北海道牛乳蛋糕 (莊士倫敦廣場)

營業中

休息中

美味的北海道牛乳飯後甜品北海道牛乳蛋糕是一間以北海道3.6牛乳製作為主題的甜品店。牛乳蛋糕日賣近200個，人氣旺盛店內的所有食品都係每日新鮮現制，牛乳蛋糕日賣近200個，極具人氣，仲有多款甜撻及鹹撻選擇，花多眼亂，但總有一款岩你的口味食物方面:照燒牛肉批 : 批面金黃飽滿，內裡餡料豐富，有燒牛肉、蘑菇、火腿、芝士及洋蔥，非常惹味鮮水果甜點卷 : 蛋卷分量十足，足足比平常厚成倍，蛋糕硬身重雞蛋味，中間夾著香滑忌廉及新鮮生果，豐富美味的卷蛋Ours Tips: 佐敦店設有堂食座位，可以坐底慢慢享受美味的甜品

/ 經過開佐敦，探完舊同事，適逢3月14日白色情人節，咁岩屋企又咁齊人，所以就買左個蛋糕慶祝下，黎個小小既儀式感🙆🏻‍♀️本身我仲糾結緊，睇緊到底買特濃朱古力味定係北海道牛乳好⋯最後都係揀左No.1熱門既北海道牛乳原味蛋糕🥳📍北海道牛乳原味蛋糕🍰 ($100)💬佢其實仲有個cream配埋俾我，但我唔記得左影⋯ 個蛋糕熱食再加涷既cream一齊食落去，真係好正，無得輸🤤！屋企人覺得呢個蛋糕好似古早味蛋糕咁，食落去個感覺一d都唔漏，所以都幾推介，下次可以再encore試下其他味😆另外一提，店員既態度都幾好、好nice，前面有個客人想買撻，咁岩淨返最後一個，而咁岩果個撻係整衰左既，舊cream一pat pat⋯但個店員都好坦白、好老實咁同客人解釋，最後個客人都話唔緊要，照買左🤣

招牌好大，離好遠都見倒，原來有堂食，見倒有餅房就知新鮮，最岀名嘅係焦糖葡撻同北海道原味蛋糕，咁就選咗推介嘅原味蛋糕，100蚊，用個白色蛋糕盒入好，好簡單，唔花巧，攞上手都幾重，打開大概有7寸，中間插上一支旗仔🇯🇵。蛋味香，雖然係用3.6牛奶，反而奶味唔算突出，質感軟熟

北海道牛乳蛋糕 🍰📍 佐敦彌敦道219號莊土倫敦廣場地下G03號舖⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫最近相信大家不停去買糧食物資🥲，小編亦都唔例外😷，結果出到去都係 乜都買唔到🤣。係呢個呢嚴峻既環境之下，介紹一間性價比較高既蛋糕店🍰比大家，食完甜品， 心情都會好d。🥰 呢間鋪主打係賣撻，鋪入面係有堂食服務既。🌟 玟瑰伯爵茶撻 $25滿滿既伯爵茶味道🍵，我覺得唔錯既，呢個撻係凍食。🌟 3.6牛乳鮮奶撻 $20呢個好食😋，事關我由細到大都好鐘意食鮮奶整既甜品🍮😂。🌟 3.6牛乳焦糖葡撻 $16呢個都ok 既， 不過緊記要熱食。🌟 酸乳酪芝士撻 $23呢個係有陣酸乳酪 🧀️ 加上濃濃既芝士味，都唔錯既。整體推介指數：❤️❤️❤️🤍🤍⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫

收工行過 見到蛋糕、餅類特價。 較先前既半價貴左啲啲🤏🏻 如果淨買餅只有8折優惠，買蛋糕+餅先有半價，不過都無損一眾街坊吸引力，價錢都相當便宜，所以都相當多人排隊本身想食番上次食既撻 但係排隊嗰陣被西餅櫃既食品吸引 餅櫃其實都所剩無幾（可見幾咁吸引😹） 睇到其中既一款 都係今次決定試既玫瑰伯爵芝士撻 （原價$25） 岩岩到我就買埋最後一個見到其他客人都一pack pack買走咁濟職員一啲都唔馬虎 。 外賣盒會確保唔會令面既cream變哂形 即使拎番去打卡都仲得味道方面 面既cream係好香濃既伯爵茶味， 食落去超級香 ， 同埋好幼滑，不過玫瑰味則無乜（唔計面既玫瑰花瓣乾） ， 最低係芝士撻 芝士味相當重 似蛋糕既口感 ， 感覺食落超「漏」 但係如果未食飯/好中意既客人 絕對大愛佢

