劉一手重慶火鍋 (又一城) (已結業)

明明今日卜左9點鐘 八點鐘再打黎問你地會唔會閂你地答我坐到十一點都得跟住我9點黎到 你同我講改左10點閂喂我卜左台架喎 你唔預先通知我？你咁樣對客都得？你宜家浪費哂我時間

禮拜日晚打算去打下邊撈，點知道服務差，食材差，湯底差。從湯底講起，完全唔夠味道，麻辣火鍋，但唔麻唔辣。另外，叫多一個湯底，完全唔夠味道。另外，調味料唔足夠。食材，牛肉唔新鮮，蔬菜仲ok。同樣價錢，有更多好選擇。

遲來了的八號波，不過無阻我同家人外出打邊爐🤪出面風大雨大，最好就梗係匿入商場揾食。可能因為打風關係，所以我哋唔洗等位可以直入。食物價錢都唔算太貴，同平時出街打邊爐個價錢都差唔多喎！湯底我哋叫咗鴛鴦鍋，分別係麻辣鍋同椰子雞鍋，一嚟到見到麻辣嗰邊有一大片牛油磚浮起，好驚嚇😱不過呢個應該係精髓，可以令成個鍋昇華，辣味唔算重到食唔到，對我來說剛好，亦帶有麻香，放啲寬粉索晒啲湯，超正！另一邊嘅椰子雞湯都好正，有椰子味，雞都算滑，湯底好好飲，我係咁飲😙其他火鍋配料都唔錯，我覺得最好味係雲吞同皇帝菜，另外午餐肉都係必食，同麻辣湯出奇地夾！服務就正常啦，不過喺唔太full之下都有漏單都送出食物情況，需要改善吓。

Welcome back‼️ Liu's Chong Qing Hot Pot♨️🥢🥳..想吃麻辣火鍋❓ 第一時間會諗起四川重慶吧。而重慶著名「劉一手重慶火鍋」已經引入香港，位於九龍塘又一城既首間直營店🥢 經已正式開張喇🎉，當然不能不吃👻。新店以重慶洪崖洞`傳統吊腳樓為主題既室內設計，不但先予人煥然一新既視覺印象，食物配方 & 選擇亦全面升級，包括：招牌火鍋湯底♨️、分店獨有既重慶 一人小鍋麵🍜、川渝風刺身丼飯套餐🍱，足以印證「劉一手」的堅毅景願➖以嶄新容貌 再現香港，為香港人帶來川渝最地道、最動人既火鍋滋味 。ll $228 per personLiu's Sukiyaki Pot Set Lunch🥢✨湯底：Duo Pot 鴛鴦鍋 (麻辣 & 山珍雜菌鍋)✨前菜：迷你刺身丼、涼菜、時令沙律✨主菜：鹿兒島黑毛豬五花腩、嫩雞肉、美國牛小排、豬頸肉、A4鹿兒島和牛三角腩 +$68、精選海鮮 +$68✨配菜：蔬菜豆腐拼盤、鴨血、魚樣餃、貢丸、墨魚丸✨飯麵：紅薯粉✨甜品：黑糖糍粑✨飲品：酸梅洛神花茶 & 黑糖珍珠奶 +$18Lunch 一個套餐已經超豐富❤️，有齊涼菜、丼飯、沙律、火鍋靚肉、配菜葷類

繼去年劉一手重慶火鍋全線分店結業後，無諗過一年後，咁快又再翻黎同大家見面。 可能佢都知道你冇得返大陸打邊爐會大掛住個麻辣湯底，於是Gaia Group再度引入，等你可以重溫個美味。 今年再度回歸香港，唔再係銅鑼灣開分店，反而選擇了選九龍塘又一城，我估價錢風格定位同以前都會有少少分別。 最重要係招牌麻辣湯底唔同左，不是一味重牛油死辣，今次係辣得來又溫柔體貼，佢嘅辣方紅油麻辣紅油湯，用上幾種不同辣嘅椒如漢源花椒，貢椒同二荊條等等，仲有多種唔同嘅中藥材香料，辣得來非常之溫和。 選擇了放假weekday 同屋企人嚟食飯，選三種唔同嘅肉類，再加上有菜，丸類，魚生丼飯，一位都係$228起，仲要係一個有新又舒適嘅環境打邊爐，包湯底，都幾抵。 最好都係要鴛鴦湯底，驚阿媽太辣食唔到，但係後期我哋都主攻辣湯。 多種唔同嘅肉類，感覺都幾出色，五花腩，雞肉，牛小排當然不錯，我反而特別喜歡豬頸肉。 貢丸，墨魚丸，菜類都係正常水準，但係個辣湯底食烏冬同薯粉就一定最出色。 當然仲有鴨紅同好吸味嘅芋絲啦。 最尾一定要食個紅糖糍粑，加個黑糖飲品，解辣又好食。

