利寶閣 (已結業)

放假同朋友食飯，朋友話想食中菜，不過人少嗌小菜又比較困難，咁啱知道呢一間位於觀塘嘅利寶閣，可以食到豐富嘅中菜放題，一於去試下。晚市唔算好多人，坐得都算舒服。有超過五十多款嘅選擇，涼菜、炸物、小菜、甜品都有，非常豐富。首先梗係要試下呢度嘅重頭戲片皮鴨啦，會有一個師傅會喺出面即切，片皮鴨好新鮮，鴨皮燒得好香脆，肉質鮮嫩， 加埋京蔥同青瓜食，非常好味。至於呢度嘅乳鴿都唔錯 ，香口得嚟都幾大隻，啖啖都係肉，不過就略鹹咗少少。至於燉湯就一定要試下呢盅佛跳牆，採用咗大大隻嘅花膠同元貝，飲落好足料，甜得嚟仲好滋潤。呢個芝士焗龍蝦嘅份量都好大，大大隻龍蝦足足有最有手掌咁大，肉質好彈牙，而且調味剛好， 襯埋伊麵食一流。至於其他小菜都幾好，份量以一位去計算，落單嘅時候可以注意一下，咁就唔使嗌太多，但又可以試到唔同嘅款式。

日式放題食得多，中式真係未試過。假日$258 位~不加埋茶水同服務費就$324. 每人會有一蛊佛跳牆同埋上湯焗虎蝦天使麵（可能加$40轉半邊龍蝦）～其餘任食項目就有5十幾款。✨佛跳牆入邊有鮑魚仔，花膠同元貝。花膠夠晒腍，元貝同個湯都好鮮味。✨出面有片皮鴨可以任拎，片皮鴨食落少少脆啖啖肉。除左包京蔥，青瓜絲，居然仲有哈蜜瓜😍，個餅皮夠晒薄，幾好食encore 左幾次。美國谷飼牛柳就幾軟腍，加埋個醬汁幾惹味，但牛味不算濃。✨上湯焗虎蝦天使麵： 天使麵勁入味，帶d 蒜蓉香，虎蝦大大隻啖啖肉。✨金菇肥牛卷幾好食，金菇軟身多汁牛味濃d, 不過牛味最勁係五香牛𦟌，但筋就多左d 未夠腍。 炸蝦餃估唔到幾好食，個皮薄得黎脆脆地，入面d 蝦肉勁多。 乳鴿不過不失，唔算瘦亦唔會太肥，大胃王食多幾隻都可以番本xD ✨燒味裏面燒腩仔最好食，做到皮脆肉嫩多汁👍🏻。貴妃雞味道都唔錯，如果唔係比個胸位我就更happy. 叉燒都ok, 蜜汁味幾重，不過邊位就硬身d.✨海鮮都幾多款，有清酒蝦，黃金蝦，芝士蝦丸等等，我最鍾意個蟹蓋，入面釀左洋蔥，紅蘿蔔粒，蔥都幾香。 薑蔥蟹雖然細細隻，但食落都有肉同蟹味。✨黑糖馬拉糕幾鬆

呢晚同左屋企人黎食中式放題！！第一次食中式既放題，感覺都幾特別~~平日星期一至四就每位成人$238，另收加一同茶芥，小童半價！當中既片皮鴨同煎牛柳就要排隊自取~~其他菜式同點心小食就剔紙等店員送上，款式都唔少，不論係煎炒、炆、焗、炸既菜肴都有得揀：）自己就特愛當中既鮑汁鳯爪，炆得入味又富膠質=D片皮鴨都相當唔錯，值得encore😊😊😊每位成人仲會有一份佛跳牆同天使麵~~個佛跳牆都燉得幾清甜~~~我哋仲將天使麵upgrade咗做龍蝦天使麵添除左咸食，甜點都有好幾款提供俾食客，而且質素仲幾好添！！！自己就最中意呢個脆麻花伴雪糕配十勝紅豆~~足足encre左兩三次xpp食物份量以人頭計，可以每樣試下同時減少浪費，值得欣賞！！！

