北京老家 (已結業)

唔知係米年紀大左，越黎越覺得中菜好有味道🙈變化又多！一坐低我地已經失控狂影張枱🤣 因為枱下面竟然有一大缸魚🐟💧 amazing 😻但唔係張張枱都有架～其實全晚d野都好好味 份量都算多，係有個炒刀削麵好啖🤭 而且麵質太淋🎈京城豬皮凍 $8x：好味！比想像中彈牙！個汁酸酸甜甜，加埋芫茜碎，好有泰式風味！👍🏻🎈片皮鴨（半隻）$218: 皮脆，但乾左少少，餅皮大厚入口好粉🎈蔥爆牛肉 $98: 蔥同牛都好多，好夠味雖然比較油～🎈糖醋小排骨 $118: 係豬軟骨黎！好淋好好味，好岩用黎送飯😆🍚🎈拔絲地瓜 $88: 全個番薯都比焦糖包住哂，一咬落去「卡」一聲，好似冰糖胡佬咁🤪 好香甜，番薯好淋，完全係外脆內軟！👏🏻👏🏻👏🏻.👅： 8.5/10🏡：環境好舒服，好岩一家人/多人去食🎏： 北京老家 (旺角)旺角西洋菜南街218-220號生發大廈3樓#北京老家 #amy出街吃

星期天的晚上聚會，選了位於太子的北京老家。被安排了一張圓檯，那張檯⋯⋯檯下方竟然是一個魚缸！ 魚兒游來游去，一玻璃之隔的上方擺放着各式小菜，當中還包括了糖醋魚！五個人叫了以下小菜:糖醋魚片- 咕嚕肉的魚版，味道尚可。醬燒茄子 - 太濃味，過鹹過油。小籠包 - 皮不夠薄，湯普通，肉略老。上湯地瓜苗- 地瓜苗爽脆，上湯過鹹。北京填鴨 - 可能個人口味問題，鴨皮略嫌太多油，肉不夠嫩。京牌炒飯 - 不過不失。總結，不適合講究味道及吃得健康的人。

農曆新年後第一日返工，同同事走去食個中餐啦，之前去過尖沙咀既北京老家食過都唔錯，咪去旺角分店呢間食，結果中伏了。例湯係正常既！糖醋魚片 - 好酸，但係外脆，不過真係頂唔住，實在太酸，要連同飯一齊食，先至入到口。回鍋牛肉 - 比較油，但都唔係重點，重點係超咸，比咸蛋仲要咸，真係無辦法食！午餐時間係好多人，比較多大枱，我地三個人沒有細枱，同另外6個人share 一張枱，坐得唔係好舒服。下次唔會再黎啦，旺角區實在太多選擇，呢餐都真係唔好食！

響附近行街諗唔到食乜，突然間想食片皮鴨，同朋友上黎試下呢間餐廳，環境都係傳統feel啲。片皮鴨呢個份量可能適合4-5人食，蒸皮唔會太厚，整體都OK嘅。老家柚子魚唔錯，因為啲魚好滑，外面又炸得香口，個汁就酸酸味味咁送飯一流，鐘意食魚嘅不妨試試。水煮牛肉就合格啦，因為我覺得唔夠辣同唔夠香喔拔絲我覺得太甜，都係純粹過下癮。

一早已經訂左枱，三位，慶祝朋友生日。一去到帶左我地入房，係坐係大枱隔離既4人枱，多麼的尷尬。間房得我地3位同隔離張大枱。尷尬到暈。問職員有冇得調枱，就話今日爆哂場。唯有照食喇。魚柳，甜酸適中。羊肉熱辣辣送上，減少羊酥味。蟹粉豆苗一般喇推介，好香口，茄子不太淋好有口感。炒雞丁，太濃味了，要送白飯。之後仲切埋蛋糕，收左50蚊切餅費。食物質素算中上，但坐既位置，始終好介懷，因為人地似包箱我地3個夾格坐入去。

