創食薈 (已結業)

非連鎖集團之小型Food court,小舗之萌芽地,好食者之大發現。老COME煎餅之招牌烤鴨煎餅,比北京填鴨更豐富,仲可自由添加配料,一試難忘飲杯之鳳梨椰果綠茶,清新美味又醒神。Lazy Burgers之手打牛肉漢堡,用料充足,用心製作。支持小店發揚光大

其實Venus都幾鐘意去美食廣場搵食，款式多價錢又大眾化，長沙灣新開創食薈 Food Creative主打本土小店，13間餐廳林立，打造特色美食聯合國，吃貨Venus都去試下其中幾間靚湯皇(鮑魚螺頭燉雞)湯對Venus嚟講真係好重要，簡直係無湯不歡，特別係燉湯，非常補身，美顏一流，依盅鮑魚螺頭燉雞，聽個名都知補，暖身又好味，飲得出真材實料十二味(酸菜魚)酸辣度適中，乎合香港人口味，魚肉嫩滑，超多酸菜送飯好開胃！不過個人認為可以再辣多d韓食亭(燒豬肉套餐)每一口都非常惹味，濃郁醬汁包實軟綿綿豬肉，連配菜洋蔥都入哂味，鐵板上保持溫熱，確保每啖口感麵屋一京(豚骨湯拉麵)D湯底濃郁到好似食緊沾麵湯底咁，濃而不膩，相信熬製時間都相當長，慢煮叉燒比起平日食的叉燒更幼滑，咬兩口已經溶，拉麵彈牙，推薦一下Lazy Burgers(墨西哥辣椒風味雞扒漢堡)兩個字形容：「好味」！淨講塊雞扒嫩滑得嚟又惹味，已經好出色，幾款醬汁搭配出來充滿層次感，爽口生菜好fresh，成個包都好有誠意飲杯(左：鮮奶冬瓜茶 右：芒果綠茶)台式飲品已經進駐香港人心，不過Venus都係第一次飲鮮奶冬瓜茶，出奇地好味，推介一試啊！芒

A姐成日都話我無主見，次次都話唔知食咩，其實人哋都係諗住就你之嘛！既然唔領情，新一年，新作風，就等我有主見，話食日本菜，點知A姐就話想食中菜，最正係另外兩位朋友話想食西餐......無主見又話人煩，依家各持己見又係煩。既然係咁，食Food Court就啱晒，自己想食咩就食咩！長沙灣創食薈Food Creative有中、港、西、日、韓、東南亞等10間餐廳，總有一款啱你！麵屋一京 - 豚骨濃湯一京拉麵M佬見到來自京都嘅過江龍拉麵店就話要試。一開始當然要飲咗嗰湯先啦，豬骨湯底呈乳白色，豚味濃郁，原來係用咗西班牙牧場豬嘅豬骨，再經過12小時熬製而成，一啲馬虎。薄切叉燒醃得好入味，有濃濃嘅醬油味，肉質柔軟，加埋味玉，真係好滿足！靚湯皇 - 濃湯花膠雞肶飯餐A姐話想飲啖湯，靚湯皇啱晒佢！花膠湯無添加味精，十分足料，入口仲有少少膠膠口。另外，隻特大雞肶真係好吸引，肉質嫩滑，性價比高。Lazy Burger - 雙層牛肉芝士巨漢堡嘩！嗰Burger真係好大個，份量十足，兩大舊漢堡扒，非常厚肉，而且牛味濃郁，真係一啖都咬唔晒！漢堡包好香脆，裏面加咗牛油微微煎過，特別香口，加埋新鮮蕃茄生菜同自家製醬汁，真