北京拉麵店

營業中

休息中

佢地其他分店都係咁咸,而且又焗,雖然抵食,但唔好坐.

上星期五約左朋友仔深水步附近等落住雨至好就係提早入商場食飯剛好六點入黎食個早飯阿姐好好人俾我last order左三個下午茶餐：擔擔麵($15),南京牛肉麵($15),豆沙鍋餅($16)跟餐補錢要左凍檸茶($2),蜂蜜綠茶($5),蘋果綠茶($5)另外散叫左紅油抄手($18)同雞絲粉皮($28)擔擔麵～花生醬味香,但唔多夠濃,麵條係幼身亦煮得太淋,不過份量真係好大碗南京牛肉麵～南京牛肉好淋又夠味,麵條係粗身,呢個反而煮得好好多,硬度適中,湯底清甜豆沙鍋餅～即煮即整,外皮有部份脆口d但較厚身,餡亦略為少d,但唔算油,不過個人黎講都係最記掛唯珍出品多d紅油抄手～雲吞肉餡幾好味,皮唔算薄但亦唔算厚,但點埋酸酸地既汁食,好好味!!雞絲粉皮～花生醬夠濃味但少左d,雞絲有味,粉皮亦滑,加埋配菜青瓜絲,十分好味!!凍檸茶茶味夠,蜂蜜綠茶同蘋果綠茶甜度適中,幾好!!服務好反應快又有禮貌多多要求亦無黑面而且會主動因應你既要求而提供建議裝修後坐得好舒服抵讚!!

四月十九日晚紅紅的裝修令我直闖入去, 放棄了隔籬的魚米家... 坐下來越來越多人, 大多吃湯麵, 我叫了個擔擔麵(餐牌好像沒有的, 只有辣辣的四川擔擔麵), 那個人說就0甘叫可以不辣,但吃落口, 嘩... 辣0既!!! 不過唔係大辣, 所以一路食一路飲茶都okay. 湯做得濃, 麵幼幼的, 口感唔錯! (湯碗青綠色的... 不規則形的... 好特別... 好sharp)雞絲拉皮的粉皮好滑滑架... 重麻醬, 雞絲不太絲.小籠包底部的皮較上面的薄... 內裡的肉融入那熱熱的即汁. 所謂的汁, 其實係油…肉不是一舊的, 可以用”pat”來形容…不是上等的…頗失望還吃了一個紫米饅頭…普普通通的…兩個人$100有找…

位於西九龍中心的這間北京拉麵店,記憶中係有這個商場咁耐就有這間拉麵店咁耐!在這裡係元老級了!!可能由於三樓的食肆已陸續成功變靚(pizza hut, 大快活),再加上魚米家的威脅, 北京拉麵店終於要變!!裝修後的北京拉麵店, hip左好多,由原來的中國式宮廷感覺變為紅撞綠的hip style,但仍保留了一些中式工藝品作裝飾, 如面譜等,感覺不錯!!連食具同餐牌都係新的!食具都用上綠色的新款食具, 食得都開心d!餐牌就加入了一些新菜色同飲品!不過卡位唔好坐, 同埋無分吸煙區同非吸煙區,這個都幾致命--- 如你不幸坐在吸煙者隔鄰.....講番食物, 仍然有下午茶, 但由$12加到$16...貴了一點!冇以前咁抵!!叫左最好味既南京牛肉麵, 媽咪叫左五香牛肉麵,味道一如以往, 不過當日個湯好似比平時淡d...五香牛肉麵其實是牛展麵..只有4塊牛展..不過萛啦, 十幾蚊咋喎....再追加了一個紅油抄手, 唔太辣, 皮比較厚,看你喜不喜歡了...個人而言是不錯的!因多d皮可以索多d紅油, 口感好似豐富d!~現在下午茶不是跟豆漿而是咖啡或茶,我要了奶茶, 出奇地滑同香, 不錯!會再來因為還萛係抵再

上次食過鹵麵認真麻麻,但係朋友鍾意食呢個既擔擔麵,ok,黎過今次我同佢一樣叫左排骨擔擔麵,又真係唔錯既,排骨夠熱同入味,湯底花生or芝麻醬唔會太多,麵都唔太淋仲叫左個雞絲拉皮,都唔錯,青瓜同雞絲都好多,個汁濃度適中,今次比上次滿意左好多喇

上一兩個星期食過,我叫左碗"南京牛肉麵", 我多數都叫呢個, d麵係人手拉麵,口感較特別, 而今次亦保持一貫水準!!~男友叫果碗上海湯粗就唔係咁得,d麵比較硬同冇味....又冇料...真係sorry呀...唔應該叫你食呢個架...唔知會咁差.....不過平平地都食得過既呢度!!~

我去過兩次，一次三個人食左$99，一次兩個人食左$75，兩次都托住個肚走，梗係抵食啦！講真，自己對北京麵食唔太熟悉，剛剛個次食過排骨麵、炒年糕同紅油抄手，感覺唔錯，只係覺得有少少油膩。不過，呢度環境就比較迫，冷氣好似唔多夠（可能我個位對唔正風口掛）。

first time 同朋友黎呢間食order左南京牛肉湯拉麵,一碗野入面係可以比我搵到兩隻小昆蟲囉可想而知而衛生情況係幾咁令人...........ai><vvv. poor!!!

