十三姨酸菜魚 (Mikiki) (已結業)

約咗朋友去新蒲崗交收，順便去Miniki商場食嘢，商場內開咗好多食肆，質素都唔錯，朋友喜歡食魚，就去咗商場1樓嘅十三姨酸菜魚食飯。餐廳燈光明亮，地方整潔。招牌十三姨酸菜魚配水晶粉，加豆腐。小盆兩人份量，用小火熱住食，因為火大小，盆又大，應該作用不大。因為朋友唔係好食得辣，所以走辣椒。材料有魚片、酸菜、萵苣、大豆芽、水晶粉，客人可以選擇加入其他材料，我哋就加左豆腐，酸菜魚酸辣開胃，魚肉嫩滑，其他配料吸收左香濃的湯底，惹味十足。口水汁無骨雞飯，口水汁味道甜中帶辣，辣中帶香，香中帶麻，雞肉入口細嫩幼滑又冇骨，正！

酸菜魚 二個人叫一個二人套餐。 包括招牌十三姨酸菜魚一鍋， 大大一鍋魚片滿滿，睇唔到底，酸菜更加多到冇定擺咁，大有睇頭，非常好魚片爽及滑， 小棘，辣椒都唔小，話唔辣都係好難棘，川北涼粉， 第一次試過呢啲涼粉 都口感可以調味都唔錯 食落都可以接受 下次都會再叫麻辣無骨雞，食落更辣，因為麻所以要過冷河，因為我哋兩個都食得麻乜濟，但係味道真係好靚啲雞整得好滑。兩碗米飯我哋都係食咗一半。因為啲餸太多啦 ，下次三個人嚟食，咁就會好好多，呢個套餐真係好夠件頭，兩杯飲品係酸梅湯或者豆漿，如常水準，唔錯，右個蒜蓉粉絲蒸娃娃菜68。清清口腔，唔係點忍得的棘氣，食埋真係好好多。食得棘嘅就真係上多幾次嚟。無失望㗎。

係附近玩完攀石肚餓見到近近地個商場好似幾多選擇就行左入去醫肚鋪頭係用qr code落單兩個人嗌左兩個主食 另加兩個小食——————————————————-招牌十三姨酸菜魚 轉米線 （$88 +$5）揀左中辣 不過食落唔算辣 酸度適中魚肉份量多 有約莫十片 食落滑溜無骨配菜唔少 配有少量萵苣同大豆芽一個人食真係會好飽肚嫩滑香口椒麻雞飯 （+$88）雞肉已經起哂骨 方便進食肉質嫩滑而且入味 雞皮爽彈另有青瓜墊底 咬落清爽麻而不辣 個汁食耐啲舌頭會有少許麻痺既感覺 好岩配飯搞到男朋友忍唔住嗌多左個油飯椒鹽小酥肉（$68）新鮮炸起熱辣辣 食落頗為酥脆 不過個人更加鐘意浸冧少少再食既口感 十三姨秘製雞翼 3隻（$24）雞翼外皮炸得香脆 保留到內裡既肉汁上面配左少許葱油 幾特別—————————————————————餐廳乾淨企理 坐得都算舒服侍應服務唔錯有禮貌最估唔到係晚市居然唔使加一計落性價比都幾高

約了好友聚舊， 嚟到新蒲崗Mikiki， 搵緊啱食嘅餐廳， 看見這間「十三姨酸菜魚」 似係新開張，裝修型格， 大家都想食酸菜魚就啱曬。招牌十三姨酸菜魚（小辣）好有份量，配料好多， 尤其係芽菜， 可能有一斤芽菜喺裏面， 不過就堆埋一團。 還有水晶寬粉， 厚得來煙煙韌韌，而萵筍則偏硬。採用了鱸魚， 魚片肉質嫩滑，但容易散開。湯底唔算好濃味， 酸菜就比較腍身亦唔太酸。 估唔到小辣也威力十足🌶️🌶️， 我們都吃得辣也需要叫罐涼茶解辣。雖然以小火助熱 ， 但相對火力太微弱不算太滾。另外叫了 「家鄉酸辣粉」下午茶套餐 ， 另配「十三姨招牌秘製雞翼」， 雞翼撒上 調味粉，辣辣地少少蒜香， 雞翼入味 又唔會太乾， 外皮炸到脆卜卜，整體非常惹味！「家鄉酸辣粉」分量好大， 麻椒，辣味相對平衡， 辣度明顯沒有酸菜魚咁勁。餐飲的酸梅湯味道濃郁， 配辛辣食物最啱不過。口痕想食甜品，再來一客咖央牛油多士。 十分邪惡，但混合椰香味好重嘅咖央真的很美味!熱南洋奶茶， 茶味好濃，配煉奶亦可以order少甜。白玉仙草可以選擇少甜，配以椰果和涼粉，清涼降溫。

