北海道食堂 (已結業)

成日黎沙田都係幫襯ikea，今次就搞搞新意思，食餐日本菜鰻魚係男朋友既最愛，就當然要叫啦蒲燒鰻魚飯鰻魚大大條非常厚身，咬落很有質感亦都燒得好香，帶少少焦脆，性價比很高由於想叫多啲小食，再加上見兒童餐都幾抵，仲有枝益力多添，就叫左兒童餐主食係烏冬，有唐揚炸雞仲有粟米沙律都唔洗擔心唔夠飽，有多款壽司：灸燒芝士蝦、玉子、蟹籽同青瓜卷除左益力多，仲有啫喱甜品我地仲額外加左天婦羅軟殼蟹手卷同埋火炙鰻魚芝士芝麻反卷軟殼蟹手卷既紫菜好香，要趁快食，軟殼蟹炸到剛好，脆而不乾

見幾日無出街就去搵下有咩餐廳食吓野同朋友順便傾下計。北海道食堂勾起我去日本旅行的心，佈置都好有日式風味。我最鐘意餐廳有旬之味，即係會推介邊啲菜式係季節限定，可以食到時令食物。但我地被北海道幸福丼吸引咗...好多食物都有套餐的選擇，加＄20左右，就有多一個味噌湯、蒸蛋、前菜、白飯和柚子蜜，每款套餐配的食物都有少少不同，好適合想食下飯有飽肚感的人。北海道幸福丼（$238）好幸福啊！有大大隻的蝦、油甘魚、好慷慨的三文魚子仲有好令人流哂口水的海膽，帆立貝、劍魚腩、三文魚同吞拿魚都有兩塊，擺碟咁靚當然要相機食先啦！所有刺身都好有光澤，非常新鮮，海膽同帆立貝好鮮甜、蝦十分爽口。有幾塊薑放響旁邊，等你清清口腔再食其他刺身。有咁多款式的新鮮食材，呢個價錢都算抵食。海膽手卷（$35）友人最愛海膽，話要獨佔一個手卷，海膽味道十分鮮甜，佢食得非常滿足！店員有提醒要食手卷先！北海道牛乳華美鳥味噌鍋（$108）冬天去日本餐廳食飯當然要叫個鍋，暖粒粒先至滿足！佢用個小型GAS爐上枱，全部響你面前由生煮到熟。唔好睇佢細細個鍋，都好足料㗎，有大大件的雞肉、兩款菜、豆腐、金菇同鮮冬菇。煮煮下就發現奶白色的湯汁出黎啦，個

疫情嚴重，未必話去就去，唯有去間地道日式餐廳一解思鄉之苦...拍照看起來像是很大的一碗，其實份量很小，而且海膽不夠新鮮，魚子反而比較出色，幸而有魚子尚算新鮮搭夠了整個飯的分數。吃一小碗飯當然未夠喉，唯有多點一份串燒拼盤，基本上一張相都交待晒食左啲乜，不過都簡單再介紹下：牛舌算是全份拼盤最好味，加上檸檬汁完全提昇了整個肉汁的味道，大大塊又唔會咬唔到；再來是露荀串，露荀味很出，食唔出肉味，但尚算可以接受；雞翼串，係起到骨有少少失望，肉質仲有點老；五花腩，唔知點解今晚唔太食得出肉味，看似燒得好靚咁但係食落嘴就知一般；有點失望；一口牛：都係一般，因為無諗過肉不嫩，無鮮味，無乜肉汁；反而冬菇好食啵！冬菇串：燒到火喉剛剛到位，鎖到鮮冬菇嘅汁，加上柴魚又升左級，值得一試！最後食埋唔好食既秋葵同青椒，唉！整體來講有點失望，希望會改進，但叫做服務態度好，除左接待個個！🥱

