勝八居酒屋 (已結業)

同男友成日有條隠去食居酒屋，所以系Openrice搵食。銅鑼灣有好多選擇，決意食晒所有居酒屋為止！呢間勝八聽過好多次，次次都book吾到，今次男友早左2星期預定🙊地方吾算好大，但枱同枱之間都算有私人空間。見到密密麻麻既魚生牌十分治癒。。由於吾食生，我點左個和牛尾($180) ，牛尾炆得好軟，但又不失牛味，白蘿蔔都系精髓，十分入味！之後店員介紹飯喜知次($298)，日本魚大多數都會腥，尤其是以日本燒，但每次喜知次都喜出望外地好食。好滑同肉汁都仲系度，雖然價錢貴，個真系好正！！！

今日落咁登龍街搵啲未試過嘅日本野，見到"勝八居酒屋"見咁大個牌就決定上去睇吓咩料啦。去到邊都好我都會叫個刺身，想睇下食材係咪新鮮! 首先點左份黑松露真鯛，平時真係未試過刺身上有配料，不過呢一個黑松露真的真係有驚喜。黑松露油嘅甘加埋爽身嘅真鯛，原來係咁夾。仲有份日本真蠔，唔聲唔聲有手掌咁大！外再加埋師傅自家製酸汁，將鮮味提升! 吃完刺身就食下熱野，煮和牛尾。和牛尾很軟腍，而且很入味，蘿蔔同樣吸盡精華，連湯底我們也不放過，全部飲晒唔傾！最後店長推介左碟喜之次，魚肉好滑，雖然有小小鹹，不過中意食鹹野既朋友就唔洗擔心！整體黎講我覺得勝八價錢公道而且食物都好好，值得一去

上次已經盛讚過佢嘅lunch set，一直都想搵機會試吓佢嘅晚市，難得朋友咁啱約我食呢間，終於可以得償所願。食日本野又點少得刺身，雖然呢排新聞成日話刺身生蟲，但唔知點解總係對呢間野好有信心，覺得佢啲食材都係高質，衛生一定冇問題。佢哋吧枱位置掛住啲木牌，係當日嘅時令刺身。經服務員推介下，我同朋友叫咗個真鯛、白蝦同埋生帶子試吓。生帶子嘅口感同平時嘅帶子唔同，硬身啲，爽口啲。白蝦嘅口感都好特別，但最要highlight係佢個真鯛，本身已經加咗啲白松露油同鹽，上碟嘅時候已經有非常濃郁嘅松露味，唔需要任何Wasabi或者豉油，放入口已經覺得好有驚喜，勁香，魚身亦非常新鮮！有機會真係要試一試！喺香港我幾乎都唔會叫天婦羅食，因為多數都係好厚粉，但見到有比較少見嘅松葉蟹腳天婦羅，就姑且試一試。完全係另一驚喜之作！不但炸到好似日本咁好食，個松葉蟹亦非常鮮美。食日本野又點少得梅酒，非常容易入口嘅梅酒，好快就已經比我飲晒啦。

同朋友放工起銅鑼灣行了一會, 正在想去哪吃晚餐, 朋友說想吃日本菜,立即搜尋一下附近有什麼日本菜選擇, 看到這一間而且又在附近, 決定要去試一下.門口也有相當的日本特色可能時間常早的關係, 人不算太多聽到鄰卓有幾位講日文的相信是日本人, 見到日本人也來吃日本菜對這間店增強了不少信心好, 首先點了杯梅酒味道濃郁, 最喜歡吃日本菜配梅酒之後先叫一碟前菜先三文魚子海膽豆腐一大板海膽加上三文魚子配上醬汁配合埋清淡的豆腐, 作為前菜十分適合然後我們點了刺身有黑鯛 BB油甘魚 日本蠔 帆立具黑鯛, 口感比較厚實 , 第一次吃 BB油甘魚, 感覺比較細滑, 值得一試帆立貝就大大粒, 亦都好新鮮, 至於日本蠔都不錯, 很creamy, 喜歡吃生蠔的朋友不要錯過再來一客海鮮魚湯鍋魚湯鮮味十足又有豐富的材料有鯛魚 牡丹蝦等等海鮮比想像還豐富, 真的沒有選錯最後甜品芒果雪糕完成了豐富的一餐埋單時才知道原來星期日至星期四晚餐時段有10%off好抵食

