北料南麵 (已結業)

深水埗美食不嬲多，呢間舖嘅位置都唔算太就腳，但就值得去一試（尤其鍾意食辣野）。起初見到廣告，見佢有個食辣麵挑戰，因自己不嬲無辣不歡，所以心郁郁想去試下，終於等到休息日，一於去試下。店舖擺明賣四川辣麵，但佢嘅麵叫做小麵，先講呢個麵，一上枱即刻食，麵質都幾煙韌，真係估佢唔到，不過唔好攤得太耐，會越浸越淋，至於d餸試左招牌牛腩、大腸同豬手，都算入味，如果鍾意豬手嘅一定要試下，炆得剛好有d咬口，另試左小食酸辣皮蛋，個汁較得好好味，好開胃，至於靈魂個湯底（試左大辣），好香同幾好味，飲左幾更之後都無話口乾，唔係味精湯。最後無提嘅挑戰，因為費事樣衰，所以第一次食都唔敢挑住，結帳時問職員個挑戰係咩辣度，佢話係超大辣（餐牌上可選嘅最高只得超辣），個挑戰即係喺超辣之上，不過職員講其實辣得唔係咁誇張，因為都有好多人成功（可影相放喺店內証明挑戰成功），而且仲免費添，所以諗住下次試下。

放假經過見到間新野, 乾淨光猛又唔貴所以試下，估唔到好食喎! 湯底好正! 不過米線好似少左d 另外叫左個拍青瓜個醬都好正呀希望小店做得住，因爲想 keep 住 encore 😋

今晚兩公婆去咗深水埗買嘢 ，不經不覺買到九點半， 老婆話咁夜唔想食咁多嘢 ，隨便搵間面舖食，啱啱對面有咪錶位方便泊車， 見到舖頭門口擺滿花牌，知道係新鋪開張我哋決定支持下…………新鋪開張服務態度一定非常好，不過撞正原來佢哋差唔多收舖，我哋成為佢哋第一日新鋪開張最後一單生意……其實小食有好多樣嘢我哋都想叫，例如麻油海蜇和口水雞， 但全部已賣光，所以最後我們點了黃金皮蛋， 皮蛋金黃色再配以少少辣汁好開胃，是比較特別的皮蛋做法。麵食我哋叫咗大腸牛肉薯粉, 同樣地我哋有幾個餸都想叫，但係由於差不多收舖已賣光曬。所以 ，我哋只能夠叫大腸和牛肉。 講真幾十蚊買一兩個餸我覺得有啲偏貴, 但係飲落個湯底又覺得係物有所值嘅。 呢度最大賣點係個湯底好濃，應該係落咗好多料，有牛骨湯味再加其他配料， 天氣凍凍飲一兩啖即刻暖胃。

放工夜，落車見到一間好光猛既新店，望下個門面又幾光鮮...肚餓就坐低試下這一區，經常有新店....因為結業的也很多點了1. 麻辣豬手麵2. 麻辣豬肚絲3. 凍奶茶請別怪我出食評出D咁平價既野....我比較貼地....食得過分享下1. 麻辣豬手麵 叫左小辣 (其實依個辣度遠超正常，可以叫做一般店的中辣) 不過辣得好過引，有香有麻.... 青蔥好新鮮，湯底都好夠味豬手份量同麵既麵質都做得好好。兩樣都彈牙入味。 (當時有3位客人，用左約10分鐘上檯)2. 麻辣豬肚絲 (都叫左小辣)係先上檯的(好快)，辣汁及溫度都好好，涼涼的，彈彈的。食左大半碗麵就到喇。 一開始食就停唔到口3. 凍奶茶大杯上的, 平時就唔值得提。可能茶葉跟一般茶餐廳的不同，而且default 有落煉奶，比平時hea開跟餐既好一點。或者係新店...所以一切都嚴謹一點。冇投訴