劉興記生煎包專門店

營業中

休息中

近排開左好多分店，一於一試究竟，的確算水準之上，有平民街坊感覺。**爆汁生煎包**外皮唔算厚，一定要細口咬，湯汁瞬間爆出，豬肉餡足料新鮮。**小籠包**皮薄，湯汁濃郁。**上海排骨菜飯**排骨炸至金黃，外酥內嫩。**蔥油雞扒拌麵**雞肉脆皮多汁，麵條蔥香夠，彈牙的麵條有口感。**豆沙窩餅**但皮唔夠酥脆，內餡唔夠多。人均$70-$80，可以食到超飽，豆漿仲要無限添飲，樓面姐姐都好熱情，性價比好高。

喺上環返工放lunch見到呢間人流都幾多就試吓，以為價錢唔平點知原來套餐都只係50幾蚊，仲有豆漿任飲！ 今次就試咗麻醬手撕雞粉皮加生煎包一隻 ($54)，汁另上非常貼心，可以按自己嘅口味加，生煎包嘅底煎得非常香脆，好有咬口，入面嘅湯汁好鮮甜，個味道好balance，粉皮都幾大碗，好多青瓜絲，夏天食呢個就好清爽啦！豆漿任飲都幾不錯，豆漿非常香濃，唔會太甜，飲得出係真材實料比起市面上嘅更加濃稠！最後仲叫多咗兩粒生煎包$20，抵食！

劉興記爆汁滋味生煎包試咗鷄絲酸辣湯，真係俾我一個驚喜！湯底酸酸辣辣，味道層次分明，唔會太過刺激，正好可以開胃。裡面嘅鷄絲鮮嫩，搭配嘅豆腐同蔬菜，令整碗湯更加豐富。好少見啲雞絲既量可以就咁撈出嚟，仲咁多咁明顯隨餐仲有生煎包，外皮金黃酥脆，內裡汁多肉嫩，咬落去真係好滿足咬落去即刻爆汁，記得要喺個頂度咬開一小口飲咗啲湯先😂特別係熱辣辣的時候，搭配湯品，簡直完美😌另外散叫試咗蟹黃生煎包，蟹肉味道濃郁，真係好有誠意，完全唔會令我失望。呢一餐雖然簡單，但每一樣食物都充滿心思，真係好推介！如果呢頭返開工，晏晝食個輕鬆又好味的地方，劉興記絕對值得一試

今早8號風球懸掛，但官方已預告下午12時40分改掛3號風球，避免碰上返工人潮，我和好友提早出發午膳，好友提議位於上環文咸東街2號地舖的劉興記生煎包專門店食爆汁生煎包。小店型式經營，店長友善。我點左個皇牌套餐 $54：招牌上海排骨菜飯+生煎包1隻；好友也點左個皇牌套餐 $54：葱油雞扒菜飯+生煎包1隻。另外點左招牌生煎包8隻 $60。套餐配豆漿，可無限添飲。生煎包熱辣辣上檯時，店長提醒小心燙口（好窩心呀），待會兒已急不及待地吃起來，真係爆汁好味👍👍！排骨香酥入味，雞扒皮脆肉嫩，菜飯香腍好食。豆漿豆味香濃，好好飲。

🏙️上環一帶有很多特色小餐廳，尤其是集中在禧利街和文咸東街，🍱是上環打工人午飯首選之地。🥟劉興記最出名的就是爆汁生煎包，$60有8隻，午飯時間同事夾份買剛剛好，另有套餐提供，一碗上海菜飯+1隻生煎包+一杯豆漿就只是$54，真是為打工人午飯而設。🥟生煎包 $30/4隻熱辣辣爆汁生煎包是劉興記的招牌菜式。生煎包的皮煎得金黃香脆，內里的肉餡鮮嫩，🍖湯汁用鮮雞和豬骨煮食，鮮甜又不油膩，💦每隻咬入口整個口腔都是噴射式爆湯汁。面頭灑上黑芝麻粒十分滋味。👨‍🍳由於即叫即整，⏱️所以需要等小小時間，以質素來說很值得等待。🥬蔥油雞扒菜飯 $42上海菜飯是另一款招牌菜。🍗雞扒薄切但保肉質鮮嫩又軟腍，🥦菜飯用的是當季新鮮蔬菜，口感清爽，營養均衡，而且份量十足，性價比特別高。🥛低糖豆漿 $8豆味濃郁，甜度適中。📍劉興記生煎包專門店 🏠上環文咸東街2號地鋪⏰12:00 - 20:00🚙港鐵上環站A2出口，步行約2分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilo

