北冰洋

營業中

休息中

呢個年代食咩都貴，何況喺中上環呢一帶。近排發掘咗北冰洋呢間兩餸飯$36兩個餸大大盒，除咗平時晏晝買來食，我仲特登買埋放工食😂因為兩個餸再加一盒飯已經夠我同老公兩個人食打斧頭打到盡呀！最重要係佢啲嘢食真係唔差，唔會太油膩都唔會覺得好鹹，感覺都幾健康你仲可以加錢要嘢飲，因為我係唔飲甜嘢嘅最值得一讚係佢哋自己煲嘅嘢全部冇落糖，咁就唔使怕肥啦👍🏽👍🏽仲有仲有佢哋係可以加錢要湯㗎，有時晏晝都真係想飲啖湯今次我就嗌咗牛仔骨，咕嚕肉，糖醋骨，同埋豬扒，我老公話下次都要encore因為質素真係唔錯又抵食

晚餐要諗食咩真係好頭痛，所以通常都會去兩餸飯店到買晚餐，呢間最正係有埋海鮮叫、糖水、湯水等等，仲要好食。兩餸飯套餐每份$8，加多一份係$8。晚市加多5 蚊會有樽裝飲品。⭐️黑醋骨⭐️生炒骨每次食都會叫呢兩款菜，因好入味，炸得好好，送飯一流，正。⭐️豉汁炒蜆蜆好新鮮，每隻都開哂，分量好足，好有鑊氣。⭐️黃金大頭蝦&扇貝炒粉絲蝦&扇貝啖啖肉，好新鮮，推薦。⭐️魚香茄子⭐️欖菜肉碎四季豆⭐️蒜蓉炒小唐菜⭐️桂圓紅棗桃膠杞子好清涼，好足量，唔會好甜。⭐️蓮藕紅蘿蔔豬骨湯溫和滋養，煮家湯。

今個中午試咗呢間好出名嘅兩餸飯，雖然平時成日都要排長龍，但係今次好好彩，人唔多。個味道真係唔錯，飯盒又大份。🥘 咖喱牛腩：牛腩好入味，咖喱又香又濃，配飯食真係一絕。🍖 糖醋排骨：排骨炸得外脆內軟，酸酸甜甜，好開胃。🍗 咕嚕肉：肉質鮮嫩，酸甜得啱啱好，好送飯。🌶 麻婆豆腐：豆腐好滑，辣得啱啱好，唔會太辣，麻婆豆腐嘅味道調得好好。🍹 無糖蜂蜜鮮檸檬水：檸檬香，蜂蜜甜，好清新，無糖更健康。🍐 無糖金羅漢果雪梨茶：雪梨嘅甜同羅漢果嘅香結合得好好，無糖又健康。🍲 海帶綠豆沙 加$15 裏面有綠豆和海帶和其他配料，好入味，又健康又好飲。每個飯盒$36 ，加飲品跟餐加$3 ，整體來講，物超所值。

為旅行做好完準備 去咗上環食好西行行下街好罕見咁 見到有兩餸飯吖打工仔必備嘅恩物 真係香港先至有繁忙時間超多人 速度夠快價錢夠平有廿幾款餸菜任揀 重點係熱辣辣咖有肉有菜仲有海鮮添 真係花多眼亂估唔到嘅係 仲有湯水飲品同甜品呢份量嚟講真係好足 一啲都唔馬虎喔身為吃貨嘅我 二話不說揀我嘅最愛聽講晚市五點後 可以加五蚊配飲品-是日湯品：紫菜蛋花肉碎湯-是日三餸飯：魚香茄子蜜汁薯仔牛腩糖醋排骨涼瓜牛肉 辣雞-是日加餸：炒蟶子-價目表：兩餸飯套餐：$36每加一款餸：$8淨餸一款：$40淨款兩款：$50白飯一盒：$10

