北海道食堂 (已結業)

行經沙田廣場，見坐無虛設，心想好食才有人排隊，我都排下。叫左鐵板廣島蠔套餐，有茶碗蒸、麵豉湯、一小碟沙律菜、醃漬蔔片，重有柚子蜜餐飲，6隻蠔和白飯。吃完十分飽。全部味道都不錯，真抵吃。

都市人生活壓力大 得閒梗係想逃離香港 今晚就逃離咗去北海道...食堂😝餐廳算係幾大 除咗有一般嘅座位之外 仲有鐵板燒嘅座位 等你可以睇住廚師喺你面前精心炮製食材 感覺會好食啲㗎 不過因為我地唔諗住全部叫晒鐵板燒 所以都係坐返喺卡位啦😂鐵板燒銀鱈魚 跟餐仲有前菜 茶碗蒸 麵豉湯 同白飯一碗 條魚齋睇賣相都已經知道個肉質係好嫩滑嘅 食落口 魚油嘅香充滿整個口腔 果然銀鱈魚係高質啲嘅😻 旁邊嘅炒芽菜一樣出色 非常爽脆 茶碗蒸嘅蛋亦都好滑 仲有蝦 蟹柳同冬菇喺入面👍🏻豚平燒 一切開有好多蛋汁流出嚟 證明個蛋唔會過熟 入面有啲五花腩片 連晒啲蛋黃醬同木魚絲 個口感好夾 雖然個size 望落唔多 但係食吓食吓都幾飽🙊芝士咖喱吉列豬扒石鍋飯 芝士融咗有拉絲😬 但咖喱味唔算係太濃 同埋啲飯好容易會黐底 所以要一邊食一邊攪就會好啲北海道十勝紅豆黑芝麻雪糕 芝麻味好濃郁 啲丸子都煙煙韌韌咁 不過啲紅豆就有少少過甜 遮蓋咗雪糕嘅味道🤧鐵板燒果然係唔同啲 下次嚟要坐鐵板燒檯 一上檯就食可能仲正🙈

係沙田到開餐廳需要好大勇氣，咁多餐廳間間都搶生意咁做。北海道食堂嘅賣點係日系非常嘅餐單，仲有十分多唔同菜式，有刺身有炒飯有烏冬有扒，睇都睇到我地眼花撩亂。今次同sis去食，北海道食堂十分有格調，又大又舒適，好啱姊妹去談心，飲杯sake。係香港少有嘅海葡萄，仲要加埋麻醬沙律同豆腐，一流！都幾有份量嘅一口牛，幾juicy，仲有我最中意食嘅芽菜！仲有最得意嘅炒湯拉麵，成碗拉麵食落真係有浸炒左嘅味，又唔會熱氣，仲會加入木耳，夠爽口。

早起的鳥兒有優惠。凡惠顧假日午市套餐即享自助沙拉吧吃到飽。或者可以單吃沙拉吧吃到飽，$68，大小同價，只有星期六日公眾假期提供。我點了火炙壽司盛盒配油揚烏冬最有驚喜是火炙海膽壽司，本來以為會有腥味，沒想到沒有之餘，還帶有一點甜味。烏冬湯底很鹹，烏冬沒有彈性。沙拉款式挺多，有野菜沙拉，蓮藕片，香草翠玉瓜，紅腰豆玉米粒，三文魚頭，溫泉蛋等等。套餐還包括一杯飲料，可以選擇熱或冷的柚子蜜/ 加$3有茶或咖啡/ 加$8有罐裝汽水。假日人比較多的關係，有送錯餐的情況發生，不過在香港，這個情況算是很普遍吧。

