初麥手作烘焙

營業中

休息中

最近布丁包依然大熱，咁啱經過見到有買芋泥布丁包，又唔駛點排，就買咗店內三款芋泥產品食～✨✨芋泥布丁包（$19）切開中間係流心嘅芋泥，芋泥份量幾足，芋泥味道幾濃，仲有少少芋頭粒粒添～布丁相對上有啲甜，但整體上都唔錯💜如果想買，記得上佢ig 睇update，唔係日日有～✨芋泥布丁蛋糕杯（$25）焦糖布丁、芋泥加海綿蛋糕嘅配搭都幾得，一齊食味道幾和諧～✨芋泥麻薯布丁撻($16)撻比較厚身，芋泥同麻薯比例唔高，成個食其實唔係好感覺到麻薯嘅存在😂😂推介：芋泥布甸包環境：N/A 食物：⭐️⭐️⭐️服務：⭐️⭐️⭐️⭐️性價比：⭐️⭐️⭐️⭐️回頭度：⭐️⭐️⭐️⭐️📍 初麥手作烘焙 (北角)北角英皇道483-497號東寶大廈地舖

布甸包依樣野都紅左一段時間，不過因為油麻地嗰間太多人排隊，每次都夾唔啱時間，同布甸包無緣。近排知道原來港島有間麵包店有得賣，咁啱喺北角食完lunch見差唔多時間，就專程過嚟睇睇。布甸包固定3點半出爐，差唔多鐘數嚟到已經見到有條人龍喺出面排，雖然係假日，但又唔算話好多人排嘅。不過基本上依個鐘數嚟嘅大家全部都係買布甸包，其他產品比較少見到有人買。店內布甸包有分原味同埋香芋，另外仲有布甸葡撻。我今次淨係買左原味($15)，如果芋頭味要$19，見大部分人都係買芋頭，可能比較有特色啲。本身攞到上手以為係熱辣辣，不過點知原來唔係，同想像中有啲出入。因為返到屋企唔係即刻食，所以都要入烤箱叮一叮。叮完食落覺得啲布甸非常順滑，有入口即溶嘅感覺，而且個麵包烤到脆卜卜，texture都幾特別。食得出有焦糖嘅味道，不過個人覺得個布甸偏甜左少少，有啲食唔慣。自己嚟講覺得食過一次就可以，可能依樣野食本身唔係太適合我，有啲甜得滯。

2022-09-16女朋友推介👩🏻‍🌾女友去完銀行入數💵經過初麥手作烘焙🥯見唔算太多人排隊👨‍👩‍👦‍👦又買咗幾個麵包食🍞主打係流心法式布丁包❤️食得多布丁包，依間有特色🥳芋泥布甸包，19蚊個，流心芋泥布丁包，麵包非常煙韌，爆餡芋泥係依個包嘅靈魂，用匙羹潷落去餡料，就有非常香濃芋頭蓉同布丁，兩者口感非常豐富，加上啱啱新鮮出爐，包皮做得好脆，真係做到外脆內軟嘅感覺，超好食👾海鹽朱古力軟心包，7蚊個，外表就普通，內餡有幾多嘅朱古力醬，味道都普通，可以試其他🤣🤣湯種黑芝麻地瓜貝果，16蚊個，貝果外有大量嘅黑芝麻，食落口有重嘅芝麻味，內餡有地瓜蓉，味道一般，可以試其他😂😂菠蘿皮QQ波，5蚊個，菠蘿皮味，個皮焗到好脆，內超軟熟煙韌，值得一試🍍芝士QQ波，5蚊個，芝士皮味，味道偏淡，食唔到芝士味，不過都好煙韌，可以其他味🧀朱古力QQ波，5蚊個，朱古力味，係三個味之中就朱古力係最濃味，口感都係咁煙韌，味道幾好🍫整體唔係每款麵包都好食，經過見唔係太多人排，可以買芋泥布甸包，推介之選，味道好食，價錢又唔貴，不過其他麵包就一般🤣🤗🤗#初麥手作烘焙#芋泥布甸包#海鹽朱古力軟心包#湯種黑芝麻地瓜貝果#菠蘿皮QQ