餐廳：北冰洋地點：上環永樂街58號地舖菜式：午餐兩餸飯$36，加一款餸$8，可加$3加飲品熱辣辣餸菜大概有20款揀，有素菜有炸肉等等今次每人叫左三餸。生炒骨 ：個咕嚕汁唔錯，好醒胃，伴有洋蔥片。辣雞：雞肉都算滑，個汁辣辣地，好惹味。咖哩薯仔牛腩：牛腩好淋又帶筋，牛筋就非常有咬口，薯仔大大舊，個汁微辣，餸飯一流。糖醋骨：個汁調得好，好開胃，而骨整得好淋，連骨頭都可以咬，呢個餸凍左都好食。炸雞：好多塊，凍左味道都可以，好多肉。薯仔牛肉粒：牛肉粒好淋，味道甜甜地，唔錯。薯仔粒外脆内軟。白飯分開用細膠盒裝，好方便，份量好多。海帶綠豆沙 $15綠豆超多，海帶滑滑地，陳皮味道好出，味道只係微甜。樽仔無糖蜂蜜鮮檸檬水 加$3無糖蜂蜜鮮檸檬水微甜，帶微微檸檬味，無添加防腐劑，解渴之餘感覺健康。金羅漢果雪梨茶 加$3金羅漢果雪梨茶色水較深色，羅漢果味道濃。星期五午飯時間有人龍，不過效率奇高，唔洗等多過5分鐘。請阿姐另外比多個膠袋裝糖水都好樂意。包裝乾淨衛生，而且全部員工都戴口罩，非常衛生。中上環呢個價錢好抵，呢區打工仔必試。

中上環打工仔平時午餐一係出去食，一係買外賣，但其實外賣🥡都可以好多款式。如果要食到住家菜口味既，唔洗自己煮唔洗帶飯🍚，直接來上環永樂街既北冰洋，就可以食到便靚正既兩餸飯啦🍚😋午飯同晚飯時間就係呢度最多人買飯時候，呢度既菜式好多選擇，兩餸都係$36 超級抵，加多一個餸都係加$8。凈餸就$40 一款，$50 兩款，白飯每盒$10。我總共點左8 個餸，兩盒白飯，另外呢度仲有好出名既大蝦🦐,上湯大蜆，都可以外賣返去加餸，今次就試下上湯大蜆，另外仲有綠豆糖水同自家製飲品可以買埋。返到屋企開飯，8個餸味道都好好，甚有住家菜味道👅，上湯大蜆也做得好出色，湯味鮮甜，好好食😋綠豆糖水也要讚👍🏻好足料，真係啱曬上班一族晚晚開飯👍🏻

💖上環呢間外賣店真係街坊同打工仔恩物，每次飯點/晚餐時段經過都有條龍，位置非常方便係地鐵站出口隔離，兩餸飯$36有交易，中環區黎講罕見又抵食。1️⃣兩餸飯🍱 $36💖份量大選擇多CP值高，好幾款餸都唔錯，搭配大碗白飯👇🏻：🔸蜜椒薯仔牛柳粒：薯仔外皮脆帶甜味，咬落粉糯，牛柳粒一口size，蜜糖搭配黑椒調味甜得黎開胃！🔸節瓜豆腐排骨：健康營養家常菜，排骨肉嫩容易脫骨🔸檸檬雞塊：酸甜濃稠嘅檸檬醬汁🍋裹住雞肉，係夏天消暑開胃嘅最佳配搭🔸香蒜椒鹽豬扒：蒜香油脂香同椒鹽嘅提味鹹香令豬扒好送飯🤤2️⃣餸菜🦐💖今晚屋企大廚唔煮飯，所以我買多啲餸返去開飯，除左兩餸飯佢地仲有大盒餸菜👇🏻（特別推薦海鮮類！）：🔸黃金大蝦碌：超級推薦‼️外殼炸得酥脆又裹滿鹹蛋黃蓉，蝦肉唔軟爛夠新鮮，唔講笑我連蝦殼都食埋😂🔸金銀蒜粉絲蒸帶子：帶子大粒，肉質飽滿，配調味清淡嘅粉絲，底部係另外一種炒得乾爽唔油膩又香口嘅粉絲，味道豐富！🔸酥炸生蠔：網狀炸皮食落唔厚重更酥脆，蠔仔圓潤飽滿3️⃣糖水/湯💖今日嘅糖水係薑汁蕃薯糖水，超多蕃薯好足料，咬落軟得黎無絲，姜味溫和，飲完個人暖笠笠好舒服。湯係紅燒大素翅，爽口唔膩又健康。4️⃣自家製樽仔飲品🥤💖晚市5