整體來講，所有撻嘅餅底都幾脆～ 就算係凍餅都keep到脆。廣島檸檬撻雖然顧名思義係檸檬為主，但係唔係淨係得檸檬嘅酸味，雞蛋嘅香甜都係旗鼓相當，算係平衡返成個甜品嘅味道。抹茶紅豆撻頂頭綠慕絲雖然份量好似唔少，但其實味道唔係得個「甜」字，係真係有綠茶味道，少少苦澀滋味保留到👍🏼 而且內中仲有白玉～ 綿痴痴嘅口感，幾過癮：）乳酪芝士撻如果單純的芝士味的話，口感就可能會太過濃烈厚身，加埋yogurt 就平衡返，少少適當嘅酸味，其實都幾refreshing ;)3.6鮮牛奶撻🥛牛奶味道都幾香，叮返熱食，就更加正㗎😍伯爵茶撻茶味都幾突出，唔算太甜，而且玫瑰味都有係嗅得到！葡撻

經過佐敦見這店話全店全日八折，平時見佢D蛋糕幾靚仔都想買，今次見有八折決定試吓，一眼睇中有個流心奶黃味，本身好鍾意流心，所以試吓，但買到家，滿心歡喜切開，期待佢個流心效果時，sorry 一滴都無….就好似普通芝士蛋糕咁，雖然都軟熟，但因為無流心而且無咩奶皇味，好失望，試一次算了.

有次經過佐敦見到北海道牛乳蛋糕，門外的蛋糕橱窗擺放著色彩繽紛的蛋糕，让人情不自禁的多看两眼，本來只打算買個雞批作下午茶的我，馬上拍照問朋友有沒有興趣，可以多買幾款和她分享。蛋糕店的食物全用北海道3.6牛乳製作，最出名應該是牛乳蛋糕，旁邊更有好多不同種類的甜撻，真的花多眼亂，不知該選擇甚麼好。蛋糕店原來設有坐位，可以即買即食，好方便。門口更會寫出當天不同蛋糕的出爐時間，等大家有預算。白汁錦爽雞批金黄脆身的批面，賣相吸引，脆身酥香的雞批內裡有滿滿的豐富餡料，有雞肉、磨菇，非常足料。靜岡抹茶忌廉紅豆撻有多款新出的甜品，最後選了抹茶忌廉紅豆撻，擠成小山丘形狀，非常精緻。忌廉充滿濃濃的抹茶味，不會太甜太膩，中間有煙韌的麻糬，再配上甜甜的紅豆和像曲奇般的撻皮，口感豐富。廣島檸檬芝士撻剛入口時帶點酸澀的檸檬味道慢慢轉為甜味，檸檬芝士口感幼滑，味道清新，喜歡檸檬的朋友不可錯過。黃金咸蛋芝士蛋糕蛋糕份量真的很大，幸好跟朋友一同分享。蛋糕口感鬆軟，綿密濕潤，面層舖了咸蛋碎，中間流沙咸蛋和芝士，焗爐翻熱效果更佳。真心推介這間蛋糕店，不論蛋糕，雞批和甜撻都非常出色，而且款色多，價錢又平，大概$20-25不等，

次次經過都覺得呢間啲撻好靚好吸引，今次就忍唔住買咗返屋企食，個個都讚不絕口！檸檬撻外貌已經相當吸引，兩塊葉仔係上面，口感係creamy嘅， 且內裏流心，有種吉士醬嘅感覺。酸酸甜甜，擺喺第一個食最好！紫薯撻紫薯係泥狀嘅，底層係厚實嘅蛋糕，加埋上面順滑嘅忌廉，三重口感！綠茶紅豆麻薯撻睇落去好似有一粒粒好得意嘅綠茶忌廉唧上去咁～每一啖都有龍濃濃嘅綠茶味，中間仲會有麻薯，口感紮實。三款撻都各有特色，要睇個人口味去簡啦😌因為等唔到其他味道新鮮出爐，於是就叫咗呢個流心芝士，不過都冇令我失望～口感都係好似好興嘅古早味蛋糕咁，淡淡的芝士味，直到中間底嗰浸芝士味會標返出嚟～等店員裝都要一陣，於坐喺入面等。裝修簡約舒服，有幾個位都幾啱打卡～下次可以試下堂食，Chill住過一個下午～