已經都可以算係北角名物嘅法式布甸包，工作日都已經好多人會排隊，週末更加唔洗講，試過有次3點半放籌，啲人3點就開始排隊。所以想食嘅朋友一定要趁早去呀！每日限量發售。試咗個芋泥佈甸包，用多士爐再烘熱多一次😍焗熱時候已經好香蛋香味道，皮脆，有咬口，中間蛋都幾實正，芋泥都唔錯，加埋我自己覺得幾夾下，不過可能一個人食成個會有少少漏，我覺得兩個人可以share一個嚟食，同我自己本來中意清新味道嘅嘢，所以呢個包對我嚟講偏甜咗少少，但係值得一試。

 首先我要declare一下，小編係最唔鍾意食包！以前係，而家係，食完布丁包都係！😂😂😂同埋我係不好布丁，所以布丁包呢個combination係我唔會追求嘅嘢，不過「初麥」布丁包真係好食，十分欣賞！🤪有日要去北角出job，奈何我呢個九龍人，難得出港島，梗係要搵吓有咩好西！😎雖則北角係美食沙漠🏜️，不過朋友話呢間布甸包好出名，喺北角名物，一定要試喎！咁啱出去嘅時候係3pm，就諗住去碰下運氣，竟然比我買到！😳不過其實都唔係好多人排隊⚠️留意‼️布丁包每人只限買4個，暫時每日只有兩個時段出爐，分別係12:30和15:30，手快有手慢冇。🙊出爐時間可以睇初麥 IG更新：@jakenmebakery原味布丁包（$15）熱辣辣即刻食好正！😳布丁唔係流心跌晒出黎個種，但超滑！不過有一個包我擺到第二日先食，包嘅texture幾煙靭，唔會好腍，布丁好軟滑，食得到蛋香，唔會太甜，之前被迫食過一啖「紅豆烘焙」嘅布丁包，嗯～我覺得「初麥」好食過「紅豆烘焙」 😏，令我重新認識布丁包，我下次去北角都會再買。🤣🐒芋泥布丁包（$19）除咗布丁包，我仲見到好多街坊買布丁撻，所以都唔執輸買咗個嚟試～😂撻皮都幾鬆脆，布丁同樣蛋香

今次介紹呢間麵包舖好適合港島區嘅朋友，北角地鐵站行2至3分鐘就到達！😄今次試食買左芋頭味同原味嘅麵包布甸。原味味道一流唔太甜，芋頭味就唔係太突出！而布甸嘅皮比較軟身，更加容易入口。😋😋大家嚟都仲可以試吓呢間舖頭其他麵包，價錢合理而且用料十足！誠意推介俾大家😍👍🏻

北角開咗間超親民嘅麵包店，佢哋最出名嘅係近呢幾年超級Hit嘅法式布丁包，但佢哋唔係普通嘅布丁包，係好新穎嘅流心芋泥布丁包，非常深受街坊歡迎，仲有價錢都係相當親民，今日我非常慶幸地可以唔使排好耐又試到佢哋嘅新鮮出爐布丁包，我就買咗原味同芋泥比較下，另外都買咗其他款式麵包😆😆 🟣重點推介有最受歡迎嘅流心芋泥布丁包:大大隻「芋」字印係面，超級吸睛，佢既麵包非常煙韌，裡面又非常軟熟，重點係佢既爆餡芋泥，咬落去餡料漏晒出嚟，芋頭非常香濃，除咗芋頭蓉仲有芋頭粒，口感真係非常豐富，再配上滑溜既雞蛋布丁，簡直係雙重滿足🤤🤤🤤口味又特別，性價比又高，都只係❤️$19❤️咋，超親民👏🏻👏🏻，不過佢嘅包裝有待改善，佢哋冇特製嘅盒，都係配咗一個軟膠盒， size都係唔啱，會容易側反，希望下次去會準備好，最後要留意番，每人只係限購嫁咋，留返俾多啲人試吓嘛😉🟡另外我哋都買咗原味嘅法式布甸包嚟比較下，同樣質素相當高，都只係❤️$15件❤️，佢裏面嘅布丁餡料都係非常香滑，幾乎入口即溶，自己偏愛整熱嚟食，餡料會變得更加流心，但千其唔好過熱，因為始終都係麵包，佢會好硬😆😆除咗出名嘅布丁包我哋仲買咗其他包類嚟試，包括有貝果同QQ包