都幾好呀，我地七點入座，都唔係太多人，唔洗等位，我地四人分別叫左佢地個特飲，天葵花汁、金桔蜜、豆漿，d金桔蜜唔好飲嫁，天葵花汁就好苦，豆漿就幾好飲。我地order左三餸一湯，幾個菜飯，ｄ菜飯幾好味，唔會好似某ｄ餐廳既菜飯咁油，我地order左豆腐湯，清清地，幾好。至於三餸就係：(1)咕嚕肉(2)糖醋排骨(3)醉雞，咕嚕肉d色澤就唔係太吸引，比較暗啞，但好好食，甜甜地。醉雞就苦苦地，但唔太入味，只有雞肉既面先有d酒味，因為酒味太過留於表皮，所以表皮好苦。糖醋排骨d味幾濃，唔係個個都接受到，受得到既人就會覺得好好味，嫋值得去試。

平日2:30開始有tea食，大約十幾個選擇，每款加送豆漿都係$12,加$8可以轉糖水(每日一款，尋日係蓮子雞蛋豆漿，但係佢又話無，咁只好收做南北杏木瓜雪耳)我同男朋友見左火雞湯拉麵(有ｄ雞肉同埋火腿，ｄ料好小)&招牌鮮肉雲吞(有８粒咁多，但ｄ皮厚到ａｒ，入面粒肉極細，食完８塊"厚"皮等於食左成碗粉咁～絕對唔得law,但好在粒肉都還可以既!)豆漿無咩豆味，得甜味～個糖水１唔係極小，一盅仔，又無咩味．．．記住要加一tim架

lunch去食飯..order左醬爆雞丁..唔錯~超好食!!麻婆豆腐都唔錯!!!學生唔洗加一~仲送汽水!!

朋友話...呢度好食wor...咁黎左食lunch啦...佢叫左個排骨担担麵走辣,個麵ok呀~個湯底唔錯我係台灣食過鹵麵,好鍾意食,見到呢度有得食就叫啦,點知唔似鹵麵囉...湯唔似湯,汁又汁唔晒,獻打得唔夠,食鹵麵就係要食佢既獻汁...失敗左啦,d雞肉又唔好食wor...個豆沙鍋餅就好食喇~因為唔油~

今午大約3點30分我和阿媽去深水步西九龍廣場北京拉麵店食下午餐,我選南京牛肉湯拉麵,阿媽選排骨湯拉麵,再選招牌鮮肉雲吞和豆沙鍋餅~我feel南京牛肉湯拉麵很好味,拉麵粗彈咀嚼,招牌鮮肉雲吞很麻麻,豆沙鍋餅很好吃,唔過太多甜~~下次我可能去~~ 阿媽付$52

羊肉搶湯拉麵......羊肉不夠搶..拉麵少少林..友人的水餃很一般..內裡的裝修讓人覺得少少dirty

我覺得呢度所有菜式都好似油左d~不過就幾惹味,同埋價錢抵過出面同類型店鋪,我地0益左三樣0野都係$80,ok~．回鍋肉飯：好香,不過油得滯,肉少菜多~反而碗菜飯就幾有份量同冇咁油~．鍋貼：有特價,$2@,不過好似supermarket 點心,冇咩特別~．酸辣湯拉麵：ok~d拉麵就太粗同太un~同我想像好大分別~．紅油抄手都唔錯，不過實在太多油，多過平時食個d，但係d汁好似同人地有d唔同,甜d,我幾like~．紫貝天葵汁：純粹消滯～ｏｋ清甜～個所謂拉麵表演．．．．．．．．我覺得好攪笑，個師傅好敷衍喎～仲有我想話個度d裝修雖然有特色,但係really 太舊同比人dirty 0既感覺,真係要翻一翻新至得lar~同埋個度有個收銀姐姐d頭髮勁勁靚呀!!!!!@_@好長好黑好滑好令好直ga~好假,好似拍洗頭水廣告d明星(唔係個樣~)~大家不妨留意下~