功夫點心

營業中

休息中

今日同朋友去咗近朗屏站嘅功夫點心。雖然離地鐵站有點遠， 但地方都幾大，座位都幾舒服。 雖然係唔係午飯時間人流唔算太多，仲有卡位坐， 座位舒適。我哋叫咗陳皮牛肉球， 金錢肚， 籠仔飯，綿花雞。 味道唔錯，份量都算幾大。埋單138蚊， 抵過去茶樓囉。

前排行過元朗想食點心，見呢間幾平,盅飯+湯+點心仲冇加一先66蚊。入到去已經聽到隔離枱話等個飯等左40分鐘，個陣已經驚我地都咁。好彩唔洗等咁耐而野食又唔錯，本身諗住都要出post推介下。點知食到半路，係8點50分時想叫多個外賣第日食，個阿姐好大聲係我面前話「下，搞錯，依家先叫外賣」明明間鋪收10點，我唔明8點50叫個蒸飯有咩問題。佢話蒸唔切，要轉飯，冇問題，但原來因為係另一個飯即有而師傅要趕收工。之後到9點就熄燈，而食到去得返我同男朋友時，仲係我地隔離清潔，而我個位仲要凍左好多。埋單時發現想食嘅流沙包冇左，問點解會冇左，就一句話唔記得左落單，欣賞你嘅誠實👍🏻🦌🐿️我相信仲有好多人堅持/願意留港消費，但好多時真係唔係價錢問題，係咁樣做生意，比錢個個唔會好受。

今次係我第一次出post，今日整完牙，約左太太同2個仔去元朗飲茶，入到去都萛多人，服務員就問我地幾多人，就同佢講4個，跟住話要等下，都好快有位，第一輪叫左6個點心，叫左一壺觀音同一壺滾水，但係就嚟咗兩壼茶，都算，張單黎左見到5個茶位就同佢講我地4個點解寫5個茶位，個黑衫亞姐就話我講5個，都算叫佢改返，後面幾個亞姐仲係度話佢地都聽到5個，我懷疑全部亞姐都係耳聾，因為當時我有舉起四隻手指，不過都算冇下次。

天氣涼涼地，就想飲杯熱茶暖下個人，又想快快趣趣走人，決定去功夫飲個快茶。來得功夫都唔係講咩靚菜靚點心好服務，都係求醫飽個肚過下飲茶癮。點知個蝦餃來到真係認唔到係蝦餃，成塊皮飛哂出來，唔講以為係來錯左，味道就唔使講。其他點心都係普普通通食得下人，不過100幾蚊價錢算係咁

今天真是氣憤，於晚上7時15分到元朗分店光顧，進去所有地方都滿了，唯獨是一張枱，黑衫服務員指示我坐那張，原來有滴水，我就選擇搭枱，但黑衫服務員即時表現態度不滿我不坐，我來到這裡和家人食飯有約有年，平時的經理好服務，又懂執生，阿姐姐都好有禮貌好客氣，今天那個黑衫服務員我落好套餐紙，說還有點心未落，佢立即離開，我示意佢沒採，走回去話我搭枱，我話係咪唔俾搭枱，可以早出聲，其後將原來點心紙交回我，我示意佢過來再落單，竟然扮聽唔到，2個黑衫服務員係到話，問佢係咪唔做生意，話我落單落唔落甘多聲氣，，我隨即離開，但其後姐姐好好，平時最多最的2位黑衫，趕客，給你們負評也不想，太離譜唔想再光顧，一星期去左5天，平時怎樣服務我唔知，只是人選擇唔坐滴水位，即刻反面

行過見好似唔錯，於是試下，佢夜晚套餐都幾好，同抵食～一個飯+一個燉湯+一個點心=$60 😲👍.叫左兩個餐。。冬菇滑雞飯🍄🐔魷魚肉餅飯🦑🐷 (呢個好味👍👍）.湯： 黑蒜粟米燉雞腳 (呢個味度幾特別，同唔錯wo👍）土茯苓生薏米燉唐排.另外兩個跟餐點心。。。份量都好多😲我地揀左 咸水角 同 鮮蝦腐皮卷～兩個都唔錯😁👍👍.之後另外再散叫了一些點心😋😋😀蝦餃、燒賣～.馬來沙嗲鳳爪😀好味啊個鳳爪🤩🤩👍.同埋意想不到咁大個流沙包，入面仲好足料，好正👍👍推介！！！！加上有些點心仲可以散叫，都唔錯👍🤣.唔使加一服務👍👍

