利星火鍋海鮮小炒

營業中

休息中

之前係Youtube 見名廚Ricky介紹，見到好似幾吸引，之後終於約左朋友去食。一出地鐵站就係，非常方便。我地之前book左位，不過就安排左一個角落位，頭頂咁岩係抽氣扇位，吹晒D熱風出黎，因為太熱，所以同伙計要求換枱，伙計二話不說幫我換枱，態度值得一讚，係唯獨有個大叔唔知係聽覺差定係本身慢活，要叫好多次先聽到。D 小炒水平冇令人失望，個招牌冰梅欖角骨好惹味，杏汁豬肺湯好夠味，冇畀杏汁搶晒D肉味，椒鹽九肚魚炸皮上枱時依然脆口，炒蜆冇沙多肉，個啫啫唐生菜煲八面更附送了兩隻蝦。唯一缺點就係環境太迫太嘈，枱與枱之間好迫，果晚咁岩隔離大枱坐左十人慶生，聲浪太大，我同朋友完全傾唔到計。不過整體係性價比高既，不妨一試。

This neighborhood restaurant is located in Sham Shui Po, near the two famous computer malls that I used to come very often when I was in high school. Have not been in this neighborhood for decades, it brings back a lot of memories, with the street still busy and full of people.Seated at a small table on the side, the place has the familiar ‘local’ ambience and vibe, with clippings from magazines about the restaurant, beer promotions, and a large TV on the wall. While the tables are quite packed,

2個人都可以飲下茶,叫一碟鼓油王炒麵及腸粉,份量非常充足。這家酒樓的飲茶菜單相當豐富。從傳統的港式點心如燒賣、蒸餃,到創意小吃如流沙包、鮮蝦腸等,應有盡有。不僅品種齊全,每一道菜式的口味和製作工藝都相當出色。這間小店位於街角一個近好多街邊檔的位置,環境雖然大而且有2層樓,但由於很多枱桌擺放,顯得有些擠逼。不過,這裡會免費附送湯水,服務態度也比較地道,給人一種復古的香港老店感覺。即使坐得不太寬敞,但仍然有不錯的用餐體驗。總的來說,深水埗利星酒家的飲茶絕對是好選擇。

今日嚟呢間新利星海鮮小炒火鍋店首先，叫咗一個$98嘅椒鹽銀魚腰果連埋加入都過百其實都有少少貴😂下次就應該未必叫啦，普通腰果跟住就試吓呢個招牌鐵板火焰聖子216/2條，最好食係呢個可以一試即場火焰俾你跟住就係呢個冰梅欖角骨有啲甜甜地咁樣都OK好食嘅跟住就係呢個黃金棒棒蝦超多鹹蛋黃，鍾意食鹹蛋黃嘅，你就要叫呢個真係超多鹹蛋黃跟住就呢個鐵板薑蔥魚卜 都幾香口 不過份量都幾少有兩嚿燒肉咁樣！跟住最後送咗一個桂花糕嘅魚仔俾你成為$898 二個人食

未夠7點已經坐滿咗一層半地方頗逼 幾乎背脊黐住後面嗰枱嘅背脊因為坐得好埋 所以都好嘈要俾啲心理準備～✧ 杏汁燉豬肺湯（小，$288）極推薦，杏汁冇落得少直情好似平時食甜品杏仁糊咁重杏味Even咬湯渣啲豬肉都滲咗好多杏汁出嚟記住book嘅時候要預訂埋～✧ 蜜汁爆鱔球（$208）鍾意食甜嘅朋友應該會like呢個外層炸得好脆之餘又夠甜✧ 砵仔焗魚腸（$108）✧ 招牌麗香卷（$118）除咗包住芋頭泥仲有帶子喺入面✧ 鐵板薑蔥鮮魚ト（$118）好受歡迎幾乎每一枱都有叫鐵板將個薑蔥味蒸哂出嚟有啲keng鼻tim✧ 金魚桂花杞子糕（？）最後送咗份甜品俾我地重片糖味 冇桂花渣所以都唔敢sure係桂花糕杞子就有一兩粒咁金魚形狀好特別✧ 白飯（$18/碗）✧ 茶芥（$16/位）少貴，茶味唔濃好普通嘅茶

