利寶閣 (已結業)

第一次去利寶閣飲茶，對呢間酒樓都有D期望，因為都有朋友講話好食。星期天下午一點，來到門口，要等好幾張檯，大約二十分鐘就有位，四個人坐六人檯，幾舒服闊落。叫左多樣點心，一般來說質素平均，都唔錯。而且D點心好熱，全都做到即叫即蒸的效果，實屬難得。我覺得以下點心一定要食：家鄉煎薄餅：唔厚唔薄咁咁好，而且厚度均勻，料唔算多，但味調得好好，有家鄉風味！而且又唔多油，食完再想食多塊。豬腳薑：呢個超好味，首先講個醋，甜甜地，又有中度薑味，唔會辣到我咳，至於蛋呢，D醋既顏色滲透入隻蛋度，變左啡色。豬腳唔油，好tender，D薑又夠老，超好味。腸粉：今次叫左金菇牛肉腸，腸粉好滑，但食唔到牛味，如果下次再黎，可以試第二D。總括來說好滿意，但服務就一般，可以殷勤D。

2009-02-02是日大department在這裡攪了開年lunch，所以係$0廿圍左右，食之餘，都可以同其他人「打個招呼」小籠包 - 無乜湯，肉味不存，竟然比一般的差燒賣 - 亦都無豬肉味咁，唔係好o既燒賣鳳尾餃 - 正常翅 - 同事的一碗竟然可以有"成排翅"，相反我o個碗好似無翅。其他料都足o既生炒骨拚凍鴨胸 - 很奇怪的組合，各自的味道是可以蒜蓉炒蝦 - 連殼的，蝦的質素中等而已，沒有蝦的鮮甜帶子花枝"螃"(唔識寫) - so so，因為食完都無印象豉油雞 - ……不好，又是沒雞味(好像還有一兩樣)紅荳沙 - 為何總是呢一味，唔鍾意笑口棗 - 好鬆軟，是日最正！既然唔駛錢，公平點，ok 算了。但原來真係幾失望

中秋節同屋企人提早食飯,全場爆滿,幾乎每檯都係食這個餐 (六位用$980);上湯開邊焗龍蝦(伊麵底) -- 每人半隻龍蝦,肉都算實,伊麵亦夠味.乳豬大拼盆 -- 一般水準,無乜特別.翡翠花姿帶子 -- 西蘭花煮得幾好味,花枝片及帶子亦很爽.砂窩花膠翅裙煲雞 -- 第一次食翅裙煲有一條條頗長的黃芽白,可惜花膠非常少,亦很細粒.富貴黃金肉 -- 其實係炸煙肉,可惜炸得比較乾身,亦比較硬,至於用嚟夾炸煙肉的包,可能是晚要出太多的關係,上檯時已不熱.清蒸大海斑 -- 蒸得夠熟,可惜欠缺魚味.濃湯雙寶蔬 -- 湯底很甜,菜亦很鮮.脆皮燒汁雞 -- 個皮非常脆,可惜雞肉無味,真係要點燒汁食.甜甜蜜蜜 -- 甜品有紅荳沙,馬蹄露及木瓜雪耳,一人一碗任揀.

朋友生日, 訂左檯八點等到八點三十五先有位都算, 大家本著開開心心食餐好既十位點咗$1,880十二位用嘅龍蝦海鮮餐一開始侍應巳經話龍蝦無哂, 換中蝦得唔得... 上菜次序奇怪, 唔跟先上左個翅後先上應是打頭陣的拼盤, 味道亦不見得好而且俾我地發現其中一味菜有昆蟲在內大家的胃口隨之無哂, 跟經理理論他也沒有歉意, 只是隨隨便便的說換過碟俾你傻架? 我地胃口無哂你換碟都無意思更有一女經理笑說, 無事既, 煮熟左無菌既 事實上十二人份量的菜怎看也不像十二人魚的蒸得很鞋, 很難吃汽水連冰凍的也沒有, 女侍應笑稱這是正常, 難為了食客最後甜品也令人失望, 明明告訴會有杏汁木瓜, 後來卻只給了我們紅豆沙吃到一肚氣!!!你計平返我都無用, 唔會再黎幫襯!!!

一行八人, 訂了7:30 的晚飯. 雖然早到並且人齊, 但係都要企响門口等45分鐘, 直到8:15 才可入座......如果平均一餐飯食2 小時的話, 我們已經虛渡了大半餐晚飯一家大小在罸企!入座後的服務很一般...可以講係"冇", 明顯是不夠人手. 相對價錢, 食物只是應有的水準, 並非特別出色!