係佐敦行街，轉角就聞到好香蛋糕味，搞到我心思思好想試下，就決定買番屋企。呢度有賣大個嘅原個蛋糕同埋甜、鹹撻，同埋有幾張枱，環境都幾chill,可以同朋友嚟食下蛋糕傾下計，都幾唔錯！特濃流心芝士蛋糕好香雞蛋味，好鬆軟。蛋糕夾層有流心芝士，芝士味真係好濃，啱晒芝士控嘅我酸乳酪芝士撻係兩層芝士嘅撻， 上層白色嘅係酸乳酪，另一層係比較結實嘅芝士，似new york cheese cake 嘅質地， 因我有酸乳酪嘅關係，我覺得會比較冇咁膩，好啱鍾意食芝士嘅人！玫瑰伯爵茶撻最鍾意食呢款，玫瑰同埋伯爵茶味配搭得啱啱好，唔會搶咗對方嘅味道，食落好清香，唔會覺得膩，食多幾個都得！香橙朱古力撻我本身麻麻香橙朱古力，但都覺得呢幾好食，撻中層有香橙醬，比例配合得幾好，幾香，而且食落唔會太甜，有淡淡香橙味，幾值得食。

唱完k🎤好早食完個ʟᴜɴᴄʜ胃口又來了 友人帶我去呢間專門食撻的小店🧁🥧係佐敦&旺角都有分店以新鮮現製作招徠下午茶時間人來人往我哋幫襯的是佐敦店幸運地搵到個角落位🍀 每件撻都好吸引♥️樣樣都想試本身想食蘋果金寶批&酸乳酪芝士🧀️不過剛好賣晒了 ✨沖繩紫薯撻 $22：紫薯蓉超豐富的呢😍因為紫薯本身甜味不重 所以多ᴅ仲正 入面係芝士 ✨廣島🍋芝士撻 $22：真檸檬🤣酸味好正 多吃都不會膩 ✨靜岡抹茶🍵忌廉紅豆撻 $25：茶味好濃但唔會澀！剛好中和了偏甜的紅豆 入面仲有ǫǫ麻糬 ✨栗子撻🌰 $22：呢個係食晒上面3件後加的 甜品的胃到底有多大😝媽媽地栗子 都係鍾意前3款多ᴅ 小小的店 選擇多多 仲有飲品 蛋糕🍰ᴄᴜᴘᴄᴀᴋᴇ下次再試其他😍好抵食呀！

行過佐敦 無意中發現依間麵包店 有不少日本口味既蛋糕 作為日本控緊係要過下口癮 順便扮下去左日本😂店內除左一般麵包、蛋糕外 ，都有賣一啲人氣食品 好似係限時推出既3.6牛乳芝士蛋糕（有好多口味 例如朱古力、玫瑰牛乳等等）、北海道3.6焦糖葡撻、北海道椰汁蛋糕等等。咁岩撞正就收店時間 店舖做緊特價 就買左想試既人氣食品-日本3.6牛乳撻（$20）雖說是特價，但味道都係新鮮咁熱辣辣。 3.6牛乳芝士撻， 味道相當香滑， 奶味相當濃列

平時路過都已經好想買今次終於忍唔住要買買完番到屋企仲係暖暖哋所以就即刻切咗小小嚟試下一食落口係有好香蛋味但個質感唔係自己想像嗰種個蛋糕就好似嗰啲古早味蛋糕嘅質感，本身自己期望係非常鬆軟嘅真係有啲失望

俾個舖頭名呃咗，以為來自日本，點知令人好失望👎當日試咗3款產品，3.6焦糖萄撻，3.6牛乳鮮奶撻，酸乳酪芝士撻萄撻係3款裡面最OK既，味道正常，Size同KFC既差不多大，但唔值$15/個鮮奶撻及芝士撻簡直唔掂👎當日係出爐後15分鐘買既，車程半小時返到屋企，食既時候已經發現撻底已經淋曬，所謂既3.6牛乳，完全食唔出濃厚牛奶味，又淋又無味🙈酸乳酪芝士撻先最嚇人，撻底一樣又淋又無味，撻心既芝士得個酸字，完全無芝士味。行過俾個樣呃咗，總之可一不可再。

成日經過都想試😍😍今日終於付諸實行！呢度蛋糕好多花款！選擇困難症嘅人真係可以企喺度揀好耐😂(因為樣樣都想食！) 最終決定揀咗試"班蘭蛋糕"！其一係好掛住新加坡最出名果個😜其二係淡淡綠色嘅蛋糕比其他正常色嘅蛋糕吸引眼球！！其實$100就買到大大個🎂真心抵！食落雖然軟綿綿但又有脹卜卜嘅充實感！質感帶有少許濕潤！班蘭味都幾香🌿因為即日食唔哂！留咗半個第二日叮番熱食都依然ok！下次想要試埋芝士蛋糕 / 咸蛋流心芝士蛋糕🤤🤤