今日同屋企人係公司附近飲茶， 見到利寶閣做promote， 1個人都只係$168 任食點心，仲要每人送原隻鮑魚酥及足料花膠灌湯餃😍梗係要去食啦！鮑魚酥鬆化香脆，有牛油香； 鮑魚香氣突出，咬口彈牙。 而灌湯餃湯底好香濃，而餃內有另一款湯， 加上肉餡豐富配上爽脆木耳絲，一款點心百般層次。 放題點心有超多選擇，竟然有我最鐘意既鵪鶉蛋燒賣！真係好好食啊！外表淨白外皮，一咬開見到鵪鶉蛋黃的素黃色，蛋味陣陣飄香，好新鮮呢。 而個燒賣肉底紮實，肉香撲鼻，童叟無欺！一定唔可以錯過既鮑汁鳳爪😋😋非常入味👍🏻好多名人DJ推介既暗然銷魂飯全窗口位可以飽覽成個觀塘街景

同一班大食朋友lunch。今次一於挑戰任食點心。一見到張點心紙。我地班餓底就瘋狂咁落單。好多款點心都可以逐件叫。唔使迫住一定要一籠四件。又或者一籠又唔夠分。自己鐘意食咩就揀咩。爽呀。落完點心。要即蒸嘅關係。先黎嘅係每位都有嘅鮑魚撻同花膠灌湯餃。鮑魚入味。一口撻唔會塞飽你。好嘅開始。打開隻灌湯餃。好飽滿好多餡。有蟹肉鮮蝦香菇豬肉等材料。點心仲蒸緊。一碟碟廚部小食先上。XO醬炒腸粉好惹味。中間嘅炸流心榴槤球非常有驚喜。中間嘅榴槤餡好香又唔會太甜。值得一試。相中依三樣都覺得好好味。酥炸芋荔球夠脆又乾身。金錢肚非常入味微辣。鮑汁鳳爪好焾好夠味。正。食左咁多熱氣同濃味野。有好多款菜比你清清口腔。食到咁上下。即蒸點心到啦。樣樣熱辣辣無得輸啦。好少一次過可以食咁多款點心同熱氣野。原來點心放題都幾爽就算飽。臨尾都食埋馬拉糕做甜品。好鬆軟。唔太甜。

在yahoo 購買 星期五至星期日團購券268元， 另收茶芥17.6元 以及原價加一 48.8元， 合共334.4元一位， 如果不是買團購的話 升級 龍蝦 佛跳牆 則258元再另加40元，同行三個人 大約合共一千元， 最初去到時， 人不算太多 ，片皮鴨不用排隊拎， 但可能放得太久出了很多油冷冰冰， 亦不脆， 之後陸續多少少食客， 片皮鴨便出得很慢， 幾乎 每隻片皮鴨只夠兩位食客分， 因為大家都等 片皮鴨加每枱同行人數 通常也是 一家大細， 牛柳尚算有點牛味但很稔像用了 不少鬆肉粉 的口感， 佛跳牆 材料 並非 如 團購 圖片 般有一整隻鮑魚 ， 只有切粒的 ， 其他點餐紙上的食物質素也很 一般， 只有燒腩仔 是有質素 連叉燒也是 很乾很硬 ，三百幾亦都沒有任飲， 只有紅豆冰， 但飲管卻是幼飲管以及沒有長鐵匙羹， 這點較為不細心， 比較其他酒家， 一千元三個人 已經可以吃得很好， 唯一值得一讚就是員工很有禮貌， 不論部長 樓面 或是傳菜的 員工也很有禮貌

話說親愛的媽媽生日話想食中式就選擇左利寶閣，一心想食蟹好彩早兩日打去確認職員先話蟹已經過左旺季會轉新menu，都唔緊要啦，反正有其他野可以食，入座後見到片皮鴨同牛柳都要自己出去排隊拎，但每次出去都剛剛好被其他人拎完，只好再等，明明任食兩小時，但排隊都佔領左半小時！唯有落單食其他野，點知每樣唔係太咸就太甜，總之冇樣好食，最差係竟然係店內有人食煙，在場附近有3-4檯都話好臭，咁大間酒樓都做到咁，真係請我都唔會再食，貼錢買難受