提早慶祝父親節，屋企人揀咗呢間食飯。好耐之前已經食過呢一間，已經唔記得咗呢間有咩好食。大部份嘅餸都係屋企人叫。估唔到佢第一道餸就上咗肉絲炒麵先，已經俾佢打爆咗半個肚。個茨汁就打多咗少少，但個麵炸得幾乾身，雖然碟底都有好多油，好彩個麵炸得夠挺身啲油係滴落碟底，如果唔係個面嘅底部就成口油。冇特別留意到原來屋企人揀咗兩個骨，覺得加咗欖角醬嗰個係好食啲。個酥炸生蠔做得幾好，好怕呢啲脆漿粉好厚，但呢度個漿份做得幾薄，隻口仲好Juice。個焗魚腸就遜色咗少少，因為近排都有食過其他，有比較有傷害。另外個鮑魚花螺雞煲，你嘅時候用個Gas爐熱住上，嗰陣味都好正。鮑魚都好彈呀，食落似紐西蘭個款嘅鮑魚。花落熟咗啲雞煲汁超正，個雞都夠嫩滑。跟住個招牌炒飯就嚟，佢可能遇過石鍋有溫度，個飯炒得比較濕，因為份量比較多，不完幾碗之後鋪開啲飯再熱一熱佢，乾身咗仲好食。本來想加啲雞煲汁撈飯，但上檯後雞煲好快已經熄火，見到一層汁一層油就卻步咗。個牛柳粒就基本，唔算有驚喜。跟住食到九成飽最早點嗰半隻燒鵝先至到，店家話即燒，剛斬完上碟攤一攤再食，鵝肉係嫩滑嘅，但個鵝肉味唔係好出。整體成餐飯表現都係中上，但係衛生就要多加留意。

同屋企人嚟生日飯，多人食飯嗌小菜真好，可以食多d唔同嘢。燒鵝一定要嗌，好正，老闆話燒鵝係自家爐每日新鮮整，同岀面嗰d真係唔同，塊皮好脆，好香。仲有荔芋卷，美極蝦，火焰蟶子，利星小炒皇，都好食，鑊氣好夠。個撈起都正，主要係個辣汁好味，撈其他嘢都好味。仲有個杏汁豬肺湯呀，真材實料，不過要提前打嚟留。好耐無食過蛋焗魚腸喇，居然喺呢到食到，正。d服務都好好，個個都好nice。屋企人都話好味，之後要再同其他朋友再去

4個女仔約去深水埗搵好嘢食，朋友力推呢間，我一直以為係打邊爐，去到先知原來係食小菜😅 餐廳鋪面唔係好大，但係環境好乾淨，我哋四個人坐圓枱，好闊落，叫多幾碟野食都唔怕🤭招牌芋香卷 ⭐️⭐️⭐️⭐️朋友係為咗芋香卷嚟呢度，不斷推介我地一定要試！大大舊芋頭表面炸到脆卜卜，沾上隨碟嘅酸甜汁，咬落粉粉地但又好香口，鍾意食芋頭一定要試吓👍🏻乾隆生菜包 ⭐️⭐️⭐️⭐️⭐️食法同泰式生菜包一樣，入面嘅肉係豬肉，最驚喜係加入大量蟹籽，食嘅時候脆卜卜，令到口感多咗層次！招牌杏汁墩豬肺 ⭐️⭐️⭐️⭐️電話訂位嘅時候問我地駛唔駛訂豬肺湯，見佢咁力推所以梗係要試吓啦！杏汁味好濃好重，豬肺洗得好乾淨無內臟味，鍾意飲豬肺湯嘅一定唔可以錯過～ 冰梅欖角骨 ⭐️⭐️⭐️⭐️⭐️每次食中餐都會揀一道「骨」，今次揀咗餐廳推薦嘅冰梅欖角骨，話梅味食落好特別，酸酸甜甜好啱送飯，份量唔少但我地都清晒👍🏻 飛天芥蘭煲 ⭐️⭐️⭐️⭐️⭐️芥蘭煲好正呀！好鍾意上枱時嘅沙沙聲，雖然係飛天但絕對唔會太辣，醬汁濃郁，芥蘭亦軟硬適中，五星好評✨椒鹽九肚魚 ⭐️⭐️⭐️喺九肚魚同魷魚之間掙扎咗好耐，最後揀咗九肚魚😁 九肚魚好滑，脆漿唔會太厚，外脆內滑好好食～

