力天冰室

營業中

休息中

GG長知識了，原來新蒲崗、鑽石山、啟德都係好近，行一陣就好似開左隨意門甘，閃一眼就到。同朋友由啟德邊傾邊行，好似戴住竹蜻蜓甘，突然就到新蒲崗，今日天氣好熱，攪到又攰又餓，要去補給下先可以撐到夜晚7點半去尖沙咀睇全球首場多啦A夢無人機匯演🔋🔋🔋📌XO醬蝦球珍珠帶子扒西蘭花，包白飯、熱飲（咖啡）好比大排檔，夠曬穫，西蘭花爽口夠味，配上XO醬加大大塊嘅蝦球同珍珠帶子扒好夾📌麻辣茄子海鮮煲，包白飯、熱飲（奶茶）麻辣茄子海鮮煲送飯一流，辣辣地好野味，份量好足，個煲深不見底，好食到想加多個飯📌脆辣雞腿堡，連薯角、熱飲（鴛鴦）一大塊雞腿被脆卜卜嘅雞皮包住，包皮好似用牛油烘過，將包嘅層次提升，仲有生菜嗰啲蔬菜墊底，當堂令個雞腿堡有fresh 嘅感覺可以係晏晝5點幾食到下午茶同時又食到夜市甘正嘅小菜，呢間冰室可以話係#離奇神話不可思議心中一想就得到夠曬力氣去長征睇多啦A夢lu📍力天冰室新蒲崗崇齡街81-83號崇齡大廈地舖#多啦A夢#多啦A夢無人機匯演#力天冰室#新蒲崗

陪好姊妹到新蒲崗工廠區試婚紗, 順道一齊食個DINNER, 去咗附近呢間茶餐廳--力天冰室, 地方乾淨企理, 食物款式多, 有小炒、小食、鐵板扒餐、焗飯等等....酥炸香脆大雞脾:雞脾嘅雞皮炸得極為香脆, 脆而不油, keep到些少肉汁, 肉質不柴, 不錯。特厚花生醬西多士:西多士炸得金黃, 放了一片牛油, 牛油漸漸溶化, 多士有花生醬做夾心, 帶少少花生碎, 自行加上糖漿, 邪惡美味。鐵板黑椒牛柳絲炒麵:鐵板沒有預期熱辣辣得滋滋聲上檯, 但麵餅確實炸得脆卜卜, 淋上了甜甜地嘅茨汁, 帶有些少黑椒, 微辣惹味。芝士焗鮮茄豬扒意粉: (自選飯/意粉)面層芝士焗得帶些少焦濃, 豬扒大大件, 肉質彈牙唔會柴, 意粉偏林, 甜中帶微酸, 整體味道唔錯。主食免費跟coffee/tea, 凍飲另加$3,order咗杯凍檸水同埋凍奶茶。

新蒲崗地道Dinner@力天冰室今晚去左新蒲崗力天冰室trytry佢地嘅港式風味dinner🐰👉🏻蜜椒薯仔牛柳粒飯：三色椒配埋牛柳粒色彩睇落已經好靚，而且黑椒香氣撲鼻🐰牛柳粒同薯仔都炒得好香脆，好有鑊氣👍🏻肉質嫩滑多汁，再加上蜜椒調味，味道香辣可口， 可以餸多碗飯 👍🏻👉🏻合掌瓜粟米湯：晚市飯餐送中or 西湯，合掌瓜同粟米煮得軟綿入味，暖胃又滋潤❤️除咗吃飯餐之外佢嘅鐵板扒餐都相當吸引，有機會再試🐰🐰🐰

同朋友係新蒲崗食晚飯，搵左間有得叫小菜嘅冰室！入到黎就感受到濃濃嘅舊香港風味，但又裝修得幾新淨同舒服！同埋keep住好多人入黎食，好彩我地早左黎食飯🥹Menu有好多選擇，最後都係想叫啲煮家餸🤤 🍽️黑松露珍珠帶子炒滑蛋配飯炒蛋煮得好滑，帶子又彈牙，係完美結合！混埋嗰啲黑松露嘅香氣，每一啖都令人回味無窮！🍽️金銀蒜粉絲蒸勝瓜勝瓜底下鋪滿左粉絲，加上金銀蒜嘅爽脆口感，味道清新得嚟食落去好有層次，就連我朋友都讚不絕口！🍽️紅燒BB乳鴿肉質緊密而多汁，外層嘅紅燒香味濃郁，啖啖肉，份量亦都十足！🥛蛋白杏仁茶呢杯要大讚，好好飲👍🏻👍🏻👍🏻 蛋白好滑，杏仁香味岩岩好，甜而不膩🤤加錢飲呢杯係值得的！仲有送左兩碗中湯，有肉有瓜可以食，好有誠意👍🏻呢間冰室野食唔錯，價錢算合理，亦都坐得舒服👍🏻

