初嘗夏沫 (已結業)

途中經過見到個menu好吸引 又有好多唔同款 選擇困難症又出現！ 平日店舖都唔需要等好耐就有位！【美女與野獸】$88個名改得好吸引！ 其實原來係阿華田朱古力脆脆～見到啲相都好靚！ 打卡一流！不過一路打卡已經開始溶化 遲多少少已經塌塌地～ 梳乎厘嘅質地實過頭 無乜空氣感～ 無乜味道 有少少可惜！【吞拿魚沙律牛角窩夫】$58食完甜食再食鹹食 好perfect! 本身就好中意牛角包 再做成窩夫真係好正～ 呑拿魚沙律份量勁多！ 食完都勁飽…查看更多

西貢，可以說是小妹近年的第二個家。好友C的無敵背山面海村屋，一年三百六十五天，為小妹打開了歡迎的大門！寒冬的這天，難得太陽露出面來。趁著藍天白雲，小妹又去包吃包住的免費staycation了！適逢友人中午外出，小妹下小巴後，一個人蹓躂至福民路，心儀已久的白色小店 - 初嘗夏沫。平日的中午，西貢遊人不多。小店，主打甜品，中午時段，更顯得格外寧靜休閒。除了女店員，只有小妹了！隨心所欲地打卡後，坐在面向大街的座位上，邊呆望綠樹藍天白雲，邊聆聽輕快的音樂，邊嘆著手中那杯既冬甜蜜帶芬芳且暖笠笠的桂花蜜$38。想像，自己置身異國的一隅。無花果黑醋煙三文魚牛角窩夫$88，即叫即製，油潤鹹鮮的煙三文魚，配以無花果和牛角窩夫同吃，伴以酸香開胃的黑醋，頗為美味的。壓軸，來一客原味梳乎厘班戟$78作結。梳乎厘班戟蛋香撲鼻而來，口感鬆軟，伴以幼滑忌廉同吃，算是不錯的！只是，由於人手問題，小店全用即棄餐具，略感美中不足也！…查看更多

梳乎厘班戟—初嘗夏沫最近西貢開左好多特色小店，有日系咖啡室、有日系甜品店，有特色曲奇小店，將西貢打造成一個專食海鮮以外的地方，當中有一家要特別介紹一下。講開班戟，好多人都喜歡日本過江龍之一的幸福班戟，但其實西頁呢間小店的班戟，都好好味架，大家去開西貢可以試下。佢地口味選擇幾多，例如伯爵茶、玫瑰、抹茶等等，環境走日系簡約風，感覺頗舒服，只要follow佢哋社交平台、送是日口味雪糕一球。今次雲遊大思叫左自己最鐘意食TIRAMISU口味。提拉米蘇梳乎厘班戟每份有兩件、用紙盒裝住有啲似漢堡包，如果堂食碗碟上會美觀，不過雲遊大思都明白，店內由２位店員主理，又要落單，又要洗碗，工作量應該有點大，所以紙盒上都算係佢的特色既！班戟賣相幾靚仔、夠厚身有兩份，質感Q彈充滿蛋香、甜度啱啱好，好香蛋味，呢樣唔係間間班戟都做到既。內裏口感似好軟熟嘅蒸蛋糕、空氣感尚可！TIRAMISU醬係淋係班戟上面，令外型更吸引，不過如果啲醬可以多返少少就更好。另外，雲遊大思係好鐘意食TIRAMISU的，對於呢個TIRAMISU醬的要求都有啲高，雖然味道尚算OK，但如果咖啡香味重啲就會更佳。初嘗夏沫地址：西貢西貢福民路58-72號高富樓地下4號鋪整體評分：7.5分雲遊大思列為屬「可考慮回頭級別」。#cloudtourmaster #hkfoodies #hkig #hkfoodlover #hkfoodblogger #hkfoodblog #hkfood #hkeat #foodiehk #foodiegram #foodlovers #foodiegraphy #foodstagrams #hkfoodporn #hkfoodblogger #hkfoodblog #foodie #hkfoodie # 初嘗夏沫 #香港美食 #美食推薦 #西貢美食 ＠bubbles_bubbles_sk…查看更多

西貢雖然好多嘢食，但係一路都冇Pancake 店，依家終於等到喇，仲設計得好日係feel，感覺好舒服😌好似去咗日本旅行咁樣。裏邊除咗pancake之外，仲有唔同特別嘅特飲，仲有牛角包🥐算係小小嘅店舖，但都多選擇。我哋嗌咗個原味pancake，都算鬆軟同埋擺入口好似一陣風咁樣，佢用嘅生果都係新鮮嘅，加上個cream啱啱好，唔會太多，亦都唔會太少。仲有個華田翠翠都唔會太甜，華田濃郁，裏邊仲有啲脆脆粒粒，口感非常好👍🏻…查看更多

喺西貢新開嘅甜品店，有waffle同梳乎里pancake等食物，weekdays的晚上都有營業，但始終喺西貢，幫襯嘅人真係唔算多。叫咗一個士多啤梨醬嘅waffle($63)，配一球雪糕揀咗朱古力味，另外叫咗個抹茶紅豆的梳乎里pancake($88)。Waffle同pancake都係即叫即整，所以要等一陣，不過其實都唔使好耐時間，十五分鐘左右都有得食。Waffle整得幾脆口，士多啤梨醬都係嗰種味道，唔會太甜，但我就唔鍾意嗰球朱古力味雪糕，係嗰種我唔鍾意嘅奶味，似雀巢嗰隻朱古力味雪糕呢，唔識講。至於梳乎里pancake，我覺得個pancake嘅質地爭咁啲，feel到食遲少少應該會塌，抹茶忌廉的抹茶味唔算重，紅豆蓉似即食嗰種，整體上係OK嘅，但無特別覺得好好食。…查看更多