TGIF又到左星期五 慰勞自己嘅時間繼續發掘沙田美食 去左沙田中心好難得唔洗排隊🇯🇵北海道食堂呢間來頭不小架 獲得北海道市政廳認可用料新鮮 以傳統地道手法烹調.裝修以日式木系為主 好舒服的感覺另外座位幾多又唔迫 最中意沙發位 超級闊.池魚刺身$88嘩 刀功好好啊 成個藝術品一樣好靚 呢個價錢真係好抵食第一次食池魚😍好新鮮 幾爽口.三文魚親子爆丼$98嘩嘩 好誇張啊 睇住師傅係咁加啲魚籽多到滿瀉 跌左幾顆真的有點心疼因為好好食🤩魚籽係口中爆發真係很幸福香港好少有得食 入面仲有三文魚 肥美鮮甜.鐵板燒鹿兒島A4和牛$108很喜歡加左蒜片一齊燒 好香表面微微金黃 略七成熟 燒得剛好肉質嫩滑 呈粉紅色 仲有少少油香.👆🏻以上三款都係夏日週年激安祭👆🏻所以好便宜好抵食 CP值爆棚 呢個夏天要食多幾次.三文魚腩刺身$68有成四大片 非常厚切 好肥美食落好新鮮 冇根好爽口 十分邪惡.蒲燒鰻魚丼$118呢個係追加 因為見隔離枱叫左 好香啊單點$98 加多$20就有味噌湯 蒸蛋 前菜 熱柚子蜜緊係要套餐啦 食完超級飽肚 好完美的一餐呢度真係做到外脆內軟嘅燒鰻魚 而且唔過咸

沙田食店最旺就係新城市商場地下嗰幾間店舖，成日都係排曬隊，有時食餐飯閒閒哋要等一個鐘多， 今晚就行遠少少去到沙田中心（北海道食堂） 餐廳門面設計好特色，便吸引咗我哋入去試。座位十分闊落，坐得好舒服。大阪燒（餐）$108 份量十足 幾乎食唔曬，超值。款式十分多。天婦羅盛（餐）$92 最緊要係 粉漿不會太多， 食到質感，仲非常香口。吞拿魚蓉三文魚籽爆丼，每款$98，放入口中，啖啖清鮮口味，十分滿足。飛魚子壽司兩件$20美味鮮甜十分抵食。木村白桃梳打， 好香桃味清清甜甜。

今日經過沙田，晚餐又想食日本菜，就搵到呢間北海道食堂燒北海道產魷魚好大隻魷魚，佔滿了整個碟子，雪白的魚肉，好厚肉，好新鮮，好彈牙，特製燒汁提升了魷魚的鮮味，風味十足，真的好好吃，碟邊有附沙律醬，喜歡的朋友可以點一下。這個魷魚真的是必食之選！鐵板美國牛小排牛小排肉質不錯，外面煎得微微焦香，內面肉嫩帶點脂肪，肉味咁香濃郁，好juicy，還有炸過的蒜片為牛排增加了點點蒜香，很喜歡這樣烹調的牛小排。蟹肉蟹膏玉子燒我本身很喜歡吃玉子燒，這裡的有款高級版的，在玉子燒上再加上：蟹肉的鮮甜，蟹膏的濃郁，蟹子的口感，把整隻蟹的精華濃縮在玉子燒內，蛋味和蟹味互相提升，天呀，每一口都充滿滿滿的幸福感，一口接一口，不知不覺已經吃完了。芝士咖喱吉列豬扒石鍋飯咖喱很香濃，豬扒也很焾，用吉列的方式炸得脆脆的，也能鎖住不少肉汁，米微微帶點煙韌QQ的，用石鍋上也可以保溫，喜歡飯焦的，可以放久一點，就會吃到香香脆脆的飯焦。還有因為點了套餐，附送了味噌湯，蒸蛋，漬物和柚子蜜，味噌湯濃度剛好，不會過咸，蒸蛋很漂亮很鮮味，吃得出有加入上湯烹調，柚子蜜（忘了拍照）也不錯喝，覺得加購套餐很化算。

同honey行完沙田新城市廣場後，到沙田中心商場3樓嘅北海道食堂開餐。餐廳空間感寬闊，環境舒服。厚厚嘅餐牌加上精美嘅圖片，令人難以決擇。最後單點左幾款菜式加個套餐share。 👉黑醋炒雞肉野菜(單點)色彩鮮豔嘅三色椒鮮甜脆爽，雞肉似是先炸過，肉質嫩滑，再用黑醋加以拌炒，有種酸酸甜甜，但又不過份搶味道的口感，加上黑胡椒嘅芳香，令人胃口大開，係炎炎夏日佳餚。👉鹽燒多春魚多春魚表面燒到金黃色，擠上檸檬汁拌食去除腥味之餘又增加香味。當牙齒咬到滿肚子嘅魚籽時那種爆裂感非常過癮。 👉牛肉壽喜燒(單點)材料有牛肉、金菇、豆腐、娃娃菜、雞蛋等，似一人火鍋，慢慢煮熟食材。蔬菜新鮮，豆腐軟滑，牛肉腍嫩。👉 鐵板鰻魚炒飯(套餐)套餐配有味噌湯，滑滑嘅蒸蛋，微酸嘅前菜及飲品，是晚點了杯熱柚子蜜。米飯軟腍而分明，鰻魚大大粒有燒過嘅焦香味，再配上幼細甘筍粒，蔥花，洋蔥粒及紫菜絲，甜味及口感再提升，非常鮮甜好快完食。👉北海道十勝紅豆黑芝麻雪糕小丸子軟糯煙韌不粘牙，十勝紅豆，比一般紅豆更鮮紅，清甜細膩，豆味濃郁，再配以充滿濃郁芝麻味，質地又香又幼滑嘅黑芝麻雪糕，滋味無窮，為今晚美食寫上句點。總結：北海道食堂食物選擇多