懶得煮飯，同男朋友去咗屋企附近呢間點心店食嘢～叫咗一個燉湯，一個蒸飯，三個點心燉湯係黑蒜粟米湯，足料，飲落幾甜，味道唔錯蒸飯叫左窩蛋牛肉飯，窩蛋即係煎蛋，牛肉係似牛肉球嘅肉餅，味道正常點心即叫即蒸熱辣辣👍鮮蝦菜苗餃大大粒，皮算薄馬來沙嗲鳳爪同平時酒樓鳳爪冇乜分別，都係正常水準最嬲係碟蘿蔔糕！埋單前後面檯有食客話欠蘿蔔糕，坐收銀嘅黑色衫女店員隨即過嚟我哋張枱，見到我哋枱面有蘿蔔夠就碎碎念指責我哋食咗我哋冇點嘅嘢！然後先拎起我哋枱張單話 ‘咦，都有叫蘿蔔糕喎！’店員咩都未搞清楚就指責客人，道歉都無句，都唔知係咩服務態度！blacklisted!

前往鄰近朗屏站的功夫點心品嚐中式點心，點心款式不多，是次點了蝦餃燒賣、流沙包、菜苗餃、粉果等七籠。然而，感到非常失望，因為食物的味道並不好。蝦餃的皮太厚，蝦肉也不夠鮮嫩，口感非常普通。燒賣的味道也很一般，肉質太結實而且餡料不夠豐富。流心奶皇包是點菜單上最期待的菜品之一，包很大，但咬下去時，發現包子皮不夠軟綿，沒有蛋黃香味也不太流心。菜苗餃沒有菜味，魚肉餡料不夠鮮美。整體而言，這七款點心的味道並不是期待的連鎖店水準。儘管店內的裝潢和服務都還可以，但是對於食物的味道，並不建議大家前往試試看。

功夫點心佢坐喺坐得舒服嘅價錢方面都實惠兩個人食百零蚊埋單食得飽 價廉物美當日就叫咗個蒸飯啊一碟腸粉啦，小籠包燒賣 鳳爪同煎堆然後佢有時又有八折優惠都算抵食😆 可以一試

今日去元朗康寧路見到有間店叫功夫點心 ，見佢個名咁有趣就去試下啦！ 佢嘅功夫蝦餃皇超正！每一隻都大大粒裏面有幾隻蝦，超級抵食！推薦！ 另外，佢嘅鮮蝦菜苗餃，蝦味新鮮，有瑤柱！黃金流沙包夠熱流出淡淡奶黃！ 茶錢六蚊位， 兩個人食138 超值！

元朗一哥點心執咗之後,諗住試試區內有咩點心舖可以取代。姑且試試功夫點心,直接落結論, 永不錄用。先講茶, 茶種唔多,普洱、白牡丹、香片、鐵觀音,隔離有枱話想要菊花, 無。香片正常表現, 上述茶種啱唔啱閣下口味, 請自行斟酌。的確係唔使等位,不過甩單、漏單情況嚴重。12:30 入座, 5分鐘揀完、落單,然後望住另一張遲過我入座嘅都已經食緊,去到1點就忍唔住問佢啲嘢未到,13:05先補返幫我落單。然後見佢會甩單, 同埋都要等一段時間,係點心紙上畫完, 再特登同阿姐講 :「要燉奶同咖喱薯仔魷魚, 再加壺鐵觀音。」結果係茶無嚟, 燉奶亦都無出現。食一次飯, 甩一次單, 漏一次單,唔通我去咗食放題 ?輪到講嘢食。叫咗蝦餃、燒賣、金錢肚、雞粥、蘿蔔糕、咖喱薯仔魷魚。順住落由好食去到難食。蘿蔔糕係最好食個樣 ;燒賣正常表現 ;咖喱薯仔魷魚就相當極端,一上枱, 賣相其實都幾唔開胃,不過魷魚大件、數量多、食落都叫爽口,但個薯仔....居然係可以唔熟, 犀利 ~蝦餃, 可能係我對佢期望太高,諗住無原隻蝦, 都比半隻, 或者蝦肉碎比我,結果....係有粒無蝦味嘅蝦丸,出面包層蝦餃皮, 就係我食到嘅嘢啦 ~雞

