初心 (珍珠樓) (已結業)

話說我第一次食呢間餐廳係同我男朋友個日經過望到呢間餐廳招牌同外圍特別同吸引，所以就入左去試食入到去坐低嘅環境都舒服原來呢間餐廳新開張唔係好耐，呢間餐廳係疫情中開鋪，真係要比個叻字，其實個時好想同呢間餐廳個老闆講聲加油呀，但唔夠膽😂所以唯有係到打食評，表達心意同支持☺️因為食物味道同餐牌嘅價錢比較真係滿意接受，份量又多，一個字正👍🏻員工服務都細心，仲要同我講原來平日黎食係有午餐和下午餐食美中不足係走個時先發現原來呢餐廳有個小花園係可以入去影相打卡😭所以下次同男朋友一定要再黎，再試埋呢間餐廳其他食物

元朗西餐其實好多，但好多都係名過於實。但今次去依間叫Beginning既西餐廳，環境同食物都未算好高級，但每個食物及飲品都感覺到係用心去做。今日食左個假日午餐同主餐牌。食左個鰻魚蛋白炒飯$78真係好鬼平，又好香鰻魚味，超正呀最重要係有我最鍾意嘅All day Breakfast心情超級靚！份量也好吸引外觀及味道上都不錯👍🏻餐廳的即磨咖啡都可以一試下次繼續會幫襯💪🏻疫情中仍然開張的，希望能夠努力走過難關。加油

同2個朋友去要分台坐 , 但都唔緊要。 叫左個set lunch 試下～～個意粉口感唔錯好怕食淋意粉 呢個係唔會既😉個牛都幾正中午去 人就唔多 靜靜地 所以環境新淨舒服既 .....

今年聖誕無得岀街食，就訂左到會在家同屋企人食，有日行街見到呢間新餐廳，有聖誕到會就試下啦！估唔到好有水準，泡菜豚肉炒飯好味，用日本米好特別。小食拼盤都唔錯！軟殼🦀好正，最重要爸媽都話正😂，其他小食都好好味，真係估唔到！唯一唔好就係外賣，炸小食即食應該更好吧。但我最愛都係羊架，因為我太快手，無影到相😅 食牛同羊最怕咬唔開，呢度廚師手勢👍，肉質好冧，味道唔會過咸，相信堂食應該更正。希望疫情快啲過，可以一家人岀去食🎄

幾個有熱誠既年輕人喺元朗新開既西式餐廳特別推介牛油果意粉伴香煎刺身帶子($108)個帶子燒得岩岩好! 煎到香口得黎又食到鮮嫩既感覺! 同清新既牛油果汁好夾，平衡到油膩感。好好味極度推介另外青咖喱軟殼蟹意粉（$118）都唔錯..份量充料，軟殼蟹炸得岩岩好脆。個汁都幾開胃!餐廳有戶外空間放上藤椅打卡位，鋪滿花花同草地。睇得出好有心機佈置，用餐環境亦都好舒服。位置都幾方便，近元朗西鐵站B出口。食物質素好高水準，大家可以抽時間試下

12月7日，我同老婆去咗一間新開嘅西餐廳食飯，店名叫：初心 beginning ，估唔到有意外驚喜！入到餐廳，職員細心講解餐牌。地方唔係好大，但裝修風格很文青，仲要有花園打卡位。經職員介紹後推薦試食波士頓龍蝦蘑菇黑松露燴飯及美國特級牛柳，之後老婆再點一個特色小吃燒魷魚筒。點完餐之後去咗佢後面個花園仔打卡影完一陣相，之後入返去一陣就有嘢食啦食物方面：波士頓龍蝦起肉上，可以放返出嚟睇得出係成隻，分量足夠，個飯燴得好香，又唔會太淋，食到粒粒分明，高CP! 牛柳方面，order 7成熟 ，中間切開粉紅色煎到啱啱好，亦充滿肉汁，再加上佢哋提供嘅黑椒汁，惹味十足！薯條睇得出係新鮮炸好不是返炸睇得出呢間餐廳係食有質素嘅食物！而唔係求其食個快餐。值得一讚環境方面：我個人覺得好似入咗畫廊一樣，文青風打卡呃like不錯服務方面：職員有禮，耐心推介食物，更會主動幫忙影相打卡總括嚟講，呢間餐廳值得我打咁大篇文推介俾大家！希望呢間餐廳保持水準，喺疫市下繼續加油！