商場一個路口之隔，新蒲崗舊街有各類老店小店，有時想大快朵頤就會來覓食。下午茶離不開常餐，但由於瞄到鄰桌的巨大熱狗實在吸引，馬上跟隊柯打潛艇包。粗略估計下午茶選擇多達50款，我用了好一段時間研究餐牌，最後點它家的沙嗲王包茶餐。茶記份量，西餐的企理，還有香港人最愛的‘多肉多醬’，凍華田亦夠濃味。雜果沙律是地道的口味，全是罐頭水果。可能有洗走糖水果肉不會過份甜，而沙律醬也較輕盈容易入口。炒過的洋蔥甜但不辣。沙嗲有點像是用老牌香港醬料廠出品，混有花生碎，牛肉片份量大方，配包食的確惹味。潛艇包極軟熟但又可以挺起醬汁，內外也是烘底的。另外加了一份脆脆雞$22，原來是雞塊，這價錢有六件也不錯。凍華田非常濃味～ 表面有一層糖粉，趁冰塊溶化前空口食先會脆。還有特飲雖然要加錢，但容量又會比一般更多，我覺得很可以。整體食物價廉物美，無須將就價錢點菜，毫無無包袱，經過新蒲崗想再試試飯餐。

一個餐換兩次都有頭髮，我問服務員，他叫我自己去問他們，請問，我去問誰，第一次雞蛋有頭髮第二次沙拉裡面有頭發，服務態度差，吃的一次不會在光顧。連鎖店都是這樣，真的怕吃這些了

呢間力天嘅早餐夠晒多選擇，港式早餐、西式早餐、歐式早餐、三文治早餐樣樣齊，而且味道都好好，住喺附近嘅朋友街坊真係好幸福😳今次揀咗港式早餐嚟食，料多又夠正，特別係個家鄉蝦米雪菜米粉👍🏻出面真係食唔到嘅味道👅而且鋪滿面頭，食一啖米粉就有一啖雪菜🤩 另外五香公仔麵都唔錯，個公仔麵夠晒彈啦🥰佢哋side dish配埋個炒滑蛋、火腿、芝士牛角包🥐真係勁豐富！而且個炒滑蛋勁香勁creamy,真係滑一滑😊朋友食完話唔夠飽叫多碗火腿鮑片絲通粉，好香雞湯味，而且火腿鮑包片絲都好多，唔似得出面其他茶餐廳咁好孤寒得過幾塊，果然係掂🫡

今天工作來到新蒲崗，工作完畢，和同事來到崇齡街的「力天冰室」食飯，餐廳光猛整潔，有很多卡位，坐得舒服。大大本的餐牌，餸菜選擇非常多，不單晚餐上菜速度快，連其他小菜都一樣咁快，值得稱讚。有紅湯和中湯兩款選擇《乾炒牛河》$68牛河賣相不錯，河粉條條分開，不會黐住一嚿，夾雜著爽口的芽菜和三色椒，還有鮮嫩的牛肉片，不錯。《西蘭花炒鮮魷》$88混合了XO醬一齊炒，非常惹味，西蘭花爽脆，魷魚鮮甜。《馬拉盞豬潤鮮雞煲》$88馬拉盞不單炒通菜好吃，混入新鮮的豬潤和雞肉一起煮，加上濃郁的芡汁，絕對美味。紅豆冰加8元，抵飲

午膳時間餐廳都人頭湧湧，非常之熱鬧。午市套餐嘅選擇都非常之多，我哋今次叫咗西冷牛扒配黑椒汁 白飯❤️蔥油五目腸香茅豬扒 飯❤️剁椒蒸黃立䱽❤️餐湯有冬瓜清補涼湯❤️羅宋湯❤️先講條黃立䱽非常之惹味，食起上嚟一啲都唔辣，就算佢好似有好多辣椒，入口好惹味，而且非常之鮮味可口，魚肉肉質嫩滑，唔算好大條，但一個人食啱啱好！西冷嘅牛味香濃，而且有返咁上下厚度，醬汁嘅份量亦都啱啱好白飯殺手！豬扒更加香脆鬆軟，夾埋啲蔥油夠晒惹味

去 Mikiki 行街，但對商場的餐廳已經食厭了，所以行出去搵食。到力天冰室，位於新蒲崗崇齡街81-83號崇齡大廈地舖。 ▫️常餐 $56 🍜 ～ 生滾夠薑豬潤公仔麵、太陽蛋配煉奶丹麥酥、 熱華田， 豬潤好硬， 湯底薑味好重， 煉奶丹麥酥幾好食。 ▫️午餐 $62 🍛 ～ 鮮茄焗豬扒飯、例湯、熱檸茶，之前要羅宋湯非常稀，轉了中湯，味道普通。 鮮茄焗豬扒飯即叫即焗熱辣辣，豬扒口感偏韌。 個人感覺，味道普通。🏷️溫馨提示～ 整個用餐體驗均屬個人分享意見， 只作參考😊。