從來不寫食評的我今次忍不到了！😡😡😡人均接近$1000 得到的服務是極差，完全難以接受。（補充：海鮮都沒有食，只係好普通食咗牛肉丶丸丶同埋飲啤酒）Book 7:30 不過沒有準時入座（其實喺香港呢個情況都好好普遍，本來不值得投訴，不過佢出單叫你走就好準時）唔理你食幾多錢，你只有90分鐘時間食完好走人！我差啲以為自己去咗任食火鍋。冇提供飲品餐牌，要問先會有。張凳坐落去會感覺到有鐵支，梳化位就感覺比較硬，完全唔好坐。食物上咗四五樣，湯底先至來，等咗好耐先發現佢冇滾起，原來冇人開爐，要自己開爐。湯底裏面嘅牛油都冇溶解，完全冇準備好就給客人。（記住呀！人哋唔理你㗎，你夠鐘都係要埋單走人）8:40 就要我last order出埋單要我找數！賣咗單之後，有嘢未食完都想收走佢！我哋叫住佢，職員有同我道歉，不過我話唔使啦，我對你呢間餐廳已經冇晒期望。9:07 走人，我仲以為佢好多人等緊位，點知出到門口咩人都冇整體用餐感覺：收費不合理！服務極差！食物一般！永無下次！

最愛火鍋🍲最愛麻辣火鍋🍲🌶約左人去九龍塘當然要食返餐！呢間高質～ 係我的最愛之一 今日打算食埋海鮮, 所以揀左個鴛鴦鍋 （麻辣+皮蛋芫荽湯底）真係不得了, 一心想黎食麻辣鍋佢既lunch set 竟然仲可以揀幾款精緻前菜 同埋 迷你魚生飯😱😱仲要唔係格硬配合、 而係高質好食既～ 除左魚生飯、仲有沙律啦, 特式小食係合挑銀魚仔～精選主菜每人可以揀三款所以我地兩個揀晒六款 ：鹿兒島黑無豬五花腩、A4鹿兒島黃牛三角腩見到腩紋就知不得了～ 放埋落口～ yum yum 🤤好滿足呀美國牛小排、嫩雞肉、豬頸肉而精選海鮮⋯有長腳蟹腳、鮑魚、卜卜大蜆、魷魚同埋皇帝蟹柳真係超值架！配菜都極豐富：麻辣火鍋必食鴨血、魚皮餃、貢丸、墨魚丸、蔬菜豆腐拼盤～ 放晒落皮蛋芫荽湯底～連湯飲埋都仲得連麵食都可以揀兩款最愛紅薯粉 + 重慶小麵🍜仲有甜品： 黑糖糍粑🍢 野飲我地一樣揀左： 酸梅洛神花茶🍹呢一餐真係好爽呀

一見到網上講九龍塘又一城新開劉一手重慶火鍋即刻約埋朋友黎試下，真係好耐無食過重慶火鍋餐廳環境好舒服，位置都幾闊落每張枱都會有一個調味架，仲有圍裙，好貼心店員先送一罐香油，兩人一罐食物煮完後沾上，話會無咁刺激個胃點左個鴛鴦湯底，一邊係招牌麻辣紅油湯底，另一邊係椰子雞湯鴛鴦湯底無另人失望，帶點中藥材香氣，辣得過癮椰子雞湯相當滋養，裡面更有不少雞件個人鐘意用黎煮蔬菜，特別鮮甜牛小排，油花幾靚，牛肉細嫩招牌內臟拼盤每樣少少，個人最鐘意食毛肚，好爽口田園蔬菜拼盤有生菜，娃娃菜，冬菇，金菇，本菇等等都幾新鮮重慶小麵呢個又係必點，吸哂d麻辣湯真係好好食麵質又有咬口黑糖糍粑可以即食，熱辣辣，入口軟硬適中蘸上少許黑糖醬黎食，不得了百香芒果茉莉茶解下辣都幾好飲，又唔會太甜，裡面仲有冰粉