今天下班跟父母相約外出晚餐，打算找間在家附近的酒樓吃頓飯，因為父母都比較傳統，吃不慣西餐，我們做子女的當然投其所好，所以最後去了家名叫利寶閣的酒樓。餐廳没有很大，裝潢也没有很富麗堂皇，但卻帶點簡約優雅的氣息，一家最正常不過的酒樓，去到才知道他們推出中菜放題，感覺頗特別所以便嚐嚐鮮。放題每人平日大約＄238，包佛跳牆、虎蝦天使麵，每人一份，並可任點大約50種食物，大堂也有其他熟食可任拿，還有北京片皮鴨，最特別是經理會在堂煎美國谷飼牛柳，也是任點的，質素真心不錯，我們也來回點了若干次，入口嫩滑，濃濃的牛香，味道吸引。我們也點了金菇牛柳卷、迷你軟殻蟹蓋、椒鹽脆皮雞翼、脆皮燒腩仔、石岐燒乳鴿，每樣劃了一，以為份量會跟人頭的，怎知道上枱時才知道真的是只有每樣各一件，所以之後加單時也醒目要多少件點多少件。可能當晚比較忙的關係，所以點單後，都需要等若干時間才上枱，並且分開慢慢上，幸好中間等待的時候，可以走出大堂拿片皮鴨及谷飼牛，滿足下胃口。總括來說，除了谷飼牛是超出期望外，其他食物只是意料之中，没有多大驚喜，但以這個價錢我可以任食谷飼牛，父母又可以吃他們喜歡的中菜，還算不錯，不妨一試。

睇到有團購，之前試過尖沙咀間利寶閣，以為都有番咁上下水準，點知原來中伏😑每人一份既龍蝦，水準一般、佛跳牆只有一片硬花膠，勁伏。牛柳同片皮鴨要出一去攞，星期五晚都有廿枱客，但一出新既就被三、四蛇人輪曬。任點既餸水準一般，椒鹽雞翼最伏，炸漿厚到呢⋯⋯燒味、乳鴿就好ok，不過份量少，但都好，吾使嘥野。甜品方面杏仁茶、馬拉糕較好。團購價$268，去到再要俾$48.8加一費同$17.6茶錢，加埋都要$330幾，咁既市道真係吾平😑另外，其實吾使團購就咁walk in都係呢個價，再覺被搵笨😑因為被安排坐個勁風口位，為免吹凍，所以快食，跟住嗰D都無心情影相了😔

啱啱呢個週末嘅下午，得我同媽咪兩個撐枱腳，媽咪想飲茶，但點心一籠都4件啦，兩個人食叫唔得多。咁啱醒起鱷魚恤中心都有間利寶閣呀，可以帶佢試下點心放題，點心可以逐件叫，咁就唔怕食幾籠就飽啦！Weekend果然好多人飲茶！好彩等咗幾個字就有位。放題選擇多，有十幾款點心，特色粉麵飯，煎炸焗點，大排檔小食，腸粉，蔬菜，廚味部小食同甜品，總共超過60款！放題每位成人都送原隻鮑魚酥同花膠灌湯餃！鮑魚肉質彈牙，酥皮鬆化。灌湯餃湯底濃郁清甜，仲有花膠，好足料！呢到都有黑金流沙包，賣相靚，入面嘅奶皇流沙香甜幼滑。蝦餃燒賣皮薄餡靚！酥皮焗叉燒包，叉燒酥十分香口；腸粉亦唔錯，米香十足，有彈性，餡料豐富。炸榴蓮酥外脆內軟，裡面嘅流心榴蓮味道香濃！炒麵份量少少地，都食得出好有鑊氣。其他點心小食水準都好唔錯。甜品選擇都唔少，好彩份量少，就算得兩個人都可以叫多幾款試🥰