⚠️每日固定兩輪：12:30/3:30第三輪：6:00/6:30⚠️每人限購4個✨3:10到有10個人左右，15分已經排到轉彎，如果3:30先到有機會冇喔-💜 芋泥布丁包 $19👅好味指數：9.8/10🔥重點：值得排❗️ 芋泥正到爆❗️包體煙韌如bagel😍蛋勁香好滑溜芋泥甜度剛好又綿密🥹😭仲有顆粒感🥰第一啖蛋布丁多到湧岀黎😚，食到蛋布丁之後第二啖就會食到蛋+芋泥餡爆多，比例50:50🥰雖然係岩岩岀爐，不過係凍的，我就直接食，怕焗得唔好😂但都覺得好正🥹唔夠喉-🤍法式布丁包 $15👅好味指數：9.8/10🔥重點：同嘉多娜90%似❗️整體上同嘉多娜真係好似，同樣咁岀色唯一我覺得小唔同既係，依間包挖得冇咁深，食到包體會多啲，但內餡味道蛋香基本上一樣。如果唔食芋泥，可以去佐敦嘉多娜買(唔洗排)如果食埋，就一次過買👍🏻-環境：8.5/10服務：8.5/10好味指數：9.8/10回頭率：9/10

布丁包絕對係近期香港人熱捧🔥嘅食物之一，名店嘉多娜我就無辦法排隊去試啦🙈所以一直都未試過布丁包，難得北角開咗呢間初麥，同樣有賣布丁包，仲出埋芋泥味。不過都唔算容易買架，每日只有1230同330兩轉，要較啱時間早15分鐘嚟排隊呀。除咗布丁包之外，呢度嘅其他麵包蛋糕都幾吸引，有同樣新鮮出爐嘅布丁撻、麻糬包、菠蘿皮麻糬波波、麻糬卷蛋等😻選擇豐富。原味布丁包布丁包每人限量買4個，size都偏細，自私食都ok🤣麵包本身屬於煙煙靱靱嘅口感，如果焗熱食就會脆卜卜，自己就比較推薦熱食😗麵包唔會太厚，所以布丁份量都算多，質地滑溜，不過唔算好有蛋香，同埋偏甜咗啲。芋泥布丁包芋泥呢款都幾好食👍🏻皆因餡料入面有40%都係滿滿芋泥，有芋頭香，有綿滑芋泥之餘仲食到芋頭粒粒，加埋布丁好夾，亦都無原味咁甜，比較推薦呢款😋😋人均消費：$20推介指數（10分為滿分）：7.5分

芋泥麵包控一定要bookmark !!! 一早已經bookmark咗呢個芋泥布丁包不過因為北角有啲遠 一直冇試到上星期日去北角 順路去望下~ 3:55成功買到3:30出爐嘅布丁包✨小店仲有原味布丁包 菠蘿麻薯 bagel等等 選擇都多~ -🍮【芋泥布丁包】$19✨大推薦✨！芋泥控 麵包控 甜品控 必買！我晏晝買完番屋企放入雪櫃 夜晚食再焗5mins 焗5mins後個布丁餡會變咗流心🤤 *相係未焗影嘅(唔鐘意太流可以焗短啲!個餡吉士味好香 芋泥好綿密 仲有粒粒口感布丁同芋泥好夾 整體唔會好甜 高質！包底都幾正 焗完好脆😋整體超高質 好好味 性價比都高！個人覺得好食過嘉多利原味🙈 同抹茶味不相伯仲超後悔淨係買咗2個呀😭 應該要買4個🤤-✨推薦指數：9.5/10

