匯發茶餐廳

咖喱吉列豬扒飯🍛$20只限外賣🤓去完深水埗剪頭髮💇‍♂️經過美居中心😂諗住食一蚊一件煎釀三寶😇響過馬路之前🙃就見到呢間茶餐廳😏廿蚊一盒飯🧐而且仲有6款揀喎🤓響門口猶豫咗一陣🤨結果𥚃面有人問係唔係要飯盒🥸係唔係咖喱吉列豬🤣直覺話俾我知🥴似乎好多人都係嗌呢個😆豬扒又真係幾好食👍炸得好鬆脆😼而且底下咖喱亦都幾惹味👌如果飯再多啲就更加好😂由於係外賣嘅關係😔結果我都係去咗美居裡面食😅匯發茶餐廳 (深水埗)深水埗元州街162-188號天悅廣場地下…查看更多

有人情味...怕您餓唔介意份量您餓就比夠您食就算要關門，打比老闆娘一定等埋食物味道令我想起家中婆婆時住家飯有炸有蒸有炒。仲有老火足料靚湯價錢又經濟，一個不能錯過的鐵站樣樣都好食 食過您就知…查看更多

平價之選。這碟粟米斑腩飯，汁不錯，但少了點，魚就真的不行，似是用賣剩了的魚，又硬身又油，有咸水魚的味道，和在其他地方吃的味道不一樣。只求飽飯一餐，呢個價錢還可接受。…查看更多

世事就是如此，一心一意想去吃米線，但是原來新年還未啟市😅。於是，只好到附近看看，反正早餐夠飽。餐廳舊式，呈長型，估計兩邊每邊有七張卡位，中間放滿桌子，保守估計，可以同時容納80人進食😆。外邊的開放式廚房，可以讓食客挑選自己喜歡的食品，另外亦都有是日精選午餐。圖片裏亦可以見到以前舊式餐廳的燈箱，相當舊式。隨便點了一個是日特價午餐，咖喱吉列豬扒飯，不算等得太久。當然，就像平日的午餐，他那款咖喱，不是特製那些咖喱牛腩飯那種，而是普通開個咖喱汁那一種，但是，味道也甚具香氣，甚至有點口沙嗲味，一次過滿足兩種願望。吉列豬扒，本來就看起上來，好像只有一塊豬扒，切開兩邊，外皮不算沾了很多炸粉:)，豬扒軟熟，內裏鬆軟，而又不會完全沒有了肉味。本來，以為很醒目，點個熱飲。結帳時才發現，原來熱飲/冷飲同樣加＄3。茶走味道不錯，甚至乎比平日的茶餐廳，茶味濃郁，又沒有苦澀味道。…查看更多

今晚路過SSP 呢間茶記時, 毫無期望行入去, 是但叫咗個炒公仔麵, 又估唔到幾有驚喜喎!好夠黑椒味好香口, 炒得唔會太乾唔會太濕啱啱好, 麵質唔會太淋似乎係有過冷河, 雞扒好多舊又厚肉, 份量大大碟!!! 下次可以再嚟~~~不過屋企人order 嘅三餸飯就麻麻啦, 再嚟都係叫炒嘢! …查看更多

上次食過一次，今次又嚟食 。我叫咗一個豬扒腸仔煎蛋飯:)！最普通的飯，最考技術！賣相非常 吸引！豬扒外面煎咗，肉質鬆軟！味道唔錯！腸仔不太鹹，好似係厨師牌腸，有彈性！隻太陽蛋很出色！！半熟半生！加上自製的甜鼓油！要嚟撈飯！靚呀！…查看更多

獨自一人午餐！係長沙灣遊盪發現一間未試過既餐廳！叫了一個咖喱吉列豬扒飯！都幾多咖喱汁，要嚟撈飯就一流！汁既味道幾濃，可惜豬扒係一早已經炸咗，所以豬扒外面已經不脆了！肉既味道尚可，不會死死實實。原來杯奶茶係最好嘅，茶味很夠！奶好滑流！一流一流！係我所飲既算係數一數二…查看更多