同屋企人係利寶閣試佢個點心放題，$168 真係超抵食， 我推介呢幾款點心： 鮑汁鳳爪﹑百花燒賣， 同埋最愛既鮮蝦水晶餃！鮑汁鳳爪唔會瘦猛猛， 食落好厚肉，好似直頭食緊骨膠原咁， 實在係啜腳趾愛好者既首選啊！味道更加要讚好，因為真係超級入味！ 百花燒賣每一粒都大大粒， 一咬落去仲有肉汁添， 食落就知一定係新鮮蒸起先有既效果。 而味道唔好太咸， 反而陣陣肉香撲鼻， 色香味俱全鮮蝦水晶餃外皮香軟，煙煙韌韌， 而入邊既大蝦非常爽脆鮮味，口感層次分明。

最近愛上吃中菜，今晚去了就近的觀塘鱷魚恤中心的「利寶閣」，去到發現這裡也有我最喜愛嘅片皮鴨放題，可以在兩小時內任食，最平只是$278起，奉送一盅極品佛跳牆和上虎蝦天使麵。最重要是京式片皮鴨和美國穀飼牛柳都是任食。京式片皮鴨師傅在場把燒好的燒鴨切片，客人就可以自配搭，煙韌的餅皮用蒸籠載着，而配菜有香蔥、青瓜、哈密瓜等。鴨皮燒得酥脆，肉質夠嫩滑，鴨肉同肥膏比例剛剛好！美國穀飼牛柳牛柳厚身，質地嫩滑，一口咬下，牛油脂香味四溢，對於牛魔王的我來說是必吃的選擇！而其他食物都要入單。即叫即做。這裡的菜單分烹調方法分類：有煎、炒、煮、炸、炆、浸、烤、焗、和甜品。煎：有金菇肥牛卷、芝士年糕、煎釀尖椒。炒：燒香荷葉飯充滿荷葉香氣，不是糯米飯，而飯粒偏濕。煮：上湯淨雲吞、咸菜胡椒豬肚咸菜胡椒豬肚，咸菜不會太鹹，豬肚爽口煙韌。炸：炸物種類也很多，有迷你軟殼蟹蓋、脆皮炸蝦餃、椒鹽脆皮雞翼、避風塘肉蟹、椒鹽蝦等等。迷你軟殼蟹蓋，雖然入口蟹味不重，但口感豐富滑溜，香味四溢。脆皮炸蝦餃，相當脆口，而蝦肉嫩滑爽口。炆：蘿蔔金錢肚浸：五香牛展、瑤池貴妃雞其中貴妃雞肉質相當嫩滑。烤：脆皮燒腩仔、石岐燒乳鴿另外還有清酒浸海

利寶閣新出左晚市放題, 仲有片皮鴨任食, 今晚就夠屋企人黎左官塘分店食。發覺官塘分店環境唔錯, 枱與枱之間有一定空間, 唔會擺到密質質又嘈又迫咁, 所以成晚都坐得好舒服又唔會好嘈坐低就可以即刻落order啦, 晚市任食包左每位一個花膠響螺雞湯, 原隻鮑魚花菇同埋奄仔蟹一隻, 但原來經理話聽日就會將奄仔蟹轉做龍蝦, 今晚奄仔蟹都無貨所以都會轉龍蝦比我地, 我地都覺得好幸運因為都想食龍蝦多過奄仔蟹另外仲有五十幾款菜式甜品任食。交左order之後梗係要向片皮鴨進發啦, 出面會有個自助位, 店員不斷咁片緊隻鴨, 新鮮熱辣源源不絕供應。質素仲好好添, 片皮鴨唔會好肥, 皮脆, 仲要一讚佢既皮, 又薄又香又煙韌估唔到任食都咁有質素原隻鮑魚花菇, 兩者都好厚身又大隻花膠響螺雞湯, 味道唔算話太濃郁, 但都ok唔會太油, 有花膠仔係入面。哇主角黎啦, 依碟龍蝦一上真係好吸睛, 肉好肥美, 煮得岩岩好好彈牙而且好鮮甜, 好少係酒樓可以食到鮮甜既龍蝦肉。荷葉飯細細個, 又幾香喎!燒腩仔肥左d, 但係個皮十分之脆! cha燒肥瘦相間, 好味!炸蝦餃好特別, 中意香口野既朋友必食。另外仲叫左好多款野食, 醉蝦

