十一串

營業中

休息中

今日同朋友喺尖沙咀行街，順便食埋dinner，朋友話好想食串燒，我哋就行咗去佐敦食串燒。我哋叫咗好多串燒一齊share嚟食，呢個蟶子真的不得了，首先佢蒜蓉好多，啱晒我呢啲鍾意食蒜嘅人，跟住佢個d肉勁肥美，而且好新鮮好淋，正！呢個雞軟骨嘅皮好脆，炸粉少軟骨多，勁好趙，食上癮。加d檸檬汁仲正～呢個椒鹽墨魚嘴都唔錯，新鮮彈牙！我哋叫咗佢個煙肉荔枝卷，佢外面係一塊薄薄嘅煙肉，入邊係一粒荔枝，食落去都幾得意，個口感同味道係幾夾嘅，入邊粒荔枝肉又好甜，值得一試個鰻魚性價比勁高，除咗一啲都唔腥,仲要真係啖啖肉同埋佢燒得幾甜好juciy！如果鍾意食鵪鶉蛋嘅就唔好錯過啦，鵪鶉蛋本身有少少鹹，所以其實佢就咁燒已經好好食！食咁多肉梗係要食啲菜啦，叫左最常係串燒鋪食既韭菜，都幾好食。呢個粉絲扇貝蒜蓉可以多少少，不過食材新鮮，帶子都幾大粒！牛肉同牛舌都好好味，唔韌多汁！呢個豆皮卷本身以為係甜，但其實佢係鹹食，入面有青瓜，d皮好煙un，幾得意！整體cp值都幾好，嘢食夠熱，食材新鮮！

佐敦最出名係廟街，喺廟街一帶食肆林立，但要真正有風味提供比本土人食嘅就唔算好多。為大家介紹嘅係一間正既店舖，店舖環境美觀打卡一流最緊要嘅係坐得舒服，如果大家有去過食唔同嘅全中串燒店，你哋一定係會希望食一啲比較香口嘅食物。咁今次你哋就要留心啦，因為呢一間餐廳嘅食物真係笑得好好食，食嘢之前好多時判斷好唔好食或者給唔吸引主要來自味，所以用自己個鼻作為第一身感受係最好不過，之後就可以品嚐美食，基本上今日食咗雞軟骨，雞翼，牛舌，全部肉類，每一寸食物都係精心嘅製作，點解會咁講呢？主要係因為食物嘅煙銀度，可能大家曾經去過好多食物舖頭，都會覺得食物太硬了，我只可以同大家講係呢一間舖頭絕對唔會有呢個情況出現。就係呢一個重點都已經可以同大家講物超所值。環境味道口感，我全部都比高分

同朋友一齊去開佐敦，行行下見到有間串燒店，就入去試下啦☺️第一印象就係鋪頭好乾淨，抽風亦都做得好好，唔覺有好濃既燒烤味，女仔唔洗擔心食完一陣味🤤食物款式好多款可以揀，海鮮、肉類、菜、小食等等都有，酒就當然有啦😘😘😘佢所有串燒都非常有水準，好正！一路吹水一路食，係幾咁爽呢～我就鐘意食佢既燒聖子、扇貝，海鮮用黎燒真係無得頂！感覺好新鮮，無得輸！！！另外，佢既燒雞翼都好正，好入味，味道剛剛好，外皮脆，但肉質嫩滑❤️❤️❤️❤️❤️最後，仲要提埋佢既九菜，哈哈我食到停唔到口！叫左多2串食🤣🤣呢間餐廳值得番食，搵日真係要番去試其他野，因為仲有好多其他嘢都想試😆

朋友約我去佐敦，行行下肚餓就入左間串燒店開餐❤️❤️❤️環境好乾淨，店員又好nice😘😘😘😘餐廳有好多款式可以揀，海鮮呀、肉類、菜、小食等等都有！仲有好多特式小食，極力推介食雞皮蝦！用雞皮包住蝦黎燒，雖然邢惡，但超！好！食！！！！仲有當然係燒海鮮，無得輸，又juicy又香，真係引唔住叫多round😂😂😂😂另外，佢個椒鹽墨魚咀勁大粒，係出邊都未食過，勁好食！！！其他肉類都好好，燒豬腩肉呀、雞皮、雞腎、牛舌、肥牛粒都正💪🏻💪🏻💪🏻💪🏻依間餐廳值得推介❤️❤️❤️❤️