晚餐時段，兩人各自叫了一客三餸飯，要自行前往serve食物的counter揀餸，餐牌列出的餸，不一定會有（佢話天天新款），總之counter有咩餸，都可以揀，眼見都有十多款：我選了蒸水蛋，豬肉餅及薯仔雞翼：水蛋係阿姐推介，剛剛蒸起，夠熱，連少量免治豬肉，質感較挺身，唔會一夾就散，這已是三樣餸之中最好的一款了；肉餅好硬身，薯仔又太腍，雞翼油淰淰，最弊仲要唔夠熱，連微暖嘅感覺都無，肯定係煮完之後，攤咗好耐，冇再加溫！另外三餸 ～ 蕃茄炒蛋，白蘿蔔及蓮藕炆豬肉：又係唔夠熱！蕃茄炒蛋算係比較好，起碼食得出蕃茄夠新鮮，白蘿蔔腍到似冬瓜，蓮藕味道OK，豬肉韌到不得了，咬到口攰！幸好飯還夠熱，撈埋啲餸嚟食，口感暖返啲，仲可以要求多飯！例湯係粟米豬骨湯，味道清甜，夠大碗，唔使再另叫飲品！…查看更多

元洲街天悅廣場地下(油站對面)是日費用:104用膳時間:8:00pm-9:00pm如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務1.我地嗌左個雜菜咖哩同魚香茄子。個咖哩好辣,好醒胃！送飯一流！(女朋友:平時食開半碗仔飯。。。今日食晒一大碗飯！可惜咖哩冇薯仔:'(得西蘭花,西芹,菜仔,羅白,菜芯…好多菜*v*)仲有個魚香茄子,啲茄子好新鮮,不過我嫌佢啲肉碎太多,可能我食素嘅關係啦。。。(女朋友:所以咪得我食唒啲肉囉,不過又真係多得誇張。同埋我食到佢真係有一粒粒嘅咸魚,好香~我鐘意用呢個送飯！咖哩汁真係太辣)佢有一大碗例湯。幾好飲！唔係好多味精。ok接受到！(女朋友:食一啖咖哩,一啖湯,個湯嘅感覺好鮮甜:|)2.用百零蚊食一個晚餐,其實真係好抵！大大碟送,大大碗湯,大大碗飯。(女朋友:不過好攪笑,可能人地見我係女仔,我碗飯少過男朋友個碗。)食到捧住個肚出去！正。呢個價絕對唔係食飯咁簡單,仲要係食香港地道嘅人情味。3.其實佢個到好乾淨,裝修簡單,地方又大,約一班波友打完波黎食飯吹水真係好ok.(女朋友:雖然我一開始真係唔太想入去,因為compare 隔離個間,門面好舊好似好污糟,不過因為師奶心態,男朋友仔話呢邊平啲,所以入左去。不過又係有驚喜:＞)4.一入去坐低,我地就坐低睇有咩食,我女朋友無啦啦好似小朋友咁舉手,個呀叔都笑左出黎,仲話諗住唔阻我地。(女朋友:咩喎~我想知錦江豆腐同八珍豆腐有咩分別嘛！個叔叔都好nice咁答我,原來錦江係辣嘅！)我地發現一路都冇單俾我地,去到埋單個陣仲攪笑,我女朋友問佢啱啱數,個呀姐仲笑笑口話:你話啱咪啱囉。。(女朋友:大家記得唔好呃人！入去食飯真係俾佢地嘅感覺融化左。。。好有屋企人嘅感覺)…查看更多

本來日日都可以去既飯堂冇乜野好講品質唔好又點會咁好生意依排成日出去大魚大肉…其實都食唔到乜誠意之作今日返去食下街坊餐如相所見…眼前普通一個牛腩炒粗，再加凍檸茶都只係三十八唔駛優惠，人人同價…仲要份量十足…招呼都好親切唔信去試下…老板娘心情好仲會送例湯添！…查看更多

真係火都嚟埋~外賣飯盒一開....XYZ%#%^^&蜈蚣一條...不過算喇...攞番去佢話換過盒喎咪喇...退錢算數喇不過老細都係咁講"唔好意思...":(但唔係講笑...曱甴我都食過蜈蚣就真係第一次...諗起都怕怕喇...…查看更多

