！黎到最期待嘅香鍋我哋呢個香鍋就揀咗肥牛，蓮藕，寬粉，鵪鶉蛋同大腸我覺得呢我哋揀嘅配料都唔錯架，我自己最鍾意呢就係鵪鶉蛋同埋大腸鍾意嘅原因係因為佢哋都會表面都脆的，所以配埋辣好正！要注意嘅事其實我哋已經帶咗小辣，但我自己都覺得佢係比較偏辣所以如果唔食得辣嘅朋友又想試嘅可能要叫佢非常非常小辣！

今日同女朋友收工嚟到十二味食晚飯，我知道佢開咗幾個月，平時行過都會見到好多人喺度等，今日七點嚟到都要等左一陣先至有位，例牌入去一定要食酸菜魚跟住再叫咗個麻婆豆腐同干扁四季豆。干扁四季豆食落惹味，少少嘅鹹香加埋四季豆嘅口感，實在令人停唔到口麻婆豆腐你唔好以為好普通喎，佢呢度食落真係有驚喜，啲豆腐好滑而且食落去真係有豆味，味道麻而不辣，送飯真係一流，食咗兩碗添最後到主菜酸菜魚，分量非常之大，魚片冇骨而且厚身嘅入口夠滑，味道比較辣不過都好好食最後叫咗個甜品冰粉，攞嚟解辣都OK清甜而且有少少桂花味

人見人愛酸菜魚 ＄198好大的一盤湯是呈金黃色的 上面的除了青椒 紅椒還有炸過的辣椒和胡椒等先喝一口湯 第一感覺是酸那種酸是你想仔細吸乾舌頭的那種然後辣味會慢慢在你喉嚨出現魚片很滑 沒有魚骨頭帶小朋友來的家長也可以放心湯裡還有不少的酸菜貨真價實.蔥油拌麵 $38比我想像中好吃太多了不算太油 而且每一根麵條都很敬業質感比較滑 而且充滿彈性就像上桌前就已經健身完的感覺加上蔥令味道有畫龍點睛之感.經典香辣鍋 $38 (小辣)這只是基本的價錢然而是另外點菜豆皮$22、寬皮$22土豆$22、萵筍$22、鵪鶉蛋$38、看到的時候嚇了一跳原來那麼大鍋寬皮很好吃 仍保持彈性 但又吸收了香辣味基本上你會感受到廚師的用心每一樣都有辣粉的香味也有辣味

平時好少過黎西營盤，今晚相約個住附近的朋友食晚飯，佢就誠意推介呢間在西環的十二味熱辣火鍋莊，有正宗的麻辣火鍋食，就黎試下。餐廳入面裝修富有特式，座位多而寛落，坐得舒適。Q版熊貓牛油火鍋 拼 深圳椰子雞鍋， $158加$88, 牛油火鍋揀咗經典麻辣鍋底，香辣入味，Q版熊貓牛油賣相可愛吸引，慢慢溶入鍋底當中。椰子雞鍋配料好多，椰子湯底清甜，有半隻新鮮雞，雞肉嫩滑鮮甜，帶有清淡的椰子香味。特級安格斯雪花肥牛，$168, 雪花脂肪分佈平均，肉質嫩滑鮮甜，牛肉味濃郁。豬肉餃，$38, 皮薄餡靚，豬肉同菜的比例適中，多汁嫩滑。響鈴卷，$38, 新鮮即炸，咬落香脆可口，腐皮味香濃。酸菜魚，$198, 份量好多，湯底辣度頗高，酸味都好足，味道好惹味，魚肉片嫩滑鮮甜，無⻣，煮得入味。

有一次經過呢間餐廳覺得好特別於是就揀咗今日去試下呢間嘅酸菜魚。一入餐廳門口就係收銀,收銀後面有得賣衫？格局好似GOD ge feel,餐廳唔大但裝修就幾精緻好特別.卡位用一塊塊綠色屏風隔住,用左好多燈籠同木材好有中國風.門口地下有一盞射燈照落地。坐低左就有一張點餐紙，其實主要都係食香辣鍋同埋酸菜魚，今次就揀咗酸菜魚嚟試下(小辣)同行果位朋友唔太食到辣。叫左拍青瓜(不辣)，上菜速度係用超快嚟形容，落左單兩分鐘就到，呢個青瓜好爽口麻油味好香。前菜一流炒土豆絲(薯仔絲)好香好爽身，少少辣但晤會嗆喉。重頭戲來啦！呢個酸菜魚(小辣)，先飲左啖湯，唔喊酸酸地幾開胃。但底有䈑荀片同酸菜，無乜其他配料，遜色左少少，有薯粉係底會正d。d魚肉唔知係咩魚，但好滑無雪味，平時少食魚既我都食左好多，係有幾嚿有一個好細好細既骨仔。面既辣椒初頭食唔覺辣，後來愈食愈辣，叫左碗白飯真係唔錯嘅配搭呀！兩個人食左三樣野已經好飽好滿足，雖然同深圳時下好流行幾間仲有一段距離，但係香港搵到間甘特別既舖同呢個價錢，真係值得一試，而且位置都好就腳。

今日同朋友都喺西環附近收工，於是就相約一齊去好出名既十二味開餐黎遠見到裝修好有驚喜，好堂皇，令人對食物質素有期望店內佈置亦都好有特色，要讚一讚老闆既心思川式口水雞見係涼菜以為應該細細碟，每人得兩三件雞，點知份量好多 雞件好滑溜，又入味，口水汁都幾辣，而且仲好麻，食得好過癮人見人愛酸菜魚有得揀辣定唔辣，我地就要求左少少辣 朋友覺得辣度岩岩好，魚肉帶微辣，但依然保留到酸味同鮮味 魚肉塊塊都一樣厚薄，滑溜無骨，可以大啖大啖放心食 墊底會有蘿蔔、瓜同菇，全部都好入味但唔會油 酸菜都一樣咁好食，我地兩個女仔一人嗌一碗飯撈汁好正

十二味有個叫做「人見人愛酸菜魚鍋」$198，的確啲魚肉幾實淨，魚量非常之多，唔算大食嘅兩個人就咁食個鍋已經夠晒飽，有鮮味，酸菜又有提鮮作用，咸酸度都幾平衡。另外仲叫咗個糖醋排骨$98，個甜酸醬調味剛剛好，唔太酸唔太甜，顏色亦非常靚仔。份量啱啱好，肉量同骨量比就算3:7，叫做合格，始終貼骨嘅肉就嫩滑啲。甜品就嚟個紅糖糍粑，呢個做得好出色，面頭嘅豆粉加咗唔少分數，兩個人咁嘅份量非常完滿，再叫就多過頭。