這間十三姨酸菜魚地方乾淨企理，用上QR Code 自助落單更方便。晚市精選夠抵食。餐廳主打酸菜魚，當然要來一客招牌十三姨酸菜魚飯，大大份都是$88。除了飯，可加$5 轉麵類。我就轉了幼身薯粉，入口滑溜而帶點彈性及煙韌，又比較吸湯。酸菜魚份量十足，湯底酸酸辣辣很開胃，辣度可自由選擇，魚片大片而不易散，肉質軟滑而無骨，內邊還有大量芽菜，酸菜。另外椒麻雞飯($88)，是一個無骨雞飯，啖啖肉，方便食，雞肉份量都頗多，雞肉頗嫩，椒麻味咸麻鮮香，很好送飯。每款晚餐都會配上酸梅湯一杯，另外可加錢轉其他餐飲。清炒萵筍絲($78)，大大碟，萵筍切得幼細，炒得爽脆

酸菜魚好明顯唔夠熱 唔知係咪整定放左好耐咁岩隔離枱叫左二人份量 碗底會放多隻蠟燭加熱 聽到佢地同職員講唔夠熱 職員姐姐話其實啲蠟燭係做樣咼口水雞正正常常同埋啲姐姐成日拎錯野 71號枱拎左去74 號枱 放左好耐先拎返走 但明明張台好清楚寫曬number除非啲餸菜夠熱 同加強職員培訓如果唔係真係等執粒

晚上6點左右係mikiki 見到有招牌酸菜魚，睇落好似好好味咁，就上黎試下，叫左一個酸菜魚中辣轉水晶粉，同香茅豬扒飯，同其它小食。1, 香茅豬扒飯係凍冰冰嘅，同員工講左，都有拎入去叮熱返，當然味道都係麻麻啦。 2， 酸菜魚黎到嘅時候我見到就係一碗清水，酸菜都無幾條，就同送餐個姐姐講，我果碗係中辣，呢個睇落好似係走辣。咁姐姐都極其不願意咁去幫我加幾粒辣椒嘅，開始食啦，酸菜魚個湯就係溫水，唔熱嘅，無酸菜味之餘，再加d魚腥味，即刻食唔落。總結呢度嘅酸菜魚就係一碗有魚腥味嘅溫水再加少少辣味。無酸菜味，無酸菜味，無酸菜魚！！！！然後即刻同工作人員反應，人地:”喔，無味呀？”就走左啦😟咁Q難食都無話唔好意思，即刻同你換過碗？？其它嘢食亦都係唔熱，係溫嘅，好似叮唔夠時間就拎出來比客人食咁，太可怕了，難食到我無心情。浪費錢浪費錢時間。黎呢度食嘢，就好似倒錢落咸水海咁，不可一，不可再差到不得了希望大家唔好中伏

下午6:00黎食晚飯，叫左一個酸菜魚，香茅豬扒，酸菜魚到無味道，同店員講左都無表示，真係太難食，比d咩酸菜魚，從來無食過咁嘅臭腥味道酸菜魚，激死，浪費錢浪費時間，只有一陣腥臭味同辣嘅水味， 然後個香茅豬扒飯係凍架，凍架，凍架，其它嘢食全部都超難食，救命，激死人，以後唔會來食，之前黎過3次食酸菜魚從來無一次一咁難食，服務員同廚房都好唔掂，差差差差

話說今日下午兩點鐘,就和同事去MIKIKI搵TEA食,見到新開既十三姨酸菜魚,就膽粗粗入去試一次啦!結果就是中伏的開始!事件一:嗺人用人手落單! 點解用人手呢? 因為如果你用QR CODE 落單,下午二時就可以享受下午茶優惠價錢! 如果用人手,佢就會誠實告知你下午茶要兩點半先有,其間仲會不停嗺你落單,務必每個餐賺多你4蚊!事件二:走青走芫茜就當耳邊風!  話說落單時講到明要走青,結果呢? 就係無走囉。 咁點算呀, 我就叫店員幫我地走返青啦,仲要俾店員串,話我地無叫走青,應該要落單果陣叫。 明明我地有叫,但都仲要俾店員鬧,哇,真係犀利! 無花無假呀! 我講大話死全家!事件三:食物細碗! 我同行係有女仔,食完之後可以話唔飽你就知有幾細碗! 價錢仲要係62蚊一碗!事件四:食物凍!?!?你無聽錯呀! 真係凍架!  我就揀左水晶粉+酥肉+酸菜, 個酥肉係似晌雪櫃拎出黎無幾耐果種凍法,係無幫你翻炸! 要你叫佢整返熱先幫你!事件五:冷氣超凍! 話說個冷氣就開到勁大,我就同經理講想調去無乜風既話,點知唯一無風既位要俾店員食飯WOR! 食客只能選大風既位置。建議:TO 食客: 新蒲崗想食酸菜魚,可以去啟