最近超想吃串燒🥺(其實只要在家中吃不到的，通通想吃🤣)，很多餐廳晚上才供應串燒，但我晚上常常有活動沒時間去吃🤦🏻‍♀️終於找到一間中午都有串燒供應的餐廳(老闆說是因應禁食令的特別安排)，我終於可以一解口癮🙌🏻🤩👉🏻食物: 4.7/5串燒的火喉控制得很好😆食物質素高，欣賞廚師同時用炸蒜及蒜蓉作調味，令整體味道、口感更豐富🤤小店用心之作！▪️燒蒜蓉蟶子必點之選💯蟶子肉質嫩、易咀嚼、超級鮮甜😋超大隻！有兩隻食指般長！而且洗得很乾淨👍🏻一顆沙都沒有！▪️燒蒜蓉粉絲大扇貝細心地將帶子已起肉及切開👍🏻粉絲伴炸蒜及蒜蓉非常惹味🤤▪️蒜蓉燒生蠔大大隻🤤燒完蠔肉仍有汁，不會乾▪️紐西蘭烤羊架必點之選💯一切開，羊肉粉嫩、超多肉汁👍🏻用迷迭香醃製，每一口都充滿迷迭香香味！▪️鹽燒厚牛舌不算厚，但味道也不錯，不會太韌。如果再厚一點，整個口感會更好👍🏻▪️串燒雞軟骨香脆惹味▪️燒菠蘿超大件、超多汁👍🏻酸酸甜甜絕對值得來一試🤤

琴日同朋友係尖沙咀行完街，好想食串燒於是我地就去左試下呢間串燒店，位置係佐敦MTR出口附近，行過去唔洗幾分鐘就到。入到鋪頭，發現有d 似日本居酒屋嘅感覺，黃黃嘅燈光下，最岩夜晚同朋友黎食串燒，邊食邊傾下計，非常有氣氛，仲要係開到凌晨三點，真係食宵夜嘅好地方。係野食方面，可以選擇嘅種類亦非常多，海鮮、蔬菜同埋肉類，另外亦可以揀串燒辣定係唔辣。我同朋友點左好多野食，包括必食推介嘅蒲燒鰻魚（$68一份）、煙肉荔枝卷（$30一串）、椒鹽雞軟骨（$38一份）。蒲燒鰻魚（$68) 以佢嘅價錢黎講真係非常抵食，肉質厚滑，而且未食已經聞到佢醬汁嘅香味，真係要試下。煙肉荔枝卷（$30)亦都係令人好驚喜，荔枝完全唔乾，入口仲有酸甜爽口嘅汁，同煙肉好配。我最鐘意嘅椒鹽雞軟骨（$38), 好爽口亦都唔會太咸，值得推介。原條蒜蓉燒茄子（$38) 蒜蓉好香！好好味！唔會太咸，非常好味。肥牛粒（$34)、厚牛舌（$28)蒜蓉燒蟶子（$58),蒜蓉味好香，值得推介！

今晚食正正串燒！嚟到呢間新野叫十一串😻😻 呢度都好多唔同款嘅串燒，價錢都親民嘅，好多款揀添🥳 叫左個芝士大啡菇🥳 好多芝士勁正，仲要菇汁爆滿添😻另外都叫左肥牛金菇串同肥牛粒🐮 牛肉調味惹味，燒得剛好唔會太dry!! 燒秋葵都爆汁嘅，燒白菜就好多椒鹽，幾特別！大推椒鹽黃金墨魚咀☺️炸得好香脆，食唔停呀！燒波蘿夠甜又juicy~ 解解膩幾好😁😁仲有d燒物例如羊架同牛肋骨都好正！大推羊架，多入味又有d咬口，肥瘦適中👏🏻👏🏻

最近同朋友隨意去左呢間位於佐敦既串燒店食野,無論係食物質素定係服務都令人相當驚喜,所以想係到推薦比大家串燒店唔算大,但食物種類都幾多,基本串燒店有既呢度都有齊,價錢亦合理。我地叫左相當多既野食,所有串燒都係即叫即燒,但都算上得快,而且店員都非常親切有禮,服務態度都唔錯。當中有幾款串燒小食係我特別鍾意既,分別係燒牛舌,燒蟶子,炸雞軟骨,煙肉荔枝卷同埋燒鰻魚。燒牛舌食落口感彈牙有咬口,但又唔會太韌,火喉控制得岩岩好。燒蟶子就快常新鮮,入口有濃郁既蒜香同蟶子既鮮味,齒甲流香。炸雞軟骨非常香口,吸引人食唔停口;最特別既係煙肉荔枝卷,本身都擔心呢個組合食落會好奇怪,但結果煙肉同酸酸甜甜既荔枝味道都幾夾,幾有新鮮感。整體黎講餐廳既食物質素唔錯,幾值得推介。

呢幾日疫情回落 終於可以約朋友食晚飯 我地去左呢間係佐敦岩岩新開既串燒店 串燒價錢宜人 可以唔洗睇價錢放心食😁我地叫左多款串燒 整體食物都幾高質 唔算係好重口味 特別推薦係佢既炸雞軟骨同豬頸肉 雞軟骨炸得非常香脆 而且份量都幾多 另外個豬頸肉相當肥美 燒得超juicy🤙🏻值得一提係佢個燒鰻魚 有成兩個手掌咁大 份量真係好慷慨 雖然自己本身唔係咁鐘意食雞皮 但呢到既燒雞皮味道又幾唔錯 燒得幾香脆我地見到menu有煙肉荔枝串好似好特別咁 無諗過煙肉可以match荔枝 於是叫黎試試佢 估唔到食落味道又幾唔錯 甜甜地咁同埋燒得一d都唔乾除左串燒我地仲叫左燒海鮮 不得一讚佢既海鮮非常之新鮮 尤其係佢個燒聖子超鮮甜 而個燒生蠔都幾大粒肥美