水煮牛肉 舒根活絡之前尼左一次食....上次的感覺唔係咁好但係因為佢俾左百多元的禮劵....所以...就尼多次叫左三送 海鮮籃+炸子雞 + 水煮牛肉海鮮籃好唔抵成舊水.....但係超少野....d 料又唔係好鮮好好味帶子好似得兩三舊....花枝又係....仲有佢個底.....原本以為食得....點知...呢d 炸米粉其實係唔食得....因為又硬又淡味....唔得炸子雞....呢個就幾好....其實唔單止炸子雞....就算其他的燒味佢都好好味上次都有叫左幾味...最記得係佢個片皮鴨....都係好好味....皮脆兼香....咸鮮兼備的情況下.....真係幾好....最難得係佢燒得咁好味的情況下....d肉都仲可以keep 到嫩滑...讚再尼的係水煮牛肉混身麻辣..清光滑辣......真係食到噴火其實自己都唔係幾食得辣...不過其實間唔中食下都好好味好似出一身汗就非常舒服....好似做左一場運動咁其實原本想叫水煮魚...但係佢冇魚...唯有牛肉啦~~味道不錯~~讚呢間野....都okok....不過如果計埋價錢...好似貴左dd 咁law

老外呼吸墮連男牛一，揀咗利寶閣，因為友人去過並推介比我。酒樓裝修企理，枱與枱並不貼，有空間感。我地點咗$1,880十二位用嘅龍蝦海鮮餐上湯開邊焗龍〔伊麵底〕< 伊麵份量太少乳豬大拼盆 < 阿綺覺得只有六人份量翡翠花姿帶子 < 不過不失砂鍋花膠翅裙煲雞 < 普普通通富貴黄金肉 < 黄金肉(腩肉)太肥，肥瘦比例7:3清蒸大海班 < 撑握到時間，蒸得啱啱好濃湯雙寶蔬 < 普通焯菜脆皮燒汁雞 < 最好的一道菜，皮脆肉嫩甜甜蜜蜜 < 個木瓜露只有甜味，無乜意思返而另加嘅一碟瑶柱蛋白炒飯($48)就相對好得多，飯夠乾身且香口。須然唔係收開瓶費，但係茶介加一，加幾罐啤酒，夾夾埋埋都要成$2,500蚊，抵唔抵，我就覺得麻麻地抵。

以為下午茶會係優惠時段,點知原來無…有點失望…六個人點左以下食物:帶子菜苗餃—話就話係菜苗餃,但係只有好少菜,反蝦肉就好多,成粒都係,個餃上放左粒帶子,最好味係件帶子,不過個餃好易散;燒賣—乾乾地,不過用蝦肉造,都唔錯;千層馬拉糕—比普通馬拉糕甜好多,因為加左好多層奶皇係中間,一上既時候因為熱就好好食,但係放耐左就失色好多,無咁鬆軟,而且凍左食會覺得過甜;叉燒包—一蘢三個唔係好大,細細個咁,一般質素,好在肉唔肥;蜜汁叉燒膠粉—三條膠粉但係size細,叉燒分佈均勻,OK啦;魷魚—係蒸果隻,唔係果隻,都係OK, 魷魚唔會太靭,亦夠入味,下面舖左好粉絲,連粉絲都好味;欖仁肉崧蛋白炒飯—呢味最好食最抵食,大大碟,分左六碗都未食晒,雖然飯炒得唔算十分乾身,但係好香,有好多蛋白同菜絲,係有少少炒得唔係好均勻,同埋好少少油咁囉,不過又真係好味喎!服務唔算太好呀!因為埋單時,可能侍應們忙緊,係咁等等等等等,等左十幾分鐘都無人找錢俾我地!

(21/6/08)這分店格局舒適,而且有點不解的情意結。和老爺奶奶來到,剛巧下午茶時段。雖然話下午茶,點心一律$13.8,其實點心紙裡,好少點心,多是小食、廚部、腸粉。所以「點心」,我地只點到豉汁鳳爪。鳳爪好企理,不會腍pet pet。小食:什麼肉骨,即係拉油的京都排骨,好香酥、冶味、唔韌。銀芽豉油王炒麵,炒得爽身,爽口,本人而言,我都係鍾意食再熟少少既麵。需時的炸鮮蝦餃@$7,蝦鮮甜不特只,皮脆得來,仍保持蝦餃皮的軟糯口感,果然是招牌菜喎!因為無乜點心選擇,選了的魚湯雲吞,又無,唯有不滿足的賣單。

