北海道食堂 (已結業)

想食鐵板燒，但係出面食一餐鐵板燒都貴到嘔血，咁就當然又睇OpenRice 搵下有咩經濟既鐵板燒放題啦，咁一搵之下就現到呢間店舖，果然冇介紹錯啦，就係咁樣又過咗一個快樂嘅晚上

之前一直有聽過呢間餐廳，但係一直都唔知原來佢係有放題㗎！夜晚仲要全部都係放題🤣👍🏼我哋六點幾返到嚟，所以一開頭唔算好多人！啲staff好nice!!!有不停幫你攞碟收碟，而家漏單問題都無！！👍🏼讚！！個野飲櫃好貼心，有室溫飲品同雪凍嘅！加分👍🏼女仔飲室溫好似舒服好多！！不過甜品總類唔算多，得紅豆雪糕同雪糕糯米糍🤣但係雪糕糯米糍有成3個味，有黑芝麻，香芋，雲尼拿😚我最鐘意香芋，不過黑芝麻好special!!!!一坐底，佢就每人送一隻鐵板燒大蝦，好彈牙，個汁好食😋好新鮮！！一開頭當然點刺身喇😚叫咗帆立貝，三文魚，油甘魚，甜蝦，北寄貝，白玉豚！！正呀有幾舊係腩黎，特別係三文魚腩，超肥美👍🏼👍🏼👍🏼👍🏼帆立貝都幾厚身，甜蝦好大隻一啖可以分開2啖食🤣第一輪好食過第二輪！鐵板燒黎講，淨係試咗雞扒同西冷牛扒🤣🤣但係高質嘅，係放題界比較少有🤣串燒炸物反而叫得多啲，唔會好油膩👍🏼牛舌最推薦！厚而juicy!其次燒豚肉都唔錯😚有啲肥肉好好咬！唐揚雞軟骨我encore 咗2次，佢大大粒唔似平時食個啲！軟骨控必食！！！！Overall 黎講，價錢略高！但多花款揀嘅👍🏼👍🏼👍🏼👍🏼

放題最怕食物水準差，個人認為先食刺身就會試到餐廳食物質素！刺身新鮮，其他食物都唔差！同老公撐檯腳，唔知食咩好，淨係想食日本嘢，最後拍板沙田呢間北海道食堂，揀左極上放題plan，每人$268，有80款日式食物揀，如鐵板燒物/ Sabu牛肉火鍋 / 炸物 / 刺身 / 煮物等…立即order一碟刺身，點左5款包括三文魚、帶子、池魚、希靈魚，入口唔腥，好鮮甜，刺身質素ok喎！咁我放心食喇～鵝肝燒得好好味，細細塊，食完一碟再點一碟；燒蠔都唔遜色，夠惹味！ 串燒都好正，大蔥同秋葵一啲都唔乾身。Honestly，真心唔覺得差喎！

又到了兩星期一次拍拖日，繼續掛念日本，之前食咗居酒屋又食咗燒肉，今餐選擇豪食放題！今次來到沙田開餐 - 北海道食堂，放題任食有3款選擇: 分別是特上放題/極上放題 及 極盛放題，價錢不同當然可選擇的食品也不同啦！我地揀咗中間的極上放題，一試究竟。餐廳環境闊落，坐得好舒服，食物選擇唔算太多，但勝在種類夠，連日式火鍋都有得揀，有火鍋必食牛肉，佢仲有雞肉同豚肉選擇，份量都OK大份，牛肉質素目測is good，配埋冬菇菜豆腐等都相當不錯！其次仲有魚生，燒物等等任君選擇，魚生一片一片咁Order，食幾多叫幾多，唔會怕浪費！燒物方面，即叫即燒，店內有個Open Kitchen可以睇住師父鐵板燒，熱辣辣上枱，燒帶子燒生蠔燒魷魚等必點，而串燒方面燒雞軟骨粒好好味，我地食完再點三點，確實是正！飲品任取，有凍有唔凍，食飽後仲可以拎雪糕/ 雪糕糯米磁任食，食放題當然需要食埋個甜品先叫完美啦！整體來說尚算滿意，下次想食放題，可以再Encore~

除咗大x屋集團式放題之外，其實香港仲有好多放題選擇，今次同朋友嚟到沙田行街，順便試吓呢間嘅放題。我哋喺指定時間7:30pm入座，可以食到10pm，兩個半鐘可以輕鬆食！餐廳入面座位都好多，我地坐卡位好寬敞舒服。飲品方面選擇都多，除咗有基本嘅汽水，仲有啤酒（嘉士伯），茶方面仲有樽裝解茶揀。刺身方面有十二款，味道都唔錯，特別係北寄貝同蠑螺，好鮮甜！鐵板方面有十一款，推薦鐵板魷魚鬚同埋鐵板帶子。串燒炸物有廿幾款，味道都唔錯。仲有主食、沙律、火鍋揀，最後當然要食返杯雪糕做完結。整體而言，食物種類選擇都多，價錢合理，唔一定要揀大集團嘅放題😋😋評分時間（只供參考，最多❤️❤️❤️❤️❤️）好食指數：❤️❤️❤️❤️環境指數：❤️❤️❤️❤️❤️抵食指數：❤️❤️❤️人均消費：$295（晚餐）