逢年過節中國人都喜歡團圓做節，為免年三十正日人流太多，所以家人選擇了提早做節。我們挑選了位置旺角的北京老家，一來地點方便，二來想找一家充滿中國特色的餐廳團圓，更有過年氣氛。餐廳古色古香，擺放滿許多富有傳統特式的中國擺設。一些玻璃面的餐桌，還養了小金魚,，讓餐廳充滿新氣。餐廳有超值套餐，如餐牌上的餸菜不合自己口味，可自行挑選餐牌上同等價值的餸菜，或補錢轉換菜式。前菜我們點了涼拌雞絲粉皮，以芝麻醬混和，粉皮又香又滑。另一道涼菜，點了京城豬皮凍，豬皮凍像啫哩糖般煙煙靭靭，醋酸中和肥膩感，酸酸辣辣非常開胃。我們在額外點了小籠包，熱辣辣的小籠皮薄餡靚，有湯汁，好吃。老家柚子魚是店內名菜之一，這道菜有點像平常常吃的松子桂魚，但這個是以柚子汁配桂魚，感覺更清新怡人。炒刀削麵，刀削麵以椰菜、肉絲和甜醬油同炒，麵條滑身，美味可口。蓮藕盒就像一個個金幣一樣，是好意頭的餸菜，以兩片蓮藕夾著肉餡再裹上炸漿炸得香脆可口，可惜廚師撒上太多椒鹽，令這菜式頗咸。而我最期待的就是皮片鴨，鴨肉片成薄片放在扇型的碟子上，非常雅緻。用餅皮夾著青瓜、大蔥和甜醬同吃，大滿足。青炒菠菜炒得翠綠,可惜有點澀口。甜品點了拔絲士多啤梨，

食得多大集團京滬菜，今次試下呢間位於太子、充滿特色既北京菜。位置唔算特別易搵，唔太近地鐵站、旺角東站花園街出口/太子站出口行過黎都要搵一搵路，因為係樓上唔太顯眼。成間店裝修係古舊木建築，可以話特色亦可以話好舊，但感覺好似d木味潮濕臭臭地，唔太乾淨星期五晚上都旺場，坐滿晒人，枱同枱之間都好近，難免嘈雜難傾計。 我地一行6人，比左張十幾人大圓枱我地食物方面選擇都算多，價錢亦合理，片皮鴨半隻$198，唔可以話好好食，但可以如果唔計較環境，純粹想食京滬菜，可以一試

我地5個大人一個BB，大約6點半去到，見到餐牌好多野食，淨係揀都有排諗。但係餐牌好多奇怪名，又冇圖，真係要睇埋英文先知道係Ｄ乜。首先order左半隻片皮鴨，連京蔥、青瓜條、薄餅但係薄餅好乾身，鴨又唔juicy，食落口唔香冇鴨味，唔似出面食嘅片皮鴨咁野味囉前菜：夫妻肺片好伏，正常出面食嘅好多牛腱同牛肚，但係佢切得好細，好多筍同海帶，好難先搵到一條牛肚，應該叫夫妻筍片先岩。小籠包正常應該咬開係熱辣辣嘅汁，但係湯汁好少，肉又唔多新鮮咁雪菜肉粒四季豆依個餸算正常，四季豆如果翠口少少會更好椒鹽小黃魚正常，依個ＯＫ孜然羊肉又一伏物，佢係一口牛咁嘅size , 好大粒，但係好乾身呀，乾到內面好嚡，食唔出係羊，岩晒ｄ怕羊膻味嘅人，但我唔怕膻嘅嫌唔夠香囉。蒜泥茄子我唔好茄子，所以唔知好唔好食。老娘炒飯唔係平時食開個ｄ白米，係小米，可能營養價值高ｄ掛，又或者正宗北京食法，但我唔太習慣。唔知係當日天氣乾燥定其他，食物都係偏乾身，唔juicy，所以要勁飲茶，價錢偏貴，唔太抵食。不過佢冇乜味精都算ＯＫ。