放假嚟到尖沙咀行下，之後就過嚟佐敦呢頭食呢間新燒烤餐廳！入面格局好型仔，如果唔係限聚令一定都爆場呀💪🏻先叫左幾款串燒，有肥牛粒、牛肋條、金菇肥牛串😍 肥牛粒就juicy d, 牛肋條就相對有口感有肉味d🙉金菇肥牛就一定好食架啦，仲可以自己再落辣粉調味！另外亦點左個燒茄子🍆 簡直係蒜味大爆發呀，好香口！輕鬆解決👏🏻👏🏻燒聖子王都幾值得叫，大大只又新鮮😊炸芝士條好有驚喜😁 拉絲得嚟仲要唔會太油🥰🥰免治雞肉串正常發揮，入面有d軟骨咁，好有咬口😻😻野飲大推呢支龍井，解膩正呀☺️

好耐冇寫食評，今晚限聚令放寬就同老公去食串燒飲下啤酒，支持一下我哋最近喜歡嘅小店。服務態度好，食物好食...唔會好油同太鹹亦唔會有好多孜然粉去蓋過食物嘅鮮味，價錢合理。希望佢哋長做長有。其他掛住食無影到相☺️

今日黎到油麻地一間串燒店食晚飯，估唔到有意外驚喜！🤣 小編我都係唔同地方食過串燒，但大多數都係得啲調味粉/辣粉嘅味道，將食材原本嘅味道完全蓋過，最後食到好似所有都一樣味咁🤨而今日呢間餐廳第一道上嘅就係招牌之一：雞皮蝦🦐 即係燒蝦嘅外層用一塊雞皮包住。佢蝦嘅味道好突出，店員亦都好細心將啲蝦頭、殼都處理好，一拎上手就可以成隻食🤓 中意食菠蘿🍍嘅朋友黎到呢間一定要試呢度嘅燒菠蘿，本身佢嘅菠蘿又甜又多汁👍🏻餐廳師傅會菠蘿批咗皮先再燒，等客人可以成舊菠蘿擺落口體驗爆汁嘅感覺，正！🍆燒茄子又係另一道我印象深刻嘅菜，因為佢重蒜容味之餘本身茄子嘅味道亦都會慢慢走出黎。 今次一共嗌左8道菜，無介紹嘅亦都係高水準，只係上面提及嘅三道個人印象比較深刻，推薦各位一試！不過小編私心覺得如果餐廳可以賣埋啤酒嘅話一定會令成個體驗更加好🤣 期待日後到呢間餐廳試埋其他菜式，再同大家些牙！

喺佐敦充滿住遊客先去食嘅食店，我哋呢啲100%港女想食返地道香港野就要小心慢慢搵。見到呢間舖頭個名咁本地嘅，再喺門口睇吓，有串燒有飯食啱晒我心水！鋪仔細細，都乾淨企理（唔蝕底去埋佢個廁所，都OK嘅）！坐低發現店舖有提供檸檬水飲喎。正！我哋叫咗少少串燒，同埋主食飯類！港式串燒+日式飯，味道親切，價錢合理！店內全部本地港仔，服務都殷勤嘅，戴住口罩睇唔到笑容都冇計嫁啦！香港而家咁嘅市道，真係要多啲支持小店！

這個鋪位上一手做拉麵做得不錯有日行過發現已經結業 轉為現在十一串做串燒琴日去試一試各樣串燒都唔錯牛脷：好食。燒得岩岩好芝士蒜蓉大啡菇：芝士味濃 啡菇唔乾茄子：原條上賣相不錯 不過稍為多左d蒜蓉雞皮蝦：好得意 外面包住個層好脆，蝦都好爽口聖子：個人覺得最好食 鮮味good羊排：老公話好好食 個樣都燒得唔錯虎蝦：夠大隻 都好乾身 爽口店舖位置好少 我地就有預先訂位去到時都坐滿客人 埋單2人 野食連飲品 $520 支持下用心做的小店

今日本來想去佐敦鋸扒，點知排隊好多人，路過見到有一間串燒店，見佢個環境好得意，門口個菜單，有一個煙肉荔枝卷吸引咗我入嚟！入到黎環境好好，唔會好迫，裏面啲燈好靚，有少少日本feel, 老闆好好人，有個熟客即刻讓左個位比我！第一次去到冇乜油煙味嘅串燒店！佢俾我哋嗰兩份餐具都幾乾淨，我冇叫嘢飲佢主動比兩杯冰水我！ 好貼心！到嘢食啦，裡面既嘢比出面無咁濃味，好Juicy , 調味粉同辣粉都可以自己再加！因為唔食得好辣，串燒我叫咗唔辣，自己加辣粉！佢個辣粉好惹味、好正！特別推介佢個汁燒冬菇同埋孜然燒雞全翼！仲有超好食既焗煙肉芝士大啡菇👍🏻，裏面仲有好多汁流出來，係我食過最好食嘅！服務同食物都無得彈，飲品種類加多小小選擇就好啦，高質同坐得舒服既推介