餐廳：劉興記生煎包專門店地點：上環文咸東街菜式：上海菜餐牌：皇牌推介、健康菜飯類、湯麵類、拌麵類、蟹粉類、小食類、涼拌類、餅類、飲品，都有人氣熱賣皇牌套餐。人氣熱賣皇牌套餐可以選擇唔同配搭加唔同數量生煎包。麻醬手撕雞絲粉皮 + 生煎包2隻 $54生煎包生煎包熱辣辣上枱！一咬入去就爆汁，而個湯唔會太油，啲肉都鮮，份量唔少。個底好脆，面頭灑上黑芝麻粒。可以加枱上面黑醋食，更好味又可降溫。麻醬手撕雞絲粉皮麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲，灑上白芝麻粒。叫左麻醬另上，自己加最好。皇牌套餐奉送豆漿一杯。豆漿用茶杯裝，係凍嘅，都幾好飲。袐製上海炸排骨 $22袐製上海炸排骨多得誇張，一開7/8件，炸得外脆內嫩，瘦多肥少，肉質好嫩，超多肉食，一級棒。蟹黃生煎包 $18 一隻另外多叫兩隻蟹黃生煎包食食。蟹黃生煎包真係有好多蟹糕同蟹肉喺入面，面頭加上黑白芝麻粒。總括而言，呢度生煎包多汁又脆底，其他食物質素都唔錯，炸排骨特別好食。平日午餐時間好多人，好多外賣單，入面有堂食位十幾個。

平日下午諗唔到食咩都會搵小食食，今日經過劉興記生煎包，全人手製造新鮮即整，餐牌有有套餐價，咁岩現貨賣晒，店餐後廚師再整，真真正正即叫即整！！蟹皇生煎包 $18隻同招牌生煎包一樣都係靚爆汁傳統方法人手包製爆蟹皇汁彎超濃郁嘅蟹味裏面有一粒粒蟹膏同埋蟹肉皮脆餡嫩好香*食生煎包時候要小心湯汁湯汁熱辣辣而且多汁，會噴射爆汁雞絲酸辣湯小雲吞 $32酸度十足惹味 個人而言有點過份酸 不用額外加醋用料用心，每一件都大大件小雲吞細細粒 皮薄肉嫩 溫馨提示：小心爆汁亂飛，要用匙羹兜住食唔好浪費唻d汁呀 劉興記生煎包專門店「劉興記」上環文咸東街2號地舖

🌸雞絲酸辣湯小雲吞｜$32酸辣醒胃，湯中有木耳絲、筍絲、6粒彈牙小雲吞。🌸麻醬手撕雞絲粉皮｜$35麻醬濃郁，粉皮爽口彈牙，仲有青瓜絲令整體更加清爽🌸招牌生煎包｜$20/2隻🌸蟹黃生煎包｜@18/1隻兩款生煎包都爆多汁，咬果彈小心啲汁噴出黎噴到件衫。外皮煎到好脆，個人偏向中意原味多少少，比較鮮甜～🌸秘製上海炸排骨｜$22外層酥脆，肉質鬆軟，會有豬扒汁比你落，酸酸甜甜地更解膩🍹凍低糖豆漿｜$8

嗰日去中環買嘢，行到差唔多開始肚餓，決定去搵嘢食。行到上環附近見到間劉興記，爆汁生煎包非常出名。夜晚去到人唔多，好快坐低咗。多款王牌套餐可供選擇。招牌上海排骨菜飯，味道層豐富，甘香鬆化，加埋菜飯，絕對完美配合。麻醬手撕雞絲粉皮，滑嫩彈牙，雞肉嫩滑。生炸雞扒蔥油拌麵，充滿蔥油醬香，雞扒皮脆肉滑。海鮮雞湯小雲吞，外皮厚度適中，滑溜可口，內餡足料。招牌生煎包，新鮮即煎，粒粒爆汁 。豆漿套餐奉送豆漿一杯，豆味濃郁。

話説是日 highlight 係當食第一隻招牌生煎包嘅時候個汁係直噴咗落朋友條腿上面😂😂😂 老貓燒鬚咪係呢啲~不過都側面證明真係湯汁十足，一啖爆滿！焦底脆脆加鬆軟嘅包子，唯一係個底有啲厚身要扣啲分除咗招牌生煎包之外我哋都叫咗蟹粉生煎包（$18一隻抵食喎），兩款比較下蟹粉係真係更加甘香鮮美~主食嘅麻醬雞絲粉皮 欣賞佢嘅粉皮夠滑溜而且個麻醬香得嚟唔會太杰身，口感比較清爽唔膩~加埋雞絲同青瓜更加豐富~上海排骨菜飯 豬扒炸到金黃，無骨厚身啖啖肉，枱面仲有微酸嘅豬扒汁比你加添更加開胃。菜飯乾身而菜依然鮮綠唔靡爛甜品嘅手功豆沙窩餅出奇哋唔太甜，口感外脆內軟，簡單但好食~上環店面唔大，但晚市無咁多人所以唔會好迫會坐得舒服啲~