Weekend同朋友去沙田行街，想搵下日式野食，就搵到呢間。星期日都有set lunch係唔錯嘅，幾抵食。Set lunch 係包埋自助沙律吧同甜品嘅，所以都有少少出乎我地所料。佢嘅沙律吧有幾多選擇，有溫泉蛋、泡菜、沙律等等，都幾豐富。主食就叫左鐵板雞扒（$88）配指定飲品雞扒係用鐵板方法煮，特別香口，只係佢有點太油膩，所以個人認為減左分，而配菜都好油膩，我會選擇食沙律菜而放棄鐵板嘅蔬菜。最後可以去沙律吧攞杯啫喱作結，啫喱都算有味，唔係好水個d。

到年尾，又返工又打掃，忙到無停手，當然要食餐好慰勞下自己啦~同老公去試下呢間北海道食堂，坐左係二人卡位遠處就望到有兩個師傅係個大鐵板前炒食物，陣陣食物香氣飄來。因為聞住d香氣太吸引，所以叫左兩個套餐：鰻魚飯套餐同我最愛既廣島蠔套餐，加3個小食（因為肚餓好似叫多左少少）首先，黎左鐵板炒野菜，見住師傅係鐵板前即炒，味道不錯。炸雞軟骨即炸，分量都多，粉漿適中，入口熱辣辣鰻魚飯套餐鰻魚肥美夠入味，一啖飯加一舊鰻魚，老公都食得好滿足！加左20蚊轉套餐，就有埋燉蛋、麵豉湯及熱柚子蜜。燉蛋滑嘟嘟，有少少酒味，不錯~老公好想食牛肉，所以單點左一份鐵板美國安格斯西冷，加左蒜片炒，大約6成熟，西冷夠淋，大約有10多件我既主菜廣島蠔都算幾大隻（有6隻），師傅係鐵板上煎得外脆內軟，加上少少黑椒做調味，正！非常滿足既一餐~~食完又要乖乖返去大掃除lu

放工行下沙田又吾想成日係新城市吃，就行咗過隔離沙田中心，沙田廣場！都好多食肆係個邊，吾同價位都有🤣見到北海道食堂有個廣告啲食物好似好吸引，於是就行咗過去！都好方便~~行過去10分鐘內都到！！一入去到好日本裝修，又有大紅燈又有木板裝飾！仲有鐵板燒zone!!!不過小心地下有小小滑！！啲店員好有禮貌，同好有效率，我地舉手吾到1分鐘已經有人黎照顧我地🤣讚！！我地叫咗個牛油焗帶子！！都幾新鮮同好濃味！成8粒帶子先60蚊！抵到爛~~~重頭戲黎！！！叫咗個美國安格斯牛小排！😍一個套餐叫就158，有一碗飯一個茶碗蒸一杯柚子蜜，仲有碗味噌湯！！啱唒大胃王！！！個牛入口即溶！！生熟程度啱啱好！佢仲有用蒜片去一齊煎，所以味道一流！最正係牛小排有小小肥肉同根痴住，好好吃！！吾好睇好似好小份量，最後我都要空口吃幾舊牛🤣🤣齒甲流香！！！推薦！！讚！！最後點少得，甜點！北海道黑芝麻雪糕😍10分我會比9分！甜味，雪糕，白玉都一流！唯一個紅豆有啲太甜，搶咗個雪糕Focus!不過個個雪糕係正野，吾係cheap野😂下次可能會叫走紅豆！！！

行開沙田新城市，入面啲餐廳都比較高檔🤭於是睇下附近有咩平靚正嘅餐廳😍一出沙田中心就見到北海道食堂，裝修都幾日本，就施施然入咗去🤣好彩都早仲有位！餐廳好大，係一個大L形，我哋安排坐咗喺鐵板燒嗰邊！比較光啲，影港女相一流🤣就算我哋得兩個人都可以坐到卡位！好舒服！我叫咗個極上四色刺身丼連茶碗蒸，一杯柚子蜜，味增湯先$128啲刺身好新鮮！！完全唔腥！！重點係條蝦，好有咬口🥰好正！！一路吃一路心諗好多Collagen 入肚🤣吞拿魚蓉也相當不錯👍🏼本來有人話吃一小啖，結果吃哂我個吞拿魚蓉🤣🤣茶碗蒸好食到不得了！！超級滑，仲要有蝦，冬菇，蟹柳係入面，用料十足 一點也不馬虎！！不過，熱辣辣食就最好食😋因為我想要留返最後食，結果冇一開頭食禁滑🤭鐵板牛油焗帶子😍$62性價比好高！！好多蒜蓉所以好入味，而且好香口！不過油就有啲多🤣份量黎講，得我地2個人係有啲多！每人起碼吃4隻！不過整體係好食！！！！最後見啲人有推介紅豆黑芝麻雪糕！！就叫左一個嚟食，個黑芝麻雪糕超級！好食！個芝麻味還未好濃郁而且咬到有芝麻粒！唔係普通嘅黑芝麻雪糕！！絕對值得要食😋😋😋😋個白玉都係煙煙銀銀！！高質！！！