日式放題 , 自助餐就食得多 , 中式放題都係第一次今日黎到觀塘利寶閣享用 2 小時晚市放題星期一至四 $278 + 茶水 $17.6 + 服務費 $48.8 ,  總共 ~ $345 / 位觀塘分店仲有期間限定京式片皮鴨任食 , 放題有 55 款食物選擇每人限量一份 :花膠響螺雞湯 - 湯料有齊花膠 , 響螺粒同雞件 , 湯偏油 , 味道還可以 原隻鮑魚花菇 - 鮑魚同花菇係冇問題 , 不過個汁好杰 , 1 pat 嘢咁 龍蝦 - 本身中式放題包每人一隻時令奄仔蟹 , 不過店員話今日奄仔蟹唔係好新鮮 , 轉龍蝦畀我哋 , 都幾大隻 , 啖啖肉 , 幾鮮 , 唔錯唔錯 首先講下好食嘅 , 大家要試下 ~金菇牛柳卷 - 卷得好實 , 唔會一咬就散 , 幾有牛味 , 煎得好香上湯淨雲吞 - 入面有成隻蝦 , 唔錯 ! 花雕醉蝦 - 好好食蝦頭嘅尖刺 , 蝦鬚中蝦腳都剪左 , 呢點要讚下 , 蝦肉爽口結實 , 有花雕味 推介 ! 👍流心醉蛋 - 有淡淡嘅酒味 , 流心效果明顯 , 蛋白亦都好嫩 , 無煮過龍香辣蒜香蝦 - 好惹味 !雞蛋豬腳薑 - 豬腳炆得好腍 , 酸甜度都啱啱好 紅豆冰 -

好耐無一家人去酒樓晚飯啦，爸爸話d街坊通報，官塘有中式放題，有片皮鴨、龍蝦🦞、鮑魚食。作為孝順女，就梗係即刻book枱啦～🔆奄仔蟹剛做完promote，而家係送龍蝦，貪心嘅我：好正呀，有伊麵底就好啦！睇真d隻隻都好多肉，d殻扑開哂，好易食，成條龍蝦肉一次過脫殻放入口，好鮮甜多肉，勁正！🔆原隻鮑魚花菇，厚肉！厚肉！厚肉！重要的事要講3次。鮑魚都算大隻，有鮑魚味；靚花菇好香菇味而且好肥大。🔆任食片皮鴨 - 頂級就稱唔上，但就熱熱地即片即上碟即攞走，任食質素算係幾好！♥️一致覺得好味嘅仲有：🔆蜜汁豚肉叉燒 - 極度推介！好食過平時食肆單點嘅叉燒，半肥瘦，表面蜜汁烤得甜蜜仲有少少脆，叫左4轉。♥️以下好味嘅都叫左兩轉：🔆飄香荷葉飯 - 充滿荷葉香氣，飯嘅濕度剛好。🔆脆皮炸蝦餃 - 蝦餃都屬回本野，但重點係好味。未食過炸嘅煮法，又唔錯喎！個皮更香，較平時食嘅蒸餃皮硬，但口感係煙韌d，蝦肉餡料亦都算多。🔆石歧燒乳鴿 - 又係回本野，不過不失之作。勝在熱辣辣，又香又惹味。🔆酸菜魚 - 酸菜同調味都幾好，唔辣，魚肉較厚實，無骨無腥味～🔆香芒布甸 - 我地叫左每人一份，有粒粒芒果肉，布甸有鮮芒果味，凝固度都