登龍街其實都幾多上樓餐廳，星期日行完Times square就去左勝八居酒屋食dinner，上樓餐廳好處就係冇咁多人，坐都坐得舒服d。兩個人嗌左三樣野，呢度刺身都幾fresh，試左真鯛，白蝦，日本蠔同帶子，一啲腥味都冇，個人最鐘意真鯛，厚切又有口感！然後就叫左個松葉蟹腳天婦羅，松葉蟹腳鮮甜多肉，仲有炸完之後都好棉既南瓜同蕃薯都好好食。最後個煮和牛尾都好出色，份量足夠又入味，好似食左好多骨膠原咁滋潤！

尼排少食日本嘢，真係好掛住距.星期日book左尼勝八搵返個味道.樓上餐廳，環境清靜，仲有好多日式掛畫，仲有bart台，擺滿新鮮食材，魚類貝類都有.見距生意都唔錯，應該無伏.坐低點杯嘢飲先，揀左asahi啤.外加蜜桃soda.甜度把握得不錯，唔會太甜，蜜桃味好清新.先來刺身拼盤.兩隻日本蠔，超新鮮，海水味十足，而且好滑，唔覺意已經sin左落去喉嚨.鯛魚，肉質實淨，肉質通透，魚味十足，高質量.真白蝦刺身，係好細質既蝦仔，鮮甜味好突出，第一次試.出色.帶子，肉質結實，睇來貨都係日本新鮮到到.第二道菜系松葉蟹腳天婦羅.都話尼間嘢識得選取高級食材去做傳統菜式.蟹腳啖啖肉，炸粉做得好薄，入口香脆而且唔油膩.配菜南瓜好味到以為食緊薯蓉.炸茄子都係我既最愛，香脆心軟.最後一道菜係和牛尾燜蘿蔔.相比中式牛尾，和牛尾好多肉，燜到好num身，超多軟骨同埋骨膠原，多到有d誇張，底味係胡椒味，所以味道都清，蘿蔔夠軟，入口即溶.甜品係豆腐雪糕，唔係好甜，所以食落好舒服.八勝好識用高級食材重新定義傳統日本菜式，下次一定要再試距其他好嘢.

又到12月 預早同好友食番個聖誕節餐所以諗住揀日本菜食好啲！銅鑼灣真係好多日本餐廳揀左一間未試過既！環境都好日式居酒屋感覺唔算太大餐牌勁多選擇有刺身有燒物有小食叫左杯柚子果酒酒精成份唔算太重好清新  酸酸甜甜跟住先黎前菜三文魚子海膽豆腐豆腐好滑配番濃味既海膽加三文魚子味道好夾 好開胃刺生叫左幾款有黑鯛、BB油甘魚、生帆立貝、日本蠔黑鯛上面加左松露 好香 肉質好鮮甜BB油甘魚第一次食 好有口感 好嫩滑生帆立貝好厚身 好新鮮日本蠔好creamy 炸池魚仔平時都係食刺身多炸出黎又幾惹味 仲冇骨送酒一流海鮮魚湯鍋勁多料 連湯底都係用鯛魚頭熬好鮮甜但又唔腥入面有牡丹蝦 鯛魚 帆立貝 蠔 菜 菇最後仲有雪糕做甜品好有驚喜一餐 因為好多款式都好有心思原來而家逄星期日至四晚餐仲有9折值得再來啊

