影片
更多
2008-05-05
29 瀏覽
今日我行咗去 CityWalk, 見到北海道活壽司終於都開咗喇, 咁就入去食咗一個 lunch 喇.... 先講食物....玉子燒 ($13) : 好凍, 好實, 好 dry, 好似喺雪櫃入面雪咗 3 日 3 夜咁, 想點?蟹籽沙律 ($18) : 迷你到冇人信, 同埋我未見/食過有一半係生菜嘅蟹籽沙律, 仲要俾啲沙律水浸住.... 同埋啲蟹籽少得好可憐......火炙左口魚邊 ($22) : 我食第一件時, 係要分開 10 次嚟食, 唔係因為太大件, 而係件魚、飯都一夾就散, 仲要係散開 4-5 份, 想一啖食哂都幾難.... 到第二件時就好啲喇, 一夾就夾得起, 但係嗰舊飯好燶呢... 入口除咗燶味之外, 仲有一陣火槍嘅 gas 味.... 應該食唔死人啩......牡丹蝦 ($26) : 表面冇問題, 不過仔細啲睇... 仲有啲腸未清得哂... 隻蝦本身唔太爽, 細細隻, 但當我夾起件壽司時, 見到有一啲啡色嘅水喺隻碟度.... 唔知又係咩嚟呢??三文魚 ($9) : 最普通但亦係最正常嘅一件...... 中帆立貝 ($22) : 好淋, 冇乜味, 瞇埋眼食真係唔知食緊乜....
先講食物....
玉子燒 ($13) : 好凍, 好實, 好 dry, 好似喺雪櫃入面雪咗 3 日 3 夜咁, 想點?
蟹籽沙律 ($18) : 迷你到冇人信, 同埋我未見/食過有一半係生菜嘅蟹籽沙律, 仲要俾啲沙律水浸住.... 同埋啲蟹籽少得好可憐......
火炙左口魚邊 ($22) : 我食第一件時, 係要分開 10 次嚟食, 唔係因為太大件, 而係件魚、飯都一夾就散, 仲要係散開 4-5 份, 想一啖食哂都幾難.... 到第二件時就好啲喇, 一夾就夾得起, 但係嗰舊飯好燶呢... 入口除咗燶味之外, 仲有一陣火槍嘅 gas 味.... 應該食唔死人啩......
牡丹蝦 ($26) : 表面冇問題, 不過仔細啲睇... 仲有啲腸未清得哂... 隻蝦本身唔太爽, 細細隻, 但當我夾起件壽司時, 見到有一啲啡色嘅水喺隻碟度.... 唔知又係咩嚟呢??
三文魚 ($9) : 最普通但亦係最正常嘅一件......
中帆立貝 ($22) : 好淋, 冇乜味, 瞇埋眼食真係唔知食緊乜......
鵝肝扒壽司 ($35) : over cook 咗, 非常 "膶", 但係喺呢個 moment, 我情願煮熟啲, 因為見識過件牡丹蝦之後, 覺得有啲危...
吞拿魚腩三色壽司 ($70) : 遂件嚟~~
赤身 : 魚同飯分開咗.. 都算 ok, 有魚味...
中拖羅 : 完全冇味.... 入口即溶...
大拖羅 : 呢件叫做似返啲樣喇~ 有魚味, 又有油, 係唔係好夠油同埋又係有血水留喺隻碟度囉......
講完食物, 又講吓服務啦~~ 其實我都係一個幾順得人嘅人嚟, 但係今次好似有少少過份囉....
今次係得我一個人去食, 一入到去, 本來佢地俾咗個迴轉位我坐, 但係我又想坐 order 枱, 咁就問佢地有冇 order 枱, 嗰位人兄指一指啲四人枱, 話 " order 枱? 有, 嗱, 咁多, 你想坐邊張就邊張啦~~" 吓? 你地冇帶位0架.... 都 ok 啦, 我一個人霸張 4 人枱仲好, 多啲位擺嘢.. 跟住同一位人兄幫我斟咗 "半" 杯茶之後, 就放低咗個茶壺俾我 .....
唔記得攞走? 但係我坐咁耐, 喺我身邊大大話話都有 5-6 個員工/經理行過, 仲有一個係長期企我後面, 但係都冇一個人攞走, 而我飲完嗰半杯茶之後都係自己喺呢個茶壺度 refill, 我見其他坐 order 枱嘅人都冇0架喎..... 唔通佢地見我一個人, "特登" 留俾我自己招呼自己?? 咁我俾佢地嗰 10% service charge 係咪要俾返我自己??
是次消費 : HKD236.50 (連加一)
超級唔值!!! 之前睇/聽人講話呢間嘢其他分店唔掂就睇/聽得多, 諗住新開, 應該會好啲啲啩, 點知都係咁.... 永冇下次!!!!
張貼