七一公眾假期，唔想去酒樓同人迫又怕等好耐嘅位，第一次嚟到安寧路呢間連鎖店，門口都有五六張枱等緊，但都唔算耐，就有位啦，阿姐嘅招呼唔錯，見到餐牌上有一啲特別嘅食物有別於傳統嘅酒樓，點心不過不失，仲有甜品，卡位多，但不適合4人以上，也不太啱帶BB,望落去不太見到有高櫈，一個人來自斟自飲都唔錯。

見到間餐廳咁大間以為入面啲嘢好貴所以一直都冇幫襯過朋友成日都話功夫點心好好味我都唔知邊間估唔到就係咁大間呢間好驚喜佢嘅價錢好相宜！而且佢嘅點心（蝦餃燒賣奶黃包）係逐件叫我覺得呢個諗法好特別而且好好特別一兩個人食嗰陣可以食多啲唔同款點心菜苗餃 我覺得好好食😋但我朋友話覺得麻麻地可能個皮有啲厚酥皮焗叉燒包好好味入面啲叉燒大大粒個面頭就有啲似菠蘿包沙律明蝦角南瓜豉蒜蒸排骨同黑椒金錢肚都勁好食無論口感同味道都一流一定會再叫松葉蟹棒春卷入面有條蟹棒夾住真係好好食蝦餃燒賣正常水準$9一粒鹹水角正常個皮應該算係有少少厚度

今日好想好想飲茶，但去開個間冇開，之後見到隔離有間叫功夫既又係飲茶就入左黎喇！入邊多數都係上年紀既人，坐位同坐位之間都幾近！喺呢個疫情底下其實都幾驚😓2個飲茶叫唔到好多野食，所以叫自己叫中意既！- 黃金流沙包原來都幾大個，而且裏面流沙都幾多- 鳳凰煎糯米雞，完全出乎意料之外，糯米雞麵加咗蛋嚟煎，所以10分香口而且別有一番風味！😋😋- 功夫蝦餃王，皮薄餡靚不得了😋整體嚟講除咗環境之外，嘢食係好食嘅而且價錢都唔算太貴，埋單$145

最近好想食馬拉糕但全線唐記都無得賣🙈 所以就搵左間有馬拉糕既點心店食個lunch😂同朋友叫左四樣野～❤️懷舊棉香馬拉糕 💰2️⃣2️⃣我專程為咗呢樣嘢而嚟食點心，當然係必點😆馬拉糕賣相光滑，口感鬆軟👍食落好香蔗糖味但唔會太甜，無令我失望！💯⭐️北菇棉花雞💰2️⃣6️⃣佢應該係我食過之中最大碟嘅棉花雞😂有三大件滑捋捋既雞肉😋面頭粒冬菇多汁而且無草青味，底下芋頭淋而粉糯，幾好食👍唯獨是啲魚肚係完全無味😅 (所以我拎咗去鮮竹卷個濃湯底度浸一陣先食😂)❤️濃湯魚肚鮮竹卷💰2️⃣3️⃣個湯似係偏濃郁既雞湯，飲完都唔會太口渴👍鮮竹卷包到好薄好剔透😲餡料有紅蘿蔔，木耳同啲肉，好爽好有口感🥰⭐️黃金流沙包💰1️⃣8️⃣$9一個但要兩個起叫，黎到見到咁大個我同朋友眼都凸埋😂外層麵包好鬆軟，內餡夠流沙，椰香味偏重，同平時食既蛋黃味濃郁既流沙包感覺截然不同，甜度同平時食開既差唔多，個人黎講比較喜歡蛋黃味濃郁既流沙包，所以呢個對我而言唔算出色😅埋單只收茶芥 (每位$6)唔駛加一，抵食夾大件，整體水準不俗，會再幫襯😊