自己曾經去過食過既京菜，都係「首都樓」、「六名春」呢兩間，都係食鴨、食飽食餃、爆羊肉爆管庭咁樣。印象中份量夠，食完飽足感一流，而且阿叔阿姐上菜好快，快到個口好唔得閒咁。其實都明既，租金貴，晚市講明做兩輪，所以阿叔阿姐先會苦口婆心咁係咁說你食餐咁樣。呢間旺角北京老家，位置幾好，野食幾好，杯茶都幾好，最緊要唔趕你，任你坐。今餐屋企做節，人多勢眾，把心一橫訂佢間房食豪一點。個人十分喜歡呢間涼菜，款式多，叫左十幾樣涼菜，樣樣試吓，都幾好。主菜烤鴨，呢間一向唔肥，有食肉FEEL。有個草綁牛骨，幾好，愛食牛一定要試。炸羊排幾羊，個鍋筍好食。飽點方面有炸銀絲卷，老媽子至愛，叫左4條。甜品拔絲有好多款，人見人愛。不過家中老闆話，個炒麵唔好食，個魚翅有點失望。冇影好多相。個人認為野好食，係大廳嘈一點。講野要出點力。

這次團年飯選定這間飯店，原本是被有金魚的枱吸引而來，可惜訂枱時因爲做節所以無得指定，到場時亦安排唔到，諗住俾小朋友開心下，有點美中不足。一如往常，我們一向不會點餐廳提供的套餐，只會點自己愛吃的。這次人多，我們點了11樣菜式。北京填鴨：主打菜，鴨皮比例比例港式，肉多皮少，用來包鴨的皮有點乾，作為招牌菜有點失色。P.S. 鴨身可以打包帶走，都幾多肉松仁魚：很鬆脆，酸酸甜甜的汁很開胃胡同炸脆雞：一D都唔脆囉😅，味道還好小籠包：多湯汁，算合格家鄉春卷：味道不錯，但可以不點🤣老娘炒飯：本來叫個炒飯俾細路食，點知係炒藜麥，一粒米都無，個個都食唔慣鐵板牛肉：一家牛魔王，無肉不歡，呢個香辣惹味，十分正京燒羊肉：羊羶味香口，合口味的會很愛京燒排骨架：同樣叫京燒，但就像是煲了很久的肉排，隨便淋上一些汁炒刀削麵：這個很正，炒刀削麵原來很好食拔絲香蕉&拔絲蘋果：叫了兩款，比較喜歡蘋果，個個爭揀蘋果

平安夜食北京老家與家人一起來試食物質素一般般 沒有驚喜 但服務 要讚一位老伯伯 服務很好有禮我地點左-窩貼肉質同平時吃不同好似用左羊肉餡 味道怪怪地-小籠包肉餡有d梅梅地 肉汁湯不鮮甜-涼伴薯仔絲呢個最好食 個味不錯 辣辣地-大葱炒飯呢個味ok 但飯有d難難地 不乾身-羊肉麵呢個羊肉不錯，不會好so.但麵質ok 我個人喜歡有咬口 彈牙-擔擔麵味道就不過不失 同樣喜歡個麵質我個人喜歡有咬口 彈牙既- 高力豆沙呢個好食既 唔會有d好油既感覺不過餡太多了 蛋白同餡比例掉轉會好好多

因為上網search "蘋果拔絲" 而搵到呢間餐廳！ 入到去，當時只有三四枱客左右，環境非常之靚，明顯花咗好多心機落裝修，以香港中菜嚟講，算係非常闊落！大家都食咗下午茶先上去食飯，所以唔係叫咗好多餸，嚟呢啲北京餐廳，當然要點一個小籠包啦，味道算係不過不失，再嚟一個蔥油餅，簡直就非常難食！以為可以以後唔使再嚟呢間餐廳嘅時候， 頭盤係一個豬皮凍，同外面嘅做法有少少唔同，佢有少少甜椒粒切咗喺上面，係非常非常之好味，而且爽而不膩，只可惜食起上嚟都係有少少冰粒喺中間，但我依然會畀最少９分呢一個餸 !!跟住再上嘅係賽螃蟹，簡單不過嘅一個餸， 但要煮得好食其實好難，但呢碟餸一上枱嗰刻已經聞到非常之香，配少少陳醋試食咗一啖，足以令我即刻叫一碗白飯， 呢個賽螃蟹我夠膽講，可能係香港最好食嘅！好食過尖沙咀某某米芝蓮星級京菜！另外仲有幾個小菜，味道普普通通啦，反而因為有其他客人點咗 "叫化雞"，成間餐廳頓時充斥咗好香好香嘅味道， 見到侍應拎咗一舊好似石頭咁嘅嘢上枱，由客人用鎚仔仆開，如果下次再嚟呢間餐廳食，我一定會點呢個雞，但提提大家，呢個係需要預訂嘅！至於此行嘅目的：蘋果拔絲，似係一早整好，喺雪櫃拎出嚟，