經過上環呢間主打外賣嘅小店大排長龍．雖然人龍不斷但店員好有效率好快手係呢區罕見嘅兩餸飯平民價格深受附近居民同上班族歡迎全部新鮮煮製．熱辣辣揀咗兩盒兩餸飯有四個餸份量滿滿好足料仲有我最愛嘅✨生炒排骨外層香脆．炒得有鑊氣配上青椒同洋蔥甜甜酸酸好開胃另外節瓜裡面釀豬肉充滿住家風味．亦唔會太鹹加埋紫菜蛋花肉碎湯 同 滋潤糖水超滿足下次一定要食蒸魚 / 鱔晚市5pm後仲可以+$5 追加飲品飲品無添加．無防腐劑．健康之選估唔到兩餸飯都咁有水準

收工諗唔到食咩好，決定買兩餸飯番去，夜晚北冰洋仲勁熱鬧，原來有生猛海鮮賣，一盒盒海鮮好吸引🤩現場好多人買黎加料✅我買左兩盒兩餸+一盒黃金蝦碌粉絲要左盒白盒同上海粗炒💙惹味肉碎豆💙排骨💙豆腐節瓜💙檸檬雞塊整體自家feel，不會過鹹過油 ，屋企連老人家都讚👍🏻💜上海粗炒，肉碎炒得好惹味，即使拎到番屋企，麵都唔會痴到一舊舊✨✨值得一試，系黃金蝦🦐碌粉絲全盒都佈滿蝦，份曬絕不稀場當日拎到番去食，竟然仲可以脆卜卜，連蝦殼都食到🤩真心好驚喜蝦🦐身彈牙，而且鹹蛋黃炒到啲客全部均勻沾上粉絲乾爽，唔會油冧冧👍🏻💚是日糖水，海帶綠豆沙糖水足料糖水，真係一筆好多海帶，仲放咗唔少陳皮仔，糖水飲得出陳皮綠豆沙，綠豆沙煮得好綿密，入喉順滑，大家不忘要試吓😆現場+$5仲可以樽仔飲品💛自家製百香果蜜💛自家製無糖金羅漢果雪梨茶都係舖頭自己煲的，食完嘢飲返枝樽仔解渴都唔錯！自家製冇咁甜，真材實料🥰

兩餸飯｜北冰洋 ｜上環中環區罕見兩餸飯 呢間兩餸飯，lunch時間就大排長龍因為CP值好高$36！！！，而且款式好多係打工仔嘅好選擇—————————-🫶🏻 兩餸一飯 - 雞肉蒿荀拼糖醋骨雞件大大粒，超多肉。蒿荀份量多，啱晒少食茶糖醋骨外面脆脆地，糖醋汁香濃入味，入面豬肉味都好香口。🫶🏻 是日甜品-桂圓紅棗桃膠杞子 $15超級足料，入面有好多嘅紅棗、桃膠、龍眼。味道唔會過甜，啱啱好，十分清甜。晚市5點後加$5可配樽仔飲品或任何飲品 選擇：無糖蜂蜜鮮檸檬水／無糖金羅漢果雪梨茶大家都係無添加防腐劑！！—————————📍上環永樂街58號地舖—————————-Overall 💗💗💗 💗

出開上環交文件 行經地鐵站見到呢間北冰洋專賣2餸飯 lunch time都好多人冒住雨排隊買而家大勢所趨 2餸飯鋪頭變做打工仔必備望吓價錢 好合理唔算貴 晏晝5點後幫襯仲可以加5蚊就可以配到樽仔飲品或者其他飲品 標榜無添加防腐劑㗎仲要見裝得大大份 一定夠飽 細食嘅妹子可以2個人share一於買盒番公司慢慢品嚐吓今次叫咗蜜椒薯仔牛粒 萵筍同埋黑醋骨有肉有菜均衡飲食牛粒撈飯一流 再慢慢嘆黑醋骨好厚肉又夠入味 夠脆口另外仲要咗個糖水桂圓桃膠潤吓 唔太甜 正呀