聽聞又係要排隊嘅布丁包12:30開賣 諗住趁lunch去碰碰運氣12:15去到 未見有人排隊 就先去附近買午餐就到12:25再返去 就排咗幾個人了不過好快就可以入去買到.今次試咗3款- 法式布到包 $15- 芋泥布丁包 $19- 法式布丁撻 $12雖然有個盒 但拎到返屋企都係裂晒走晒樣🙈味道方面 3款都好甜 尤其係芋泥嗰款好失望呀兩個包嘅外層比較韌 不好咬擺雪櫃 第2日啲芋泥仲好似變酸咗🤢.鍾意甜嘅 經過可以買嚟試吓不過就唔值得排隊買了無下次了

隱世布甸包-初麥手作烘焙Fb:下一站豬欄; IG@Pig7station小仙子同小🐷經開北角，意外發現有一間隱世布甸包😂可能因為當日落雨，都唔使點排隊就買到😗試左2款布甸包同埋布甸蛋撻法式布甸包 $15: 蛋漿好滑，甜度適中芋泥布甸包 $15: 第一次試芋泥😜香滑嘅蛋醬中間夾住芋泥，芋頭控一定要試🤓布甸蛋撻: 大大個🤩曲奇皮好脆，蛋好滑😌凍左焗返黎食都唔錯😚菠蘿皮麻薯$5: 意外發現🤓即刻買來試，麻薯煙靭，不過中間空心😅CP值算較銅鑼灣嗰間高，價錢抵食lo😂Overall都唔錯，芋泥布甸包同布甸蛋撻有驚喜😌睇住出爐時間，早少少嚟啦😉都好多人排隊㗎小仙子同小🐷都試過好多間布甸包，有興趣可以睇返之前d post😚

唔知大家呢排有無留意中環有個芋泥節呢，佢每2-3日就會有4-5檔唔同嘅ig shop會係到賣有關芋泥嘅甜品😋今次呢間係我star左好耐想試但一直都買唔到嘅店，今次見佢竟然有join pop up，立刻去買翻幾個同肥🦥食🦥-🤤🍞芋泥布丁包($19)唔知大家有無留意布丁包呢，今年開始嘉多里嘅布丁包比人訪問過之後就出晒名。結果依家每次都要排30分鐘up先有可能買到一個😂 (P.S 小編都曾經排45分鐘去買) 跟住就不停有唔同嘅麵包店都推出自己version嘅布丁麵包。今次呢個配上芋泥就夠曬特別，因為普遍嘅都只會係味道上嘅變化，好少會揀係包嘅中心加食材。所以加上芋泥後出奇地夾‼️布丁同芋泥都軟冧冧，唯一係布丁味道較濃同甜，所以會有少少搶芋泥嘅味。但2者都係相輔相成🥰 即使我下就買到夜晚先食，切開仲有流質嘅感覺，我覺得係幾特別嘅😆-P.S Pop-up只係會擺2-3日，所以初麥今次只會係8-10號係呢個芋泥節‼️如果黎唔到大家就要去翻佢地本店啦-

在古早味蛋糕的熱潮過後，近年來布丁包突然很受歡迎，在短短數個月已有不少新開的烘焙店火速冒起，熱賣產品都離不開是布甸和麵包的配搭。某個下雨天剛好路過初麥手作烘焙，發現竟然不用排隊就能買到布丁包⁉️‼️二話不說便立即買了四個布丁包回家試一下😋 芋泥布丁包 $19➡️ 烘熱後入口外脆內嫩，布丁有著香濃的奶味和蛋香，再配合芋泥和芋頭粒，提升了口感和層次感，吃後有滿滿的幸福感☺️ 個人並不嗜甜，所以認為這個略甜了一點，但家人都認為甜度適中。法式布丁包 $15 ➡️ 經典的布丁包也很好吃，真心認為麵包和布丁是一個不會錯的配搭，難怪這麼受歡迎啊🤩💬 性價比超高，午後吃過整個布丁包晚飯也吃不下，建議預留quota或跟家人/朋友分享。

一直都因為人龍太長無緣食嘉多娜，這間因為在公司附近而且排隊等出爐的人不多就試吓，布甸麵包非常滑及流心，但實在太太太甜，麵包我們回家後因為焗爐返熱所以有脆口感不錯，另外也試食了布甸撻，呢個布甸心就好，不甜很滑，但個曲奇皮牛油很重比較膩，如果撻的餡配上法式脆包就完美了。