今日去咗新蒲崗附近搵食, 係Mikiki附近其實有好多不同顃型嘅餐廳，今次我試下冰室先,佢呢間唔止係食常餐嘅冰室，佢仲有好多唔同種顃嘅茶餐廳嘅美食，佢似摩登嘅茶餐廳，環境舒適，坐得舒服 好多冰室都係千篇一律, 佢最吸引我係竟然有廣東小炒菜式, 破例D今次叫小炒, 見到有菠蘿咕嚕炒蝦球就想試一試，同埋叫咗個上湯菜芯，凍檸茶咁 菠蘿咕嚕炒蝦球，份量都大份，炒得都有鑊氣，食落酸酸甜甜，蝦球都好大隻，咬落都好彈牙，仲有大舊舊嘅菠蘿，好開胃，送飯一流, 仲有例湯係合掌瓜紅蘿蔔粟米湯，足料老火湯冇師傅，都唔差 上湯菜芯，清清地，份量都大份，唔叫炒菜芯因為怕油得滯 以冰室嚟講, 佢都唔錯，有大排檔嘅鑊氣小炒，仲有其他焗飯，常餐，雞煲，扒餐，炒粉麵飯，連派對到會都有, 梗有一樣啱口味

今日去咗新蒲崗「力天冰室」來一個late lunch …雖然是Teatime時間，但仍然有好多選擇⋯⋯我被一個碎蛋沙律菠蘿油配特濃華田脆脆吸引咗所以雖然我已經叫咗個無骨海南雞飯都忍唔住叫多個菠蘿油😆😆個碎蛋沙律菠蘿油，超碎蛋沙律🥗和蕃茄生菜墊底味道不錯菠蘿包口感軟棉，個皮好脆👍特濃華田脆脆味道唔錯，真係好香濃🤭無骨海南雞飯，佢真係一啲骨都冇連雞翼嗰啲都去晒骨！個湯可以揀羅宋湯或者中湯！有啲酸青瓜墊底可以去嚇油膩感🤪😂

今日20/3 主人遲左收工，9:30 pm 先帶我去食飯，好多都開始收檔，最後搵到一間茶餐廳係有埋宵夜時段（10:30後開始）。我去到未夠10:30 ，而主人又趕住要返去搵奶粉錢，我地見餐廳牌頭寫住鐵板專家，所以一人叫左一間鐵板 。-鐵板避風塘龍王炒麵 $76 紅豆冰 特飲+$8 -鐵板麻辣海鮮炒烏冬 $76凍檸茶少甜 +$3 我鐘意麻辣海鮮烏冬多D , 我鐘意食辣 ，夠惹味，辣度岩岩好，唔會過辣。主人碟--鐵板避風塘龍王炒麵 ，就夠鑊氣，鐵板上夠香口 。鐵板方面依間茶餐廳算性價比高👍🏻飲品方面為正常茶餐廳水準 。大多算坐位都係卡位，坐得舒適。價錢：🌟🌟🌟🌟🌟環境：🌟🌟🌟🌟食物：🌟🌟🌟🌟性價比：🌟🌟🌟🌟🌟力天冰室 (新蒲崗)新蒲崗崇齡街81-83號崇齡大廈地舖

$108 鐵板牛扒餐,竟然一塊牛扒分三塊細嘅上,但好明顯啲三塊係你至三個唔同嘅部位,即係買剩一次過砌一份畀你？真係未試過叫扒會咁會分三塊唔同大細唔同部位,重點係仲要全部都好多肋,根本咬唔開真係唔知講乜好,唔好咁隨便,咁求其,尊重下啲下好唔好,都係嗰句,如果你係客,你畀人咁樣對待,你自己心入面會唔會唔開心先,啱啱新開見你哋都ok,經常幫襯,而家係生意好啲就樣樣多好求其、不想多講，之前已經中過招，係其他問題。建議你哋畀返少少心出嚟做，唔好咁求其！

今天晚上，我和姊姊到位於新蒲崗崇齡街的力天冰室享用簡便晚餐。這家茶餐廳以其精緻的廚藝和高水準的食材聞名，讓我們期待已久。我們點了三文魚卡邦尼意粉、玫瑰醉鸭舌和三文魚凯撒沙律，搭配了熱奶茶和熱杏仁霜。首先上桌的是三文魚卡邦尼意粉，每一條魚片都新鮮而彈牙，淋上濃郁的奶油醬汁，讓人垂涎欲滴。接著是玫瑰醉鸭舌，鴨舌經過特別處理後變得香滑多汁，再淋上玫瑰醬汁，散發出迷人的香氣。三文魚凯撒沙律清爽爽口，讓整餐更添一絲清新的風味。飲品方面，熱奶茶和熱杏仁霜都經過用心烹調。奶茶濃厚香醇，喝起來非常適合配搭我們的主菜，而熱杏仁霜則帶有淡淡的杏仁香，滑順可口，消暑解膩。整餐的用餐體驗讓我們驚艷不已，這間水準高的茶餐廳不僅提供優質的食物，更重視食材的選擇和烹飪技巧。我們在這裡度過了一個愉快的晚上，並且決定以後一定會再來品嚐不同的美食。力天冰室絕對是一個讓人回味無窮的用餐地點，每個菜色都展現著廚師們的用心和專業，讓人印象深刻。