3月17日細仔仔及其女友，選擇咗在呢間KOL，肥C9紅姐主埸，請靚媽食生日飯，當晚此店安排一張貼牆細圓枱，給揾食肥華一行四人坐，面對呢個安排，肥華當然不滿，而此店亦容許肥華，另行選擇四人位座，可借揾匀此店楼下舖面，其他四人枱位置，唔喺有泠氣機滴水問題，就喺在坐位旁擺放什物及有蚊滋飛蟲陪客食飯，在咁嘅情況吓，肥華一家衹好接受，開頭不滿意嘅嗰大半張圓枱。食物方面，此店名物， 鐵板火焰聖子王 ，冰梅欖角骨， 招牌麗香卷，都冇令人失望有A+評語，至於個杏汁燉豬肺湯，雖然非常足料，但飲唔到有杏汁味，而且湯頭清淡，要另行加鹽嚟飲，先有味道，呢嗰湯俾嗰B分評級，亦無不可 其他兩味，椒鹽珍珠骨同埋酒醉三俠，都喺味道平平貨色，同獲C級成績。綜觀此店，食物質素及員工待客，服務態度都喺OK，但店内環境則唔會，再吸引到，揾食肥華，再去光顧嘞！

訂位嘅時候已經預訂咗杏汁白費湯，開頭都驚飲唔晒，因為我哋只有六個人，不過原來佢有細size所以就有口福，非常足料，啲湯渣多到嚇死你，又多豬肺，個湯煲得好靚。琵琶豆腐味道都唔錯，個汁落咗落去又唔會令到個豆腐林晒。生炒排骨就正常火星，不過都算大碟嘅。雞蛋焗魚腸聽講係必食嘅，洗得乾淨，冇苦味，魚腸都算多，邪惡啲都值得嘅。等齊人嘅時候侍應哥哥問我哋要唔要預留燒鵝，咁我哋就要咗一份例牌，真係好食喎，皮脆肉滑，而且又唔會好肥。美中不足嘅係原先想食肉絲炒麵，因為呢個聽講又係必食嘅，可惜侍應哥哥話冇晒麵叫我哋改做米粉得唔得，一心諗住係肉絲炒米粉，點知嚟咗碗湯米粉加條菜，呢件事我哋都覺得好搞笑。

依家食市已經食過好多次晚飯, 之前食物好食員工服務態度都好, 但係今次做節第一次帶家人嚟食, 可能唔夠人手疑似老闆親自落場, 就係敗北趕客之作, 一度食飯一度不停聽到佢嗌破喉嚨咁叫好滋擾😏, 同埋你可唔可以對客人禮貌D呢？我哋係嚟消費唔係畀你大聲呼喝😠, 其實其他員工係可以正正常常地運作, 佢一個搞到個氣氛好似打仗咁嘈, 始終係室內唔係大排檔困住啲聲音好刺耳, 反而疑似老闆你把聲令到其他員工更加緊張更加混亂, 希望你留意下否則真係好趕客😏今次食物都保持正常水準, 一心帶家人嚟試, 但係比疑似老闆你嘅服務態度嚇窒佢哋, 唔知以為嚟咗大檔, 你想留住啲員工同食客, 我諗要改善下你嘅態度😑PS: 10大人+ 3小朋友消費差不多$3000, 如果疑似老闆的你要set 最底消費每位$500(包括小朋友, 其實食左甘多次晚飯都未試過甘聽過🥴你嘅位置喺深水埗wor🤦), 麻煩下次訂枱時講聲不要在客人背後竊竊私語好冇禮貌, 如果我要食海鮮我會選擇去西貢或者流浮山食會有更多選擇😌其實其他員工係有禮貌但係你就🤦....你嘅豪邁嘅語氣唔係嗰個識欣賞🤭