有日同2位朋友去沙田食飯,大家都對日本野情有獨鍾,於是揀左呢間北海道食堂啦!我地係一個好闊落既卡位度坐,打開餐牌見有散叫同套餐揀,而套餐都唔貴而且好多野送,所以叫左3個套餐再加小食啦!我好快就俾佢個和牛味噌雜菜煮吸引左,所以就叫呢個!黎到真係無後悔,份量十足,D和牛好鮮嫩,作為涮涮鍋真係一級棒!仲配埋白飯,味噌湯等,呢個餐包食飽!而我朋友就叫左個照燒雞扒套餐,我夾左件黎食,肉質好鮮嫩,好好味,佢無叫錯!而另一位朋友就要左個三色椒蓮藕炆雞,頗有中國特色,色香味俱全!另外我地再叫左D小食,分別有北海道玉子卷同雞翼,玉子卷好滑好有口感,雞翼都非常入味!

好少係沙田食野, 因為一路都覺得冇咩野食。人太多, 店舖又差唔多, 所以通常都唔會諗沙田先。 今日咁啱行到, 當大家都諗住沙田有咩好野食時, 又真係搵到去沙田中心, 仲要係日本店。 大家本住即管一試既尋寶精神, 就入去試下啦。 我地入去時唔係好多人, 可能早左d, 所以一去到就有位。 感覺都ok舒服。我以為佢唔會好多野食, 但 menus都有驚喜wor.種類唔少好多種類都有齊, 朋友話有點似和民既感覺，但我覺得比和民好tim.既然佢咁多選擇, 朋友提意叫d特別d既。 雖然大家都睇中條鹽燒喜知次, 但真係怕食唔晒，不如都係留返下次多d人先。兩個人, 我地叫左:和牛蕎麥麵鹽燒北海道花魚豚平燒極上四色刺身丼係冇咩預期之下, 我覺得這間水準都係唔錯, 如果同和民比我會覺得北海道食堂會好d。而且服務都唔錯。 唯一有點失望係個極上四色刺身丼, 我地本來滿心期待餐牌入面有寫既餸: 帶子, 三文魚腩, 三文魚籽，油甘魚, 吞拿魚, 但黎到時甘魚同三文魚籽都冇，再問服務員先知, 原來佢地係跟圖, 唔係跟字出。 這點令我們有少少驚訝。 唉，下次點菜, 真係要小心問清楚啦…

日前同事約我去食北海道食堂話做梗四送二優惠聽落覺得好抵，就去試下叫左個原價約$68既炸雞定食埋單除開一人大約$53，真係超級抵食重有茶碗蒸發沙律，炸雞一人約4-5舊.每位都送冷/熱柚子蜜

平時放工同老公諗食飯，真係諗到頭都大。留意見到沙田中心開左間日式食堂，決定試一試。食店裝修都幾日式，入面都多卡位，坐得舒服，環境唔錯。我同老公閒日黎，都幾多人幫襯食店喎Menu都幾多選擇，有刺身丼、鍋物、壽司刺身，仲有鐵板燒同串燒揀，睇到眼花繚亂。食店仲有師父專門負責鐵板燒串燒，可見用心經營，值得支持。今次叫左個蟹籽蟹肉沙律同2個套餐，上菜都幾快，但一點都唔馬虎。沙律用料新鮮，菜係爽脆，洋蔥仲食到有甜味老公叫左個超豐富嘅刺身丼，刺身新鮮，仲係厚切添。我都食左幾啖，帶子同蝦都幾甜，質素都唔錯。我就叫左和牛蕎麥麵我估煮法都參考左越式pho, 但湯底係日式醬油味，配上和牛片跟餐仲有蒸蛋同漬物配，味道唔錯架。總結一下，食店食物質素唔錯，坐得舒服。最值得讚係食店服務好好，店員都好Helpful又有好多笑容，我同老公都覺得可以encore。