難得因為睇展覽黎到沙田當然要發掘下有無好味既餐廳,今次離開新城市範圍去到呢間日式食堂試試.晚餐set menu大大本而且晚餐有唔同主菜可以任意單點或轉set.加$20就可以轉set,性價比幾高內包麵鼓湯,茶碗蒸,前菜,白飯及飲品.鹽燒牛舌夠厚切,厚切得黎又唔會太實咬唔開.入口彈牙脂味香,外層灑上少少鹽調味已經足夠.北海道牛乳華美鳥味噌鍋牛乳杰身奶白色既牛乳鍋底慢慢滾開將雞用同蔬菜煮熟.華美鳥加上牛乳令肉質更嫩滑.蔬菜吸盡牛乳同雞既精華十分濃郁.炸雞軟骨外層炸得鬆脆,內裏脆卜卜.炸天婦羅以加配價$40就食到2件天婦羅蝦同2款蔬菜真係幾抵,天婦羅唔馬虎炸得乾身粉漿又唔太厚抵讚.

平時都中意去沙田新城市廣場行，貪佢又大又有supermarket仲多野食，同friend去又得，同男朋友去又得，得咗😎✌🏻✌🏻今次行到去沙田中心呢邊醫肚，呢邊冇沙田新城市廣場嗰邊咁多選擇，行咗一陣搵食，見到呢間北海道食堂食日本野幾穩陣咁，就一戰❗️❗️和牛味噌雜菜煮 (set $108)叫set真係好抵😱😱個set包味噌湯、飲品、小食仲有茶碗蒸！😍😍超愛茶碗蒸💖和牛味道濃郁，切得厚薄適中，而且份量好多，呢個價錢黎講好有驚喜🤤❣️北海道幸福丼(單點 $238)食完就明點解佢叫幸福丼了😳一個丼飯入面有齊我最愛既三文魚、海膽、吞拿魚同三文魚籽啊啊啊😭😭😭❤️幸福感爆標🥺❣️食材好新鮮，魚生都好厚切🤤👍🏻海膽冇失望！好新鮮desu🥰

今日平日終於有時間陪屋企人，就同埋媽媽一齊出去食飯傾計行街，經過見到北海道食堂，佢前身另一間鋪頭，難得新開甘耐都無試過，就入去一試啦入到去，呢間店都花左唔少心思係裝飾上面成果佈置都圍繞住日本居酒屋風味，瀰漫住日本ge氣息，彷如置身於日本一般，別有一番風味係餐單上都落左唔少功夫係餐單上面有唔少日本料理，刺身、串燒等等，而且都有炒飯同海鮮麵等，野飲選擇眾多，無論大人細路黎，都可以配合佢地ge口味，十分之大眾化。我地今次就無點到刺身，試左D平常D ge野和牛炒飯 $148炒飯雖然看似簡單，但係都有唔少ge學問，味道既要適中，又唔可以太過失水分。呢個炒飯就做到呢樣野啦，鹹淡適中，而牛肉都能夠保持佢自身的味道，十分難得。另外，呢個飯十分適合一家人黎食，因為佢個分量真係好多，差唔多要兩個人先勉強可以食得曬蒲燒厚鰻 單點：$98鰻魚普遍都比較少可以搵到甘樣半條，有都比較貴，甚至唔好食，但係呢間鰻魚飯真係好好食鰻魚本身已經有調味，但係依然保留住鰻魚的鮮味，而且佢ge肉身質感十分嫩滑，入口即溶，真係好有驚喜。佢飯量唔多，鐘意食鰻魚ge朋友真係會迷上呢個飯豚平燒 套餐：$98呢個簡直係蛋包飯同大阪燒ge結