午巿去食，都係要嘟安心出行、量體温等正常動作。門口一個比較高級的知客，會先問你食咩套餐。呢度午巿提供小鍋或打邊爐。如果你答食小鍋或丼飯，會被安排坐商場出面。由於出面太焗，同會有個大喇叭喺身邊，所以我哋要求換位。呢位高級知客答你：「商場有冷氣㗎啦！裡面只係畀打邊爐嘅人坐。」吓，我夠知商場有冷氣啦？知客待客態度惡劣，完全冇諗過幫手解決問題，只係想顧客越食越勞氣~臨走想拎走餐單望又唔畀，非常神奇的飲食體驗。

特惠刺身丼火鍋午市套餐 💲228 /位A4 鹿兒島和牛三角腩 +💲68✅ 成個套餐好豐富🤤 放到成枱都係食物，款式精緻🍱✅ A4和牛三角絕對係入口即溶🧊 而且充滿和牛脂肪既甘甜，雪花簡直係靚到令人唔捨得擺落去淥❄️✅ Prime牛小排同雞肉有水準🐮🐔 肉質都比出面食到嘅更加嫩滑👅Taste：7.25/10💰CP值：7/10🙋🏻‍♀️Service：6.75/10👁‍🗨Stylishness：7.25/10

收咁嘅價錢竟然限時入座90分鐘，仲要去到先話你知，唔通成家人臨時轉場再揾地方咩，人手又唔夠，個鍋上枱淨番60分鐘，最後10分鐘已催埋單，服務質素員工態度亦麻麻。由接待到落單到埋單，都係趕客咁樣。啲卡位又迫，健碩啲或者腳長啲都會坐得唔舒服。隔離嗰枱出聲話好迫想轉枱，服務員竟然叫我哋起起身，原來卡位張櫈係郁得嘅，佢想移過啲我哋嗰邊，其實我哋都迫迫地。最後為咗趕交枱要擒擒青咁食，仲一路食一路有員工收緊枱。雖然唔係叫最貴嘅嘢，但4個人埋單都over$3000，係咪應該有好啲嘅服務呢？雖然服務質素差，但食物質素不錯，尤其牛肉同海鮮。而麻辣湯底羶味很大，不是一般人可接受。

好耐冇食過劉一手啦！原來而家下晝時間有特惠刺身丼火鍋午市套餐！刺身丼加埋火鍋真係一個好新絴既組合！套餐 $228/ 位！包括咗前菜迷你刺身丼、特色涼菜同埋沙律！鍋底可以選擇鴛鴦鍋，所以我哋揀咗麻辣湯同山珍雜菌鍋！雜菌湯係開始打邊爐之前大家都可以飲返碗先！主菜有美國牛小排或者鹿兒島黑毛豬五花腩， 或者可以加錢升級要和牛或者精選海鮮！我同朋友就叫左美國牛小排，個質素都幾高呀！另外套餐仲會有蔬菜豆腐拼盤、鴨血、魚皮餃、頁丸同埋墨魚丸！仲會有一款主食， 我哋揀咗烏冬同埋紅薯粉！ 紅薯粉用麻辣湯去煮，入晒味好好味！最後仲會有甜品䉺糖糍粑同埋飲品，䉺糖糍粑外脆內軟，煙煙韌韌！成個套餐我地 2個女仔食都好飽，套餐仲可以額外追加其他配料！偶然午餐食吓火鍋都唔錯

上星期和媽媽一起到九龍塘又一城行街，順道在商場食lunch😚因為太耐沒有食火鍋，所以決定去這間重慶劉一手食辣嘢，看到餐牌上的特惠刺身丼火鍋午市套餐，只有$228，但就包含火鍋、迷你刺身丼、沙律、甜品、飲料等等，真是很豐富😋——————————🔹前菜 (迷你刺身丼/特色涼菜/時令沙律)前菜份量都有不少，刺身丼有三文魚、吞拿魚、油甘魚、青瓜和蛋，整體很新鮮足料，壽司飯亦夠凍😋沙律也有我喜歡的芝麻醬，旁邊的焦糖合桃炒魚仔是媽媽最愛，不錯☺️🔸主菜 (鹿兒島黑毛豬五花腩/美國牛小排)我們湯底選擇了招牌麻辣鍋和山珍雜菌鍋😋前者是小辣，但食起來不算辣，亦沒有麻的感覺😆而且有少少羊羶味😳 而山珍雜菌鍋本身都有不少蟲草、冬菇等雜菇，所以一開始都飲咗幾啖，健康好飲。放入五花腩和牛小排，即時變得很惹味！五花腩的肥膏比較多，但一點油膩感都沒有，食起來很嫩不鞋口😋；牛小排則切得薄薄，油花分布明顯，牛味亦很夠👍🏼🔹配菜配菜方面，有蔬菜豆腐拼盤、鴨血、魚皮餃、貢丸和墨魚丸。特別喜歡這裏的丸類，絕對不是平價貨，煮完後仍然保持彈牙爽口！🔸稻庭烏冬/重慶小面原來稻庭烏冬已經簡單煮過，大大縮短煮的時間，果然很彈牙；重慶小面

