利寶閣 (已結業)

$488任食大閘蟹，每人仲享有燉湯，鮑魚花菇一份清蒸大閘蟹鹽油焗大閘蟹 大閘蟹過得去，但都黎得慢，要摧佢哋⋯⋯片皮鴨及其他食物就自己出去拎，不過望到出邊啲嘢食擺得麻麻地，冇乜吸引力自取片皮鴨糯米飯蜂巢糕、薑汁千層糕唔錯薑汁湯圓，麻麻哋其實整體一般般，出面啲嘢食有啲混亂，人手又唔夠，有個女侍應做到黑口黑面⋯⋯

其實我好鍾意食大閘蟹🙈為食仔同埋富貴仔見到呢一個任食大閘蟹就話要食呢個同我慶祝生日😆任食兩個鐘係有時限嘅入座起計出面仲有好多嘢食可以自助有片皮鴨仲有好幾款甜品佢呢個任食套餐就會送一個燉湯同埋鮑魚嗰個燉湯非常好飲另外就係啲大閘蟹雖然細啲，但係味道都好鮮，而且仲有三款俾你揀一個係清蒸一個係鹽焗一個係花雕我三個都試左，個人來講我都係鍾意清蒸多啲同埋佢冇得揀公定乸不過今期我都覺得好似係乸好食啲另外就係其他食物都比較普通片皮鴨都OK糯米飯就麻麻仲有出面有薑汁湯圓雖然薑汁好勁但係個味道就普通兩位朋友仔都話大角咀嗰間好食啲如果488一位，食大閘蟹又需時，要同時間競賽其實應該係食唔番個本😆

到咗一年一季食大閘蟹嘅時候，今朝上班整日嘅心思都放喺食大閘蟹身上，我同友人8點準時到達，職員隨後遞上花菇鮑魚，水準不錯同花膠燉湯，味道有些偏咸，而任食扁皮鴨要排隊出去拎，貨源充足，職員一隻一隻係咁片。花雕大閘蟹大閘蟹沒有限叫，叫幾多泥幾多，食到尾聲先有3-4隻蟹乸今年2人既戰績

我很喜歡吃大閘蟹的 ，每年都會食大閘蟹的，今年朋友介紹我在這食， 我也有上網望過其他食評說這間好味， 結果有點失望。他們送的湯和花姑、 鮑魚都好吃， 自取的 片皮鴨份量也多也好味，夠熱 。其他自取的食物都可以的。唯獨是主角大閘蟹， 我共吃了11隻， 只有兩隻很有大閘蟹的鮮味 ，好味 ; 其餘的大閘蟹肉質比較鬆散，沒有大閘蟹的鮮味， 口感完全不同， 特別其中有兩隻打開後吃時肉質是梅的，聞是有點臭沒有食， 棄掉了。吃的是晚上第二輪 8:05分這時間

上星期，同朋友分兩枱，去吃大閘放題。清蒸大閘蟹: 一般。(熱的，九成的是蟹公)花雕大閘蟹: 都ok嘅。(凍的，九成的又是蟹公)鹽焗大閘蟹: 呢個好食D。(熱的，九成的也是蟹公)湯丸: 成大碗没有任何蓋遮，就咁放出嚟，感覺放了很久的形状。没有蓋著的有些欠缺衛生。薑茶: 夠熱的，可是唔係好夠薑。片皮鴨: 皮不夠脆，味道尚可。湯: 很快没有，就是不見refill。價錢一點也不便宜。整體食物一般般啦。只是食完有些失望吧。

見到利寶閣大閘蟹放題，哇😱仲要兩個鐘任食😋😋😋唔洗問，即Book!呢個餐呢仲有我最愛嘅片皮鴨糯米飯甜品任食😚😚😚隨餐仲送花膠燉湯同鮑魚，好爽啊！除左清蒸大閘蟹，仲有鹽油同埋花雕㗎！我地特別鐘意最好食鹽油大閘蟹，啲膏好多，蟹味濃郁又鮮甜🤤🤤🤤我地仲即興叫左個太雕酒黎飲，送埋華梅㗎！入口香濃，配華梅有啲酸酸甜甜噤，好易入口啊！驅寒一流，食大閘蟹 飲佢啱哂🥰🥰🥰！兩小時任食真係好正啊！鐘意食大閘蟹嘅朋友唔好錯過喇😉😉😉！

