利強記北角雞蛋仔 (已結業)

發現有條很長的人龍在排隊，又有新店嗎?原來是北角雞蛋仔衝出屯門區小妹一向都喜愛雞蛋仔～好喇！一於跟大隊買來試試看．．人龍都有１０多人１底＄１２元，２底就＄２０，買２底似乎抵好多喎～於是乎厚臉皮問後面個阿姨：不如同妳夾份買呀？個姨姨又肯喎．．ＳＯ～本婆仔性格又慳番＄２元．．哈哈～～雞蛋仔等了近２０分鐘終於到我地喇～同阿姨一樣都要了雞蛋仔，新鮮熱辣辣喎大大個好企身，好似好好食咁．．但，原來被騙了！咬落去係好脆好香口但脆得黎好硬，而且是空心．．沒有那種外脆內軟的口感吃到１半時已經沒有興趣再吃下去．．其他地區＄７個都好食過佢不知道其他人帶著熱切等待的心情卻是吃到這樣質素的雞蛋仔是否大叫一句：回水！

知道屯門都開利強記好開心,因為屯門實在無一間食得人嘅雞蛋仔,所以今日lunch決定嚟食雞蛋仔+格餅~~新屎坑通常都特別多人排隊, 預左多人, 但唔算等得好耐, 不過排隊個位好熱, 因為佢有好多部機開緊工,如果你淨係要雞蛋仔就好快,因為出面同入面都整緊雞蛋仔, 所以其實唔駛等好耐,反而格餅就要等緊耐D~~~$20/2底價錢叫做合理啦, 而家稍為唔難食個D都要$10 or $11 一底, 所以可以接受~味道方面,同我以前食利強記真係差好遠, 以前真係覺得好快, 食完都覺得唔夠喉, 而家無個種食完一舊又一舊嘅感覺~~先講雞蛋仔, 佢的確好脆, 唔會林, 但係空心, 乜都無, 我淨係食到脆, 仲可能介損口添, 但無蛋味, 乜味都無......再嚟格餅, 佢加料個速度快到,轉眼間就加完,可想而知佢加幾多料?!?!果然, 我食到好中間先feel到有料喺入面, 但真係好少好少, 駛唔駛咁慳?!?!個皮同雞蛋仔一樣, 用同一個漿整嘅,當然都係無味啦,又係得個脆字, 唔林身囉,so?!?!?!我絕對覺得哩個招牌愈嚟愈唔掂, 請努力改善啦,屯門市祣場租咁貴, 遲D無生意, 好快收檔架咋~~~

上星期岩岩開張, 半價優惠! 雞蛋仔$6,排左30分鐘~完全唔好食lor...係難食~ 我好難相信呢個係北角雞蛋仔 !真係唔值$6,莫講話之後$12~入面空心,勁硬,勁乾~ 後悔x100人生食過最既雞蛋仔~

新張期間, $20兩底雞蛋仔, 男友排隊半個鐘以上才買到, 一底係薄同埋脆, 但空心的, 一底係厚同埋林, 好難食, 好甜, 太重椰子味! 講真, 我寧願食太安樓雞蛋仔... 呢間舖除左賣雞蛋仔仲賣其他野, 咁咪好忙攪到好多人?? 但唔知其他product的味道如何....而且開舖的位置就在人流很多的taste扶梯附近, 多人排隊時商場管理員都要過來guide住d人排隊, 真係慘p.s. 雞蛋仔12:00noon先開始有得賣!