限時放題，但第1round叫既海鮮全部沒有來，3吹4請個經理來又5處理，到小朋友餓到我發火後，全部海鮮已經沽空，跟住又要限時，我們4人坐係到食風囉，比成千蚊，食d垃圾淨飲，服務超差，呃錢，大家5好去。本身對放題感覺超級5鐘意，粗糙濫做，但老板想食，我勉強1次，1次就足以致命，不可一，不可再!佢依家餐廳以前5做放題時，其實食物都ok,會反食，放題易賺錢但會賠丁不會再光顧。請不家不要去。不要去 。

同朋友諗住食個豪氣d嘅lunch, 而且之前食過兩次dinner都ok, 點解今次差到咁，d野食出嚟好多都係凍嘅，得個面熱，d野食又出得慢，第一次由佢唔出聲，之後陸續有嚟，到忍唔住出聲，個職員嘅解釋係野食即整，得一個師傅，咁大間餐廳，得一個師傅係咩理由，星期日做得放題點解得一個師傅？lum檔駛唔駛我入去幫手？呢個係你地問題，唔係客人問題，除非你話唔限我時啦，咁都仲有得講，限人時仲要出唔到野食俾人，咁即係你地著數晒啦，做得放題就預左要俾野人食架啦，得幾枱客都搞成咁，有冇攪錯？我同朋友都係做飲食業，同理心已經好高，要求亦唔算高，真係好差先會出聲囉！！首先，羊架個面柴咁，入面生到咬唔到跟住炸生蠔表面正常，入面冰凍再嚟係燒蝦，熱嘅，不過梅嘅，呢個由佢跟住炸芝士年糕，表已經偏燶，個心唔熱+咬落成口濕粉咁，即係唔熟啦又再嚟鵝肝，一面熱一面凍野食仲要嚟唔齊架喎，有d野叫幾次都冇嚟到，係咪我嘅錯，人地開12點我book12點，所以d野食解唔切凍，所以一係出得慢，一係冇出到，一定係咁，除非唔係最後真係忍唔住先惟有叫火鍋算數，我正常打個邊爐駛鬼340蚊一個人埋單咩，谷鬼氣我好想知我如果聽日肚痾係咪可以搵間

一開始經過間餐廳見好多人排隊，於是就攞張飛（7點）然後行街之後再翻來食，係沙田住甘耐都未試過裏間放題，諗住甘多人排隊唔會差得去邊加上沙田都無咩放題食，見路過d人仲話裏間次次都甘多人排隊應該好好味，我同男朋友等到8點40幾分先有得入去，入去間餐廳都唔算細個個職員都好忙，好多吉臺未得閑執，我地坐吧檯前面嗌左第一輪野食，等候時間都有10分鐘，上來d野好多都唔熱，味道就一般般，但羊架尚可以，漏單情況好嚴重我地追單先知好多已經賣曬，但我地先第一次嗌已經好多無曬，仲要追單先知，吧檯厨師又一直爆粗口話多野做，厠所都未去又唔戴好口罩，聽到其他客都好多追單，漏單情況好嚴重，人手應該嚴重不足導致好多台執唔及比客人入來，我地差不多9點先上菜，10點就關門，9點半last order，但好多野無曬，如果入之前問清楚個客有好多野無曬同埋得1個鐘時間食介唔介意會好好多，整體用餐感覺唔太好

去沙田市中心想搵啲平平哋嘅午餐食真係有啲難，又多人，但呢間北海道食堂仲有啲空位，就入咗去試座位算坐得幾舒服，唔會好迫呢間餐廳午市都有燒烤放題，但你可以揀定食🤤 都係$60左右一份，包埋餐飲，睇雪櫃自己揀，其實係佢啲放題飲品但就冇啲普通檸水檸茶提供雖然同一般日式餐廳嘅味道差唔多，但勝在定食夠豐富每份都包左沙律、漬物、茶碗蒸同麵豉湯其實個份量已經好夠飽，男人都未必食得晒豚肉野菜定食👇🏻汁燒牛肉定食👇🏻

今日同屋企人食飯，諗住兩個人食好d, 屋企人想食放題，就近近哋去咗沙田中心呢間餐廳我地叫咗中等價錢嘅放題，加埋一都要$300一個人，點知食到一肚氣！去Donki豪食都冇咁嬲！食物嘅選擇唔多，而且有啲仲要冇哂添最嬲嘅係完全冇食過咁差嘅天婦羅！天婦羅蝦又口粉又厚皮，而且咬落偏硬，唔熱，咬到入面先得手指尾都冇嘅蝦肉，唔講真係以為自己叫咗麵粉嚟食！刺身全部都超薄切，而且食唔到鮮味，唔敢講完全唔新鮮，但絕對唔係好食，亦都唔能夠達到普通刺身嘅水準！成三百幾蚊一個人，羊架又冇，燒海蝦有冇，天婦羅炸完得粉冇肉，仲好意思叫自己做鐵板燒放題！完全係我食過最差嘅一次放題！永不幫親！完全唔明白點解會有咁多好評！