老實講，這次嚟到這間食肆，真係一頓開心嘅美食之旅！第一口嗌落去嘅酸辣湯，味道鮮美得滯，湯底夠哂味，辣度啱啱好，微微嘅酸香刺激到味蕾，話你知呢次飯局開始得好！再嘆一啖炸得脆口嘅春卷，入口唔油膩，裡面嘅餡料都新鮮，啖啖肉感，幾得意！我超級鍾意佢嗰份外酥內軟嘅口感。至於臘味炒飯嘅話，每粒米都分晒開，食落去香口得嚟唔覺得膩，好正！當然都少不免要點個甜品，近排好出名嘅豆腐花味道幾好，咀嚼嗰刻真係滑到冇朋友，加埋啲糖水，甜度剛剛好，統統嘅細節都顯示到廚師嘅用心。總而言之，呢度嘅食物質素高，服務態度好，冇得輸啦！大家快啲嚟試試吖！ 👍😉👌

呢間酒家又抵食又好食，碟碟餸都好大碟，而且仲係有裝修唔係up up dup dup嗰D貨式真係無敵嘅飯聚地點。1) 菜乾雞腳豬肺湯呢個湯Book位時已預訂，夠火喉兼夠晒足料，上面呢碟湯渣只係三分之一左右，所以個湯真係好甜，D豬肺洗得好乾淨，我地7個人每人都飲到2碗幾。2) 雞蛋焗魚腸魚腸無乜鯹味又唔苦，感覺都通得幾乾淨，魚腸份量就少咗D所以影響咗個香味。3) 菠蘿咕嚕肉呢味就正正常常，個汁唔會太酸。3) 蒜頭火腩大鱔煲呢個又係好大鍋，熱辣辣，好香，不過D火腩太肥同埋無乜鱔。4) 椒鹽鮮魷唯一好處係夠脆口，魷魚都夠彈性，不過睇個樣就唔似係鮮魷，雪藏貨黎講算煮得唔錯。5) 鐵板煎魚卜呢個夠晒香，不過又係魚卜嘅數量太少。6) 酥炸生蠔唔好睇佢黑黑地，其實炸得好好食，好鬆脆，D蠔都好肥美。7) 肉絲炒麵呢個炒麵真係好有誠意，從未試過個汁同個麵分開上，大廚真高明，我地可以Keep住食到脆卜卜嘅炒麵，好掂。8)桂花糕估唔到有甜品送，呢餐真係食得開心。

家庭飯局初嚐利星没有失望。利星在深水埗站B出口一出便看到，交通算很便利👍一行七人被安排坐樓上一張大枱坐得很舒適。吃整頓飯留意到各位服務員都有笑容，而且反應很快，在今時今日嘅服務行業中算是很難得了。我們點的餸菜中重頭戲就是這裏的鎭店之寶豬肺湯，我們點了大的，結果吃/喝一點不剩！其次也點了：燒鵝小炒王焗魚腸炆魚鳔醉鴨舌豬耳以上菜式都很美味，不過當中有些略為多味精吃後很口渴希望店家可以注意。最後店家還送了魚形的桂花糕，意想不到的好吃。

呢日約咗老朋友食飯，近排成日都去打卡餐廳，反而真正好食嘅就好少，所以特別揀咗呢一間地道小炒，好多款菜式賣相都好吸引，我同朋友合埋眼係咁點係咁點，點到老細走出嚟同我哋講話 ：你哋得兩個，唔好再點啦，食唔曬㗎！🤣🤣打頭陣先食咗一個 火焰蟶子皇，佢係用鐵板上嘅豉椒蟶子皇，然後加咗一啲酒精，喺上面點起烘烘火焰，好夠氣勢，好夠鑊氣，頭盤就叫咗芥末牛柳粒，同埋鴨舌，非常醒胃。主菜方面，叫咗一個百花豆腐，好似孔雀開屏咁，賣相好靚。跟住叫咗一個石鍋莧菜，我本身就唔係太鍾意食莧菜，但係估唔到佢用石鍋煮，再加埋其他配料配菜，味道好吸引。另外又叫咗一個魚腸蒸蛋，記得細個嘅時候，老豆間唔中都有食呢一味 ，但近年就好少食，好有懷舊感覺 ，成餐飯兩個人喺度亂咁嗌都唔使一千蚊，整體嚟講味道都非常之唔錯，老闆又好 Nice，值得推介。