朋友介紹今日預約六點到八點去食大閘蟹放題，要prepay 每人4xx (加一另收)味道普通都係志在同朋友聚一聚到差不多最後，男侍應放低左張單比我地賣單(加一服務費, 盛惠2xx)我地都ready 左錢但佢地未有人黎收當我仲拆梗我手上半隻蟹突然有個女侍應問都唔問講都唔講收左我用梗嘅碟，隻碟仲有我未食完嘅蟹超快手收，雖然我知我叫佢唔住但我都立即同佢講我其實未食完打算佢應該有啲唔好意思會同我講句sorry 點知佢一句話「你都賣咗單啦」立刻慶咗並回應「未賣，你地未收喎」之後佢再一句「夠鐘啦，仲有下一場。」之後就走開。即時冇心情再食我手上嘅嘢，放低隻蟹都仲要等個侍應收錢我立刻去清一清雙手同飲啖水等朋友去完厠所我再去厠所洗手再返位坐低睇時間8.07pm原來我由放低隻蟹到我地去左兩Round 厠所過咗大拿拿七分鐘但係個侍應仲未收錢我夠鐘就收碟唔比食，咁我啲錢放咗喺度夠鐘係咪唔洗比？一人五百per head 話多唔多話少都唔少洗唔洗好似趕乞衣咁呀？賣單嗰2xx 嘅加一服務費咁嘅服務真係一蚊都唔值。

朋友話想一試任食大閘蟹，於是團購之下約齊四個人，去擦一餐勁食大閘蟹蟹，看看今晚吃到多少隻。準時8點到，座位差唔多爆滿，坐下第一時間下單叫了一份四人份量大閘蟹。之後見到片皮鴨的人龍超級長，心諗排完都唔洗食大閘蟹蟹，食蟹時間2小時，再要用時間排隊食這一碟少少🤏嘅片皮鴨，是否有點兒那個呢？最後同朋友利用半小時嘅時間所可以成功取走這碟所謂的片皮鴨，最嬲係用嚟包住嘅皮無哂🤬🤬🤬🤬。最後只是真係食鴨片。第一轉的大閘蟹已到，問侍應想再叫攞單，遲遲都無單俾我們，但時間已經用了一個鐘，左追右追之下，下單才成功😤😤😤，總括來說不會再有下次。

請一位朋友吃午市點心放題，吃到最後不知店家是否抱歉，我作為請客主感到選這家臉都丟盡。11:00入座，11:40都未曾見一碟菜。兩個鐘頭放題，到12:30都未上齊菜。所有蒸點都不知為何改成油炸點，都未出單給我，反而質問「上錯不出聲？」一半菜都上錯，如何次次出聲？自己都不知覺離譜？到最後都未上竹卷，杏仁露，蒸叉燒包，蒸蝦餃（只記得這些）。近一半菜上錯，一半乾脆不上菜。另，食完空盤擺滿張檯都不收埋⋯⋯放題就是假，把食客當傻子就是真。拉低香港飲食良心。

老公未試過任食大閘蟹，所以近近地去左觀塘利寶閣，大閘蟹2小時任食，每位$488。任食大閘蟹有3款選擇，清蒸大閘蟹、花雕大閘蟹、鹽油大閘蟹，為左要保持溫度同唔好浪費，每款每次只可以order 1隻！大閘蟹上枱都算快，每隻大概三至四両，平時係屋企都係食開清蒸，所以我同老公就鍾意鹽油焗這款，雖然細細隻，不過蟹膏都唔算少既。除左大閘蟹，每人都有原盅螺頭花膠湯一份、蠔皇8頭鮑魚花菇一份同8年花雕醉蟹一隻添！仲有任食片皮鴨、臘味糯米飯及幾款甜品糖水，見到片鴨姐姐全晚都好忙錄，lee幾樣係自助式，所以要排隊，味道不過不失！我地每人食左8/9隻左右。