放工之後唔想煮飯，於是嚟到公司附近的「北冰洋」買兩餸飯食😆😆「北冰洋」主打超平抵食的兩餸飯，最平$36就有交易～絕對係中環打工仔的窮人恩物！！我今次叫咗三餸，有菜有肉，味道都唔錯～當中至愛「黑醋骨🍖」！件件肉質肥厚，酸酸甜甜好入味😋😋另外仲叫咗是日湯品 —「紫菜蛋花肉碎湯🥚」，味道鮮甜足料，飲完好暖胃♨️♨️而家晚市5點後加($5)可加配樽仔飲品或任何飲品，我就試咗「無糖蜂蜜鮮檸檬水🍋」～～檸檬水入口清甜，帶淡淡蜂蜜香🍯！而且無添加防腐劑，健康又好飲👍🏻👍🏻

而家嘅兩餸飯舖頭真係越嚟越多元化唔只海鮮，仲有糖水、自家製飲品咁呢間北冰洋經過幾次都好多人排隊喺地鐵站行前少少就係啱晒附近嘅打工仔今次買咗黎試一試主要揀咗淨餸黑醋骨望落都幾靚排骨首先炸過所以幾香脆出面包左酸酸地幾開胃嘅黑醋汁味道啱啱好 唔會太酸帶少少甜味 送飯一流仲有魚香茄子又係必揀送飯好正 味道剛剛好至於香蒜椒鹽豬扒就係抵食之選大大件炸到夠香脆 唔會太乾身最後揀咗個炒雜菜都ok另外佢哋嘅特色係有好多海鮮揀見到有大蝦、肉蟹等等我就揀咗鮑魚炆雞，望落都有好多鮑魚大量洋蔥爆香過，所以夠好食雞件都唔會太鞋，鮑魚都幾OK再試埋佢嘅海帶綠豆沙雪凍飯後食，掂👍🏻晚市5點後加$5仲可以配樽仔飲品佢嘅自家製樽仔無糖蜂蜜檸檬水同埋無糖羅漢果雪梨茶都幾好飲自家製就勝在冇任何防腐劑好過飲汽水，健康得多😚

北冰洋上環永樂街58號地舖人氣兩餸飯"北冰洋"好強勁，承接渣打銀行鋪位，喺中環開分店！可想而知佢幾勁！每到lunch time時間，“北冰洋”都勁長人龍！不過店員全部都好有效率，唔使等好耐都有得食。佢好多餸揀，全部都足料大份、有鑊氣好味！好好食！🥢豉汁蒸白鱔白鱔嫩滑新鮮，肉質爽口🥢東坡肉肥瘦適中，醬汁濃炆得肉質軟稔入味🥢咕嚕肉外脆，大大啖肉🥢西檸雞酸酸甜甜好味🥢麻辣雞鐘意辣既有呢個選擇！香辣惹味🥢黑醋骨黑醋骨夠鑊氣，有心思加埋白芝麻夠香仲可以加湯品/甜品/飲品，湯同甜品日日不同，包保唔會悶。是日湯品係粟米魚肚羹，甜品係海帶綠豆沙，yummy！附近上班族/住附近既真係唔好錯過，性價比高！#北冰洋 #雙餸飯 #上環 #hkfood #foodshare #hkrestaurant #topcotybiteshk #hkfoodie #hkfoodblogger #foodiehk #igfoodie #igfoodiehk #foodiehongkong #hongkongfoodblogger #hongkongfoodie #hkigfood #hkigfoodie

呢間位於中環嘅兩餸飯一到lunch時間就大排長龍，價錢好抵，菜式方面款式好多，每日都有不同款式，打工仔必備，晚市5點後加＄5可配樽仔飲品或任何飲品，無糖蜂蜜鮮檸檬水，無糖金羅漢果雪梨茶，都係無添加防腐劑。是日甜品桂圓紅棗桃膠杞子見到佢好足料，我就加左$15，味道清甜，紅棗軟糯，桃膠煙韌爽口，養顏一流。肉飯入口嫩滑唔乾，西蘭花翠綠爽脆，咕嚕肉啖啖肉，入口酸酸甜甜，魚香茄子好入味，醬汁用黎送餸一流，勝瓜清甜無渣，糖醋排骨酸甜開胃。