我本身自細就唔食得辣 一食親就會個頭好鬼痕所以咁多年嚟都冇乜點食 但朋友今次話呢一間 劉一手出名得嚟又真係好食 所以都叫做半推半就 陪朋友試下呢一間喺湯底嚟講 朋友為咗保險我唔會被辣死所以除咗必嗌嘅招牌 麻辣紅油湯底仲幫我叫咗個 皮蛋芫茜湯底雖然皮蛋芫茜唔係招牌 但睇得出好足料唔係求其俾個湯就算 再加上本身都係好味而我有少少驚嘅麻辣湯底 雖然朋友係叫中辣反而試咗之後 真係小小驚喜首先佢嘅中辣我都係勉強頂到但重點係佢係香辣 再帶少少麻感唔係坊間一般嗰隻普通死辣所以湯底嚟講 真係都幾出色因為我同朋友都係食肉獸所以主力都係叫肉類 另外再加多一個甜品首先想講下呢一個 醬油醃製豬肉片出面火鍋店 牛嘅質素數會好啲而豬肉通常都普遍一般麻麻但呢一間 再度令我有少少驚喜首先佢本身用醬油醃 拎上枱嘅時候已經感覺到嗰陣香味肉眼睇都都睇得出唔係超一般嘅肉肉嘅份量我都覺得好大塊的確係我喺出面食過 數一數二好食嘅豬肉片嚟到專食辣嘅火鍋店 冇理由唔點份 麻辣牛肉雖然我食得唔多 但都食咗三塊牛肉上面嘅香辣配料 係多到見唔到塊牛肉咁濟聞上去亦都係香香地嘅辣再配埋個麻辣湯底 食落去感覺係一種爽辣朋友就食得好爽好開心 但辣

「劉一手重慶火鍋」今年喺香港開設首間直營店，選址九龍塘又一城，地點方便就腳，裝修加入京劇臉譜元素，別具特色，我同朋友二話不說來朝聖。◾️湯底◾️🉐招牌一手辣方麻辣紅油湯底 （$98/半鍋）🌶🌶🌶 （+$10）🐓養生滋補花膠螺頭燉雞湯（$128/半鍋）麻辣湯底可選辣度，用料優質，包括：牛油脂肪、郫縣豆瓣醬、永州豆豉、貢椒、二荊條、漢源花椒，以及十多種中藥材香料，香辛麻辣，超正！我對花膠湯都係情有獨鍾，含豐富膠質嘅美味湯水，非常滋補，打邊爐前都忍唔住飲咗兩碗。⋄◾️牛肉◾️🐂麻辣牛肉（$198）基本上睇唔到牛肉片，因為全部都被辣椒覆蓋，係嗜辣朋友必點的！⋄◾️豬羊雞◾️🐷一手醬油醃製豬肉片（$98）⋄◾️內臟◾️🫁招牌內臟拼盤（$158）一個拼盤就包含多款內臟：鵝腸， 豬肝，鴨血，腰花，毛土。睇色澤已知用料新鮮，鴨血更是大塊厚切，性價比頗高。⋄◾️劉一手特色配料◾️🍢牛骨濃汁牛丸（$78）牛丸膠香滑彈牙，又大粒又美味，一份六粒，份量剛好。⋄◾️滑類◾️🐙油炸鬼墨魚滑（$88）喺炸油鬼中釀入墨魚滑，炸至金黃色，鬆脆香口，好食。⋄◾️手工餃子◾️🥟黑松露餃（$108/6隻）⋄◾️一手小食◾️🥠黑糖糍粑（$68）經典重慶甜食，