好好一個週日諗住同阿媽飲餐茶，點知食物服務通通都係垃圾，如下：- 之前打電話詢問過點心放題$148任食，電話阿姐話請包茶介，而且賣廣告又話有60多款嘢食，結果完全唔係嗰回事。食物種類只有廿來款，買單嗰陣茶介又係另計，完全唔係貨真價實，搵笨柒！-飲茶咁耐，未食過咁難食嘅點心：腸粉凍冰冰、所有豬肉餡嘅東西全部都係肥肉（燒賣、灌湯餃...）難食到你一入口即吐嗰種，基本上一咬落去全部都係油，痴線；叉燒包唔熱裏面啲將一pat嘢，好好地蝦餃整色整水拎去炸 結果變咗四不像；排骨淨係骨同肥咬落無味...冇一樣野係好食🤢-服務態度差，基本上見到你叫都掂行掂過/扮睇唔到，Hea爆，漏單等閑事，反而d傳菜姐姐仲有禮貌。上菜速度極慢，而且又亂又上錯枱，簡直連一間茶餐廳都不如！利寶閣，係我心目中永遠blacklist! 垃圾中嘅垃圾！

有一個收到一個好友呢句Whatsapp「你最多試過一次過食多少隻大閘蟹呢？3隻？5隻？還是20隻？」然後，佢就約我出黎較量一下啦！見哈使自己買大閘蟹，又有人蒸埋，就揀左觀塘呢間利寶闊作為我地既「戰場」啦！這家酒店的任食大閘蟹限時2小時，一個價錢連加一都差不多半千講起大閘蟹，酒樓有3款口款任食客點選，包括：鹽香大閘蟹、清蒸大閘蟹和花雕大閘蟹。每次每人只可以叫一隻，一黎保持大閘蟹夠熱，而且唔浪費食材，都岩既！每隻大閘蟹至少有3兩，蟹膏醬爆、蟹肉嫩滑，唔覺得有死蟹，大啖入口食下去滿口蟹香味呀！好滿足！其實同場仲有提供北京填鴨、糯米飯、薑汁湯圓等等我地就 先來一碗薑汁湯圓打打底，免得大閘蟹太寒呀！然後重點主打任食大閘蟹，其他就無特別食！不過，提一提，每位都有送小鮑魚，細細粒又有咬口，算好味呀！最好飲就係佢碗花膠湯，足料之餘，清甜唔覺太咸，剛剛好！這樣吃起來夠滿足又化算呀！最後，我同朋友們總共食咗25隻… 都唔夠隔離台 d 人勁。。。。好食！值得寫一下食評記錄既！

拜完山四人限聚令下去左呢間任食果點心，本來預佢平平無奇，點知有驚喜！鮑汁鳳爪好淋好入味。咸菜豬肚夠淋又爽口，好有胡椒味。蝦腸皮薄d蝦好大隻。脆皮蝦餃好juicy。貢棗糕熱騰騰。冷氣不太凍，good。不過佢d餐具衛生程度有待改善。同埋無人收野，自己放喺隔離枱。有機會漏，自己點完影低再check

一星期前已訂坐晚上7:30大閘蟹放題，到入座當日中午打電話嚟話6:00-8:00已滿坐，要我地改8:00！ok無問題，我哋7:45到達，登記左，等到8:25都未入得坐，門口迫到企都無位！8:30終於入得，又無水又無筷子，但餸菜不斷送到，搵手食？餐具又污糟！食物係點已無心情理會了....

Restaurant Review📋Food🍽Hairy Crab🦀All-you-can-eat- the resto served both male and female hairy crabs🦀Happy that we could try both- Rich and creamy brown meat- served in 3 kinds of cooking methods, including Steam, Steam with Huadiao Wine and Baked with Salt. All of them were deliciousAmbience💗- Everyone worked so hard to dress the crabs🦀- Traditional Chinese Restaurant, Decoration was bit old-fashioned- Some staff made mistakes a lot, serving Crabs🦀to the wrong tables frequently- Some staff were