好難食 放題好似求其俾啲嘢食人咁 😡😡 串燒無味 鐵板燒又係冇味 鐵板燒豬肉柴到阿媽都唔認得 勁雪櫃味 真係狗也不吃 同一個價錢 我覺得有好多選擇囉 如果冇心做放題，請不要傷害食客既心

今日放假剛好經過這餐廳，之前睇過YouTube 的食評都五差，所以就選擇了在這用餐。說實話這裡晚市價連加一都要差不多310一位。一進舖裡店面整潔衛生，座位濶落。服務員都好有禮貌。事不宜遲即刻叫野食先。第一輪叫了鐵板燒及刺身，一來到我看到境然是油浸鵝肝／帶子，每一件夾起都還在滴油，真系見到巳經無胃口，但入1口仲大件事咸到底一個點，我有理由相信這店油及盬不用錢。唯一正常系蝦，其實以為第一轉系甘但叫多了兩次情況一樣，放棄了叫刺生食吓先，但只可說句可以入口再叫埋炸物都系奇疤。我投降了埋單走la.

我食平日晚市 中間level嗰個套餐 讚左先啦店員服務態度唔錯刺身款式都唔少 質素還好啦熟食嘅就 牛舌 燒蝦 天婦羅青椒 帶子都叫可以飲品種類都多 但其他食物非常一般天婦羅蝦唔掂 炸粉冇味 溫泉蛋沙律 隻蛋白仲係半透明嘅 唔敢食牛肉火鍋 用料好cheap 牛冇牛味嘅 再加味精湯底唔建議嗌上碟方面都好怪 煎鵝肝竟然放喺帶子 蠔嘅下面個問題係 蠔同帶子煎完岀曬水 啲水浸淋曬個鵝肝我有試過齋叫一個鵝肝 係夠乾身 都還好嘅所以佢連埋其他野一碟上就嘥曬最大問題係個蠔 雖然好大隻 但好似未熟 水汪汪 有幾隻過份生就 一食即吐岀黎 之後有要求煎熟啲 不過都未夠熟咁 最後就掉左落個火鍋都煮熟佢 其實材料都唔差 但就真係整得有啲失敗然後個燒魷魚鬚都係 一啲都唔香 又係似水煮咁 唔肯定熟唔熟最後返到屋企痾左3次🥺但同行 另一位朋友就冇痾(佢唔食刺身嘅 燒蠔只係食左2隻)最後一提 佢有幾隻碟都係崩嘅 雖然眼見冇黑色 但用隻爛碟黎裝刺身 感覺都唔好總括黎講 冇下次喇

如果有人睇完YouTube 有人推介以為可以最平既set 有鵝肝/羊架 /蝦/ 西冷牛任食咁就大錯特錯！！！佢呢加完全改左餐牌 最平既set(我閒日lunch食198再加一）係完全無上面既野同埋之前係可以淨係食鐵板但人地呢加好醒 個set係加埋刺身（但本身就貴左）本身睇完YouTube ， 諗住有羊架/鵝肝之類，係完全無的！！極度失望不過餐廳出面有寫有咩食 只能怪自己無留心不過估唔到食物選擇會變到咁劣講返食物質素，首先食物選擇得返d雞扒 豬肉 肉質唔靚 最吸引但都係得個鐵板魷魚。 味道方面，極度麻麻，串燒近乎無咩味。刺身：終於知點解會擺落個set到，如果有得揀，我諗大家食完一舊就唔會揀加刺身。。。3$壽司既刺身都好食過佢。 我食完餐飯之後真係懷疑人生 呢個價錢 樓下放題食3個鐘都係198再加一又有羊架食 牛柳粒食 連飲品選擇都多過你。。 總結如果睇完YouTube 想食既請留意唔同set既價錢同食物有咩選擇，另外小弟覺得食物質素本身都極度麻麻佢咁樣改餐單真係極度唔欣賞講完，第一次食到要去openrice 打評價。。。

揀左午餐放題，價錢$272.6左右一個人。上菜較慢（魚生刺身仲慢過燒野），三文魚細到就快變三角形（如下圖）。食物唔太新鮮，燒肉一時燒到焦晒（例如生蠔，如下圖）。某幾個職員態度一般。唔係好想幫你咁樣。出到口叫你唔好點咁多，話驚凍又唔好食（魚生會驚凍？）。佢又唔知自己啲魚生比較細片，我哋三個人首次點20片 佢都唔太喜歡。一定無下次。