星期六, 駒車接了太太下班之後, 按太太的意思, 來深水埗長沙灣一帶, 先找地方食野, 再讓她前去香工買野. 因為她說過要看看舊式文具店的關係, 第一站, 讓我來到了元州街. 可惜的事, 有不少舊唐樓, 現在不是田生物業就是重建局物業. 從前記得的店舖, 只是一年啊, 一些已經正左拆卸中, 一些門口多了一個重建局物業膠牌, 重有一些, 掛了一個大大的紅色橫額, 田生自己恭喜田生收購了整棟物業.....相信, 再過多兩三年, 深水埗、長沙灣一帶, 會慢慢的變身, 變新.隨便挑一間吧. 但也不能太隨便. 但因為不想太隨便而令太太走多了路. 而且最不好的, 入了這一間, 要我們等食的....兩餸飯餐廳.門面, 的確是一間茶餐廳, 入到來, 也有茶餐廳的菜牌. 不過係要問才有. 再找其他呢, 就是牆上大字報的list. 我們二人選好餐後.....便一直等......這時才留心看見那個serve食物的counter, 一盤盤的炸物, 一盤盤的餸菜. 要是叫兩餸飯, 煎炸點快餐. 你的飯就會立即有. 要是入廚房, 就要睇下你幸運不幸運. 而是日的我, 就有點不幸了. 原因是.......廚房正在炸雞翼.....hold住哂所有廚部既單.真正的等到頸都長, 等到我面黑哂, 等到齋妹要罵人.....我們用的餐才來......我點的, 是他們的特式炒飯, 是一個咸牛肉雞粒炒飯. 份量之大, 若是我們二人叫一碟, 也夠食. 說一說味道, 用咸牛肉去炒飯, 固然是非常的香口. 而且, 炒工同味道控制得好好, 不太咸, 有牛肉味, 飯也足夠的乾身. 做得特式菜, 感覺上完全不失禮. 好食, 但....等呢一個經驗........我要大大的同佢扣分.......…查看更多

行過深水步電腦場節,順道行過來醫肚見到匯發茶餐廳仲健在開門做生意 仲咩野 越做越平, 夜晚仲有$22餐,仲四五年時我經常來的, 地方新 收費又平,睇波最合適當時都有D小菜套餐係抵日頭我都會食呢D$22餐四年之後, 老闆娘仲係到今日叫過$22平民餐,五香牛肉飯+餐飲牛肉幾軟念,不過碟飯賣相就HEA一點不過呢間做開即係幾餸一飯,都唔可以有要求好食又抵食就得但冷凍滴水 有投訴啊電視剛好播香港康泰菲律賓團事件,希望過身的人可以安息啦,,,,,,,,…查看更多

以前在長沙灣返工成日搵野食如果去茶餐廳呢間都唔錯因為比較新光猛d 同舒服d餐具都好少少(同旁邊另一間相比)同選擇好多下長期有常餐食同$20碟頭飯包飲品算幾平下如果食小炒就好好味都係$32沙爺最好其他都唔差真係有水準的以前同舊同學睇波不時去氣氛好過去酒吧不過正因為年幾一次去睇波老闆亂比位我結果我之後都唔去過了年幾今晚再去食(原來去青山道舊松記原來已執唉....)價錢又貴了好多有$3-4仲有多了一個男伙計佢一直無咩禮貌大家都明白睇menu時不停禁筆食客心情係點之後又大力放碟食物不過我之後無理覺得除了價錢同男伙計外環境依然幾好我叫了喱牛腩飯夠大味道幾好不過應加了少少味精一路食一路睇大電視都唔錯食完再去元洲街松記正~…查看更多

聖誕節係深水保想搵野食真係好難，度度都爆晒，唯有行過黎長沙灣，呢邊真係比較小人，見倒呢間茶餐廳有位就入去坐，以茶餐廳黎講呢度環境都算幾好，又有兩部大電視。叫O左個下午茶餐，豬扒炒烏冬，加埋野飯二十蚊，炒得幾靚，加埋D九菜同芽菜，再落小小辣椒醬真係好鬼醒胃，雖然份量唔多，但作為下午茶已經相當夠食。同埋呢D阿姐服務態度都幾好，可以再黎。…查看更多