我幫過好多人做婚禮嘅統籌，今次都幫朋友做婚禮嘅統籌，佢係奧海城利寶閣擺酒，利寶閣嘅服務態度真係差到人有，一肚氣！ 1)負責經理永遠找不到！ 2)叫人做嘢一個推一個！ 3)服務員個個口黑面黑！ 4)入席時，我用咪叫賓客盡快入坐，但只見一堆堆人站著，我去了解一下， 原來唔夠12張椅，我還被個服務員叫我唔好再用個咪叫，可以快就會快！ 5)因為要加蟹拑，同個經理一齊點人數，佢亂咁數， 要我話返俾佢知有邊檯係13人！ 6)上菜玩飛碟 7)有餘餸不是分客人，不禮貌地說，你哋要唔要，唔要收走， 上下一碟餸，客人要自己取！ 8)沒有人加飲品(係任飲) 9)上翅時，有一席倒了客人杯紅酒在檯上，令客人褲同個袋都是紅酒， 只取十多張紙巾，然後繼續分翅，檯面全濕又唔佈檯布，當冇事發生！10)送客是主人家自己行出去，冇人理！一間咁貴收費嘅酒樓，只有這樣的服務，真的不知所謂！

兩個人想黎飲茶食晏兼睇戲, 買左飛之後去等位, 聯邦多人到不得了, 攞左飛得左成20分鐘一個number都無叫過, 見勢色唔對, 行去利寶閣睇睇, 有位唔使等, 即刻入得. 見到有鴨舌即叫, 入味非常, 加埋少少海蜇, 38蚊呢個價錢都ok. 另外食左煎窩貼, 三大隻, 好抵食, 雖則油多左d, 不過肉味好鮮. 仲叫左兩位用嘅雞粥, 好鍾意佢個粥底好甜, d雞係新鮮雞, 不過肥左d. 可能有人會鍾意d新鮮雞油浮面, 我呢睇就ok, 叫我食咪攪. 川味担担麵有好多蔥花同蝦米, 幾香幾濃郁嘅花生味, 不過相對就辣左d. 反而無乜期望嘅香芒鮮蝦筒最好味, 炸得一d都唔油, 芒果好香好甜, d蝦又大隻又爽. very good.

從小到現在吃了不少廣東點心,但未曾令我讚不絕口,這家的點心確實是超水準的製作。1.山竹牛肉(配腐皮):牛肉鮮美,有肉汁,無筋,就連腐皮也是柔軟入味;2.蝦腸:蝦肉彈牙不在話下,最難得的是腸粉的皮身通透,水份足而有口感,不消兩分鐘全吃光;3.芋泥雀巢:雀巢的皮身、芋泥和餡肉三個比例恰到好處,一口咬下去,卻吃足三種層次的味道,香口而不膩;4.肉絲炒麵:料和麵分開上,麵條炸得金黃香脆,除了肉絲,還加韮黃...,千萬別淋上獻汁後即刻食麵,等到麵身盡吸汁味,在半脆不腍的時候吃就一流了。雖然價錢是中上級,吃4款要180元埋單。但我堅持「食」是人生的享受,吃了利寶閣後,我已提不起勁去其他酒樓。

九個人想吃鈑，一圍怕份量太多，吃不完，於是叫了六人龍蝦餐，加一個豬軟骨煲、一客荷葉飯，份量已非常足夠，食物亦相當美味，果然沒有揀錯地方。龍蝦彈牙、依麵不太油，乳豬拼盆樣樣OK。脆皮雞真的很脆。最好味是豬軟骨煲跟三個蒸饅頭，又軟又滑又開胃，蒸石班如能蒸得滑些會更好。

平時這裡飲茶都幾貴,要平啲唯有等兩點半,大中小點一律$13.8,所以叫了:牛肚--很淋,幾夠味.蒜蓉魷魚--非常多,又很鮮.灌湯餃--幾大粒,湯亦不太醎.另外亦叫了炸蝦餃,$6隻,兩隻起,炸得很好,蝦亦很鮮,好食.錦魯炸雲吞--炸雲吞很脆,不油膩,錦魯料亦幾多,魷魚也很鮮,汁亦不會太酸.還叫了兩款甜品:開心小白兔--類似棉花糖,有椰絲面,造成小白兔的型狀,幾得意,也很好味.楊枝甘露--都算幾多料,ok.至於服務方面,都幾好.

feb 11, 08,6人來dinner,叫咗 : 1) 口水雞-完全無辣味,只喺得麻醬味2) 燒腩仔拼海蜇-個皮脆薄,肉同脂肪分佈有緻-不錯3) 橙香骨-ok 4) 素餓-個皮好有層次,外皮幾脆-不俗5) 魚湯魚餃-個餃裡面原來喺d魚膠,唔喺肉碎-味道唔太突出,但湯就幾夠味6) 福建炒飯-炒得幾好味因個獻汁唔會多到令個飯濕晒,d餸亦無切細到睇唔清楚-不過唔記得影相7) 肉絲炒麵-個上枱presentation好有誠意...........絶對唔比碟肉絲汁整腍個炸到脆口嘅糼麵........值得1讚-味道不錯8) 甜品: 杏汁木瓜(送)-味道唔太甜,杏汁就應該唔喺100%生磨..........ok啦-另外友人揀咗紅豆沙,但我無試到- 其中友人以前嚟過,講以前更+好味,宜家差咗d