朋友介紹去話E間居酒屋，話d野幾新鮮同菜式幾特別，仲推介佢哋嘅signature dish 牛腸鍋。入到去鋪仔細細，得十幾張枱，但感覺幾舒服。我地喺是日精選個牌度點樣兩樣野，松葉蟹腳天婦羅同辣牛腸鍋，蝦天婦羅就食得多，蟹腳天婦羅都係第一次，隻蟹腳已經幫你拆咗殼，薄薄嘅脆漿包住帶有海水味嘅蟹腳，呢個配搭幾特別👍🏻。平時只食豬腸臟嘅我，未食過牛腸, 依個牛腸又處理得幾好，冇怪味，煙煙韌韌嗰個感覺又幾得意，個辣度又啱啱好，啲蘿蔔索左啲汁又淋又香。👍🏻店員落力推介一條叫做子持香魚，未試過又試吓，煎出嚟好香，魚味鮮甜而且好多魚春，正。朋友叫刺身話都好新鲜👍🏻見到老闆不停喺度招呼客人，侍應態度又好動作又快👍🏻加分埋單時原來有九折👍🏻，侍應仲介紹午市有八五折，下次lunch可以一試。

黎到銅鑼灣，就去左成幢都係餐廳的永光中心覓食，揀左位於11樓的勝八居酒屋。門口的名字好有霸氣。餐廳的光線較暗，桌子唔算多，但勝在夠寬敞。店員拿餐牌來後，會推薦一些食物，仲叫我地出去刺身台看看新鮮空運的刺身選擇。好多名都唔好陌生，所以都唔知點揀，就揀左真鯛同胡麻鯖魚。這盤刺身非常新鮮，白色薄薄的係真鯛，鯛魚係日本係貴價魚，果然係名下虛傳。真鯛薄薄的，有少少海鹽的咸味及黑松露油的香味，味道清淡而不失鮮味。胡麻鯖魚相地就厚身D，油脂豐富，口感一流。店員仲推薦我地食炸池魚仔，佢話係新產品，餐牌上都未有。果然係非常香口，好特別的小食。牛肋骨串燒，牛仔粒串燒就食得多，牛肋骨真係未試過。依個串燒烤得好好，肉好淋又有咬口，唔係熟得濟咬唔到，果然係牛其中一個最貴的部位。牛尾湯就成日見，但煮和牛尾就第一次飲，個湯汁少微辣，好惹味，牛尾好補，又夠淋同多肉，有咬口，蘿蔔煮得好入味，食到停唔到口。最後想讚下餐廳的店員，好熟識食材及專業推介，令我食到一餐好高質的晚餐。

去開銅鑼灣，又去登龍街搵好野食。今次去左間居酒屋試下，環境都好舒適。先黎水蜜桃梳打，唔會太甜，用啤酒杯裝，好吸引。之後係平時比較少見既刺身真鯛和胡麻鯖，店員建議先食真鯛，因胡麻鯖較重味。真鯛上加上海鹽，食落好爽口，好鮮甜。胡麻鯖果然味比較濃，但都不失鮮甜。再黎炸池魚仔，外皮炸得好香好脆，配埋沙律醬，送酒一流，簡直食唔停口。半架唔會乾，而且唔會太肥，恰到好處。仲有煮和牛尾，熱辣辣，蘿蔔好入味，牛尾多到食極食唔完，邊食邊飲埋個湯，好正！最後係好少肥既拖羅筋壽司，入口即溶，簡直回味無窮。加埋個芒果味雪糕做結尾，好滿足！

今日係我一個人的午餐，又去到永光中心層層食，我點了一個停烏冬小牛排餐,送兩隻麻胡雞翼，套餐配有麵豉湯，餐前漬物，日式沙律，開頭滿心驚喜，套餐$108，我以為有小牛排就即係有牛扒食，點知餐送到上嚟之後發現小牛排只係d類似肥牛之類的肉，加上湯底偏鹹，整碗烏冬麵都有一啲失色。😥另外，胡麻雞翼，原來只係炸雞翼，雞翼相當油膩，兩個主食都都好一般貨色，令我有啲失望！面試湯、日式沙律嘅味道，就中規中矩。成餐飯，中規中矩普普通通，或者下次再幫襯佢食其他嘢囉。