新城市有好多野食， 但係都比較貴，隔離平啲有沙田廣場， 沙田中心， 偉華個啲都好方便，今日想食日本野又唔想食生野， 就去左沙田中心，原來都有好多選擇， 呢度本menu 好厚， 天婦羅， 定食，手卷... 乜都有。兩個人， 叫左一個飯， 一個壽喜燒。追加項目個頁都好多野， 仲幾平添，一共加左4款。其中一個追加項目-炸雞，雖然得兩舊， 但係都炸得好香口， 唔會好老。另一個追加項目- 海膽手卷， 都好多海膽， 好鮮， 啖啖都有海膽， 幾正。牛肉壽喜燒， 都好多片牛肉， 一人份量黎講， 都算好多。牛肉雖然少少肥， 但都幾重肉味， 幾好。煮好左既壽喜燒，湯味都幾好味。 鰻魚飯， 條鰻魚好香， 魚肉好香， 汁都好濃味。天婦羅都炸得好香， 好脆。追加項目 既炸軟殻蟹， 成隻蟹上， 都幾大隻， 幾厚肉。蒸蛋係跟餐既， 都正常。

放工之後約朋友食飯，可以選擇菜式比較多的地方！沙田的商場比較多，今次行到去「北海道食堂」！日本野唔一定要去日本嘅～餐廳環境非常日式，地方乾淨又大！今次叫左呢啲！沙律：海葡萄豆腐野菜沙律 $40- 加左芝麻醬和豆腐，簡直要心心眼！套餐：鐵板美國安格斯西冷 $138 （單點$118）切開咗一粒粒方便食用！又好味又多汁！！套餐有味噌湯、茶碗蒸、前菜、白飯～～呢間餐廳我下次去沙田一定會再去！哈哈，太多美味選擇呢！！！

不得不承認好多時要響短時間尋找嘅開心嘅來源都係原是食物 (同埋shopping LOL), 今日響公司畀人激親意志消沉, 好想搵好嘢食!放工就搵埋朋友一齊去食首選嘅日本餐, 我叫咗一個生野比較多嘅丼飯, 同埋鍋物壽喜燒,  兩個都叫咗套餐! 北海道幸福當用上吞拿魚, 帶子, 三文魚子, 赤蝦, 海膽, 三文魚片, 海膽等高級刺身, 讓人感到幸福滿滿套. 餐配以味噌湯,茶碗蒸,前菜, 熱柚子蜜等.刺身真係超厚, 吞拿魚係我今晚覺得最好食嘅一個刺身, 肥美之餘仲有一些甘甘地嘅感覺, 食第一塊,我已經覺得好滿足. 其次就係油甘魚, 佢嗰種又魚油香真係無法抵擋, 食得出佢係加拿大海膽, 每片都好大片而且夠曬厚，初初擺落口都有啲腥味, 但係食落有啲會入口即溶嘅感覺好rich, 我同朋友都十分陶醉. 壽喜燒係日本常見嘅料理以日式甘甜醬油味淋調味成湯底, 加入牛肉片滾幾滾, 令湯嘅味道更豐富, 牛肉甜豉油湯底送飯真係一流!壽喜燒配搭咗日本嘅生雞蛋食用可以將啱啱錄完嘅牛肉片降溫之餘仲令到塊牛嘅味道同口感增添咗爽滑嘅口感. 呢個壽喜燒都有唔少嘅蔬菜, 例如娃娃菜同埋小棠菜,唔使一味食肉咁單調.話說我

放工嚟到沙田，朋友話想食日本野啦～所以就嚟咗呢度，因為時間仲早，我哋兩個人可以坐咗係卡位嘅位置。好耐無食大阪燒啦，於是一打開餐牌就即刻搵咗大阪燒先啦～好大份，每啖食落都好足料呀~之後仲叫咗兩個主食吞拿魚茸丼同北海道牛乳華味鳥味噌鍋，其中一個跟餐有熱柚子蜜、燉蛋同埋前菜。吞拿魚茸丼份量好多，而且好好食又鮮甜，有種入口即溶嘅感覺，而牛乳鍋啲牛奶好滑，雞肉食落去嘅時候好嫩滑！之後再追加天婦羅軟殼蟹手卷同埋海膽手卷，隔離嘅芥末喺手磨㗎~仲有炸蝦天婦羅同野菜天婦羅，今晚都食得好飽呀！