第一次黎食呢間，叫了四人餐。食物質素無想像中咁好，不過安排欠佳，令到呢一餐感覺欠佳，失望。雞絲粉皮，粉皮係粗身，口感還算可以的不過最大問題唔夠凍，醬唔夠多，所以一般般吧。蒜泥白肉，還是一般，唔算特別差或好，不過白肉唔多 魚(轉了不是套餐既魚)，魚肉咬感還不錯，湯有點辣味，算是可以啊，都有水晶粉係湯入面，如果食哂都幾飽的。小籠包，沒有特別，不過不失，呢個係另外點既。刀削麵，可能本身我對刀削麵都一般，所以口感唔吸引我。時疏唔算油，菜夠綠，食落去都算新鮮幾好味，不過食菜好味既話我就唔駛黎呢度食啦。。鐵板牛肉，感覺上又係唔算出眾，無特別。因為朋友唔食羊所以轉了牛。糖水，桂花小丸子，桂花味重，小丸子食粉，唔岩我口味了 片皮鴨，鴨都還可以，係算有點肉，部分皮唔算肥，所以都叫算ok既，如果肉多一點更好。走個時，因為2030有第二輪，好多人係佢個個窄巷等阻住又有人推bb車阻哂走廊，走人更加難，侍應見到又唔叫等位既人企散d迫住走廊點走，第一輪完結時間係 2030又好多人走，但2025分已經放左部分人入黎， 人地未走已經叫人企係台隔離等，感覺好差，安排好亂。總結正常情況下，不會再有第二次。雖然食物質素尚可

北京老家在香港有三間分店由於地方便利 選擇了旺角分店來吃個團年飯太多人訂座關係，正日的團年飯就book不到了，提早了兩天去吃今次成功透過OpenRice訂座提早了10分鐘到已經見很多人客在等候入座慶幸book了枱不到10分鐘便可以優先入座了一坐下便開始選餐送餐速度挺快的店員服務態度也不俗後來五人點了12個餐和三支啤酒🍻整體味道不錯👍🏻味道偏重、鹹，喜歡重口味的朋友可以一試！環境方面有中國風的感覺、燈光幽暗，聊天很有氣氛。是次我會推介糖醋魚片和宮保雞丁😜

上到3樓，未入門口已從裝潢設計感受到濃濃嘅北京味！佈置格局充滿老北京色彩，古色古香。靚靚餐具枱面下面係金魚缸，可以邊食邊賞魚！炒蒿荀清新香口，油香滲晒入爽脆嘅蒿荀入面，冇食過咁好味咁內藏乾坤嘅炒菜！小籠包熱辣辣，但個外皮比較厚粉，肉亦唔似一般食到嘅味道，比較咸，湯汁好味。糖醋魚塊酸甜度調配得非常好，好開胃，魚塊唔厚粉，唔會好乾，有肉汁，完全冇雪味，係高質鮮魚半隻片皮鴨，配青瓜、蔥、填鴨醬同薄麵皮。片皮鴨肥瘦分佈得宜，烤到好香，入口即融，鴨油由口腔供埋入鼻腔，清新嘅青瓜同蔥就中和返，薄皮乾爽煙韌，填鴨醬進一步帶出濃郁鴨味。不過食第2、3塊時就會覺得個醬稍咸。老家炒年糕。年糕煙煙韌韌好有咬口，配菜足料，少少辣，但唔係麻辣，係惹味嘅香辣。好特別嘅山渣糕，好似啫喱版嘅山楂餅，好足料，所以食1、2舊已好夠。