之前喺旺角試過佢嘅分店，而今日咁啱去開上環附近見到依間主打生煎包店嘅店舖，午餐時間就決定咗食佢醫肚啦🫡 價錢絕對係抵又大份，啱晒附近返工嘅打工仔食🍲 生炸雞扒蔥油拌麵（$42） ：份量其實都好大，雞扒係即叫即炸，所以好脆卜卜，肉質好Juicy . 🍲 鮮雞湯小雲吞-12粒（$30） ： 小雲吞配以係濃烈既雞湯味道好好食🥢招牌生煎包-2個（$20） ：作為生煎包專門店點可以唔買生煎包呢？由於係即叫即整，所以需要等小小時間。 食嘅時候真係要小心啲，因為係真係爆漿㗎！🤣🤩🤩 滿滿嘅肉汁爆出嚟成件事好吸引，啲肉質非常之Juicy肥瘦岩岩好！ 🥢蟹黃生煎包（ $18 ）：除咗招牌生煎包外仲有特別口味就係蟹黃生煎包🦀 食嘅時候都要小心，因為係會爆漿的，蟹黃好足 🤩🦀🥛 低糖豆漿（凍）（$8） ： 竟然係任飲！？只要滿$60就可以飲飲豆漿 ，真係唔係講笑！ 咁嘅價錢任飲其實真係超級抵！

嗰日去開中環經過劉興記，最出名生煎包，於是同朋友一齊去食。餐廳位於文咸東街。餐廳有少量座位。多款飯類、湯麵、小食可供選擇。上海排骨菜飯上海排骨菜飯，有肉有菜，選用無骨豬扒，啖啖肉。秘製上海炸排骨剪細方便進食，豬扒黃金香脆。生煎包皮薄香脆，肉餡多汁，味道鮮甜。麻醬手撕雞粉皮口感彈牙，搭配醬汁，非常開胃。雞湯小雲吞濃郁雞湯，肉味飽滿，外皮厚度適中，內餡足料。生炸雞扒蔥油拌麵葱香濃郁撲鼻，雞扒皮脆肉滑。手功豆沙窩餅甜而不膩，雙重口感，外酥內軟。豆漿口感滑順、味道濃郁。

今日中午，我到了公司附近的一間專門吃生煎包的餐廳吃午飯。這間餐廳我一直很想去，但是由於每次午飯時間都排滿人，因此今天終於扚起心肝去嘗試。我們兩個人叫了：🥟 招牌生煎包4隻 Signature Pan-fried buns 4pcs $30✨ 這個是必點！生煎包的皮煎得很脆，內裏的肉汁鮮嫩，上面灑上芝麻，很滋味。不過吃的時候要小心，內裏的肉汁很熱，咬下去很容易濺到滿嘴都是，記得帶紙巾！🐷 上海排骨菜飯Shanghai-style fried pork chop with vegetable rice $42✨ 這道上海排骨菜飯份量十足。排骨被烤得金黃酥脆，外層的糖衣微焦，帶著一絲絲的甜味，與排骨的鮮嫩肉質相得益彰。菜飯採用的是當季新鮮蔬菜，口感清爽，與烤得香脆的排骨形成了極佳的對比。不僅色香味俱佳，而且營養均衡，另一必點之選。🍜 招牌擔擔麵 Dan Dan noodles $42✨ 這款擔擔麵真係好出色，湯底有濃郁嘅花生醬味，麵條口感滑爽有彈性。每一口都充滿咗豐富嘅味道同層次感，絕對唔可以錯過。🥒 麻醬青瓜絲涼皮（素）Green bean noodles with sesame sauc

嚟到試下人氣熱賣皇牌套餐，價值$54嘅皇牌1 ：招牌上海排骨菜飯 + 生煎包+豆漿上海排骨有驚喜，外層炸到脆扑扑，入面嘅肉夠淋又保持到足夠嘅肉汁，係成個餐嘅精華，果然係招牌！跟嘅菜飯就普普通通，份量啱細食嘅女仔，男仔嘅話應該5-6成飽。生煎包，原本最期待嘅食物，內層嘅肉夠香同埋多肉汁，但外層嘅皮煎到太硬，要用d牙力先咬到，扣分。豆漿係最失敗，雖然呢杯豆漿係送嘅，理論上都唔應該要求太多。但一來杯豆漿勁細杯，二來係淡如水！你話無糖豆漿無問題，但連豆香味都無，不如就咁俾杯水算啦。雖然以中西區嚟講價錢上有競爭力，但質素有待提升

呢間野越黎越難食, 食物質素不斷下降, 可能做起左, 就入晒D無質素既材料, 嘩, 生煎包D豬肉有陣陣怪味, 豆漿仲衰, 超級難飲, 唔明點解同一條街仲可以有兩間分店