第一次黎呢間北海道食堂，本身以為佢啲價錢都好貴，點知原來性價比都好高好日式嘅裝潢一嚟叫下啲壽司先，三文魚腩好肥美色澤油潤，海膽甜到不得了！好悶粥嘅壽司另外仲叫咗兩個鍋物，牛肉壽喜燒同牛肉火鍋，兩個都超足料 牛肉質素唔錯對得起個價錢而且牛肉份量好多，成個鍋都係份量好多，食到最尾已經好飽了 總括而言呢一間係又抵食質素又好份量又多性價比好高嘅餐廳，一定會再翻兜嚟食呀！😻😻😻😻😻😻😻😻😻😻

幾好喎呢間，性價比幾高唔錯。有啲仲幾高質海膽手卷好甜！配埋青瓜絲三文魚腩油脂分布平均😋 另外兩件好似鯛魚黎，都好食幾有魚鮮味仲嗌咗個牛肉鍋，份量好多呀！又好味。一定會再黎食！

今日同朋友去左沙田呢間北海道食堂食日本料理叫左和牛味噌雜菜煮 牛肉鮮嫩 肥瘦均勻 而且配菜亦都好足夠 唯獨和牛味唔太突出 另外牛肉係鋪面 可以根據自己鐘意嘅生熟程度去煮 但可惜嘅係 我地食嗰陣火力太大 食唔切啲牛已經熟晒 要額外拎多個碗仔夾開 所以提提大家下次食嗰陣要小心控制火侯 炙燒三文魚石鍋飯賣相同味道比較普通 個人覺得三文魚燒得唔夠香 但份量好足 粟米粒好多 成個set除左石鍋飯仲跟配前菜 茶碗蒸同面豉湯 都算抵食小食方面叫左蟹肉蟹膏玉子燒 蟹肉蟹膏同玉子好夾 味道尚算濃郁 蟹膏唔怕腥 仲帶到少少蟹嘅鮮味 如果玉子可以再煮得滑少少就一流啦壽司方面叫左帆立貝 帆立貝雖然唔算特別大 但勝在味道鮮甜而手卷就叫左天婦羅軟殼蟹同海膽 軟殼蟹炸得好脆好香口 海膽份量就偏少 但食落有甜味 所以整體上都可接壽司同手卷值得一讚嘅係 飯嘅size啱啱好 唔會話好大舊飯之餘 飯嘅温度亦都適中 食落唔會太硬同凍冰冰 食得出係即叫即整

沙田好運個邊多咗好多唔同嘅食肆 之前有節目就同朋友嚟咗好運嘅北海道食堂食日本野呢度主打嘅有鐵板燒嘅食物 不過嗰日咁岩冇嗌到 下次會再試吓呢度嘅鐵板燒 呢度嘅壽司卷物幾唔錯㗎 叫咗份海膽手卷 海膽幾新鮮無腥味 食落幾滿意軟殻蟹手卷都幾大份 蟹香脆內軟 心思思叫咗個油甘魚壽司食 都幾唔錯 米飯既溫度都啱啱好小食係個蟹肉蟹膏玉子燒 佢既蟹肉同蟹膏份量都唔少 配埋玉子燒味道都幾特別 夾雜咗鹹甜既口味之後仲叫咗個牛肉壽喜燒煱 牛肉份量都唔少 肉質幾滑 壽喜燒湯汁好入味 仲有得配埋蛋黃汁食 其他配菜都係完美滲入咗湯嘅味道 仲有啲粉絲食添另一個主食係粟米沙律三文魚石鍋飯 叫咗一個相對簡單菜式 不過勝再夠飽肚 落咗唔少三文魚 沙律醬配埋粟米 仲有三文魚同暖烘烘米飯都好好食