朋友的朋友的朋友因為認識這裡的師傅所以介紹來吃，說這裡的食材夠真材實料👍🏻以星期二的傍晚來說真算是熱鬧，我們吃到一半時聽到才上來的客人已經要等位了🙈因為想晚晚看餐牌和聽店員介紹，我們先點了飲料：柚子梳打 + 柚子酒。刺身拼盤刺身拼盤有鯛魚同池魚魚片雖然憑外表不會分辨這兩款魚，但因為配的汁料不同，所以也吃得出兩種好不同的味道。刺身拼盤：安康魚肝店員推介的魚肝沒想像中膩，只是一心陪朋友試試的我也吃了兩片😋汁煮和牛尾🎉🎉🎉全晚最愛！牛肉煮得好淋、肉好嫩！然媭田蘿蔔又煮得剛剛好，又鮮甜口感又好，101分！！！白子天婦羅以前也食過刺身；是口感很特別的食物😅這次是紫菜包住再炸，有驚喜的發現！黑𩃭露龍蝦石鍋飯這個是店員推薦的新料理。本來不太好黑𩃭露的我們吃過都覺得不錯！因為龍蝦肉很多很爽很好吃，用石鍋煮也夾👍🏻

去銅鑼灣唔怕冇野食，最怕係唔知食咩好，好似今日同朋友想食日本菜，一睇open rice已經有超級多選擇，揀下揀下就黎左永光中心呢間小店。中午佢好多lunch set選擇，我地叫左一人一個。先黎前菜同沙律。前菜應該係白蘿蔔，味道唔會太濃。麵豉湯裏面除左慣有海帶，仲有少少櫻花蝦干，比一般有心思。蟹肉飯有超超多蟹肉同魚子！一定要撈好先食，可以加少少豉油調味，perfect！之後係天婦羅飯，有好多件炸物，隻大蝦夠厚肉同大隻！炸冬瓜同炸南瓜都好味！食完仲有甜品送。大。滿。足。

平時返工食午飯都食過呢間勝八居酒屋，有套餐食都唔錯，所以今日同媽咪行開街就帶佢嚟食個午餐。好喜歡呢度有好多唔同套餐選擇。呢個套餐一定會有的沙律、前菜、麵豉湯等....由於媽咪唔食生冷食物，呢度都有熟食套餐選擇，叫咗個咖喱炸雞定食，炸雞炸得脆卜卜好香口，雞肉多汁鮮嫩，咖喱汁好香好濃有少少微辣，好好味😋😋😋配白飯一流👍碎蔥吞拿魚海膽飯-海膽新鮮鮮甜，一啲都唔腥，吞拿魚配合埋紫菜蔥口感豐富，食唔停，吞拿魚份量比飯仲多，最鍾意食吞拿魚的我，簡直超滿足😋😋😋最後食返杯桃味嘅雪糕，食到舔舔脷😋

銅鑼灣一帶都有好多嘢食，今次好友帶我去永光中心居酒屋食午餐，又可以見識吓。店內地方唔算大，但好有日本格調。一坐低職員就遞上前菜、沙律同麵豉湯。再望吓個餐牌，午市套餐有十二款，可以揀兩款主食$148，揀左帶子甜蝦海膽丼，帶子同兩隻甜蝦都好新鮮、海膽的份量雖然唔多但同樣好味。另一碗鵝肝丼，鵝肝都幾大件，煎香咗的鵝肝散發出香味，飯上面還放咗蔥粒同蒜片，非常好食。鐵板牛舌定食$108，有六片厚切的牛舌，牛舌軟諗諗配合醬汁，加上蘿蔔蓉一齊食，食落去不會感覺到油膩，味道超正。餐後還有甜品，細細粒雪米糍。最後結賬還有八五折相當抵食。